အချိုမှုန့်အတုလုပ်ငန်းကို ဖြိုခွင်း

ထိုင်းနိုင်ငံ၏ ဗဟိုစုံစမ်းစစ်ဆေးရေးဗျူရို (စီအိုင်ဘီ) သည် အစားအသောက်နှင့် ဆေးဝါးကွပ်ကဲရေးဌာန (အက်ဖ်ဒီအေ) နှင့် ပူးပေါင်း၍ မိုနိုဆိုဒီယမ် ဂလူတမိတ် (အမ်အက်စ်ဂျီ)အချိုမှုန့် အတု ထုတ်လုပ်ဖြန့်ဖြူး  သည့် အဓိကကွန်ရက်ကို ဖြိုခွင်းခဲ့ပြီး သံသယရှိသူ ခုနစ်ဦးကို ဖမ်းဆီးကာ ပစ္စည်းပေါင်း ၂၄,၉၁၈ ခုကို သိမ်းဆည်းရမိခဲ့သည်။

ချီယာဖွန်ပြည်နယ်၌ အငယ်စား ကုန်သည်တစ်ဦးကို ဖမ်းမိရာမှ စုံစမ်းစစ်ဆေးရေးမှူးများသည် သုံးလကျော်ကာလအတွင်း ကြီးမားကျယ်ပြန့်သော ထုတ်လုပ်မှုနှင့် ဖြန့်ဖြူးရေးကွန်ရက် တစ်ခုကို ဖေါ်ထုတ်နိုင်ခဲ့သည်။

သတင်းအပြည့်အစုံဖတ်ရန်>>

https://www.popularmyanmar.com/အချိုမှုန့်အတုလုပ်ငန်း/

ဟော်မုဇ်ရေလက်ကြားကို အပစ်အခတ်ရပ်စဲရေးကာလအတွင်း "ဖွင့်လှစ်ထားမည်" ဟု အီရန်က ကြေညာခဲ့ပြီးနောက် ရေနံစျေးနှုန်းများ ထိုးဆင်း

အမေရိကန်-အစ္စရေးနှင့် အီရန်တို့အကြား စစ်ပွဲအတွင်း အပစ်အခတ်ရပ်စဲရေး လက်ကျန်ကာလများအတွက် ဟော်မုဇ်ရေလက်ကြားကို ကုန်သွယ်ရေးသင်္ဘောများအတွက် "အပြည့်အဝ ဖွင့်လှစ်ပေးမည်" ဟု အီရန်က ပြောကြားခဲ့ပြီးနောက် ရေနံစျေးနှုန်းများ သိသိသာသာ ကျဆင်းသွားခြင်းဖြစ်သည်။

သောကြာနေ့အစောပိုင်းတွင် တစ်စည်လျှင် ၉၈ ဒေါ်လာအထက် ရှိခဲ့သော ဘရန့်ခရုဒ်(Brent crude) ရေနံစျေးနှုန်းသည် အဆိုပါထုတ်ပြန်ချက်ထွက်ပေါ်လာပြီးနောက် ၈၈ ဒေါ်လာ (၆၅ ပေါင်) အထိ ကျဆင်းသွားခဲ့သည်။

ဟော်မုဇ်ရေလက်ကြားသည် အီရန်နိုင်ငံတောင်ဘက်ရှိ ကျဉ်းမြောင်းသော ရေလမ်းကြောင်းတစ်ခုဖြစ်ပြီး ကမ္ဘာ့ရေနံနှင့် သဘာဝဓာတ်ငွေ့ရည် (LNG) စုစုပေါင်း၏ ငါးပုံတစ်ပုံခန့်ကို ၎င်းမှတစ်ဆင့် ပုံမှန်သယ်ယူပို့ဆောင်နေခြင်းဖြစ်သည်။

အမေရိကန်သမ္မတ ဒေါ်နယ်ထရမ့်က အီရန်၏ ထုတ်ပြန်ချက်ကို ကြိုဆိုခဲ့သော်လည်း ရေကြောင်းအဖွဲ့အစည်းများကမူ အဆိုပါအခြေအနေကို ဆက်လက်စိစစ်နေဆဲဖြစ်သည်။

သတင်းအပြည့်အစုံဖတ်ရန်>>

https://www.popularmyanmar.com/ဟော်မုဇ်ရေလက်ကြားကို-အပ/

ရေနံထွက်ပစ္စည်းများ ထောက်ပံ့ပေးနိုင်ရေးနှင့် လျှပ်စစ်နှင့်စွမ်းအင်ကဏ္ဍတွင် ပူးပေါင်းဆောင်ရွက်မှုများ တိုးမြှင့်လုပ်ဆောင်နိုင်ရန် မြန်မာနှင့် ရုရှား လက်မှတ်ရေးထိုး

ရုရှားဖက်ဒရေးရှင်းနိုင်ငံမှ မြန်မာနိုင်ငံသို့ ရေနံနှင့် ရေနံထွက်ပစ္စည်းများ ထောက်ပံ့ပေးနိုင်ရေးအပါအဝင် လျှပ်စစ်နှင့်စွမ်းအင်ကဏ္ဍတွင် ပူးပေါင်းဆောင်ရွက်မှုများ တိုးမြှင့်လုပ်ဆောင်နိုင်ရန် လျှပ်စစ်နှင့် စွမ်းအင်ဝန်ကြီးဌာနနှင့် ရုရှားဖက်ဒရေးရှင်းနိုင်ငံ Investment Development Fund “RC Investments” တို့အကြား ပူးပေါင်းဆောင်ရွက်မှုစာချွှန်လွှာ (Memorandum Of Cooperation) ကို ယမန်နေ့က လက်မှတ်ရေးထိုးခဲ့ကြောင်း သိရသည်။

