🕊14 кастрычніка палітзняволенаму праваабаронцу Валянціну Стэфановічу споўніцца 50 гадоў. Павіншуйце яго са святам!

Валянцін Стэфановіч — сябра Рады «Вясны», віцэ-прэзідэнт Міжнароднай федэрацыі за правы чалавека (FIDH). З’яўляецца адным з вядомых экспертаў і аналітыкаў у сферы правоў чалавека, выступае за недыскрымінацыю і супраць смяротнага пакарання. За кратамі Валянціна ўтрымліваюць ужо 15 месяцаў.

Ён быў затрыманы 14 ліпеня 2021 года і абвінавачваецца ў кантрабандзе паводле ч. 4 арт. 228 КК і фінансаванні групавых дзеяннях, якія груба парушаюць грамадскі парадак, паводле ч. 2 арт. 342 КК. Яму пагражае да 12 гадоў зняволення.

Як павіншаваць Валянціна:
🔹Зрабіць грашовы перавод;
🔹Даслаць пасылку з рознымі прыемнымі дробязямі;
🔹Падтрымаць тэлеграмамі і заказнымі лістамі.

💌Адрас для віншаванняў: СІЗА-1, 220030, Мінск, Валадарскага, 2, Валянцін Канстанцінавіч Стэфановіч
💻 Напісаць анлайн 👉 bit.ly/3PIOcjz

❗️"Я нават не ведаю спыніў ён галадоўку ці не", — маці палітвязня Ігара Аліневіча, які пачаў галадоўку тры тыдні таму

Актывіста анархічнага руху Ігара Аліневіча 24 верасня змясцілі ў штрыфны ізалятар. 19 верасня Ігар абвесціў галадоўку. Пры гэтым двакату ўжо тройчы адмовілі ў спатканні з палітвязнем. Пра гэта паведаміла маці Ігара:

"Сітуацыя з Ігарам вельмі насцярожвае. Адваката ўжо трэці раз не дапускаюць у жодзінскую турму. Адміністрацыя матывуе свае дзеянні тым, што ад Ігара няма заявы на кожную сустрэчу з адвакатам. Мяркуючы па тым, што ад яго няма і лістоў, прыходжу да высновы, што знаходжанне ў штрафным ізалятары падоўжылі.

Хто не ў курсе, то ў штрафным ізалятары не даюць ні толькі пасцельнай бялізны, але і паперы з ручкай-алоўкам, то бок напісаць заяву няма магчымасці. Я нават не ведаю спыніў ён галадоўку ці не."

💌Падтрымайце Ігара лістамі салідарнасці, тэлеграмамі і паштоўкамі: Турма № 8, 222163, г. Жодзіна, вул. Савецкая, 22А, Ігару Уладзіміравічу Аліневічу
💻Напісаць анлайн 👉 bit.ly/3PIOcjz

📍Палітвязня Генадзя Смірнова ў шклоўскай калоніі змяшчалі ў ШІЗА

Па інфармацыі праваабаронцаў, палітзняволенага Генадзя Смірнова адміністрацыя шклоўскай калоніі нядаўна закідвала ў штрафны ізалятар агулам на 11 сутак. Раней палітвязня ўжо змяшчалі ў ШІЗА — у баранавіцкім СІЗА на 17 сутак.

Нагадаем, у судзе Ляхавіцкага раёна 27 кастрычніка 2021 года вынеслі прысуд бацьку і сыну Генадзю і Вячаславу Смірновым, якіх абвінавацілі ў абразе Лукашэнкі (ч. 1 арт. 368 Крымінальнага кодэкса), а Генадзя — яшчэ і ў супраціве супрацоўніку органаў унутраных спраў (ч. 2 арт. 363 Крымінальнага кодекса). У выніку Генадзя асудзілі да 2,5 гадоў калоніі, а Вячаслава — да 2 гадоў «хіміі».

