အင်းလေးဒေသတွင် မျော့ကိုစျေးကောင်းပေးဝယ်ယူနေ
.....................
ခမ်းသားငေါဝ်း
စက်တင်ဘာ ၇၊ ၂၀၂၂

https://www.facebook.com/612819968887929/posts/pfbid0NcR31cpTDacRQ5dwDHDtx1tEPPEuizJzAnmyTjrLLfc3DVY2mMsxaw2mM58zyD6wl/

ရှမ်းပြည်နယ်တောင်ပိုင်း ညောင်ရွှေမြို့နယ် အင်းလေးဒေသတွင် ယခုနှစ် မျော့ကို စျေးကောင်းပေးဝယ်နေသည်ဟု စက်တင်ဘာလ ၇ ရက်နေ့ကသိရသည်၊၊

မျော့အရှင်ကို တစ်ပိဿာလျှင် ၃၆၀၀၀ ဖြင့် ကျေးရွာများတွင် လိုက်လံဝယ်ယူနေသည်ဟု မျော့ရှာဖွေရောင်းချနေသူထံက သိရသည်၊၊

" သူတို့စဝယ်တုန်းကတော့တစ်ပိဿာကို ၂၀၀၀၀ (နှစ်သောင်း)ကျော်လောက်ပဲ ခုတော့ သုံးသောင်း ခြောက်ထောင်ပေးပြီးဝယ်နေတယ် ဒီချိန်ကဝင်ငွေလည်းမရှိတော့ ကျွန်တော်တို့လဲရှာဖမ်းတယ်" ဟုမျော့ရှာဖွေရောင်းချနေသူတစ်ဦးက ပြောသည်၊၊

လွန်ခဲ့သည့်နှစ်များတွင် မျော့ကိုဝယ်ယူခြင်းမရှိပဲ ယခုနှစ်၌ စျေးကောင်းပေးပြီးဝယ်ယူနေကြောင်း ဘာလုပ်ဖို့ဝယ်ပြီး ဘယ်သူကဝယ်သည်ကို သေချာမသိရသော်လည်း ကုန်းဈေးနုန်းမြှင့်တက်ပြီး အလုပ်အကိုင်ရှားပါးချိန်တွင် ဝင်ငွေရသည့်အတွက် မျော့ကိုရှာဖမ်းသည့်သူ များလာကြောင်း သိရသည်၊၊

အင်းလေးဒေသခံ အသက်၂၀ ကျော်အရွယ်အမျိုးသားတစ်ဦးကလည်း"အလုပ်တွေလည်းမရှိဘူး ဆန်ဆီတွေဝယ်စားရတာလည်း စျေးများတယ် သူများမျော့ဝယ်တယ်ကြားတော့ ဘာလုပ်ဖို့ဝယ်တာလဲမသိဘူး ဒါပေမယ့် ဟင်းဖိုးလေးရအောင်ဆိုပြီးရှာကြတယ် အဲမျော့ရှာဖို့ကအိပ်ရေးတော့တော်တော်ပျက်တယ် ညဘက်ပဲရှာရတာ နေ့ဘက်ဆိုမတွေ့ဘူး ညဘက်ရှာတယ် ဗေဒါပင်တွေကြား ရေမော် ကျွန်းမျောတွေကြားရှာရတယ် အများကြီးရတဲ့ညလည်းရှိသလို နည်းနည်းပဲရတဲ့ညလည်းရှိတယ်"ဟု ပြောသည်၊၊

ယခင်က မျော့ဝယ်​​ခြင်းကိုမကြားဖူးသော်လည်း ယခုနှစ်တွင် ထူးဆန်းစွာဝယ်ယူနေသည်မှာ ၁ ပတ်ကျော်လောက်ရှိနေပြီဖြစ်ကြောင်း သိရသည်။

"တရုတ်တွေဝယ်တာနေမှာ သူတို့တွေက မျော့ကိုသတ္တဝါအကောင်ကြီးတွေရဲ့သွေးကိုစုတ်ယူခိုင်းပြီး အဲမျော့ကိုချက်စားတာနေမယ် အရင်ကလည်းအဲလိုကြားဖူးတယ် " ဟု အသက် ၃၃ နှစ်အရွယ်အမျိုးသားတစ်ဦးက ဆိုသည်၊၊

