တရုတ်နှင့်ဗီယက်နမ်ကမ်းရိုးတန်းစောင့်တပ်များ ဘေဘူးပင်လယ်ကွေ့၌ ပူးတွဲကင်းလှည့်ခဲ့

ပေကျင်း၊ဧပြီ ၂၁

တရုတ်နှင့်ဗီယက်နမ်ကမ်းရိုးတန်းစောင့်တပ်များသည် ဘေဘူးပင်လယ်ကွေ့၌ ပထမဆုံးပူးတွဲကင်းလှည့်ခြင်းကို တနင်္လာနေ့ကပြုလုပ်ခဲ့ကြောင်း တရုတ်ကမ်းရိုးတန်းစောင့်တပ်၏ သတင်းထုတ်ပြန်ချက်အရသိရသည်။

တရုတ်ကမ်းရိုးတန်းစောင့်တပ်၏ စစ်ရေယာဉ်များဖြစ်သည့် Yongxing နှင့် Xisha တို့သည် ဗီယက်နမ်ကမ်းရိုးတန်းစောင့်သင်္ဘော 8004 နှင့် 8003 တို့နှင့်အတူ ကင်းလှည့်ရေးအတွက် ပူးတွဲရေတပ်အဖြစ်စုဖွဲ့ခဲ့သည်ဟုလည်းသိရသည်။

အဆိုပါစစ်ဆင်ရေးအတွင်း နှစ်ဖက်စလုံးသည် ဘေဘူးပင်လယ်ကွေ့ရေပြင်၌လုပ်ငန်းလုပ်ကိုင်နေသည့် ငါးဖမ်းသင်္ဘောများကို တရားဥပဒေစိုးမိုးရေးအတွက်စစ်ဆေးခြင်း၊ပင်လယ်ပြင်ငါးဖမ်းခြင်းလုပ်ငန်းများကိုထိန်း ကြောင်းခြင်း၊ပင်လယ်ပြင်အရေးပေါ်အခြေအနေများအားထိရောက်စွာတုန့်ပြန်ခြင်းနှင့် ပင်လယ်ရေကြောင်းသွားလာရေးတည်ငြိမ်မှုကို ပူးပေါင်းကာကွယ်ခြင်းတို့ကို လုပ်ဆောင်သွားမည်ဟုလည်းသိရသည်။

Source : ရှင်းဟွာ

ယူကရိန်းအကျပ်အတည်းသံတမန်နည်းအရဖြေရှင်း‌ရေး -မော်စကို

မော်စကို၊ဧပြီ ၂၁

ယူကရိန်းပဋိပက္ခကို သံတမန်ရေးနည်းလမ်းအရဖြေရှင်းရန် ရုရှားအနေဖြင့် လမ်းဖွင့်ထားကြောင်း ခရမ္မလင်၏ပြောရေးဆိုခွင့်ရှိသူ ဒီမစ်ထရီပက်စကော့ဗ်ကပြောကြားခဲ့သည်။

မော်စကိုအနေဖြင့် ယူကရိန်းပဋိပက္ခကို သံတမန်နည်းလမ်းဖြင့်ဖြေရှင်းရန် လမ်းဖွင့်ထားသည်ဟုဆိုသော်လည်း မည်သည့်အချိန်ကာလအတွင်း အကောင်အထည်ဖော်သွားမည်ဟူသော တိကျသည့်အချိန်ကာလသတ်မှတ်ချက်ကိုမူပြောကြားခြင်းမရှိခဲ့ပေ။

အမေရိကန်သမ္မတထရမ့်ပ်ကမူ ရုရှားနှင့်ယူကရိန်းတို့သည် ယခုသီတင်းပတ်အတွင်း သဘောတူညီချက်တစ်ခုကို ရရှိနိုင်မည်ဟုမျှော်လင့်ကြောင်း Truth လူမှုကွန်ရက်၌ရေးသားခဲ့သည်။

ပက်စကော့ဗ်ကမူ ပဋိပက္ခအတွက် ငြိမ်းချမ်းသည့်အဖြေရှာဖွေရန်ကြိုးပမ်းမှုများနှင့် ဆက်လက်လုပ်ဆောင်ရမည့်လုပ်ငန်းများကို လျှို့ဝှက်လုပ်ဆောင်ရမည်ဖြစ်ပြီး သတင်းပေါက်ကြားမှုကို ကာကွယ်ရန်အရေးကြီးသည်ဟုလည်း အလေးပေးပြောကြားခဲ့သည်။