💌Падтрымаць Генадзя: ПК № 17, 213004, г. Шклоў, вул. 1-я Заводская, 8, Генадзь Смірноў 
💌Падтрымаць Вячаслава: Папраўчая ўстанова адкрытага тыпу № 55, 220021, г. Мінск, вул. Сацыялістычная, 7, Вячаслаў Генадзевіч Смірноў 
💻Напісаць анлайн

‼️У праваабаронцы "Вясны" Уладзя Лабковіча за кратамі працягваецца псавацца здароўе

Палітзняволены каардынтар кампаніі "Праваабаронцы за свабодныя выбары" Уладзімір Лабковіч, які ўжо год і тры месяцы ўтрымліваецца за кратамі ў СІЗА-1, даслаў вестачку на волю. Ён распавядае, што ў яго па-ранейшаму псуецца здароўе:

"Здароўе ў мяне, канешне, у гэтых умовах стала хутка сапсавацца. Я наогул здзіўляюся, што так доўга яно пратрымалася. Цяпер дзікая слабасць. Стараюся ляжаць, каб быць фізічна ў норме. Зрок проста сапсаваўся, але добра, што не робіцца горш. Вельмі мала стаў чытаць".

💌 Падтрымайце Уладзя лістамі, пасылкамі і грашовымі пераводамі:
СІЗА-1. 220030, г. Мінск, вул. Валадарскага, 2
Уладзіміру Мікалаевічу Лабковічу
💻Напісаць анлайн
💳Падтрымаць «Вясну» на Patreon

❗️Асуджаная да 15 гадоў калоніі Марфа Рабкова падала апеляцыю на прысуд

Палітзняволеная каардынатарка Валанцёрскай службы "Вясны" Марфа Рабкова падала апеляцыйную скаргу на прысуд. Пра гэта яна распавяла ў вестачцы на волю.

"У мяне ўсё ў парадку, займаю сябе рознымі клопатамі, таму час бяжыць адносна хутка. Пачала вывучаць ангельскую мову і апынулася, што ўсё ў мяне не так уж і дрэнна. Падала апеляцыю, напісала адно дапаўненне да яе і на днях збіраюся пісаць другое. Пасля азнаямлення з аўдыёверсіяй пасяджэння буду пісаць трэцяе дапаўненне".

Таксама Марфа піша, што са здароўем у яе усё нядрэнна. Перадае ўсім прывітанні.

💌Падтрымайце Марфу лістамі салідарнасці, пасылкамі, грашовым пераводам па адрасе: СІЗА-1, 220030, г. Мінск, вул. Валадарскага, 2, Марыі Аляксандраўне Рабковай
💻Напісаць анлайн
💳Падтрымаць «Вясну» на Patreon

📍Палітвязень Уладзімір Сушко выйшаў на волю

Жыхар Жлобіна Уладзімір Сушко 3 верасня выйшаў з магілёўскай калоніі, цалкам адбыўшы тэрмін.

Нагадаем, суд Жлобінскага раёна асудзіў Уладзіміра на два гады «хіміі» за каментар пра міліцыянта ў тэлеграм-канале. Мужчыну прызналі вінаватым па арт. 369 Крымінальнага кодэксу (Абраза прадстаўніка ўлады). З трэцяга сакавіка 2021 года адбываў тэрмін ў гродзенскай папраўчай установе № 24. Але потым палітвязню ўзмацнілі пакаранне і перавялі яго ў калонію.

❤️"Атрымаць ліст — як глыток паветра са свабоды", — актывіст Андрусь Асмалоўскі

Сябра Аб’яднанай грамадзянскай партыі быў затрыманы 27 ліпеня. Яму інкрымінаваны арт. 342 КК (актыўны удзел у групавых дзеяннях, якія груба парушаюць грамадскі парадак). Нядаўна ён даслаў вестачку з-за кратаў, у якой распавёў, што ў яго ўсё добра, шмат чытае. Таксама ён напісаў, чаму важна пісаць палітвязням:

"Кожны дзень хвалюючы момант, калі ў камеры раздаюцца лісты і спадзяешся, што адзін з іх табе… Атрымаць ліст — як глыток паветра са свабоды, здаецца — дзень мінуў не дарма.