မျော့ကို ဘယ်သူကစဝယ်ခိုင်း​ခြင်း မသိကြပဲ ယခု ပွဲစားအဆင့်ဆင့်က ဝယ်ယူနေကြကြောင်း မျော့အရှင်ကိုသာဝယ်ယူနေခြင်းဖြစ်ကြောင်း သိရသည်။

#PPV008
#အင်းလေးဒေသ
#ညောင်ရွှေ
#မျော့

စားဝတ်နေရေးအတွက် မျော့သွားကောက်သူထံ PNO ​ပြည်သူ့စစ်ကအတင်းအဓမ္မ ငွေတောင်းနေဟုဆို
.....................
ခမ်းသားငေါဝ်း
ဒီဇင်ဘာ ၂၇၊ ၂၀၂၂

https://www.facebook.com/612819968887929/posts/pfbid08R9F1GuLexscyUbdEzXCkHkVE1PW8jCrxZPC3nWcHiGgNCFpQMWnzJyuaZvV2gykl/?mibextid=Nif5oz

စားဝတ်နေရေး အတွက်အင်းလေးဒေသမှ ဆီဆိုင်မြို့နယ်ဘန်းယဥ်ဘက်သို့ မျော့သွားကောက်သူထံ PNO ပြည်သူစစ်နှင့်နယ်ထိန်းရဲများက အတင်းအဓမ္မငွေ တောင်းယူခဲ့ကြောင်းသိရသည်။

အင်းလေးဒေသတွင် ကိုဗစ်ဖြစ်ပြီးနောက် နိုင်ငံရေးမတည်ငြိမ်မှုကြောင့် အလုပ်အကိုင်ရှားပါးလာပြီး တစ်ဖက်တစ်လမ်းမှ စားဝတ်နေရေးဖြေရှင်းနိုင်ရန်သရက်သုံးပင်ရွာသား ၄ ဦးသည် ဒီဇင်ဘာ ၂၄ ရက်နေ့က ဘန်းယေန်ဘက်သို့ မျော့ကောက်သည့်အလုပ်ကိုလုပ်ကိုင်ကြရပြီး PNO နှင့်နယ်ထိန်းရဲများငွေအတင်းအဓမ္မတောင်းယူသည့်အတွက် ငါးသောင်းကျပ်ပေးခဲ့ရကြောင်း သိရသည်။

"သူတို့ကမရှိလို့မျော့ကောက်နေရတာ PNO က ၅ သောင်းတောင်းတော့ သူတို့လည်း ပါလာတာလေး အားလုံးစုပြီး ပေးခဲ့ရတယ်"ဟု ဒေသခံတစ်ဦးကခမ်းသားငေါဝ်း ကိုပြောသည်။

ငွေရပြီးနောက် သတ်မှတ်ထားသည့်နေရာအတွင်းသာကောက်ရန် ပြောပြီးပြန်သွားကာ ၄င်းမျော့ကောက်သည့် အင်းလေးဒေသခံ လေးဦးသည် လည်းမျော့ဆက်လက်မကောက်တော့ပဲ ပြန်သွားခဲ့ကြောင်း၄င်းကဆက်ပြောသည်။

ထိုဖြစ်စဉ်နှင့်ပက်သက်ပြီး PNO ဖက်တာဝန်ရှိသူကို ခမ်းသားငေါဝ်းက ဆက်သွယ်ရန်ကြိုးစားခဲ့သော်လည်း ဖုန်းလက်ခံဖြေကြားပေးခြင်းမရှိပေ။

ညောင်ရွှေမြို့နယ် အင်းလေးဒေသ၌ ယခုနှစ် စက်တင်ဘာလတွင်မျော့ကို စတင်ဝယ်ယူလျက်ရှိပြီး အရှင်တစ်ပိဿာကို ကျပ် ၆၀၀၀၀ ကျော်ဖြင့်စျေးကောင်းရရှိကာ အလုပ်အကိုင်ရှာပါးလာသော အင်းလေးဒေသခံများအတွက် မျှော့ကိုရှာဖမ်းသည့်သူ များ လာကြောင်းသိရသည်။

