🌿Иеродиакон Анатолий (+ 26.04.1986) составил молитву ко преподобномученику Корнилию по числу девяти Евангельских Блаженств.

МОЛИТВА
1
Умильно воспоминающе многотрудное житие твое и мученическую кончину твою, преподобне отче Корнилие, молим тя: поминай нас грешных и сирых пред Престолом Всевышняго Владыки, идеже ты непрестанно предстоиши и со дерзновением молишися за человеческий род.

2
Сохрани Святую обитель сию, идеже ты многолетно потрудился и мученическую кончину приял, отче Корнилие, угодниче Божий. Всех же подвизающихся в ней и спасения вечнаго чающих, подкрепи и поспеши на помощь к нам немощным и сущим во грехах.

3
Множество святых храмов создал во обители своей и окрест ея, боголепно их украсил. О, преподобный угодниче Божий отче Корнилие, помоги и нам убогим создати храм своея души и боголепно украсить его добродетельми, да станем жилищем Бога!

4
Высокую стену создал ты из камня, ограждающе обитель от мира, преблаженне отче Корнилие; огради и нас стеною твоего молитвеннаго предстательства от всех зол мира и греховных стрел его!

5
Ты многия иноверныя светом Христовой истины просветил еси и во ограду церковную привел еси, преподобне отче Корнилие: просвети же и нас сущих во тьме беззаконий и введи во ограду твоея любви, да возсияет и нам Свет Христов!

6
Богоматернему попечению обитель свою ты поручил еси и в знак сего святую икону Ея водрузивый, преподобне отче Корнилие: водрузи и в нас образ пламенныя молитвы ко Пречистой Владычице нашей Богородице, да будем всегда под материнским покровом Ея.

7
Вразуми нас на доброделание, согрей наши хладные сердца, отче Корнилие — угодниче Божий: укрепи сущих в иноческих подвизех. Да зряще твою великую помощь и ведяще добродетели твоя, прославим Всесвятое имя Отца и  Сына и Святаго Духа, и твое милостивое предстательство ныне и присно и во веки веков. Аминь.

8
Ты ныне ликуеши в Небесных Обителях во славе праведных и с лики мучеников, преподобие отче Корнилие: услыши и нас, сущих на земли, обремененных грехами многими и печалями. Испроси у Господа всем нам веру несокрушимую, надежду несумненную, любовь святую, нелицемерную. Умоли Господа и Пречистую Его Матерь даровати нам прощение всех наших согрешений.

9
Море житейское прошед воздержанием, достигл еси Райския широты. Идеже со Ангелы и со всеми святыми предстоиши Престолу Вседержителя, славою осияваем Света Присносущнаго. Молися, преподобномучениче Корнилие, в Троице славимому Богу о спасении душ наших.

🤩 Подписаться

⬆️🎥Ирина Говорова.

📿Го́споди, сподо́би мя люби́ти Тя от всея́ души́ моея́ и помышле́ния и твори́ти во всем во́лю Твою́.

📷 Ирина Говорова.

🤩 Подписаться