မန္တလေးတိုင်း ပြန်လည်ထူထောင်ရန် ငွေကျပ် (၆၀) ဘီလီယံ ထောက်ပံ့ပေးထား

ငလျင်ဒဏ်သင့် မန္တလေးတိုင်း ပြန်လည်ထူထောင်ရန် အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှတဆင့် ငွေကျပ် (၆၀) ဘီလီယံ ထောက်ပံ့ပေးထားကြောင်း သိရသည်။

ထို့ပြင် အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှု ရန်ပုံငွေမှတဆင့် စစ်ကိုင်းတိုင်းအတွက် ကျပ် (၅၀) ဘီလီယံ၊ နေပြည်တော်ကောင်စီနယ်မြေအတွက် ကျပ် (၁၀) ဘီလီယံနှင့် ရှမ်းပြည်နယ်အတွက် ကျပ် (၅) ဘီလီယံတို့ကိုလည်း ပေးအပ်ထားကြောင်းလည်း သိရသည်။

ငလျင်ဒဏ်သင့်ဒေသများ ပြန်လည်ထူထောင်ရေးအတွက် ဧပြီလ (၂၄) ရက်အထိ အလှူငွေ ကျပ် (၁၁၅ ဒသမ၈၇၆) ဘီလီယံ၊ အမေရိကန်ဒေါ်လာ (၂ဒသမ၄၃၇) သန်း၊ ကိုရီးယားဝမ် (၅) သန်း၊ အိန္ဒိယရူပီး (၁၅) သန်း၊ ထိုင်းဘတ် (၂) သန်းနှင့် စင်ကာပူဒေါ်လာ (၃၁၅၀) လက်ခံရရှိထားကြောင်းလည်း သိရသည်။

ယင်းအလှူငွေများကို အမျိုသားသဘာဝ ဘေးအန္တရာယ်ဆိုင်ရာ စီမံခန့်ခွဲမှုကော်မတီ၏ ငွေစာရင်းထဲ ထည့်သွင်းထားပြီး စနစ်တကျနှင့် ကူညီကယ်ဆယ်ရေးလုပ်ငန်းများ၊ ပြန်လည်ထူထောင်ရေးလုပ်ငန်းများ၌ ပြန်လည်အသုံးပြုသွားမည်ဟုလည်း နစကဒုတိယ ဥက္ကဋ္ဌ၊ ဒုတိယဗိုလ်ချုပ်မှူးကြီး စိုးဝင်းက ပြောကြားထားသည်။

ရန်ကုန်တိုင်းတွင် အမေရိကန်ဒေါ်လာ (၁.၅၇၇) သန်းဖြင့် ရင်းနှီးမြှုပ်နှံမည့် လုပ်ငန်း (၂)ခုကို အတည်ပြုပေး

ရန်ကုန်တိုင်းဒေသကြီး ၊ ရင်းနှီးမြှုပ်နှံမှုကော်မတီမှ အမေရိကန်ဒေါ်လာ (၁.၅၇၇) သန်းပမာဏရှိ ရင်းနှီးမြှုပ်နှံမှုလုပ်ငန်း (၂)ခုကို ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီ၏ (၄/၂၀ ၂၅) ကြိမ် အစည်းအဝေးတွင် အတည်ပြုပေးခဲ့ကြောင်း သိရသည်။

ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီသည် စက်မှုကဏ္ဍတွင် ရာခိုင်နှုန်းပြည့် နိုင်ငံခြားရင်းနှီးမြှုပ်နှံမှုနှင့် ဖက်စပ် နိုင်ငံခြားရင်းနှီးမြှုပ်နှံမှုလုပ်ငန်း (၂) ခုတို့ကို အတည်ပြုပေးပြီး အတည်ပြုပေးသည့် လုပ်ငန်းများမှာ CMP စနစ်ဖြင့် wearing apparel အမျိုးမျိုးချုပ်လုပ်ခြင်း လုပ်ငန်းနှင့် ပြည်ပသို့ (၂၀%) တင်ပို့ပြီး ပြည်တွင်း၌ (၈၀%) ရောင်းချမည့် သစ်အခြေခံသော သစ်သားပြား အမျိုးမျိုးနှင့် ပရိဘောဂအမျိုးမျိုး ထုတ်လုပ်ဖြန့်ဖြူးရောင်းချခြင်း လုပ်ငန်းတို့ဖြစ်သည်။

