🌏24.4.2025 သတင်းအစုံအလင်🌏

👉ပျဥ်းမနား အမှတ်(၁)မြို့မစျေးအသစ်ပြန်လည်တည်ဆောက်စဥ် အောင်မင်္ဂလာဝန်းအတွင်း ယာယီဈေးဖွင့်လှစ် ရောင်းချသွားမည်

👉ဧရာဝတီမြစ်ရေသည် လာမည့် ၇ ရက်အတွင်း မန္တလေးမြို့၏ ရေနည်းသတိပေးမှတ်အထက်သို့ပြန်လည်ရောက်ရှိနိုင်

👉တရုတ်ဒုဝန်ကြီးချုပ် အီရန်နိုင်ငံခြားရေးဝန်ကြီးနှင့်တွေ့ဆုံ

👉လာအိုသမ္မတ နှင့် ထိုင်းမင်းသမီးသီရိဒုံ တို့တွေ့ဆုံဆွေးနွေး

👉နယ်စပ်အွန်လိုင်းလိမ်လည်မှုများအတူ တိုက်ဖျက်မည်--ထိုင်း၊ ဖနောင်ပင်

👉တယ်လီကွန်းလိ-မ်လ-ည်သူ (၉၀၀) ကျော်ကို မြန်မာကတရုတ်သို့လွှဲပြောင်းပေး

👉ကမ္ဘောဒီးယားနှင့်စင်္ကာပူတို့ ပညာရေးပူးပေါင်းမှုမြှင့်တင်မည်

👉ဝါရင့်ကွင်းလယ်လူလှိုင်းဘိုဘိုအား ရှမ်းယူနိုက်တက်အသင်း ခေါ်ယူ

👉Meta ၏ဉာဏ်ရည်တုသည် လူကဲ့သို့မြင်နိုင်၊ ဆင်ခြင်နိုင်၊ ပူးပေါင်းနိုင်ပြီ

👉Max Cement က ငလျင်ဒဏ်သင့် ဒေသများရှိ အများပြည်သူနှင့်ဆိုင်သည့် အဆောက်အဦးများနှင့် ပြည်သူလူထု၏ နေအိမ်အဆောက်အဦးများအတွက် ဘိလပ်မြေများကို စက်ရုံတိုက်ရိုက်ဈေးဖြင့် ရောင်းချပေးနေ

👉ငလျင်ဘေးသင့် ပြည်သူများအတွက် သက်သာသော စျေးနှူန်းဖြင့် ကြက်ဥနှင့် ကြက်သားများ ရောင်းချပေးမည်

👉မန္တလေးမှတဆင့် မူဆယ်သို့ ကုန်စည်လမ်းကြောင်းပြန်ပွင့်ရန် နှစ်ဖက်ဆွေးနွေးမှုများရှိနေ

👉Block stamp အထူးထုတ် (၂,၄၀၀ကျပ်တန်) တံဆိပ်ခေါင်းသစ် တစ်မျိုးရောင်းချပေးမည်

👉သီတဂူ ကရုဏာအလှူတော်တရားပွဲအား ရန်ကုန်မြို့၌ကျင်းပမည်

👉မန္တလေးမြို့ ငလျင်ဒဏ်သင့် ဝန်ထမ်းများနှင့် သက်ကြီးဘိုးဘွားများကိုတရုတ်လူငယ်လုပ်ငန်းရှင်များငွေကြေး ထောက်ပံ့

👉မန္တလေးငလျင် ပြန်လည်ထူထောင်ရေးကာလ Mobile Toilet များ ထောက်ပံ့မည်

👉ထူးခြားမြစ်ရေ မြင့်တက်ခဲ့သည့် ဧရာဝတီမြစ်

👉YUFC ၏ ဒုတိယဆုနေရာကို ချေဖျက်မည့် နည်းပြချုပ်ဦးကျော်ဒွန်း အသင်းဖြင့် (၁)နှစ် စာချုပ်သက်တမ်းတိုး