Тут я да канца лістападу, далей суд і невызначанасць, што пасля…"

💌Падтымайце Андруся тэлеграмамі, пасылкамі і грашовымі пераводамі: СІЗА-1, 220030, г. Мінск, вул. Валадарскага, 2, Андрусь Сяргеевіч Асмалоўскі 
💻 Напісаць анлайн 👉 bit.ly/3PIOcjz

🔺Як падтрымліваць палітзняволеных

🕊Падтрымайце шасцярых праваабаронцаў «Вясны»

Шасцярых нашых калегаў і каляжанак да гэтага часу працягваюць утрымліваць у месцах зняволення за іх прынцыповую пазіцыю і нязгоду з дзеяннямі ўладаў. Гэта старшыня Алесь Бяляцкі, ягоны намеснік Валянцін Стэфановіч, юрыст Уладзімір Лабковіч, каардынатарка Валанцёрскай службы Марфа Рабкова, кіраўнік Гомельскай філіі Леанід Судаленка і валанцёр Андрэй Чапюк. Апошнім часам ад іх амаль не даходзяць вестачкі на волю.

✊Мы заклікаем вас падтрымаць вясноўцаў любым магчымым спосабам, каб не пакідаць іх сам-насам з рэпрэсіямі. Што можна зрабіць:

🔹Лісты салідарнасці – наймацнейшая падтрымка звонку. Падпісвайце паштоўкі, пішыце лісты і дасылайце словы падтрымкі. Даслаць лісты можна праз звычайную пошту, а таксама праз электронныя сэрвісы: Майстэрню паштовак салідарнасці і письмо.бел.

🔹Дашліце пасылку ці бандэрольку з рознымі смачняшкамі і прыемнымі дробязямі. Гэта вялікая дапамога сем’ям вязняў і добрая падтрымка саміх зняволеных, асабліва ў святы. Калі ласка, не трэба адносіць палітвязням перадачы без узгаднення са сваякамі, бо ў СІЗА ўстаноўлены ліміт на перадачы па вазе – 30 кг на месяц. Пры гэтым пасылкі маюць абмежаванні толькі ад пошты – ў адной пасылцы можна адсылаць рэчаў да 50 кг за раз. Але даслаць цяпер можна ўсім вясноўцам акрамя Леаніда.

🔹Можаце зрабіць грашовыя пераводы нашым калегам і каляжанкам у СІЗА-1, каб яны змаглі сабе набыць, напрыклад, маркі, канверты і паштоўкі, каб адказаць на лісты салідарнасці і таксама павіншаваць сваіх блізкіх са святамі.

🔹Падпішыце петыцыю за вызваленне вясноўцаў.

🔹Напішыце адкрыты ліст вясноўцам і адпраў яго на пошту freeviasna@gmail.com альбо ў тэлеграм @spring96info, і мы перададзім яго праваабаронцам, а некаторыя – апублікуем на сайце і ў сацсетках.

💌Падтрымаць праваабаронцаў можна па адрасах:
— СІЗА-1, 220030, г. Мінск, вул. Валадарскага, 2 (Аляксандр Віктаравіч Бяляцкі, Валянцін Канстанцінавіч Стэфановіч, Уладзімір Мікалаевіч Лабковіч, Андрэй Сяргеевіч Чапюк, Марыя Аляксандраўна Рабкова)
— ПК №3, 211322, Віцебская вобласць, г.п. Віцьба (Леанід Леанідавіч Судаленка)

Больш навінаў пра вясноўцаў – на сайце freeviasna.org
Храналогія пераследу "Вясны" 👉bit.ly/3dCZgxc
💳Падтрымаць «Вясну» на Patreon

