Toshkent shahrida onalik va bolalikni muhofaza qilish bo‘yicha bir qator ishlar amalga oshirilib kelinmoqda.

Xususan, barcha tumanlardagi ko‘p tarmoqli markaziy poliklinikalarda alohida bolalar bo‘limi tashkil etildi, kunu-tun ishlaydigan shoshilinch tibbiy yordam ko‘rsatuvchi pediatriya postlari va bolalar anesteziologiya-reanimatsiya bo‘limlari ochildi.
Har bir tumanda tug‘ruq kompleksi va perinatal markazlar, ayollar maslahatxonalari tomonidan yiliga 50 minga yaqin homilador ayollarga malakali tibbiy xizmatlar ko‘rsatib kelinmoqda.

Bu borada ishlarni jadallashtirish maqsadida Toshkent shahar hokimi o‘rinbosari Sh.Sultanova rahbarligida, Toshkent shahar Sog‘liqni saqlash bosh boshqarmasi bilan hamkorlikda soha mutaxassislari ishtirokida muhokama yig‘ilishi bo‘lib o‘tdi.
Yig‘ilishda Jahon sog‘liqni saqlash tashkilotining onalik va bolalikni muhofaza qilishga oid tavsiyalariga alohida e’tibor qaratilib targ‘ibotlarni yanada kuchaytirish lozimligi, ushbu mavzuda uchrayotgan muammolarni o‘z vaqtida hal qilish bo‘yicha tegishli choralar ko‘rish kerakligi aytib o‘tildi.

YouTube | Facebook | Instagram | Web-site | Twitter | Linkedin

Toshkent shahar hokimligi, Oila va xotin-qizlar boshqarmasi, IIB bosh boshqarmasi hamkorligida "Zo‘ravonlikdan jabrlanganlarning huquqlarini himoya qilish va zo‘ravonlikning oldini olish" hamda "Barqaror turmush!" oyligi o‘tkazilishi munosabati bilan hududlarda targ‘ibot-tashviqot ishlarini olib borish maqsadida M.Ulug‘bek, Mirobod va Yunusobod tumanlaridan ijtimoiy og‘ir ahvolda bo‘lgan nizoli oilalar bilan tadbir o‘tkazildi.

Tadbirda O‘zbekiston Respublikasi Bosh vazir o‘rinbosari Zulayxo Maxkamova, Toshkent shahar Hokimi o‘rinbosari Sh. Sultanova, Toshkent shahar kambag‘allikni qisqartirish va bandlik bosh boshqarmasi boshlig‘i A. Sattarova, Toshkent shahar IIBB HPB boshlig‘i o‘rinbosari podpolkovnik Sh. Normatova, Xalqaro toifadagi spiker Respublika Ma’rifat targ‘ibochilari jamiyati a’zosi professor J.Shermuhammedova va boshqa tegishli tashkilotlar vakillari ishtirok etdi.

Tadbir davomida mahallalarda istiqomat qiluvchi xotin-qizlarga oilaning muqaddas qo‘rg‘onligi, uni saqlashda ayollarning o‘rni katta ekanligi eslatib o‘tildi. Shu bilan birga, oilada xotin-qizlarning haq-huquqlari tushuntirilib, oilaviy taziyq va zo‘ravonlikka yo‘l qo‘ymaslik, yo‘l qo‘yilgan hollarda esa, qanday harakat qilish kerakligi yuzasidan huquqiy tushuntirishlar berib o‘tildi.