#PPV-005
#မျော့
#ဘန်းယဥ်
#PNO

အေးချမ်းတဲ့ ပအိုဝ်း မြေနဲ့ မီးရှို့ခြင်း
.....................
ခမ်းသားငေါဝ်း
ဧပြီ ၁၁၊ ၂၀၂၃

https://www.facebook.com/612819968887929/posts/pfbid02UsLCE1K4JhdLWAw1Esi71qpx4CASbzmCHfNwLxheLn4ZbHYTeiY2NTv5SAq2mGpCl/?mibextid=Nif5oz

ပေ ၄၀၀၀ ကျော်မြင့်ပြီး တောင်ကုန်းတောင်တန်း လျှိုမြောင်ချိုင့် ဝှမ်းတွေနဲ့.ပြည်နှက်နေတဲ့ ပအိုဝ်းဒေသလေးဟာ အမှန်တကယ်ပဲသာယာလှပတဲ့ နေရာလေးတစ်ခုဖြစ်ပါတယ်။

ဘယ်သူတွေနဲ့မှမတူတာတော့ သူတို့ရဲ့ အေးချမ်းတဲ့စိတ်ထား ခိုင်မြဲတဲ့ဘာသာရေး ကိုးကွယ်မှုနဲ့ ရိုးသားတဲ့ အသွင်အပြင် စရိုက်လက္ခဏာတွေပဲဖြစ်ပါတယ်။

တစ်မျှော် တစ်ခေါ် ကုန်းပြင်မြင့်ကြီးပေါ်မှာ တောင်ယာစိုက်ပျိုးခြင်းကိုလည်း ယခုချိန်ထိ မြတ်မြတ်နိုးနိုး လုပ်နေကြတာ နှစ်သက်စရာပါပဲ။

အခါကြီး ရက်ကြီး ပွဲတော်ရက်တွေမှာ ကြားရတဲ့ ပအိုဝ်း အိုးစည်သံတွေက ညညများမှာ အင်မတန်ကို သာယာငြိမ့်ငြောင်း တာပဲလို့ခံစားရတယ်။

ပအိုဝ်း ဒေသမှာ စိတ်ညစ်မိတာတစ်ခုပဲရှိတယ်။ အဲဒါဘာလဲသိလား၊ အလွန်တရာ မီးရှို့ ကြမ်းတဲ့ကိစ္စပါပဲ။ ခေတ်အခြေအနေအရ ပအိုဝ်း ဒေသမှာ ပြောင်းကို အဓိကသီးနှံ သဘောမျိုးစိုက်ကြတယ်၊ ချွေပြီးသား ပြောင်းဖူးရိုးတွေကို မီးရှို့တဲ့အချိန်ဆို မီးခိုးတွေ ပြာတွေက မှုန်မှိုင်း အုံ့ဆိုင်း ၊ ကျန်ခဲ့တဲ့ ပြောင်း ပင်ရိုးတွေ ခြုံတွေ မြက်ခြောက် တွေကို မီးရှို့ပြန်တော့ မီးက မီးပင်လယ်ကြီးလိုပဲ၊ ဝါးပိုးဝါး တရိုက်လောက် အမြင့်ကို တက်လောင်တာ၊ ဒီကြားထဲ တောင်ပေါ်ဒေသက လည်း ဖြစ်၊ လေတွေကလည်း တအား တိုက်၊ မီးတားလုပ်ပြီး စနစ်တကျ ရှို့တာလည်းမဟုတ်တော့၊ စိုက်ပျိုးခြံတွေကော ၊ဥယျာဉ်တွေကော လောင်ကြ ငိုကြ ရီကြပေါ့။

ဒီကြားထဲ နွားကျောင်းသမားက ဆေးလိပ်မီးပစ်ချလို့ တို့၊ တောလိုက်သမားက မီးတို့လိုက်တာတို့ကရှိသေးတယ်။ရွာထဲအထိ မီးလိုက် လောင်လို့ ဝိုင်းငြိမ်းသတ်ရတာက အမော။