သတင်းအပြည့်အစုံဖတ်ရန်>>

https://www.popularmyanmar.com/ရေနံထွက်ပစ္စည်းများ-ထော/

မန္တလေး စက်မှုဇုန်အနီး မြေကွက်အရောင်းအဝယ်တက်လာ၊ မြို့နယ် ၃ ခုတွင် ငှားရမ်းလိုမှုမြင့်တက်


မန္တလေးတိုင်းဒေသကြီးအတွင်း စက်မှုဇုန်များနှင့် နီးစပ်သည့် မြေနေရာကျယ်များကို ရင်းနှီးမြှုပ်နှံသူများ စိတ်ဝင်စားလာခြင်းကြောင့် မြေကွက်အရောင်းအဝယ်များ တက်လာနေပြီး စီးပွားရေးလုပ်ငန်းများမှ ငှားရမ်းလိုမှုလည်း မြင့်တက်လျက်ရှိကြောင်း အိမ်ခြံမြေဈေးကွက်မှ သိရသည်။

အထူးသဖြင့် ပြည်ကြီးတံခွန်၊ ချမ်းမြသာစည်နှင့် ချမ်းအေးသာစံ မြို့နယ်များတွင် စီးပွားရေးလုပ်ငန်းများ၏ မြေနေရာငှားရမ်းလိုမှု အများဆုံး ဖြစ်ပေါ်နေကြောင်း အိမ်ခြံမြေ ဝန်ဆောင်မှုလုပ်ငန်းရှင်များက ပြောသည်။

“မန္တလေးမှာ စက်မှုဇုန်နားနီးတဲ့ မြေကွက်ကျယ်တွေကို ပိုပြီး စိတ်ဝင်စားကြတယ်။ အဲဒီနေရာတွေမှာ အရောင်းအဝယ်လည်း ပိုဖြစ်လာတယ်။ အငှားဈေးနှုန်းတွေလည်း တက်လာပါတယ်။ အဓိကတော့ စီးပွားရေးလုပ်ငန်းတွေ၊ ဆိုင်ခန်းဖွင့်ချင်သူတွေကြောင့် ဖြစ်ပါတယ်” ဟု အိမ်ခြံမြေလုပ်ငန်းရှင်တစ်ဦးက ပြောသည်။

သတင်းအပြည့်အစုံဖတ်ရန်>>

https://www.popularmyanmar.com/မန္တလေး-စက်မှုဇုန်အနီး-မ/

ဧရာဝတီတိုင်းဒေသကြီး အစိုးရ၏ "ပြည်သူများအတွက် ပြည်သူ့အစိုးရ၏ ရက် (၁၀၀) စီမံချက်" အစီအစဉ်ကို ဧပြီလ ၂၀ ရက်တွင် စတင်မည်

ပြည်သူလူထု၏ လိုအပ်ချက်များကို အမြန်ဆုံး ဖြည့်ဆည်းပေးနိုင်ရန်နှင့် နိုင်ငံတော်ဖွံ့ဖြိုးတိုးတက်ရေးအတွက် အခြေခံခိုင်မာစေရန် ပြည်သူ့အစိုးရမှ ရက် (၁၀၀) စီမံချက်အစီအစဉ်တွင် အောက်ပါလုပ်ငန်းများအား ဆောင်ရွက်ပေးသွားမည်ဖြစ်ကြောင်း သိရသည်။

လယ်ယာမြေလုပ်ပိုင်ခွင့်လက်မှတ် ပုံစံ(၇) အသစ်လျှောက်ခြင်း၊ အမည်ပြောင်းခြင်း၊ ရသင့်ရထိုက်သောမြေဌားဂရန်နှင့် စက်မှုမြေငှားဂရန်များ၊ လဝက၏ အိမ်ထောင်စုဇယား ပုံစံ(၁၀)နှင့် နိုင်ငံသားကဒ်မှတ်ပုံတင်အသစ်ပြုလုပ်ခြင်း၊ အ ဟောင်းလဲလှယ်ပေးခြင်း၊ အသက်အရွယ်လိုက် သတ်မှတ် မှတ်ပုံတင်ပြောင်းလဲပြုလုပ်ပေးခြင်း၊ UID ရို-က်ကူးပေးခြင်းနှင့် E - ID Server ရှိ အိမ်ထောင်စုလူဦးရေစာရင်းပါ အချက်အလက်များစီစစ်ပေးခြင်းနှင့် ပြင်ဆင်ပေးခြင်းတို့ကို ဧပြီ လ(၂၀) ရက်မှစတင်၍ ဆောင်ရွက်ပေးသွားမည်ဖြစ်ကြော င်း သိရသည်။

သတင်းအပြည့်အစုံဖတ်ရန်>>

https://www.popularmyanmar.com/ဧရာဝတီတိုင်းဒေသကြီး-အစ-2/