ဘိလပ်မြေအိတ်များ ပိုမိုတိုးထုတ်နိုင်ရန် ဆောင်ရွက်နေ

ငလျင်ဒဏ်သင့် ဒေသများရှိ ပြိုကျပျ-က်စီးသွားသည့် အဆောက်အဦးများ ပြန်လည်တည်ဆောက်ရေးတွင် ဘိလပ်မြေလိုအပ်ချက် မြင့်မားလာမှုကြောင့် ဘိလပ်မြေများ ပိုမိုတိုးထုတ်နိုင်ရန် ဆောင်ရွက်နေကြောင်း သိရသည်။

လက်ရှိတွင် ကျောက်ဆည်မြို့နယ်အတွင်းရှိ ဘိလပ်မြေအများဆုံး ထုတ်လုပ်နိုင်သည့် Alpha ဘိလပ်မြေစက်ရုံ၊ ကြံ့နှစ်ကောင် ဘိလပ်မြေစက်ရုံနှင့် ဆင်မင်းဘိလပ်မြေစက်ရုံများမှ ကြံ့နှစ်ကောင် ဘိလပ်မြေစက်ရုံသည် လာမည့်မေလ (၁၅)ရက်မှစတင်ကာ နေ့စဥ် အိတ်တစ်သိန်း ထုတ်နိုင်တော့မည် ဖြစ်ကြောင်းလည်း သိရသည်။

ထို့ပြင် ပြန်လည်တည်ဆောက်ရေးလုပ်ငန်းများ၌ အရေးပါသည့် ဘိလပ်မြေများကို တတ်နိုင်သရွေ့ အမြန်ဆုံးထုတ်လုပ်ကာ စျေးကွက်အတွင်းရောက်ရှိဖို့ တာဝန်ရှိသူများ စုပေါင်းလုပ်ဆောင်နေကြောင်းလည်း သိရသည်။

တက္ကသိုလ်ဝင် စာမေးပွဲပြန်လည်ဖြေဆိုမည့် ကျောင်းသား (၆၃,၀၀၀) ကျော်ရှိ

ငလျင်ကြောင့် အဖြေလွှာမီးလေ-ာင်သွား၍ တက္ကသိုလ်ဝင်စာ မေးပွဲပြန်ကျင်းပရာတွင် ပြန်လည်ဖြေဆိုမည့်ကျောင်း သား (၆၃,၀၀၀)ကျော်ရှိကြောင်း မြန်မာနိုင်ငံစာစစ်ဦးစီးဌာနမှ သိရသည်။

အဆိုပါ စာမေးပွဲအတွက် စာစစ်ဌာန (၂၀၀) နီးပါး စီစဉ်ထားပြီး ယခင်မတ်လကဖြေဆိုခဲ့သည့် အောင်စာရင်းနှင့် ယခုဖြေဆိုမည့်အောင်စာရင်းကို တပြိုင်တည်းကြေညာမည်ဖြစ်ကြောင်း သိရသည်။

ပြီးခဲ့သည့် မတ် (၂၈) ရက်က လှုပ်ခတ်ခဲ့သည့် အင်အားပြင်းငလျင်ကြောင့် မန္တလေးတက္ကသိုလ် မီးလေ-ာင်မှုဖြစ်ပွားခဲ့ရာ ကချင်ပြည်နယ်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီးနှင့် နေပြည်တော်ကောင်စီနယ်မြေတို့က ဖြေဆိုထားသည့် တက္ကသိုလ်ဝင်စာမေးပွဲအဖြေလွှာများ ပါသွားခဲ့ခြင်းဖြစ်သည်။

ထို့ကြောင့် အဆိုပါဒေသများအနေဖြင့် ၂၀၂၅ ခုနှစ်တက္က သိုလ်ဝင်စာမေးပွဲကို ဇွန်လ (၁၆)ရက် မှ (၂၁) ရက်အထိ ပြန်လည်ကျင်းပ စစ်ဆေးသွားမည်ဖြစ်ကြောင်း သိရသည်။

ကမ္ဘာ့ပထမဆုံး ဇီဝကွန်ပျူတာ စတင်မိတ်ဆက်

လူ့ဦးနှောက်ဆဲလ်များနှင့် ဆီလီကွန်တို့ကို ပေါင်းစပ်ကာ လူလုပ်ဇီ၀အသိဉာဏ်တု(Synthetic Biological Intelligence - SBI)အဖြစ်ဖန်တီးထားသည့် ကမ္ဘာ့ပထမဆုံး ဇီဝကွန်ပျူတာ CL1 ကို ဩစတြေလျနိုင်ငံအခြေစိုက် သုတေသနကုမ္ပဏီတစ်ခုဖြစ်သည့် Cortical Labs က စတင်မိတ်ဆက်လိုက်ပြီဖြစ်သည်။