အဆိုးဆုံးက ကျွန်တော် ပုံထဲရိုက်ပြထားတဲ့ တောမီးရှို့ တောမီးလောင်တဲ့ကိစွပဲ။ တောင်ယာ ချဲ့ထွင်ဖို့ တောမီးရှို့ တောမီးလောင်နေကြတုန်းပဲ။ဥပဒေအရ တောမီးမရှို့ရတို့၊ ရွှေ့ပြောင်းတောင်ယာစနစ် မပြုလုပ်ရ တို့ဆိုတာက စာအုပ်ထဲမှာပဲရှိတယ်။

တချိန်က စမ်းချောင်း လေးတွေ၊ ရေချိုးတဲ့ ရေကျ နေရာလေးတွေနဲ့ စိမ်းလန်းစိုပြေခဲ့တဲ့ ပအိုဝ်း ဒေသက မီးလောင်ကုန်းတွေ မီးခိုးငွေ့တွေနဲ့ ပိုပြီးပူနေသလိုပဲ။ ပေ ၄၀၀၀ ကျော် အမြင့်မှာရှိတဲ့ ဒေသလေးမှာတိုက်တဲ့ လေက အေးရမဲ့အစားပူနေတာက သဘာ၀ ဝန်းကျင် ပြောင်းလဲနေတဲ့လက္ခဏာ ပဲမဟုတ်လား။

မီးမရှို့ပဲ မြေဆီဩဇာ ကောင်းအောင် လုပ်နိုင်တယ်ဆိုတဲ့အကြောင်း တွေ၊ သစ်တော သစ်ပင် တွေ မီးလောင်ပျက်စီးတဲ့အခါ မြေဓါတ် ရေဓါတ် တွေခမ်း ခြောက် သွားနိုင် တာတွေ ကို ပြောပြခွင့်ရသူတွေ ပြောပြ စေချင်ပါတယ်။ ထိန်းကျောင်းခွင့်ရှိသူတွေလည်း ထိန်းကျောင်း ပေးစေချင်ပါတယ်။ ကမ္ဘာ မြေကြီး စိုပြေ စိမ်းလန်းပါစေ။

နိုင်ရဲဇော် (၁၁.၄.၂၀၂၃)

#မီး
#Khamsarngor

ယခုနှစ် မျော့ကို တစ်ပိဿာ ရှစ်သောင်းကျပ်ဖြင့် ဝယ်ယူလျက်ရှိ
-----------------
ခမ်းသားငေါဝ်း
ဩဂုတ် ၁၁၊၂၀၂၃

https://m.facebook.com/story.php?story_fbid=676063054556878&id=100064595686020&sfnsn=mo&mibextid=RUbZ1f

ရှမ်းပြည်နယ်တောင်ပိုင်း ညောင်ရွှေမြို့နယ် အင်းလေးဒေသတွင် မျော့ကို စျေးကောင်းပေးကာဝယ်ယူနေကြောင်း မျော့ရှာဖွေရောင်းချသူထံမှ သိရှိရသည်၊၊

ပွဲစားများက မျော့တစ်ပိဿာလျှင် ငွေ ၈သောင်းကျပ် ဝန်းကျင်အထိ ပေးဝယ်နေကြောင်းသိရသည်၊၊

ယခုကာလတွင် မျော့ရောင်းချရန် စျေးကောင်းရရှိနေသော်လည်း လိုက်လံရှာဖွေရာတွင် မလွယ်ကူတော့ကြောင်း မျော့ရှာဖွေသူတစ်ဦးက ဆိုသည်၊၊

" ဒီနှစ်လည်း မျော့တွေကိုဝယ်ကြတယ် တပိဿာကို ၈သောင်းကျပ် အထိပေးဝယ်ကြတယ် ဒါပေမဲ့ မျော့ကအရင်လိုမပေါတော့ဘူး ရှာရခက်လာတယ်" ဟု မျော့ရှာဖွေရောင်းချသူက ပြောသည်၊၊

