စစ်ကိုင်းမြို့ ဒိုင်းမွန်းဖုန်းဆိုင်အောက်မှတွေ့ရှိခဲ့ရသည့် ရွှေတုံး(၄)တုံးကို ပိုင်ရှင်ထံပြန်အပ်

မန္တလေးငလျင်ကြီးဒဏ်ကြောင့် စစ်ကိုင်းတိုင်း၊ စစ်ကိုင်းမြို့၊ မိုးဇာရပ်ကွက်၊ နယ်မြေ(၄)၊ စျေးလမ်းရှိ "ဒိုင်းမွန်း"ဖုန်းဆိုင်အဆောက်အအုံမှာလည်း ပြိုကျပျက်စီးသွားခဲ့သည်။

ထိုသို့ ပြိုကျပျက်စီးသွားခဲ့သဖြင့် ဖယ်ရှားရှင်းလင်းရေးလုပ်ငန်းများကို စစ်ကိုင်းခရိုင်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များမှ ယနေ့ ဧပြီ ၂၃ ရက်ကပြုလုပ်ခဲ့ကြရာ ရွှေတုံး(၄)တုံးအားတွေ့ရှိခဲ့ရသဖြင့် ပိုင်ရှင်ဖြစ်သူထံသို့ လွှဲပြောင်းပေးအပ်ခဲ့ကြသည်။

အိန္ဒိယလုပ် ဘရာမို့စ်ဒုံးကျည် ဒုတိယအသုတ် ဖိလစ်ပိုင်ကို ပေးပို့

ဘရာမို့စ် တိုက်ခိုက်ရေးဒုံကျည်များကို သုံးသုတ်ခွဲပေးပို့မည့် အစီအစဉ်အရ ပထမအသုတ် ပေးပို့ပြီးနောက် တစ်နှစ်အကြာဖြစ်‌ေသာယခုအချိန်တွင် အိန္ဒိယနိုင်ငံက ဒုတိယအသုတ် ဒုံးကျည်များကို ဖိလစ်ပိုင်သို့ ပေးပို့လိုက်ကြောင်း သိရသည်။

ပထမအသုတ် ပေးပို့စဉ်ကကဲ့သို့ အိန္ဒိယလေတပ် သယ်ယူပို့ဆောင်ရေးလေယာဉ်ဖြင့် သယ်ယူပို့ဆောင်ခြင်းမဟုတ်ဘဲ ဒုတိယအသုတ်ကို သင်္ဘောဖြင့် ပေးပို့ခဲ့ခြင်းဖြစ်သည်ဟု အိန္ဒိယ၏ အင်္ဂလိပ်ဘာသာသုံး သတင်းစာများဖြစ်သည့် The Economic Times နှင့် The New Indian Express တို့က ဖော်ပြသည်။

ဖိလစ်ပိုင်သည် အိန္ဒိယ-ရုရှား ဖက်စပ်လုပ်ငန်းဖြစ်သော BrahMos Aerospace Private Ltd နှင့် ၎င်း၏ ပီဆို ၁၈ ဒဿမ ၈ ဘီလျံတန် သဘောတူညီချက်အရ ဘရာမို့စ် ဒုံးကျည် စုစုပေါင်း သုံးသုတ်ကို လက်ခံရရှိမည်ဖြစ်သည်။

သတင်းအပြည့်အစုံဖတ်ရန် >>

https://www.popularmyanmar.com/အိန္ဒိယလုပ်-ဘရာမို့စ်ဒု/

ဧရာဝတီမြစ်ရေသည် လာမည့် ၇ ရက်အတွင်း မန္တလေးမြို့၏ ရေနည်းသတိပေးမှတ်အထက်သို့ပြန်လည်ရောက်ရှိနိုင်

မိုးလေဝသနှင့်ဇလဗေဒညွှန်ကြားမှုဦးစီးဌာန၏ ဧပြီ ၂၃ ရက်မွန်းတည့် ၁၂ နာရီခွဲအချိန်တိုင်းတာချက်အရ ဧရာဝတီမြစ်ရေသည် မန္တလေးမြို့တွင် ၃၂၃ စင်တီမီတာသို့ရောက်ရှိနေသည်ဟု အသိပေးခဲ့သည်။

အဆိုပါ မြစ်ရေသည် လာမည့် ၇ ရက်အတွင်း လက်ရှိရေမှတ်အထက် ၁ ပေခွဲခန့်မြင့်တက်လာနိုင်ပြီး မန္တလေးမြို့၏ ရေနည်းသတိပေးမှတ်ဖြစ်သော ၃၆၀ စင်တီမီတာအထက်သို့ ပြန်လည်ရောက်ရှိနိုင်သည်ဟု အသိပေးခဲ့သည်။

ထို့အတူ ချင်းတွင်းမြစ်ရေသည် မုံရွာမြို့တွင် ၈၆ စင်တီမီတာသို့ရောက်ရှိနေပြီး လာမည့် ၇ ရက်အတွင်း လက်ရှိရေမှတ်အထက် ပေဝက်ခန့်မြင့်တက်လာနိုင်သော်လည်း မုံရွာမြို့၏ ရေနည်းသတိပေးမှတ် ၁၀၀ စင်တီမီတာအောက်တွင်သာ ဆက်လက်တည်ရှိနိုင်သည်ဟု အသိပေးခဲ့သည်။