📍Гомельскага валанцёра Іллю Міронава пачнуць судзіць 24 кастрычніка

Палітзняволенага валанцёра з Гомеля Іллю Міронава затрымалі 30 верасня 2021 года. Яму інкрымінуюць арт. 369-1 КК— дыскрэдытацыя Беларусі. Ініцыятыва Іллі "Пішыце лісты" была ў ліку прэтэндэнтаў на перамогу ў Нацыянальнай прэміі за дасягненні ў галіне правоў чалавека ў намінацыі «Кампанія/ініцыятыва года-2021». Вядома, што за кратамі ў палітвязня пачаліся сур’ёзныя праблемы са здароўем.

Справу палітвязня будуць разглядаць 24 кастрычніка ў судзе Савецкага раёна Гомеля. Працэс будзе весці суддзя Аляксандр Мохараў.

💌Падтрымайце Іллю грашовымі пераводамі, бандэролькамі і тэлеграмамі: СІЗА-3. 246003, г. Гомель, вул. Кніжная, 1А, Ілля Уладзіміравіч Міронаў
💻Напісаць анлайн

❗️Адміністрацыя віцебскай калоніі "забараніла" публікаваць лісты Максіма Знака.

Сваякамі палітвязня Максіма Знака быў створаны тг-канал "Неверагодныя лісты". У ім публікаваліся вершы, разважанні і апавяданні з лістоў Максіма цягам некалькі месяцаў. Але ўчора ў канале з'явіўся пост пра тое, што публікацыя лістоў спыняецца. Прычына — пасты ў канале не падабаюцца адміністрацыі віцебскай калоніі № 3.

Нагадаем, палітзняволеных Максіма Знака і Марыю Калеснікаву абвінавачвалі ў спробе захопу ўлады, публічных закліках да дзеянняў, скіраваных на прычыненне шкоды нацыянальнай бяспецы, і стварэнні экстрэмісцкага фарміравання. 6 верасня суддзя Сяргей Епіхаў асудзіў Знака да 10 гадоў калоніі.

💌 Заклікаем вас падтрымаць Максіма лістамі салідарнасці, тэлеграмамі і паштоўкамі: ПК № 3, 211322, Віцебская вобласць, г.п. Віцьба, Максіму Аляксандравічу Знаку
💻Напісаць анлайн

📍Уладзіміра Мацкевіча этапавалі ў шклоўскую калонію

Палітзняволенага філосафа і метадолага Уладзіміра Мацкевіча абвінавацілі па трох артыкулах Крымінальнага кодэкса: ч.1 арт. 342 КК (актыўны ўдзел у групавых дзеяннях, якія груба парушаюць грамадскі парадак) за «Марш Народнага Ультыматума» 25 кастрычніка, ч. 1 арт. 361-1 (стварэнне экстрэмісцкага фармавання) за платформу «Сход», а таксама па ч.1 арт. 368 (абраза Лукашэнкі) за відэазапіс на YouTube-канале.

За кратамі філосафа ўтрымліваюць ужо амаль 14 месяцаў. Разгляд справы Уладзіміра пачаўся 9 чэрвеня 2022 г. у Мінскім абласным судзе ў закрытым рэжыме. 23 чэрвеня яго прызналі вінаватым і асудзілі да пяці гадоў зняволення ў калоніі ўзмоцненага рэжыму.

Стала вядома, што Мацкевіча этапавалі ў папраўчую калонію № 17.