မျော့ကို ယခင်နှစ်တွင် စတင်ဝယ်ယူမှုရှိလာပြီး ပွဲစားအဆင့်ဆင့်မှ မျော့အစိုအခြောက်ဟူ၍ အမျိုးအစားနှစ်မျိုးဖြင့် လိုက်လံဝယ်ယူနေ‌ကြောင်း သိရသည်၊၊

အင်းလေးဒေသမှ မျော့ရှာဖွေသူတစ်ဦးကလည်း" မျော့စျေးကကောင်းတယ် သိပ်တော့မရှိဘူး ငါးသွားဖမ်းရင်မျော့ပါရှာခဲ့တယ် တစ်ဆယ်သားရရင်လည်း ၇ထောင်ကျော်ရနေပြီလေ တစ်ပိဿာရဖို့တော့မလွယ်ဘူးဗျာ"ဟု ခမ်းသားငေါဝ်းကိုပြောသည်၊၊

ယခင်နှစ် မျော့စတင်ဝယ်ယူစဥ်တွင် ၃သောင်းကျပ်ဝန်းကျင်စျေးရှိနေပြီး ယခုနှစ်တွင် ၈သောင်းကျပ်အထိစျေးရှိနေကြောင်း အင်းလေးဒေသခံများ၏ ပြောပြချက်အရသိရသည်၊၊

မျော့ကိုရှာဖွေရောင်းချရာတွင် အင်းလေးဒေသအပြင် ပုန်းအင်းဒေသတွင်လည်းရှိကြောင်း သိရသည်၊၊

တရုတ်နိုင်ငံတွင် မျှော့ကို တိုင်းရင်းဆေး ကုသနည်းအဖြစ် သွေးတိုး၊ ဆီးချို ရောဂါသမားများကို သွေးစုပ်ထုတ်လေ့ရှိကြောင်း သိရသည်။

#PPV008
#မျော့
#စီးပွါးရေး
#ဈေးကောင်းရရှိ
#Thepeoplevoice
#ခမ်းသားငေါဝ်း

-
-The People's Voice - ခမ်းသားငေါဝ်း Burmese Version Facebook page
https://www.facebook.com/KhamSarNgor?mibextid=ZbWKwL

-TTThe People's Voice - ခမ်းသားငေါဝ်း Burmese Versionwww.thepeoplevoicepaoh.com

-The People's Voice - ခမ်းသားငေါဝ်း Burmese Version Youtube channel
https://studio.youtube.com/channel/UCTmM0GDYQUZ4Vun2LRn1UxQ/editing/images

-The People's Voice - ခမ်းသားငေါဝ်း Burmese Version telegram channel
https://t.me/+44HR-3zAhmFmM2Zl
-

စစ်ကောင်စီလေယာဥ်နှင့် ဗုံးကြဲသဖြင့် လူနေအိမ်နှင့်ဘုန်းကြီးကျောင်းပျက်စီးပြီး ဘုန်းကြီ ၁ ပါးထိခိုက်ဒဏ်ရာရရှိ
......................
ခမ်းသားငေါဝ်း
မေ ၇ ၊ ၂၀၂၄

https://www.facebook.com/share/p/2p9KGxW4tqfrLrHs/?mibextid=oFDknk

စစ်ကောင်စီက လေယာဥ်နှင့်ဗုံးကြဲသောကြောင့် လူနေအိမ် ၁၅ လုံးနှင့် ဘုန်းကြီးကျောင်း ၁ လုံးပျက်စီးသွားပြီး ဘုန်းကြီး ၁ ပါးထိခိုက်ဒါဏ်ရာရရှိသွားကြောင်း ကေအဲန်ယူ ဗဟိုက မေလ ၅ ရက်နေ့တွင်ထုတ်ပြန်ထားသည်။

စစ်ကောင်စီက ကေအဲန်ယူ- ကရင်အမျိုးသားအစည်းအရုံး၊ ခလယ်ထွီခရိုင်( ညောင်လေးပင်ခရိုင်)၊ မူး(မုန်း) မြို့နယ် ထိန်းချုပ်နယ်မြေအတွင်းရှိ ကျေးရွာများကို မေလ ၁ ရက်နေ့နံနက်ပိုင်းတွင်လေကြောင်းဖြင့် ၄ ကြိမ်တိုက်ခိုက်ခဲ့ခြင်းကြောင့်လူနေအိမ်နှင့် ဘုန်းကြီးကျောင်းပျက်စီးပြီး ဘုန်းကြီး ၁ ပါးဒဏ်ရာရခဲ့သည်၊၊

