ညောင်ရွှေမြို့နယ်အတွင်း ကိုဗစ်ရောဂါကူးစက်မှု ကြောင့် သေဆုံးသူ ၁၁၆ ဦး အထိရှိလာ
.....................
ခမ်းသားငေါဝ်း
https://www.facebook.com/612819968887929/posts/1889871787849401/

ညောင်ရွှေမြို့နယ်အတွင်း Covid 19 ကူးစက်မှု မြင့်တက်ခဲ့ပြီး အောက်တိုဘာ ၁၄ ရက်နေ့ အထိ ကိုဗစ်ကြောင့် သေဆုံသူ ၁၁၆ ဦးရှိလာပြီဖြစ်ပါတယ်။

အောက်တိုဘာ ၁၄ ရက် တစ်ရက်တည်း COVID-19 အတည်ပြုလူနာ (၄)ဦး တွေ့ရှိခဲ့ကြောင်းသိရပါတယ်။

ညောင်ရွှေမြို့နယ် အတွင်း အောက်တိုဘာ ၁၄ ရက်နေ့အထိ COVID_19လူနာပေါင်း_၃၅၀၅ဦး‌၊ ဆေးရုံဆင်းခွင့်ရသူ ၂၉၂၂ ဦးနှင့် ဆေးကုသမှုခံယူလျက်ရှိသူ ၄၆၇ဦးရှိကြောင်းသိရသည်။

#shan,#nyaungshwe, #covid19

ညောင်ရွှေမြို့နယ်တွင် ကိုဗစ်ကူး စက်ခံရသူ ၃၆၈၈ ဦးအထိရှိလာ
....................
ခမ်းသားငေါဝ်း
နိုဝင်ဘာ ၅၊ ၂၀၂၁

https://www.facebook.com/612819968887929/posts/1906998562803390/

ညောင်ရွှေမြို့နယ်တွင် နိုဝင်ဘာ ၅ ရက်နေ့က ကိုဗစ်ကူး စက်ခံရသူလူနာသစ် ၇ ဦးထပ်မံတွေ့ရှိကြောင်းသိရသည်။

၎င်းသည် ကြံပုံ့ကြီးကျေးရွာ မ-၂ဦး၊ ဓာတ်‌‌တော်ရေဦးကျေးရွာ ကျား-၁ဦး၊ မ-၁ဦး၊ လွယ်စေတီကျေးရွာ ကျား-၁ဦး၊ ညောင်ဝန်းကျေးရွာ ကျား-၁ ဦးနှင့် မြေနီကုန်းကျေးရွာ မ-၁ဦးတို့ဖြစ်သည်။

ညောင်ရွှေမြို့နယ်အတွင်း ယနေ့ချိန်ထိ COVID_19 လူနာပေါင်း ၃၆၈၈ဦး‌၊ သေဆုံး၁၂၆ ဦး၊ ဆေးရုံဆင်းခွင့်ရသူ ၃၂၄၀ ဦးနှင့် ဆေးကုသမှုခံယူလျက်ရှိသူ ၃၂၂ ဦးရှိကြောင်းသိရသည်။

#shan:#nyaungshwe,#covid19

ညောင်ရွှေမြို့နယ်တွင် ကိုဗစ်အတည်ပြုလူနာ ၃၄ ဦးထပ်မံတွေ့ရှိ
.................
ခမ်းသားငေါဝ်း
နိုဝင်ဘာ ၁၂၊ ၂၀၂၁

https://www.facebook.com/612819968887929/posts/1912394295597150/

ညောင်ရွှေမြို့နယ်တွင် နိုဝင်ဘာ ၁၂ ရက်က ကိုဗစ်ကူးခံရသူ လူနာသစ် ၃၄ ဦးထပ်မံတွေ့ရှိ ခဲ့ကြောင်းသိရသည်။