💌Новы адрас: ПК № 17, 213004, г. Шклоў, вул. 1-я Заводская, 8, Уладзімір Уладзіміравіч Мацкевіч
💻Напісаць анлайн

📍Палітвязня Арцёма Анішчука перавялі ў бабруйскую калонію

У судзе Ленінскага раёна Магілёва 22 ліпеня Арцёма Анішчука асудзілі па новай крымінальнай справе за абразу міліцыянта. Арцём мусіў выйсці на волю 29 чэрвеня, адбыўшы цалкам тэрмін, але гэтага не адбылося — яго ўзялі пад варту па новай справе. У выніку суддзя Нікіфарава склала прысуды па двух крымінальных справах (нават па той, па якой Арцём цалкам адбыў тэрмін) і прызначыла палітвязню ў суме тры гады калоніі, два з якіх ён адбыў. Арцёму засталося адбываць яшчэ каля года зняволення.

Стала вядома, што днямі Арцёма перавялі ў бабруйскую калонію № 2. Акрамя гэтага, МУС унёс палітвязня ў "спіс экстрэмістаў".

💌Падтрымайце Арцёма тэлеграмамі, лістамі салідарнасці, паштоўкамі: ПК № 2. 213800, г. Бабруйск, вул. Сікорскага, 1, Арцём Ігаравіч Анішчук
💻 Напісаць анлайн 👉 bit.ly/3PIOcjz

📍Журналіста Алеся Любянчука будуць судзіць 24 кастрычніка

Алесь Любянчук — журналіст, якога затрымалі 26 траўня ў вёсцы Крывічы Іўеўскага раёна. Алесь шмат займаўся дабрачыннасцю, дапамагаў дзецям-сіротам, арганізоўваў турыстычныя паходы і аднаўляў гісторыка-культурную спадчыну Наваградчыны.

Яго абвінавачваюць па ч. 3 арт. 361-1 КК (стварэнне экстрэмісцкага фармавання або ўдзел у ім). Справу журналіста пачнуць разглядаць у Мінгарсудзе 24 кастрычніка. Працэс будзе весці суддзя Алена Ананіч.

Вы можаце падтрымаць яго грашовымі пераводамі, пасылкамі або бандэролькамі, лістамі салідарнасці і тэлеграмамі.

💌Адрас для падтрымкі: СІЗА-1, 220030, г. Мінск, вул. Валадарскага, 2, Аляксандр Мікалаевіч Любянчук
💻Напісаць анлайн

🌸Як можна павіншаваць палітзняволеных жанчын?

Праваабаронцы ў Дзень маці заклікаюць павіншаваць палітзняволеных жанчын, якіх краты разлучылі са сваімі дзецьмі. 

Цяпер у Беларусі налічваецца 163 палітзняволеных жанчын, яшчэ 234 жанчыны асуджаныя да "хатняй хіміі". 

🔺Тым, хто ўтрымліваецца ў следчым ізалятары, можна таксама адправіць пасылку з прыемнасцямі ці зрабіць грашовы перавод.
🔺Жанчынам на "хіміі" можна нават зрабіць дастаўку ежы, падарунка ў папраўчую ўстанову, папярэдне ўзгадніўшы з імі час, бо ў ПУАТ можна карыстацца тэлефонамі і сацсеткамі.
🔺Жанчын, якія ўжо знаходзяцца ў калоніі, можна павіншаваць толькі лістамі і тэлеграмамі.
🔺Таксама важна адрасна падтрымліваць сем'і палітзняволеных, а ім самім прапаноўваць дапамогу па віншаваннях сваіх родных.

🖇Спіс, гісторыі і актуальныя адрасы палітзняволеных жанчын

📌"Рэжым на ўсю моц ваюе з жанчынамі – толькі перамог у гэтай вайне не будзе". Дзень маці ў няволі

💔"Вельмі мяне саграваюць такія вестачкі", — праваабаронца Уладзь Лабковіч з-за кратаў

Ад палітзняволенага каардынтара кампаніі "Праваабаронцы за свабодныя выбары" Уладзіміра Лабковіча, які ўжо год і тры месяцы ўтрымліваецца за кратамі ў СІЗА-1, дайшоў на волю ліст:

"Я так удзячны за цудоўную і смачную пасылачку, а асабліва за тэлеграму і паштоўкі. Так цудоўна, што тэлеграма не згубілася. Вельмі мяне саграваюць такія вестачкі. Апошнім часам даволі часцей сталі даходзіць пасылкі ад розных людзей. Ад такой падтрымкі становіцца цяплей.