စစ်ကောင်စီတပ်မှ ဂျက်ဖိုက်တာလေယာဥ်အမျိုးအစား( ဗုံးသီးပေါင် ၅၀၀) ဖြင့် ကေအဲန်ယူ-မုန်းမြို့နယ် ထိန်းချုပ်နယ်မြေဖြစ်သော မိုးညှင်းဒဲရွာတွင်တစ်ကြိမ်၊ ကွီးဒိုရွာအနီးတွင်တစ်ကြိမ်၊ ထီးခထား ကျေးရွာတွင် တစ်ကြိမ် ပစ်ခတ်တိုက်ခိုက်ခဲ့ရာ နေအိမ် ၁၅ လုံးထိခိုက်ပျက်စီးသွားကြောင်းထုတ်ပြန်ချက်တွင်ဆိုသည်။

ထို့အပြင် ရခိုင်တောင် နေရာတွင် လေယာဥ်ဖြင့်ထပ်မံပစ်ခတ်ခဲ့သဖြင့် ဘုန်းကြီးကျောင်း ၁ လုံးပျက်စီးခဲ့ပြီး ဘုန်းကြီးတစ်ပါးထိခိုက်ဒဏ်ရာရရှိသွားကြောင်းသိရသည်။

ppv 003
#လူ့အခွင့်အရေး
#ကရင်ပြည်နယ်
#ခလယ်ထွီခရုဲင်
#ညောင်လေးပင်ခရိုင်
#မှုး(မုန်း)မြို့နယ်
#လေယာဥ်ဖြင့်ဗုံးကြဲ
#ဘုန်းကြီး၁ပါးဒဏ်ရာရ

Facebook page->>_ https://www.facebook.com/KhamSarNgor?mibextid=ZbWKwL
Website>>-https://www.thepeoplevoicepaoh.com
Youtube channel->>https://www.youtube.com/@khamsarngor7295
Telegram channel->>https://t.me/+44HR-3zAhmFmM2Zl
-Tittok>> https://www.tiktok.com/@khamsarngor1?_t=8gxjo39SjWz&_r=1

အများပြည်သူပိုင်အဆောက်အဦးနှင့် လမ်းတံတားများကို လေယာဥ်နှင့်ဗုံးကြဲခြင်းအား ကန့်ကွက်ရှုံ့ချကြောင်း ညီနောင်မဟာမိတ်ထုတ်ပြန်
......................................

ခမ်းသားငေါဝ်း
ဩဂုတ် ၇၊ ၂၀၂၄

https://www.facebook.com/share/p/ynJZuraqWuH1P1SW/?mibextid=oFDknk

ရှမ်းပြည်နယ်မြောက်ပိုင်းတွင် တိုက်ပွဲဖြစ်ပွားခြင်းမရှိသည့်မြို့၊ ရွာ၊ ဆေးရုံ၊ စာသင်ကျောင်း၊ စျေး၊ဘာသာရေးအဆောက်အအုံနှင့် လမ်းတံတားများကိုတိုက်လေယာဥ်ဖြင့်ဗုံးကျဲတိုက်ခိုက်နေသည့်စစ်ကောင်စီကိုအပြင်းအထန်ကန့်ကွက်ရှုတ်ချသည်ဟုညီနောင်မဟာမိတ်အဖွဲ့(၃)ဖွဲ့က သြဂုတ်လ(၆)ရက်နေ့တွင် ထုတ်ပြန်ထားပါသည်။