၎င်းတို့မှာ မိုင်း‌သောက်ကျေးရွာ ကျား-၇ဦး၊ မ-၁၁ဦး၊ တောင်ပို့နီကျေးရွာ ကျား-၄ဦး၊ မ-၂ဦး၊ မြေနီကုန်းကျေးရွာ ကျား-၄ဦး၊ မ-၁ဦး၊ တောင်ပို့ကြီးကျေးရွာ ကျား-၁ဦး၊ မ-၁ဦး၊ ကြေးစားကုန်းကျေးရွာ ကျား-၁ဦး၊ ညောင်ပင်သာကျေးရွာ ကျား-၁ဦးနှင့် မှော်ဘီကျေးရွာ မ-၁ဦးတို့ဖြစ်သည်။

ယခုရက်ပိုင်းအတွင်း ညောင်ရွှေမြို့နယ်တွင် ကိုဗစ်ကူးစက်မှု ပြန်လည်မြင့်တက်လာကြောင်းသိရသည်။

#shan,#covid19,#nyaungshwe

အင်းလေးရေပေါ်ဈေးကို Covid 19 စည်းကမ်းချက်များနှင့်အညီပြန်လည်ဖွင့်လှစ်မည်
..................................
ခမ်းသားငေါဝ်း
ဒီဇင်ဘာ ၁၈၊ ၂၀၂၁


https://www.facebook.com/612819968887929/posts/1939344772902102/

ရှမ်းပြည်နယ် တောင်ပိုင်း၊ ညောင်ရွှေမြို့နယ် အင်းလေးဒေသ ဟဲယာရွာမကျေးရွာရှိ အင်းလေးရေပေါ်ဈေးကို ဒီဇင်ဘာ ၂၁ ရက်မှစ၍ ပြန်လည်ဖွင့်လှစ် သွားမည်ဖြစ်ကြောင်းသိရသည်။

ညောင်ရွှေမြို့နယ်တွင် ကိုဗစ် ကူးစက်ခံရသူ နည်းပါးလာသည့်အတွက် ပိတ်ထားခံရသည့် ရေပေါ်စျေး ကိုပြန်လည်ဖွင့်လှစ်ခြင်းဖြစ်ကြောင်းသိရသည်။

အင်းလေးရေပေါ်စျေးကို ငါးရက်လျှင် ဈေးနေ့တစ်ရက်အဖြစ် သတ်မှတ်ရက်အတိုင်း ဖွင့်လှစ်ရောင်းချခြင်းဖြစ်ပြီ ​၊ အဓိကဒေသ အစားအစာများ၊ ဟင်းသီးဟင်းရွက်အပါအဝင် ကုန်ပစ္စည်းများကို လှေပေါ်တွင်တင်ပြီး ရောင်းချခြင်းဖြစ်သည်။

အင်းလေးရေပေါ်ဈေးသည် ယခင်က ပြည်တွင်း၊ ပြည်ပ ခရီးသွားဧည့်သည်များ စိတ်ဝင်စားရာနေရာ တစ်ခုဖြစ်ခဲ့သော်လည်း နွေရာသီတွင် ရေလျော့နည်းမှုကြောင့် ရေပေါ်ဈေးအဖြစ် ရောင်းဝယ်မှုမပြုနိုင်ဘဲ ကုန်းမြေပေါ်သို့ ပြောင်းရွှေ့ရောင်းဝယ်ခဲ့ရကြောင်း၊ ဆယ်စုနှစ် တစ်စုကျော် ပျောက်ကွယ်ခဲ့သည့် အင်းလေးရေပေါ်ဈေးသည် ယမန်နှစ် အောက်တိုဘာလဆန်းပိုင်းမှ စတင်၍ ဒေသခံ ရောင်းသူ ဝယ်သူများဖြင့် ပြန်လည်အသက်ဝင် စည်ကားလာခဲ့သော်လည်း ကိုဗစ်-၁၉ ရောဂါ အခြေအနေကြောင့် ဈေးဖွင့်လှစ် ရောင်းချနိုင်ခြင်းမရှိကြောင်း၊ ယခုအခါ ကိုဗစ်-၁၉ရောဂါကာကွယ်ရေး ဆိုင်ရာ စည်းကမ်းချက်များနှင့်အညီ ပြန်လည်ဖွင့်လှစ်ရောင်းချသွားမည်ဖြစ်ကြောင်းသိရသည်။

