ငလျင်ဒဏ်အတွက် အလှူငွေ အမေရိကန်ဒေါ်လာ(၂) သန်းကျော်အပါအဝင် အလှူငွေများစွာကိုလက်ခံရရှိထား

မန္တလေးငလျင်ကြီးဒဏ်သင့်ဒေသများအတွက် အလှူငွေများစွာကိုလက်ခံရရှိထားသည်ဟု အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီဥက္ကဋ္ဌ၊ နစက ဒု-ဥက္ကဋ္ဌ၊ ဒု-ဗိုလ်ချုပ်မှူးကြီးစိုးဝင်းမှ ဧပြီ ၂၅ ရက်မွန်းလွဲပိုင်းကကျင်းပသည့် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီအ စည်းအဝေးတွင် ပြောကြားခဲ့ခြင်းဖြစ်သည်။

" ပြည်တွင်း/ပြည်ပ စေတနာရှင်အလှူရှင်တွေက နိုင်ငံတော်အစိုးရနဲ့ သက်ဆိုင်ရာ ပြည်နယ်နှင့်တိုင်းဒေသကြီးအစိုးရအဖွဲ့တွေကို အလှူငွေတွေပေးအပ်လှူဒါန်းရာမှာ ဧပြီ ၂၄ ရက်အထိ ငွေကျပ် (၁၁၅ ဒသမ ၈၇၆)ဘီလီယံကျော်၊ အမေရိကန်ဒေါ်လာ(၂ ဒသမ ၄၃၇)သန်းကျော်၊ ကိုရီးယားဝမ်(၅)သန်း၊ အိန္ဒိယရူပီး(၁၅)သန်း၊ ထိုင်းဘတ်(၂)သန်းနဲ့ စင်ကာပူဒေါ်လာ(၃,၁၅၀)လက်ခံရရှိထားပါတယ်"ဟု နစက ဒု-ဥက္ကဋ္ဌက ပြောသည်။

သတင်းအပြည့်အစုံဖတ်ရန် >>

https://www.popularmyanmar.com/ငလျင်ဒဏ်အတွက်-အလှူငွေ-အမ/

ငပုတောမြို့ရှိ ရှေးဟောင်းမဟာရာဇမုနိအောင်တော်မူစေတီတော်မြတ်ကြီးအား ရတနာစိန်ဖူးတော်တင်လှူပူဇော်

ဧရာဝတီတိုင်း၊ ငပုတောမြို့၊ အရှေ့ပိုင်းရပ်ကွက်၊ ဥယျာဉ်ကုန်းလမ်းရှိ ရှေးဟောင်းမဟာရာဇမုနိအောင်တော်မူစေတီတော်မြတ်အား ရတနာစိန်ဖူးတော်နှင့် ငှက်မြတ်နားတော်၊ ရွှေထီးတော်အထွဋ်ဘုံအဆင့်ဆင့်တင်လှူပူဇော်ပွဲမင်္ဂလာအခမ်းအနားကို ယနေ့ ဧပြီ ၂၆ ရက်နံနက်ပိုင်းက ဆင်ယင်ကျင်းပခဲ့သည်။

အခမ်းအနားသို့ နိုင်ငံတော်သံဃာဗဟိုဝန်ဆောင် မဟာဂန္တဝါစကပဏ္ဍိတ၊ သာသနဓဇဓမ္မာစရိယဘဒ္ဒန္တကုမာရအမှူးပြုသည့်ဆရာတော်၊ သံဃာတော်များကြွရောက်တော်မူခဲ့ကြပြီး ဧရာဝတီတိုင်းဝန်ကြီးချုပ်ဦးတင်မောင်ဝင်းနှင့်ဇနီး၊ တာဝန်ရှိသူများ၊ အလှူရှင်များတက်ရောက်ကြည်ညိုပူဇော်ခဲ့ကြသည်။

ထို့နောက် ဆရာတော်ကြီးထံမှ (၉)ပါးသီလခံယူကာ ဆရာတော်၊ သံဃာတော်များက မေတ္တာသုတ်ပရိတ်တရားတော်များကို ရွတ်ပွားသရဇ္စျယ်တော်မူပြီး တိုင်းဝန်ကြီးချုပ်နှင့်ဇနီးတို့က ဆရာတော်၊ သံဃာတော်များအား ရတနာစိန်ဖူးတော်၊ ငှက်မြတ်နားတော်နှင့် လှူဖွယ်ဝတ္ထုပစ္စည်းများကိုဆက်ကပ်လှူ ဒါန်းခဲ့ကြသည်။

သတင်းအပြည့်အစုံဖတ်ရန် >>

https://www.popularmyanmar.com/ငပုတောမြို့ရှိ-ရှေးဟောင/

ထိုင်းတွင် ပါမစ်မလျောက်ဘဲ ထိုင်းလူမျိုးအမည်ခံ လုပ်ငန်းများ စစ်ဆေးနေ

ဘန်ကောက်မြို့ ဟွေ့ခွမ် ဧရိယာရှိ စားသောက်ဆိုင် ၁၀ ဆိုင်ကို အထူးစုံစမ်းစစ်ဆေးရေး ဦးစီးဌာနက မကြာမီ ပိတ်သိမ်းတော့မည် ဖြစ်သည်။

ထိုင်းကူးသန်းရောင်းဝယ်ရေး ဒုဝန်ကြီး နပင်န်တွန်က သောကြာနေ့တွင် ပြောကြားခဲ့ခြင်းဖြစ်သည်။