သတင်းအပြည့်အစုံဖတ်ရန် >>

https://www.popularmyanmar.com/ရန်ကုန်တိုင်းတွင်-အမေရိ/

ထိုင်းငလျင်အကူအညီပေးရေးလုပ်သား နောက်တစ်သုတ်ရောက်ရှိ

မန္တလေးငလျင်ကြောင့် ထိခိုက်ခံစားခဲ့ရသူများကို ကူညီရန်အတွက် ထိုင်းနိုင်ငံ ကျန်းမာရေးဝန်ကြီးဌာနက အရေးပေါ်ဆေးအဖွဲ့(EMT) ၏ တတိယမြောက်အသုတ်ကို ယမန်နေ့တွင် မြန်မာနိုင်ငံသို့ စေလွှတ်လိုက်ကြောင်း သိရသည်။

ကျန်းမာရေးအရာရှိများ၊ ကမ္ဘာ့ကျန်းမာရေးအဖွဲ့ ညှိနှိုင်းရေးမှူးတစ်ဦးနှင့် Ruam Katanyu ဖောင်ဒေးရှင်းမှ စေတနာ့ဝန်ထမ်းများပါဝင်သော အဖွဲ့ဝင် ၃၀ ပါအဖွဲ့သည် မြန်မာနိုင်ငံတွင် မေလ ၂ ရက်နေ့အထိ ကူညီပံ့ပိုးမှုများကို လုပ်ဆောင်သွားမည်ဖြစ်ကြောင်း ရောဂါထိန်းချုပ်ရေးဦးစီးဌာန၏ ဒုတိယညွှန်ကြားရေးမှူးချုပ် ဒေါက်တာ Anek Mungaomklang က ပြောကြားခဲ့သည်။

၎င်းမစ်ရှင်သည် ငလျင်ဒဏ်သင့်ဒေသများ၌ ကူးစက်ရောဂါများကို စောင့်ကြည့်မှု မြှင့်တင်ရန်၊ အမိုးအကာနှင့် ရေ စီမံခန့်ခွဲမှုစနစ်များ ပိုမိုကောင်းမွန်လာစေရန်ရည်ရွယ်ကြောင်း သူက ပြောကြားခဲ့ပြီး အဖွဲ့သည် ရေစစ်သည့်စနစ်ကို တပ်ဆင်ပေးသွားမည်ဖြစ်ကြောင်းကိုလည်း ပြောကြားခဲ့သည်။

သတင်းအပြည့်အစုံဖတ်ရန် >>

https://www.popularmyanmar.com/ထိုင်းငလျင်အကူအညီပေးရေ/

အီရန်၌ဆိပ်ကမ်းပေါက်ကွဲ၍လူ 28 ဦးထက်မနည်း ‌ေ-သဆုံး

အီရန်နိုင်ငံ တောင်ပိုင်း ဘန်ဒါအဘတ်စ်ဆိပ်ကမ်းတွင် ဧရာမပေါက်ကွဲမှုကြီးဖြစ်ပွားခဲ့သောကြောင့် လူ 28 ဦးထက်မနည်း ‌ေ-သဆုံးကာ 800 ခန့် ဒဏ်ရာရခဲ့သည်ဟု ပြည်ထဲရေးဝန်ကြီးဌာနကို ကိုးကား၍ နိုင်ငံပိုင်မီဒီယာက ဖော်ပြခဲ့သည်။