သတင်းအပြည့်အစုံဖတ်ရန် >>

https://www.popularmyanmar.com/ယူကရိန်းအကျပ်အတည်းသံတမ/

ယူအက်စ်နှင့်ဖိလစ်ပိုင်စစ်ရေးပူးတွဲလေ့ကျင့်မှု ဒေသတွင်းနိုင်ငံများ ဆန့်ကျင်

ပေကျင်း၊ဧပြီ ၂၁

အမေရိကနှင့်ပူးတွဲပြီး အကြီးစားစစ်ရေးလေ့ကျင့်မှုပြုလုပ်ရန် ဆုံးဖြတ်ခဲ့သည့် ဖိလစ်ပိုင်၏အဆုံးအဖြတ်ကို ဒေသတွင်းနိုင်ငံများက မနှစ်မြို့ကြဘဲ ဆန့်ကျင်ခဲ့ကြကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူကပြောကြားခဲ့သည်။

ပေကျင်းနှင့်မနီလာတို့အကြား တောင်တရုတ်ပင်လယ်အရေးအငြင်းပွားနေချိန်၌ အဆိုပါစစ်ရေးလေ့ကျင့်မှုကို ပြုလုပ်ရန် စီစဉ်ခြင်းဖြစ်ပြီး အမေရိကနှင့်ဖိလစ်ပိုင်တို့၏ နှစ်ပတ်လည်စစ်ရေးလေ့ကျင့်မည့် အစီအစဉ်ကို ပေကျင်းကယခုကဲ့သို့ တုန့်ပြန်ပြောကြားခဲ့ခြင်းဖြစ်သည်။

“တစ်ကမ္ဘာလုံးမှာ တစ်ဘက်သတ်ဝါဒ၊ကိုယ်ကျိုးစီးပွားကာကွယ်ရေးဝါဒနဲ့ အနိုင်ကျင့်ဗိုလ်ကျမှုတွေဖြစ်နေကြလို့ ဒေသတွင်းမှာရှိတဲ့ စိန်ခေါ်မှုတွေကို တုန့်ပြန်ဖို့နဲ့ဒေသတွင်းတည်ငြိမ်ရေးကို ထိန်းသိမ်းဖို့အတွက် ဒီဒေသမှာရှိတဲ့နိုင်ငံတွေက စည်းလုံးညီညွတ်မှု၊ ပေါင်းစပ်ညှိနှိုင်းမှုနဲ့ ပူးပေါင်းကြိုးပမ်းမှုတွေပြုလုပ်ဖို့ တောင်းဆိုနေကြတာပါ” ဟုလည်း ၎င်းကဆက်လက်ပြောကြားခဲ့သည်။

သတင်းအပြည့်အစုံဖတ်ရန် >>

https://www.popularmyanmar.com/ယူအက်စ်နှင့်ဖိလစ်ပိုင်/

ကမ္ဘောဒီးယားနှင့်မလေးတို့ စစ်ရေးပူးပေါင်းမှုခိုင်မာစေရန် ကတိပြု

ဖနောင်ပင်၊ဧပြီ ၂၁

ကမ္ဘောဒီးယားနှင့်မလေးရှားတို့သည် နှစ်နိုင်ငံစစ်ဘက်ဆိုင်ရာပူးပေါင်းဆောင်ရွက်မှုနှင့် မိတ်ဖက်ဆက်ဆံရေးကို ပိုမိုခိုင်မြဲအောင်ဖော်ဆောင်ရန် ကတိပြုခဲ့ကြောင်း ကမ္ဘောဒီးယားဘုရင့်တပ်မတော်၏ သတင်းထုတ်ပြန်ချက်အရ သိရသည်။

ကမ္ဘောဒီးယားဘုရင့်တပ်မတော်၏တပ်မှူး ဗိုလ်ချုပ်ကြီးမော်ဆိုဖန်နှင့် မလေးတပ်မတော်အကြီးအကဲ ဗိုလ်ချုပ်ကြီး မိုဟာမဒ်ဟဖ်ဇူဒီယန်ဂျန်တန်တို့၏တွေ့ဆုံမှုတွင် ယခုကဲ့သို့ သဘောတူညီခဲ့ကြခြင်းဖြစ်သည်။

