တရုတ်နိုင်ငံမှ ဓာတ်ဆီ၊ ဒီဇယ်ဆီ တန်ချိန် (၅)သောင်း ကူညီထောက်ပံ့

ငလျင်ဒဏ်သင့်ဒေသများသို့ ကူညီထောက်ပံ့ရန် တရုတ်နိုင်ငံမှ ဓာတ်ဆီ၊ ဒီဇယ်ဆီ တန်ချိန်ငါးသောင်း ကူညီထောက်ပံ့မည်ဖြစ်ကြောင်း သိရသည်။

ဧပြီ (၂၆) ရက်တွင် ပြုလုပ်ခဲ့သည့် အမျိုးသားသဘာဝဘေး အန္တရာယ်ဆိုင်ရာ စီမံခန့်ခွဲမှုကော်မတီ (၃/၂၀၂၅) အစည်းအဝေးမှ သိရသည်။

တရုတ်နိုင်ငံမှ ကူညီထောက်ပံ့သည့် စက်သုံးဆီ (ဓာတ်ဆီ၊ ဒီဇယ်ဆီ) တန်ချိန် (၅)သောင်းသည် မကြာမီ ရောက်ရှိလာမည်ဖြစ်ပြီး ရောက်ရှိပါက ဖြန့်ခွဲအသုံးပြုမည့် လျာထားချက်ကိုလည်း စွမ်းအင်ဝန်ကြီးဌာနက ကြိုတင် တင်ပြရန် နစကဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းက အစည်းအဝေးတွင် ပြောကြားခဲ့သည်။

ထို့ပြင် လိုအပ်သလို ရေကြောင်းခရီးဖြင့် ရောက်ရှိလာမည့် Container Modular များနှင့် အခြားသော ထောက်ပံ့ရေးပစ္စည်းများအား ကုန်ရထားဖြင့် ရန်ကုန်မှနေပြည်တော်၊ မန္တလေးထိ ပို့ဆောင်နိုင်ရေးကိုလည်း ပို့ဆောင်ဆက်သွယ်ရေးလုပ်ငန်းကော်မတီနှင့် လှူဒါန်းသည့်ပစ္စည်းများ လက်ခံ၊ ဖြန့်ဝေရေး လုပ်ငန်းကော်မတီတို့မှ ပေါင်းစပ်ညှိနှိုင်းဆောင် ရွက်သွားရန်လိုကြောင်း ၎င်းကဆက်လက်ပြောကြားခဲ့သ ည်။

ငလျင်ဘေးသင့်ခဲ့သည့် အင်းလေးတွင် ယင်လုံအိမ်သာ အခက်အခဲ ဖြစ်နေ

ငလျင်ဘေးသင့်ခဲ့သည့် ရှမ်းပြည်နယ်တောင်ပိုင်း၊ အင်းလေးဒေသတွင် ယင်လုံအိမ်သာ လိုအပ်ချက် အခက်အခဲဖြစ်ပေါ်နေကြောင်း သိရသည်။

ထိုအခက်အခဲကြောင့် ဒေသခံများအတွက် ကျန်းမာရေးဆိုင်ရာပြဿနာများ ဖြစ်ပွားလာနိုင်ကြောင်းလည်း ကူညီကယ်ဆယ်ရေး လုပ်ဆောင်ပေးနေသူများက ပြောသည်။

ငလျင်ကြောင့် အိမ်ပျ-က်စီးရာတွင် ယင်လုံအိမ်သာများပါ ပျ-က်စီးသွားခြင်းကြောင့် လက်ရှိ၌ ကူညီကယ်ဆယ်ရေး လုပ်ဆောင်ပေးနေသူများက ယင်လုံအိမ်သာများကို ယာယီဆောက်လုပ်ပေးနေကြဆဲဖြစ်သည်။

သို့သော် ငလျင်ဘေးသင့်ပြည်သူ များပြားနေသည့်အတွက် လုံလောက်မှုမရှိသေးကာ မိုးတွင်းမတိုင်မီ တည်ဆောက်နိုင်ရန် အင်းလေးဒေသခံများက ကြိုးစားနေကြသည်။

"အလုပ်သမားကလည်း ရှားနေတယ်။ အလူပ်သမားခေါ်မရတာကလည်း တဒုက္ခဖြစ်နေတာ၊အိမ်ဆောက်ပစ္စည်းတချို့ လိုအပ်မှုအများကြီးရှိနေသေးတယ်" ဟု ကူညီလုပ်ဆောင်ပေးနေသူတစ်ဦးကလည်း ဆိုထားသည်။

ပြီးခဲ့သည့် မတ် (၂၈)ရက်က လှုပ်ခတ်ခဲ့သည့် မန္တလေး ငလျင်ကြီးကြောင့် အင်းလေးဒေသရှိ ရွာပေါင်း (၂၈)ရွာတွင် ထိခို-က်ပျ-က်စီးမှုများ ရှိခဲ့ပြီး ဒေသခံ (၂၀၀)ကျော် ‌ေ-သဆုံးခဲ့ရသည်။