ဆီလီကွန်ချစ်ပ်များကို အခြေခံသည့် ထုံးတမ်းစဉ်လာ AI နည်းပညာနှင့်မတူဘဲ၊ ယခုနည်းပညာသည် ဓာတ်ခွဲခန်းတွင် မွေးထုတ်ထားသော အာရုံခံဆဲလ်များ(neurons) ကို အသုံးပြုကာ လျှပ်စစ်စွမ်းအင်အနည်းငယ်ဖြင့် လျင်မြန်စွာ သင်ယူနိုင်စွမ်းနှင့် ပြောင်းလဲတိုးတက်နိုင်စွမ်း ရှိပါသည်။

ဤထိုးဖောက်တီထွင်မှုနည်းပညာသည် တိုးတက်လာသည်နှင့်အမျှ ကျင့်ဝတ်ဆိုင်ရာ စဉ်းစားစရာ မေးခွန်းများပေါ်ပေါက်လာစေသော်လည်း Cortical Labs ကမူ ယင်းကိစ္စများကို တာဝန်ယူမှုရှိစွာ ဖွံ့ဖြိုးတိုးတက်ရန် စည်းမျဉ်းများနှင့်အညီ လုပ်ဆောင်နေကြောင်း ပြောကြားခဲ့ပါသည်။

သတင်းအပြည့်အစုံဖတ်ရန် >>

https://www.popularmyanmar.com/ကမ္ဘာ့ပထမဆုံး-ဇီဝကွန်ပျ/

နိုင်ငံကူးလက်မှတ် လျှောက်ထားမှု မေလ (၁) တွင်ပြန်ဖွင့်မည်

ငလျင်ဘေးဒဏ်ကြောင့် ယာယီရပ်နားထားသည့် နိုင်ငံကူးလက်မှတ် အွန်လိုင်းမှ လျှောက်ထားမှုကို မေ(၁)တွင် ပြန်ဖွင့်ပေးမည် ဖြစ်ကြောင်း သိရသည်။

ထို့ကြောင့် မေလ (၁)ရက်တွင် အွန်လိုင်းစနစ်ဖြင့် QR Code ရယူနိုင်တော့မည်လည်း ဖြစ်သည်။

ယခင်က QR Code တင်ထားသူများသည် လာမည့် ဇွန်လထိ ရက်ချိန်းရှိသည့်အတွက် ယင်းရက်ချိန်းထိ ရယူထားသူ များကို နိုင်ငံကူးလက်မှတ် ပုံမှန်အတိုင်း ထုတ်ပေးနေပြီး ကျန်းမာရေး/ပညာရေး ကိစ္စနှင့် အရေးပေါ် နိုင်ငံကူးလက်မှတ် လျှောက်ထားမှုများကို Green Channel ဖြင့် ဆောင်ရွက်ပေးနေကြောင်းလည်း သိရသည်။

ထို့ပြင် ရန်ကုန်၊ မြစ်ကြီးနားနှင့် လားရှိုးမြို့ရှိ မြန်မာနိုင်ငံကူးလက်မှတ်ထုတ်ပေးရေးရုံးများ၌ နိုင်ငံကူးလက်မှတ် ဆောင်ရွက်ရန် Online Appointment Date ရရှိထားသူများသည်လည်း ဆောလျင်စွာ ဆောင်ရွက်နိုင်ရေး

သတင်းအပြည့်အစုံဖတ်ရန် >>

https://www.popularmyanmar.com/နိုင်ငံကူးလက်မှတ်-လျှော/

ခြံအမှတ် (၅၄) နေအိမ်ကို လေလံထပ်တင်သော်လည်း ဝယ်ယူသူမရှိသေး

ရန်ကုန်မြို့၊ တက္ကသိုလ်ရိပ်သာလမ်းရှိ အမွေဆိုင်အငြင်းပွါးမှုရှိနေသည့် ခြံအမှတ် (၅၄) နေအိမ်လေလံ ကြမ်းခင်းဈေးကို ကျပ်(၂၉၇) ဘီလျံမှ ကျပ် ဘီလျံ (၂၇၀) သို့ လျှော့ချ၍ လေးကြိမ်မြောက်အဖြစ် လေလံတင်ခဲ့သော်လည်း မအောင်မြင်ကြောင်း သိရသည်။

ယင်းခြံအိမ်ကို (၃)ကြိမ်တိတိလေလံတင်ရောင်းချခဲ့ပြီး နောက် ယနေ့ ဧပြီ (၂၉) တွင် ခြံအမှတ် (၅၄) နေအိမ်ရှေ့တွင်ပင် ထပ်မံ လေလံတင်ရောင်းချခြင်း ဖြစ်သည်။

ရန်ကုန်မြို့တွင် ခြံအမှတ် (၅၄) ဟု ကျော်ကြားသည့် ဒေါ်အောင်ဆန်းစုကြည်နေထိုင်ရာ အိမ်ကို ကျပ်ငွေ (၃၁၅) ဘီလီယံဖြင့်တစ်ကြိမ်၊ (၃၀၀) ဘီလီယံဖြင့် တစ်ကြိမ် လေလံတင် ရောင်းချခဲ့ပြီး တတိယအကြိမ်တွင် (၂၉၇) ဘီလျံဖြင့် လေလံတင်ရန် ကမာရွတ်မြို့နယ် တရားရုံးက အမိန့်ချကာ လေလံတင်ပြီး (၄)ကြိမ်မြောက်အဖြစ် ရောင်းချခြင်း ဖြစ်သည်။