16.10 у маіх хлопчыкаў Адасіка і Янчыка Дзень Народзінаў. 15-ць месяцаў як я іх не бачыў, не чуў іх голас. Я ня ведаю якімі яны сталі.

Вядома ад столькі часу ў клетцы моцна сапсавалася здароўе".

💌 Падтрымайце Уладзя лістамі, пасылкамі і грашовымі пераводамі:
СІЗА-1, 220030, г. Мінск, вул. Валадарскага, 2
Уладзіміру Мікалаевічу Лабковічу
💻Напісаць анлайн
💳Падтрымаць «Вясну» на Patreon

❗️Падтрымайце палітвязня Аляксандра Геджадзэ, якога перавялі з Беларусі ў расійскую калонію

Маскоўскі гарадскі суд у студзені разглядзеў справу аб пераводзе ў расійскую калонію палітзняволенага грамадзяніна Расіі Аляксандра Геджадзэ, асуджанага ў Беларусі на тры гады калоніі паводле арт. 342 КК (Актыўны ўдзел у групавых дзеяннях, якія груба парушаюць грамадскі парадак).

Па інфармацыі праваабаронцаў, Аляксандр ужо знаходзіцца ў расійскай папраўчай калоніі № 3 у г. Сафонава. Гэта першы грамадзянін Расіі, прызнаны беларускімі праваабаронцамі палітычным вязнем, якога перавялі ў Расію.

«Вясна» сабрала ўсё, што вядома па справе палітвязня Геджадзэ

💌Падтрымаць Аляксандра Геджадзэ можна па новым адрасе (пісаць па-расейску): Российская Федерация, Смоленская область, г. Сафоново, п. Шахты-3, 215500, ФКУ УК-3, УФСИН России по Смоленской области, Александр Давидович Геджадзе.

❗️Дачка палітзняволенай пенсіянеркі Галіны Дзербыш просіць людзей дапамагчы з аплатай адваката

«Мы мусім аплаціць запазычанасць (9800 рублёў). Большую частку сродкаў за паслугі адваката ўдалося аплаціць, але на дадзены момант маем патрэбу ў дапамозе, бо сумы не маленькія. Калі ў кагосьці ёсць магчымасць дапамагчы, наша сям'я будзе вам удзячная і прадаставіць асабіста справаздачу пры неабходнасці.

Рэквізіты для переводу:
• Natalia Derbysz, PL 64102013320000160213854908, PKO Bank Polski — рахунак у PLN;
• Natalia Derbysz, PL 63102013320000150213854684 — рахунак у EUR», — напісала дачка Галіны.

Нагадаем, пенсіянерка Галіна Дзербыш — фігурантка «справы Аўтуховіча». Галіну абвінавачваюць паводле трох арыткулаў Крымінальнага кодэксу. Жанчына цалкам не прызнала сваю віну. Дзербыш мае інваліднасць другой групы, у яе анкалагічнае захворванне і праблемы з сэрцам.

💌Падтрымаць Галіну тэлеграмамі і лістамі салідарнасці: Турма №1, 230023, Гродна, Кірава, 1, Галіна Іванаўна Дзербыш
💻 Напісаць анлайн 👉 bit.ly/3PIOcjz

📍Палітвязня Дзмітрыя Папова перавялі на турэмны рэжым у Жодзіна

Дзмітрый Папоў — мадэратар сацыяльных сетак «Страна для жизни», грамадзянін РФ. З беларускімі пратэстамі раней звязаны не быў, у Расеі кіраваў ультрапатрыярхальным праектам «Мужское государство» і праектам дэананімізацыі сілавікоў «Сканер».