👉ငလျင်လှုပ်ခတ်မှု အင်အားလျော့ကျကာ အကြိမ်အရေအတွက်မှာလည်း လျော့နည်းသွားပြီဟု ပြင်ပ မိုးလေဝသပညာရှင် ဦးဝင်းနိုင် သုံးသပ်

👉ငလျင်ကြောင့် ပြိုကျပျက်စီးသွားတဲ့ Bright Kid မူကြိုကျောင်း အပျက်အစီးများကြားက တွေ့ရတဲ့ ကျောင်းသားငယ်များရဲ့ အသုံးအဆောင်များကို မိဘများလာယူသည့် မြင်ကွင်း ၊

👉Sky Villa အားရှင်းလင်းရာ ကလေးငယ်တစ်ဦးအပါအဝင် အမျိုးသား(၄)ဦး၏ရုပ်အလောင်းတွေ့ရှိ

👉သောက်သုံးရေကန်ကိုမြေဖို့ခဲ့သူအား ဒဏ်ကြေး(၃) သိန်းချမှတ်ပြီး ဂရန်ပယ်ဖျက်ခဲ့

👉တိုင်းနှင့်ပြည်နယ်အနှံ့တွင် ဧပြီ ၂၈ ရက်မှ မေ ၃ ရက်အတွင်း မိုးထစ်ချုန်းရွာသွန်းနိုင်

👉ကျိုက်ထီးဆောင်းဆရာတော်ကြီးမှ စစ်ကိုင်းမြို့နယ်အတွင်း ထောက်ပံ့လှူဒါန်းမှုများပြုလုပ်

👉ငလျင်ဒဏ်ကြောင့် ဥပ္ပါတသန္တိစေတီတော်မြတ်ကြီးရှိ ပျက်စီးခဲ့မှုများကို နစက ဥက္ကဋ္ဌကြည့်ရှု

👉မြန်မာယူ-၂၀ လိဂ် ဂိုးသွင်းဘုရင် စိုင်းဇေယျာကျော် အား YRFC အသင်း သုံးနှစ်စာချုပ်ဖြင့် ခေါ်ယူ

👉နိုင်ငံတော်၏ နိုင်ငံရေးဖြစ်ပေါ်ပြောင်းလဲမှု သမိုင်းဖြစ်ရပ်မှန်များကိုရေးသားထားသည့် စာကောင်းပေမွန်များကို ထိန်းသိမ်းထားရန်လို

ထိုင်း၌သဘာဝဘေးမိုဘိုင်းလ်အရေးပေါ်သတိပေးစနစ်စမ်းသပ်မည်

ဘန်ကောက်၊ဧပြီ ၂၃

ထိုင်းနိုင်ငံ၌ မေလမှစ၍ cell broadcast နည်းပညာကိုအသုံးပြုကာ သဘာဝဘေးအန္တရာယ်များအတွက် မိုဘိုင်းလ်ဖုန်းများသို့ အရေးပေါ်သတိပေးချက်ပေးပို့မည်စနစ်ကိုစမ်းသပ်မည်ဟုသိရသည်။

အဆိုပါစနစ်ကို တစ်နိုင်ငံလုံးအတိုင်းအတာဖြင့် စတင်မကျင့်သုံးမီ စမ်းသပ်ကာလ၌ပင် တိကျမြန်ဆန်ပြီး ပြည်သူများ၏ယုံကြည်မှုကိုရယူနိုင်ရန်ကြိုးစားလုပ်ဆောင်မည်ဟုသိရသည်။