နှစ်ဖက်တာဝန်ရှိသူများကမူ ကမ္ဘောဒီးယားနှင့်မလေးရှားတို့အကြားရှိ နီးကပ်စွာဖြင့် ကာလရှည် ကြာသော ချစ်ကြည်ရင်းနှီးမှုကို အထူးတန်ဖိုးထားကာ တပ်မတော်နှစ်ရပ်အကြား ဆက်လက်ပူးပေါင်းဆောင်ရွက်မှုနှင့် အပြန်အလှန်ပံ့ပိုးကူညီမှုများအတွက် အားရကျေနပ်မိကြောင်းကိုလည်း ထုတ်ဖေါ်ပြောကြားခဲ့ကြသည်။

ပိုမိုကျယ်ပြန့်သည့် နှစ်နိုင်ငံဆက်ဆံရေး၏ အရေးပါသောအစိတ်အပိုင်းတစ်ခုအဖြစ် စစ်တပ်အချင်းချင်းပူးပေါင်းဆောင်ရွက်မှု ခိုင်မာအားကောင်းရေးသည် အရေးကြီးကြောင်း ၎င်းတို့နှစ်ဦးကအလေးပေးပြောကြားခဲ့ကြသည်။

Source : ရှင်းဟွာ

ChatGPT ဖြင့် နိုင်ငံကူးလက်မှတ်အတုနှင့် မိဘအတုများဖန်တီးနိုင်

ဧပြီ ၂၁

ဆိုက်ဘာလုံခြုံရေးကုမ္ပဏီ Cato Networks က ChatGPT ၏ ဓါတ်ပုံများကိုထုတ်လုပ်နိုင်သော AI စွမ်းရည်ကြောင့် ယခုအခါ စက္ကန့်ပိုင်းအတွင်း ပတ်စပို့အတုများ၊ လူမှုဖူလုံရေးကတ်အတုများနှင့် ယာဉ်မောင်းလိုင်စင်အတုများကို အလွယ်တကူ ဖန်တီးထုတ်လုပ်နိုင်ပြီဖြစ်ကြောင်း မကြာသေးမီက တွေ့ရှိခဲ့သည်။ Cato ကုမ္ပဏီ၏ ဆိုက်ဘာလုံခြုံရေးအကြံပေး အီတေးမာအော် က အဆိုပါစာရွက်စာတမ်းများကို မည်သူမဆို ယခုကဲ့သို့ လွယ်ကူစွာ ဖန်တီးနိုင်ခြင်းသည် အရေးကြီးသော ပြဿနာတစ်ခုဖြစ်ပြီး ကြောက်စရာကောင်းသော အရာတစ်ခုဖြစ်ကြောင်း၊ ၎င်းကို ကျွန်ုပ်အနေဖြင့် အမှန်တကယ်စိုးရိမ်မိ‌ကြောင်း၊ မည်သူမည်ဝါဖြစ်ကြောင်း ကို လိမ်လည် နိုင်ခြင်းသည် စိုးရိမ်ဖွယ်ရာ အမြင့်ဆုံးသို့ ရောက်ရှိနေကြောင်းပြောကြားခဲ့သည်။ ကိုယ်ရေးအချက်အလက်များကို ခိုးယူမှု ဖြစ်နိုင်ခြေကို ChatGPT က ပိုမိုကြီးမားအောင် မြှင့်တင်ပေးနေခြင်းဖြစ်‌ကြောင်း ကိုလည်းသူက ပြောကြားခဲ့သည်။

သတင်းအပြည့်အစုံဖတ်ရန် >>

https://www.popularmyanmar.com/chatgpt-ဖြင့်-နိုင်ငံကူးလက်မှတ/

ဂျေဒီ နှင့် မိုဒီ အခွန်ကိစ္စ တွေ့ဆုံဆွေးနွေး

အမေရိကန်ဒုတိယ သမ္မတ ဂျေဒီဗန့်စ်သည် တနင်္လာနေ့က နူးဒေလီတွင် အိန္ဒိယဝန်ကြီးချုပ် နာရင်ဒြာမိုဒီနှင့် ကုန်သွယ်ရေးရာများကို ဆွေးနွေးခဲ့ကြသည်။ တောင်အာရှနိုင်ငံသည် သမ္မတ ဒေါ်နယ်ထရမ့်ပ်၏ ထပ်တိုးအခွန်ကောက်ခံမှုများမှ ကင်းလွတ်ခွင့်ရရေးအတွက် ဝါရှင်တန်နှင့် သဘောတူညီချက် တစ်ရပ်ကို အလျင်အမြန်ရယူနိုင်ရေး ကြိုးပမ်းနေခဲ့သည်။