ထိုနေရာတွင် တရုတ်များကထိုင်းလူမျိုးများကိုအမည်ခံပြီး ပါမစ်မရှိဘဲ စီးပွားရေးလုပ်ငန်းများကိုလုပ်နေသည်ဟုဆိုသည်။ ထို့ကြောင့် ထိုင်းစီးပွားရေးလုပ်ငန်းများနှင့် ထိုင်းအလုပ်သမားများအားအကာအကွယ်ပေးဖို့ ပြောကြားခဲ့သည်။

Ref: khasod

ဓမ္မစကူးလ်ဖောင်ဒေးရှင်းဗဟို ဥက္ကဋ္ဌ၊ မုံရွာမြို့ ရန်ကင်းဆရာတော်ကြီး၏ အန္တိမအဂ္ဂိစျာပန ကျင်းပ

ဓမ္မစကူးလ်ဖောင်ဒေးရှင်းဗဟိုဥက္ကဋ္ဌ၊ မုံရွာမြို့၊ ရန်ကင်းဆရာတော်ကြီး၏ အန္တိမအဂ္ဂိစျာပနကို ဧပြီလ(၂၆)ရက်ကကျင်းပရာ စျာပနလှည့်လည်ရာ လမ်းတလျောက် မုံရွာမြို့သူ မြို့သားများစွာ ဖူးမြှော်ခဲ့ကြသည်။

မုံရွာမြို့၊ ရန်ကင်းရပ်၊ ရန်ကင်းပရိယတ္တိစာသင်တိုက် ဦးစီးပဓာနနာယက၊ ဒွိပိဋကဓရ၊ ဒွိပိဋကကောဝိဒ၊ အဂ္ဂမဟာပဏ္ဍိတ၊ အဂ္ဂမဟာ ဂန္ဓဝါစကပဏ္ဍိတ၊ အဂ္ဂမဟာသဒ္ဓမ္မဇော
တိကဓဇ၊ဓမ္မစကူးလ်ဖောင်ဒေးရှင်းဗဟို ဥက္ကဋ္ဌ ဘဒ္ဒန္တပညာဝံသပျံလွန်တော်မူသည့် ဧပြီလ (၁၈)ရက်မှ ဧပြီလ(၂၆)ရက်
နံနက်(၇)နာရီအချိန်တိုင်း ဆွမ်းစဥ်ခြင်းကို ပြုလုပ်ခဲ့သည်။

ဆရာတော်ကြီးရုပ်ကလာပ်ကို ဧပြီလ(၂၅)ရက်က ယာယီစံကျောင်းတော်မှ ဗဟိုစံကျောင်းတော်သို့ စံကျောင်းချအခမ်းအနားကျင်းပခဲ့ပြီး နေ့လယ်ပိုင်းတွင် မန္တလေးချိုတူးအဖွဲ့က ဧယာဥ်ကျူးသည်။

သတင်းအပြည့်အစုံဖတ်ရန် >>

https://www.popularmyanmar.com/ဓမ္မစကူးလ်ဖောင်ဒေးရှင်/

ချောက်မြို့၏ နေ့အပူချိန် ၄၅.၂ ဒီဂရီစင်တီဂရိတ်အထိ စံချိန်တင်မြင့်တက်

မကွေးတိုင်းဒေသကြီး ချောက်မြို့တွင် ယမန်နေ့ ဧပြီ (၂၅) ရက်က ၄၅.၂ ဒီဂရီ စင်တီဂရိတ်အထိ နေ့အပူချိန် စံချိန်တင်မြင့်တက်ခဲ့ပြီး ယခု ဧပြီလ၏ ပျမ်းမျှ အပူချိန်ထက် ၂ ဒီဂ ရီစင်တီဂရိတ် မြင့်တက်ခဲ့ကြောင်း မိုး‌လေဝသနှင့်ဇလဗေဒညွှန်းကြားမှုဦးစီးဌာန၏ ယနေ့ အသိပေးချက်အရ သိရသည်။

စံချိန်တင် ဖြစ်ပေါ်ခဲ့သော ထူးခြားသည့် နေ့အပူချိန်များမှာ ချောက်မြို့တွင် ၄၅.၂ ဒီဂရီစင်တီဂရိတ် ၊ မင်းဘူးမြို့တွင် ၄၃.၂ ဒီဂရီစင်တီဂရိတ်၊ မြင်းမူမြို့တွင် ၄၃.၁ ဒီဂရီစင်တီဂရိတ် ၊ မကွေးမြို့နှင့် ဂန့်ဂေါမြို့တို့တွင် ၄၃.၀ ဒီဂရီစင်တီဂရိတ်တို့ရှိကြောင်း သိရသည်။

အလားတူ မြင်းခြံမြို့တွင် ၄၂.၈ ဒီဂရီစင်တီဂရိတ်၊ ဆင်ဖြူကျွန်းမြို့နှင့် မင်းကင်းမြို့တို့တွင် ၄၂.၅ ဒီဂရီစင်တီဂရိတ်၊ အောင်လံမြို့နှင့် ကလေးဝမြို့တို့တွင် ၄၂.၃ ဒီဂရီစင်တီဂရိတ်နှင့် မုံရွာမြို့တွင် ၄၂.၂ ဒီဂရီစင်တီဂရိတ်တို့ အသီးသီး ရှိကြောင်းသိရသည်။

သတင်းအပြည့်အစုံဖတ်ရန် >>

https://www.popularmyanmar.com/ချောက်မြို့၏-နေ့အပူချိန/