Перад затрыманнем ён запісаў відэа, у якім распавядае, што яго шукаюць міліцыянты і хочуць затрымаць у межах крымінальнай справы. Яго абвінавацілі па чатырох артыкулах Крымінальнага кодэкса: ч. 1 арт. 293, арт. 342, арт. 191 і арт. 130. У Гомелі 14 снежня 2021 быў вынесены прысуд Папову па «справе Ціханоўскага»: 16 гадоў зняволення ў калоніі ўзмоцненага рэжыму.

З чэрвеня Дзмітрый знаходзіўся ў бабруйскай калоніі № 2. Нядаўна яму ўзмацнілі рэжым і перавялі ў жодзінскую турму.

💌Падтрымаць Дзмітрыя: Турма № 8, 222163, г. Жодзіна, вул. Савецкая, 22А, Дзмітрый Юр'евіч Папоў
💻 Напісаць анлайн 👉 bit.ly/3PIOcjz

🗓 Агляд навінаў пра палітвязняў за тыдзень

🔹 Палітвязнямі на гэтым тыдні былі прызнаныя 11 чалавек. На дадзены момант у спісе палітзняволеных налічваецца 1342 чалавекі.

🔹Цалкам адбылі тэрмін і выйшлі на волю: Юлія Марчанка, Пётр Марчанка, Антон Шніп, Арцём Шалегін, Аліна Войцех, Уладзімір Сушко, Багдан Шымановіч, Арцём Касач.

🔹 На гэтым тыдні па палітычна матываваным справам былі асуджаныя:
Алена Латушка — 2,5 гады «хатняй хіміі»;
Сяргей Далівеля — 2 гады калоніі;
Алег Корзун — 2 гады калоніі;
Мацвей Міцура — 3 гады калоніі;
Яўген Галіч — 2 гады калоніі;
Аляксей Шышкавец — 11 гадоў калоніі;
Алена і Дзмітрый Паўловічы — 1,5 года калоніі;
Кацярына Глінская — 2 гады калоніі;
Кацярына Еўдакімава — 3 гады «хатняй хіміі»;
Антон Маслыка — 1,5 года калоніі.

🔹Палітвязня Генадзя Смірнова ў шклоўскай калоніі нядаўна змяшчалі ў ШІЗА.

🔹У праваабаронцы "Вясны" Уладзя Лабковіча за кратамі працягваецца псавацца здароўе.

🔹Палітзняволеная каардынатарка Валанцёрскай службы "Вясны" Марфа Рабкова падала апеляцыйную скаргу на прысуд.

🔹Адміністрацыя віцебскай калоніі "забараніла" публікаваць лісты Максіма Знака.

🔹Палітвязень Аляксандр Казакевіч, асуджаны да двух гадоў «хатняй хіміі», з'ехаў з Беларусі і зараз знаходзіцца ў бяспецы.

🔹Палітвязня Аляксандра Геджадзэ перавялі з Беларусі ў расійскую калонію. Гэта першы грамадзянін Расіі, прызнаны беларускімі праваабаронцамі палітычным вязнем, якога перавялі ў Расію. Па інфармацыі праваабаронцаў, Аляксандр ужо знаходзіцца ў расійскай папраўчай калоніі № 3 у г. Сафонава.

🔹Палітвязню Дзмітрыю Папову ўзмацнілі рэжым і перавялі ў жодзінскую турму.

🌿 Тэксты «Вясны» пра палітвязняў:

Ад збіванняў у 2020 годзе да затрымання за ўкраінскі сцяг на рэферэндуме: гісторыя студэнта МДЛУ

Палітвязня Аляксандра Геджадзэ перавялі з Беларусі ў расійскую калонію

«У апошнім слове на судзе Сяргей сказаў, што хоча хутчэй гэта ўсё забыць, патрапіць дамоў і убачыць дачку», — сястра палітвязня Сяргея Далівелі пра брата