#shan,#ရေပေါ်စျေး, #nyaungshwe

ညောင်ရွှေမြို့ ရန်ကုန်ကျောင်းတိုက်နှင့် အင်းသားစာပေယဥ်ကျေးမှုရုံးတွင် စစ်ရှောင် ၄၀၀ ကျော်ရောက်ရှိ
...................
ခမ်းသားငေါဝ်း
ဇန်နဝါရီ ၁၁၊ ၂၀၂၂

https://www.facebook.com/612819968887929/posts/1957076431128936/

ညောင်ရွှေမြို့ အင်းသားစာပေယဉ်ကျေးမှုနှင့်ဒေသဖွံဖြိုးရေးအသင်းရုံးနှင့် ညောင်ရွှေရန်ကုန်ကျောင်း တိုက်တွင် ဇန်နဝါရီ ၁၁ ရက်နေ့အထိ ကယားမှ စစ်ရှောင် ၄၀၀ ကျော်ရောက်ရှိပြီဖြစ်ကြောင်းသိရသည်။

"ကျွန်တော် တို့က ဒီအချိန်မှာ အနီ အစိမ်း အဖြူ ဘာမှမပါဘူးဗျာ့ ပြည်ထောင်စု သားချင်းပဲ သမုဒ္ဒရာထဲစီးလာတဲ့ရေဟာ သမုဒ္ဒရာရေပဲပေါ့ လူသားချင်းကျွန်တော် တို့ကူညီရမှာပဲ" ဟု အင်းသားစာပေနှင့်ယဥ်ကျေးမှုအသင်းမှ ဦးသက်ထွန်းက ခမ်းသားငေါဝ်း သတင်းဌာနကိုပြောသည်။

ညောင်ရွှေမြို့နယ်အတွင်းရောက်ရှိလာမည့်စစ်ရှောင် များကို လက်ခံထားပြီနေရာ ထပ်မံလိုအပ် ချက်များ ရှိလာပါကလည်း အခြားသော အသင်း အဖွဲ့များနှင့် ဆက်စပ်ညှိနှိုင်းကာ အဆင်ပြေအောင် ဆက်လက်ဆောင်ရွက်ပေးသွားမည် ဖြစ်ကြောင်းသိရသည်။

လက်ရှိတွင် အင်းသားစာပေနှင့်ယာဥ်ကျေးမှုအသင်းရုံမှ စစ်ရှောင်သူ လူဦးရေ ၂၀ ကျော်၊ ရန်ကုန်ကျောင်းတိုက်တွင် ၄၀၀ ကျော်ရောက်ရှိပြီဖြစ်ကြောင်းသိရသည်။

ကားမရှိထွက်လာရန်အခက်ခဲရှိသူများကိုလည်း အင်းသားစာပေယဥ်ကျေးမှုအသင်းသားများက သွားရောက်ကြိုဆိုမှုများလည်းပြုလုပ်ကြကြောင်းသိရသည်။

#shan,#nyaungshwe,#အင်းသားစာပေနှင့်ယဥ်ကျေးမှု

တချိန်က ခရီးသွားတွေနဲ့စည်ကားခဲ့တဲ့ အင်းလေးကန်ကတော့ တိတ်ဆိတ်လို့နေပါပြီ။ ဒေသခံတွေကတော့ အပြုံးတွေနဲ့ထပ်ပြီးဝန်ဆောင်မှုတွေပေးဖို့၊ ခရီးသွားတွေလာလည်ပတ်ဖို့ စောင့်မျှော်နေကြပါတယ်။

#shan
#nyaungshwe
#အင်းလေး

Photo. .အာဏာမသိမ်းခင် အင်းလေးရေပေါ်စျေး