Cell broadcast နည်းပညာသည် တိကျသည့်ပထဝီဝင်ဧရိယာတစ်ခုအတွင်းရှိ မိုဘိုင်းလ်ဖုန်းများသို့ မက်ဆေ့ချ်များကို တိုက်ရိုက်ပေးပို့နိုင်ပြီး ကျယ်လောင်သည့်သတိပေးသံနှင့် မက်ဆေ့ချ်များကို ထိုင်းနှင့်အင်္ဂလိပ်နှစ်ဘာသာဖြင့်ပေးပို့မည်ဖြစ်ကာနိုင်ငံသား‌များအတွက်သာမက နိုင်ငံခြားသားများအတွက်ပါအဆင်ပြေသည်ဟုလည်းပြောကြားခဲ့သည်။

ပြီးခဲ့သည့်မတ်လက အိမ်နီးချင်းမြန်မာနိုင်ငံ၌ဖြစ်ပေါ်ခဲ့သည့်ငလျင်ကြောင့် လူအများအပြား‌ေ-သဆုံးကာ ထိုင်းနိုင်ငံတွင်လည်း အဆိုပါငလျင်အား ထိခိုက်ခံစားခဲ့ရသဖြင့် ယခုကဲ့သို့အရေးပေါ်အသိပေးသည့်စနစ်ကိုစတင်ခြင်းဖြစ်သည်ဟုလည်း သဘာဝ‌ေဘး ကာကွယ်ရေး ဌာနကပြောကြားခဲ့သည်။

Source : ရှင်းဟွာ

အနောက်နိုင်ငံများက တို-က်ခိုက်လျှင်နျူလက်နက်သုံးပိုင်ခွင့်ရှိ--ရုရှား

အနောက်နိုင်ငံများ၏ ရန်ပြုမှုကို ကြုံတွေ့ရလျှင် ရုရှားသည် နျူကလီးယားလက်နက်ကို သုံးပိုင်ခွင့်ရှိသည်ဟု မော်စကို၏ ထိပ်တန်းလုံခြုံရေးအရာရှိ ဆာဂီရှိုဂူက အင်တာဗျူးတွင် ပြောဆိုခဲ့သည်ဟု နိုင်ငံပိုင် တာ့စ်သတင်းဌာနက ကြာသပတေးနေ့တွင် ဖော်ပြခဲ့သည်။

မကြာခင်အချိန်၌ သဘောတူညီချက်ရရန် တိုးတက်မှုတစ်စုံတရာမရှိခဲ့လျှင် ဝါရှင်တန်သည် ယူကရိန်းငြိမ်းချမ်းရေးအတွက် စေ့စပ်ပေးရန် ကြိုးပမ်းနေခြင်းမှ စွန့်ခွာသွားနိုင်ကြောင်း အမေရိကန်သမ္မတ ဒေါ်နယ်ထရမ့်ပ်နှင့် ဒုတိယသမ္မတ ဂျေဒီဗန့်စ်တို့က သတိပေးခဲ့ပြီးနောက် ရှိုဂူ၏ ယခု ပြောဆိုချက် ထွက်လာခြင်းဖြစ်သည်။

ရုရှားကာကွယ်ရေးဝန်ကြီးအဖြစ် ဆယ်စုနှစ်တစ်ခုကျော် တာဝန်ထမ်းဆောင်ခဲ့သူဖြစ်ကာ ပြီးခဲ့သည့်နှစ်က အစိုးရအဖွဲ့အပြောင်းအလဲတွင် သြဇာကြီးမားသော လုံခြုံရေးကောင်စီ၏ အကြီးအကဲဖြစ်လာသော ရှိုဂူက ပြီးခဲ့သည့်နှစ် နိုဝင်ဘာလတွင် သမ္မတ ဗလာဒီမာပူတင်က အတည်ပြုပေးခဲ့သည့်