ဆိပ်ကမ်းအဆောက်အအုံ၏ Shahid Rajaee အပိုင်းတွင် ပေါက်ကွဲခဲ့ခြင်းဖြစ်ကာ ဧရာမမီးခိုးလုံးကြီးထွက်ပေါ်ခဲ့သည်ကို တွေ့ရသည်။ ပေါက်ကွဲမှုသည် သိုလှောင်ထားသည့် ဓါတုပစ္စည်းများနှင့် ဆက်နွယ်ဖွယ်ရှိသည်ဟု အစိုးရက ပြောဆိုသည်။

လေပြင်းတိုက်နေသည့်ကြားမှ ဆက်လက်မီးငြိမ်းသတ်နေဆဲဖြစ်ပြီး ပျောက်ဆုံးနေသူ ခြောက်ဦးရှိကြောင်း အီရန်ပြည်ထဲရေးဝန်ကြီး အက်စ်ကန်ဒါ မိုမန်နီက ပြောကြားခဲ့သည်။

ပေါက်ကွဲမှုဖြစ်ရသည့် အကြောင်းရင်းကို မသိရသေးဘဲ အကြောင်းရင်းကို ဖော်ထုတ်ရန် အချိန်အနည်းငယ်ယူရမည်ဟု အစိုးရပြောရေးဆိုခွင့်ရှိသူတစ်ဦးက ပြောဆိုသည်။ သို့ရာတွင် ဆိပ်ကမ်းထောင့်တစ်နေရာတွင် ထားရှိသည့် ကွန်တိန်နာများအတွင်းမှ ဓါတုပစ္စည်းများ ပေါက်ကွဲခြင်းဖြစ်ဖွယ်ရှိသည်ဟု

သတင်းအပြည့်အစုံဖတ်ရန် >>

https://www.popularmyanmar.com/အီရန်၌ဆိပ်ကမ်းပေါက်ကွဲ/

တရုတ်ဉာဏ်ကြီးရှင် ကိုယ်စားလှယ်အဖွဲ့အမေရိကသို့သွားရောက်ဆွေးနွေးခဲ့

ဝါရှင်တန်၊ဧပြီ ၂၆

Center for China and Globalization (CCG) မှ ကိုယ်စားလှယ်အဖွဲ့သည် မကြာသေးမီက အမေရိကသို့သွားရောက်ခဲ့ပြီး ပညာရေး၊စီးပွားရေး၊မီဒီယာနှင့် နိုင်ငံတကာအဖွဲ့အစည်းများမှ ကိုယ်စားလှယ်များနှင့် ဆွေးနွေးမှုအကြိမ် ၂၀ နီးပါးပြုလုပ်ခဲ့ကြသည်ဟုသိရသည်။

ကိုယ်စားလှယ်အဖွဲ့သည် ပရင်စတန်၊နူးယော့ခ်၊ဝါရှင်တန်ဒီစီနှင့် ဘော်စတွန်မြို့များသို့ ဧပြီလ ၁၉ ရက် နေ့မှ ၂၅ ရက် နေ့အထိသွားရောက်ခဲ့ကြပြီး တရုတ်-အမေရိကန်ဆက်ဆံရေးနှင့် ကမ္ဘာလုံးဆိုင်ရာအုပ်ချုပ်မှု အပေါ်အမြင်ခြင်း ဖလှယ်ကာ အပြန်အလှန်ဆွေးနွေးခဲ့ကြသည်။

သတင်းအပြည့်အစုံဖတ်ရန် >>

https://www.popularmyanmar.com/တရုတ်ဉာဏ်ကြီးရှင်-ကိုယ်/

စူးအက်နှင့်ပနားမားတူးမြောင်းများအခမဲ့ဖြတ်သန်းခွင့်ရသင့်--ထရမ့်ပ်

စူးအက်နှင့် ပနားမားတူးမြောင်းများတွင် အမေရိကန် ကုန်သွယ်သင်္ဘောများနှင့် စစ်သင်္ဘောများ အခမဲ့ဖြတ်သန်းခွင့်ရရန် အမေရိကန်သမ္မတ ဒေါ်နယ်ထရမ့်ပ်က တောင်းဆိုခဲ့ပြီး ယင်း ကိစ္စအတွက် ချက်ချင်းတိုးတက်မှုရအောင်ဆောင်ရွက်ရန် ၎င်း၏ နိုင်ငံခြားရေးဝန်ကြီးကို တာဝန်ပေးလိုက်သည်။
          