ခြံအမှတ် (၅၄) ၏ ဧရိယာအကျယ်အဝန်းမှာ (၁.၉၂၃) ဧက ကျယ်ဝန်းကြောင်းသိရကာ စတုရန်းပေ (၈၃၇၆၅.၈၈) ပေ ရှိကြောင်းလည်း သိရသည်။

တစ်နာရီလျှင် (၃၅)မိုင်ခန့်အထိရှိသော မိုးသက်လေပြင်းများတိုက်ခတ်နိုင်၍ သတိပြုနေထိုင်ကြရန်သတိပေး

တစ်နာရီလျှင် (၃၅)မိုင်ခန့်အထိရှိသော မိုးသက်လေပြင်းများတိုက်ခတ်နိုင်၍ သတိပြုနေထိုင်ကြရန် မိုးလေဝသမြန်မာ(ရန်ကုန်ဌာနခွဲ)မှ ယနေ့ ဧပြီ ၂၉ ရက်က မိုးသက်လေပြင်းအန္တရာယ်သတိပေးချက်အဖြစ် သတိပေးထုတ်ပြန်ခဲ့ကြောင်း သိရသည်။

မိုးလေဝသမြန်မာ(ရန်ကုန်ဌာနခွဲ)၏ သတိပေးချက်အရ ယနေ့ ဧပြီ ၂၉ ရက်ယခုအချိန်မှစ၍ မေ ၄ ရက်အတွင်း အရှေ့ဘက်မှလာသော လေပွေလှိုင်းများနှင့် အနောက်နှင့်မြောက်ဘက်မှလာသော လေပွေလှိုင်းများကြောင့် ရန်ကုန်တိုင်း၊ နေပြည်တော်၊ စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ပဲခူး တိုင်း၊ ဧရာဝတီတိုင်း၊ ချင်းပြည်နယ်၊ ရှမ်းပြည် နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည် နယ်နှင့် မွန်ပြည်နယ်တို့တွင် ချိန်ခါမဟုတ် မိုးထစ်ချုန်းရွာသွန်းပြီး ဒေသအလိုက် မိုးကြီးခြင်း၊ နေရာကွက်၍ မိုးကြီးခြင်း၊ လျှပ်စီးလက်ခြင်း၊ မိုးခြိမ်းခြင်း၊ မိုးသီးကြွေခြင်း၊ မိုးကြိုးပစ်ခြင်းနှင့် မိုးသက်လေပြင်းတိုက်ခတ်ခြင်းတို့ဖြစ်ပေါ်နိုင်ကြောင်း သိရသည်။

သတင်းအပြည့်အစုံဖတ်ရန် >>

https://www.popularmyanmar.com/တစ်နာရီလျှင်-၃၅မိုင်ခန/

ထာဝရငြိမ်းချမ်းရေးသို့....

လက်ရှိတွင် ရက် ၂၀ အပစ်ရပ်ပြီး သက်တမ်း တပတ်တိုးကာ ဧပြီ ၃၀ရက်နေ့ထိ အပစ်ရပ်ကြေငြာထားရာ ငြိမ်းချမ်းရေးအပြီးရရေးအတွက် ပြည်သူအားလုံး ဆန္ဒရှိနေကြသည်။

ထို့ကြောင့် ငြိမ်းချမ်းရေးအတွက် သွေးမအေးကြသူများ၏ စကားသံများ စုစည်း ဖော်ပြလိုက်ပါသည်။

"ကပ်မျိုးစုံကို ရင်ဆိုင်ကျော်လွှားလာရတာ လူတွေတအားပင်ပမ်းနေပြီ။ သားသည်မိခင်တွေ၊ခွန်အားမပြည့်သေးတဲ့အမျိုးသမီးတွေနေရာက ခနလောက်ဝင်ခံစားပေးကြပါလို့။အဆင်ပြေနိုင်တဲ့ထွက်ပေါက်တွေ ရ ေအာင်ရှာနိုင်တယ်ဆိုတဲ့စိတ်မွေးပြီး မာနေတွေခနဘးဖယ်ကာ ဆွေးနွေးကြစေချင်ပါတယ်။ တဖွဲ့နဲ့တဖွဲ့ မယုံရဘူးဆိုတဲ့ သံသယတွေလည်း ခဏ ဘေးဖယ်ထားပြီး အရင်ဆုံးအတူ သဘောတူလို့ရတဲ့အချက်တွေကနေစညှိစေချင်ပါတယ်။ Peace or Justice ဆိုတဲ့ ဆိုရိုးလိုပေါ့ ငြိမ်းချမ်းရေး အကြောင်းပြောမယ်ဆို တချို့ တရားမျှတမှုတွေ ခန မေ့ထားရပါမယ် "ဟု တိုင်းရင်းသား-ဗမာ ကပြား အမျိုးသမီးတစ်ဦးကဆိုသည်။

သတင်းအပြည့်အစုံဖတ်ရန် >>

https://www.popularmyanmar.com/ထာဝရငြိမ်းချမ်းရေးသို့/