⚡️ Toshkent shahrining elektr tarmoqlari infratuzilmasini keng ko‘lamli modernizatsiya qilish haqida

💡Olib borilayotgan modernizatsiya natijasida 985 MVA qo‘shimcha quvvat yaratildi. Bu poytaxtning 130 dan ortiq mahallasidagi 200 mingdan ziyod iste’molchining elektr ta’minotini yaxshilash, tarmoqdagi yuklamani kamaytirish va avariyalar sonini o‘tgan yilga nisbatan 32 foizga qisqartirish imkonini berdi. Yangilangan uskunalar yozgi yuklama yuqori bo‘lgan davrda energiya ta’minotining barqarorligi va uzluksizligini ta’minlaydi.

💡 Shahar elektr ta’minotining ishonchliligini oshirish maqsadida 37 ta podstansiyada (umumiy sonning 44 foizi) rejali rekonstruksiya va modernizatsiya ishlari olib borilmoqda.

⚡️Loyiha doirasida:
• 5 ta yangi podstansiya qurilib, foydalanishga topshirildi: "Yangi hayot industrial" (Yangihayot), "Toshkent siti" (Shayxontohur), "Yangi O‘zbekiston" va "Olmos" (Yashnobod), "Yunusobod siti" (Yunusobod);
• yana 32 ta podstansiya modernizatsiya qilinmoqda, ulardan 18 tasida ishlar allaqachon yakunlangan;
• 35 va 110 kV kuchlanishli 269 km uzunlikdagi yuqori kuchlanishli kabel liniyalari yangilandi.
• Yunusobod, Olmazor, Mirzo Ulug‘bek, Shayxontohur, Chilonzor, Uchtepa, Bektemir, Sergeli va Yashnobod tumanlarida joylashgan 19 ta podstansiyada modernizatsiya va quvvatlarni oshirish ishlari davom etmoqda. Shu sababli ayrim hududlarda texnologik qayta ulanishlar va ishga tushirish-sozlash tadbirlari bilan bog‘liq elektr ta’minotida qisqa muddatli uzilishlar yuz berishi mumkin.
• 50-60 yildan ortiq ishlatilgan 41 ta transformator va yordamchi uskunalar almashtirildi.

⚡️ Shahar energiya tizimining asosiy uzellariga, jumladan "Astronomik" podstansiyasi kabi muhim obyektlarga alohida e’tibor qaratildi. Ishlar quyidagilarni o‘z ichiga oladi:

• T-2-35 kV transformatorlarini demontaj qilish, yangilash va montaj qilish;
• T-1-35 kV transformatorni almashtirish va 35 kV kuchlanishni kiritish;
• kuchlanish transformatorlari (TN-35 kV), liniya ajratkichlari (LR-35 kV), qabul qilish portallari, himoya panellari va to‘siqlarni o‘rnatish;
• kabel liniyalarini qayta yotqizish, ochiq taqsimlash qurilmasi (ORU-35 kV) va taqsimlash kameralari (KRUN-10 kV) elementlarini almashtirish.

📆 Bir qator obyektlarda ishlar o‘tgan yilning kuzida boshlangan bo‘lib, hozirda yakuniy bosqichga yetmoqda. Tushunganingiz uchun minnatdorchilik bildiramiz va vaqtinchalik noqulayliklar uchun uzr so‘raymiz.

Читать на русском языке 🇷🇺

YouTube | Facebook | Instagram | Web-site | Telegram-bot