ထရမ့်ပ်သည် ပနားမားတူးမြောင်းကို အမေရိကန်ပြည်ထောင်စုက လွှဲပြောင်းထိန်းချုပ်နိုင်ရေးအတွက် တောင်းဆိုနေခဲ့သော်လည်း သူ၏ ဆိုရှယ်မီဒီယာပို့စ်အရ အရေးပါသည့် စူးအက်တူးမြောင်းရေလမ်းကြောင်းဘက်ကို အာရုံပြောင်းသွားခဲ့သည်။ “အမေရိကရဲ့ စစ်ဖက်နဲ့ ကူးသန်းရောင်းဝယ်ရေးသင်္ဘောနှစ်မျိုးလုံးကို ပနားမားနဲ့ စူးအက်တူးမြောင်းတွေမှာ အခမဲ့ ဖြတ်သန်းခွင့်ပြုသင့်တယ်” ဟု ထရမ့်ပ်က စနေနေ့တွင် ပို့စ်တင် ပြောဆိုခဲ့သည်။
          
သတင်းအပြည့်အစုံဖတ်ရန် >>

https://www.popularmyanmar.com/စူးအက်နှင့်ပနားမားတူးမ/

မျိုးဆက်သစ်လူငယ် အခြေခံဂေါက်ဖ်ရိုက်သင်တန်းအား ဒုတိယအကြိမ်မြောက်အဖြစ် အခမဲ့သင်ကြားပို့ချမည်

၂၀၂၅ ခုနှစ် နွေရာသီ မျိုးဆက်သစ်လူငယ် အခြေခံဂေါက်ဖ်ရိုက်သင်တန်းအား Han Golf Msaters Golf Academy က ဒုတိယအကြိမ်မြောက်အဖြစ် မေ ၅ ရက်မှ ၉ ရက်အထိ ၅ ရက်ကြာ အခမဲ့သင်ကြားပို့ချသွားမည်ဖြစ်သည်။

အခြေခံဂေါက်ဖ်ရိုက်သင်တန်းအား အသက်(၁၀) နှစ်မှ (၁၈)နှစ်အထိ လူဦးရေ(၃၀)ဦးအထိအား နည်းပြများဖြစ်သည့် ဦးချမ်းဟန်၊ ဦးကိုကိုလေး၊ ဦးသီဟဌေး၊ ဦးစိန်ပိုင်၊ ဦးအောင်မျိုးဟိန်းနှင့် အခြားနည်းပြများက သင်ကြားပို့ချပေးသွားမည်ဖြစ်ကြောင်း သိရသည်။

" ဂေါက်သီးအားကစားနည်းက နည်းစနစ်ပိုင်းမှာ အခြေခံစမှားတာနဲ့ တိုးတက်မှုမှာလည်း နှောင့်နှေး သွားမယ်။ အခြေခံမှန်မှဖြစ်မှာပါ။ အခုဖွင့်လှစ်ပို့ချမယ့်သင်တန်းမှာ အဓိကအနေနဲ့ ဂေါက်ဖ်လုံး၀မရိုက်တက်တဲ့ သူတွေကိုသင်ကြားပို့ချပေးသွားဖို့ ရည်ရွယ်ထားပါတယ်”ဟု

သတင်းအပြည့်အစုံဖတ်ရန် >>

https://www.popularmyanmar.com/မျိုးဆက်သစ်လူငယ်-အခြေခံ/