သတင်းအပြည့်အစုံဖတ်ရန် >>

https://www.popularmyanmar.com/အနောက်နိုင်ငံများက-တို-က/

စစ်သွေးကြွ သုံးဦးတွင် ပါကစ္စတန်နိုင်ငံသားနှစ်ဦး ပါဝင်

ယခုသီတင်းပတ်အတွင်း လူ ၂၆ ဦး ‌ေ-သဆုံးခဲ့သည့် ကမ္ဘာလှည့်ခရီးသည်များကို တို-က်ခိုက်မှုတွင် ပါဝင်ပတ်သက်သည့် သံသယရှိ စစ်သွေးကြွသုံးဦး၏ အမည်ကို အိန္ဒိယအုပ်ချုပ်သည့် ကက်ရှ်မီးယားဒေသ ရဲတပ်ဖွဲ့က ထုတ်ပြန်လိုက်ပြီး ၎င်းတို့ကို ဖမ်းဆီးရမိရေးအတွက် သတင်းပေးနိုင်သူများကို ဆုကြေးချီးမြှင့်မည်ဟု ကြေညာခဲ့သည်။

စစ်သွေးကြွသုံးဦးအနက် နှစ်ဦးသည် ပါကစ္စတန်နိုင်ငံသားများဖြစ်သည်ဟု ကြာသပတေးနေ့ကသတင်း ထုတ်ပြန်ချက်တွင် ပြောကြားထားသည်။

တစ်ချိန်တည်းမှာပင် ကက်ရှ်မီးယားတို-က်ခိုက်မှုဖြစ်ပွားပြီးနောက် မြစ်ကြောင်းဆိုင်ရာ စာချုပ်ကို အိန္ဒိယဘက်က ဆိုင်းငံ့လိုက်ခြင်းသည် ရေစစ်ပွဲဆင်နွှဲလိုက်ခြင်းဖြစ်သည်ဟု ပါကစ္စတန်အစိုးရဝန်ကြီးတစ်ဦးက ပြောဆိုလိုက်သည်။

သတင်းအပြည့်အစုံဖတ်ရန် >>

https://www.popularmyanmar.com/စစ်သွေးကြွ-သုံးဦးတွင်-ပါ/

အစ္စတန်ဘူလ်၌ ငလျင်ဘေးစိုးရိမ်ပြီးခုန်ချသဖြင့် လူ ၁၅၁ ဦးဒဏ်ရာရခဲ့

အစ္စတန်ဘူလ်၊ဧပြီ ၂၃

ဧပြီလ ၂၃ ရက်နေ့က တုကီယေး၌ ပြင်းအား ၆ ဒသမ ၂ အဆင့်ရှိ ငလျင်လှုပ်ခတ်ရာ ထိတ်လန့်တုန်လှုပ်ပြီး အ‌ဆောက်အအုံ ပေါ်မှခုန်ချသည့်ဖြစ်ရပ်များကြောင့် လူ ၁၅၁ ဦးဒဏ်ရာရရှိခဲ့ကြောင်း အစ္စတန်ဘူလ်အုပ်ချုပ်ရေးမှူးရုံးကသတင်းထုတ်ပြန်ခဲ့သည်။

ဒဏ်ရာရရှိသူများမှာ လက်ရှိတွင် ဆေးရုံ၌ဆေးကုသမှုခံယူနေရပြီး ၎င်းတို့၏အခြေအနေမှာ အသက်အန္တရာယ်မစိုးရိမ်ရကြောင်းနှင့် ဧပြီလ ၂၃ ရက်ညနေ ၃ နာရီ ၃၀ မိနစ်အထိ လူသေဆုံးမှုမရှိကြောင်းလည်းအဆိုပါရုံးကသတင်းထုတ်ပြန်ထားသည်။

Fatih ခရိုင်ရှိ စွန့်ပစ်ထားသည့် အဆောက်အအုံမှလွဲ၍ မြို့အနှံ့ရှိလူနေအဆောက်အအုံများ ပြိုကျခြင်းမရှိကြောင်း အုပ်ချုပ်ရေးမှူးရုံးကအတည်ပြုပြောကြားခဲ့သည်။

သတင်းအပြည့်အစုံဖတ်ရန် >>

https://www.popularmyanmar.com/အစ္စတန်ဘူလ်၌-ငလျင်ဘေးစိ/