စစ်ကောင်စီသည် တိုက်ပွဲဖြစ်ပွားခြင်းလုံးဝမရှိတော့သည့်ညီနောင်မဟာမိတ်(၃)ဖွဲ့တို့အသီးသီးထိန်းချူပ်ထားသည့်နယ်မြေများအတွင်းမှ လောက်ကိုင်၊ သိန်းနီ(သိန္နီ)၊ ကွတ်ခိုင်၊ နမ့်ဆန်နှင့်မြောက်ဦးအစရှိသည့်မြို့နယ်များတွင် ဒေသခံပြည်သူလူထုတို့နေထိုင်သွားလာရာစျေး၊ စာသင်ကျောင်း၊ ဆေးရုံဆေးခန်းများ၊ ဘာသာရေးအဆောက်အအုံများ၊ တံတားများ၊မြို့၊ ရွာများကိုတိုက်လေယာဥ်ဖြင့်ဖျက်အားပြင်းဗုံးများကြဲချကာပြည်သူလူထုများကိုအဓိကပစ်မှတ်ထားပြီးဆက်တိုက် တိုက်ခိုက်နေကြောင်းထုတ်ပြန်ချက်တွင်ပါရှိပါသည်။

ထိုကဲ့သို့ ပေါင်(၅၀၀)ဗုံးများနှင့် ဖျက်အားပြင်းဗုံးအမျိူးမျိူးဖြင့်ကြဲချတိုက်ခိုက်နေမှုများကြောင့်ပြည်သူလူထုတို့၏ ဈေး၊ ကျောင်း၊ ဆေးရုံနှင့်နေအိမ်များပျက်စီးဆုံးရှုံးရသည့်အပြင် အပြစ်မဲ့ပြည်သူအများအပြား ထိခိုက်ဒဏ်ရာရရှိခြင်း၊သေဆုံးခြင်းများ နေ့စဥ်ရက်ဆက်ကြုံတွေ့နေရကြောင်းသိရသည်။

"1027 Operation "၁၀၂၇ စစ်ဆင်ရေးကြောင့်စစ်ကောင်စီတပ်များလုံးဝကင်းစင်သွားပြီဖြစ်သည့်မိမိတို့ညီနောင်မဟာမိတ်(၃)ဖွဲ့ထိန်းချူပ်ထားသည့်နယ်မြေဒေသရှိ တိုင်းရင်းသားမိဘပြည်သူများအနေဖြင့်စစ်ကောင်စီတပ်၏လေကြောင်းတိုက်ခိုက်မှုများမှကင်းဝေးစေရန်အတွက် မိမိတို့လမ်းညွှန်ပြောဆိုထားသည့်အတိုင်းနေထိုင်သွားလာကြပါရန်နှင့်ပူးပေါင်းဆောင်ရွက်ကြပါရန်အထူးမေတ္တာရပ်ခံတောင်းဆိုထားသည်။

တိုက်ပွဲဖြစ်ပွားခြင်းမရှိသည့်မြို့၊ရွာများရှိဈေး၊စာသင်ကျောင်း၊ဆေးရုံအစရှိသည့်လူထုအဆောက်အအုံများကိုတိုက်လေယာဥ်များဖြင့်ဗုံးကြဲတိုက်ခိုက်ပြီးတိုင်းရင်းသားမိဘပြည်သူများကိုသတ်ဖြတ်နေသည့်စစ်ကောင်စီတပ်၏စစ်ရာဇဝတ်မှုကျူးလွန်နေမှုများကိုဝိုင်းဝန်းတားဆီး ဟန့်တားကြပါရန်အိမ်နီးချင်းဖြစ်သည့်တရုတ်ပြည်သူ့သမ္မတနိုင်ငံအားအဓိကထားပြီးနိုင်ငံတကာမိသားစုများအားလုံးတို့ကိုအထူးယုံကြည်အားကိုးစွာဖြင့်တောင်းဆိုတိုက်တွန်းအပ်ပါသည်ဟု ထုတ်ပြန်ချက်တွင်ဖော်ပြထားပါသည်။

ဓာတ်ပုံ-ညီနောင်မဟာမိတ်(၃)ဖွဲ့

#PPV0012
#လူ့အခွင့်အရေး
#မြို့
#ရွာ
#ဆေးရုံ
#စာသင်ကျောင်း
#စျေး
#ဘာသာရေးအဆောက်အအုံ
#လမ်းတံတားများ
#လေယာဥ်နှင့်ဗုံးကြဲ
"မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal - https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7