ဆွေးနွေးမှုများသည် နှစ်နိုင်ငံ ကုန်သွယ်မှုဆိုင်ရာ သဘောတူညီချက်အတွက် စေ့စပ်ညှိနှိုင်းမှုများတွင် သိသာထင်ရှားသော တိုးတက်မှုများ ကိုရစေခဲ့သည်ဟု အိမ်ဖြူတော်က သတင်းထုတ်ပြန်ခဲ့ပြီး နှစ်ဖက်စလုံးသည် အကောက်ခွန် ဝန်ထုပ်ဝန်ပိုးကို လျှော့ချရေးအတွက် ဖြစ်နိုင်ဖွယ်ရှိသော သဘောတူညီချက်တစ်ရပ်အတွက် အစီအစဉ်တစ်ခုကို အပြီးသတ် ညှိနှိုင်းနိုင်ခဲ့ကြောင်း သိရသည်။

သတင်းအပြည့်အစုံဖတ်ရန် >>

https://www.popularmyanmar.com/ဂျေဒီ-နှင့်-မိုဒီ-အခွန်က/

နျူကလီးယားဓာတ်ပေါင်းဖို ၁၉ ခု အီရန် ထပ်မံတည်ဆောက်မည်

လက်ရှိလည်ပတ်နေသော နျူကလီးယားဓာတ်ပေါင်းဖိုတစ်ခုအပြင် နောက်ထပ် ၁၉ ခုထပ်မံတည်ဆောက်ရန် ရည်ရွယ်ထားကြောင်း အီရန်နိုင်ငံခြားရေးဝန်ကြီး Abbas Araghchi က ပြောကြားသည်။

X လူမှုမီဒီယာပလက်ဖောင်းတွင် တင်ခဲ့သည့် မိန့်ခွန်းတွင် "အီရန်တွင် လက်ရှိတွင် Bushehr နျူကလီးယားစွမ်းအင်စက်ရုံ၌ ဓာတ်ပေါင်းဖိုတစ်ခုသာ လည်ပတ်နေပါသည်။ ကျွန်ုပ်တို့၏ ရေရှည်အစီအစဉ်မှာ အနည်းဆုံး နောက်ထပ် ၁၉ ခု တည်ဆောက်ရန်ဖြစ်ပြီး၊ ဆိုလိုသည်မှာ ဘီလီယံပေါင်းများစွာသော စာချုပ်များအတွက် အခွင့်အလမ်းများ ရှိနေပါသည်" ဟု သူကဆိုထားသည်။

အဆင့်မြင့် သံတမန်တစ်ဦး၏ ပြောကြားချက်အရ၊ အီရန်သည် အမေရိကန်နှင့် သိပ္ပံနှင့်နည်းပညာဆိုင်ရာ ပူးပေါင်းဆောင်ရွက်မှုကို တစ်ခါမျှ မကန့်ကွက်ခဲ့ကြောင်းသိရသည်။ ထို့အပြင် အီရန်နိုင်ငံခြားရေးဝန်ကြီး၏ စကားအရ "ကျွန်ုပ်တို့၏ စီးပွားရေးသည် ပြသထားသည့် ထရီလီယံဒေါ်လာတန်ဖိုးရှိသော အခွင့်အလမ်းများကို အမေရိကန်လုပ်ငန်းများအတွက် ဖွင့်လှစ်ပေးနိုင်သည်" ဟု ဆိုပြန်သည်။

သတင်းအပြည့်အစုံဖတ်ရန် >>

https://www.popularmyanmar.com/auto-draft/

ငလျင်ဒဏ်အလွန် ပြန်လည်ထူထောင်ရေး လုပ်ငန်းများဆောင်ရွက်ရန် ပြည်ပမှဘိလပ်မြေများ ထပ်မံရောက်ရှိလာ

ငလျင်ဒဏ်သင့်ဒေသများတွင်ပြန်လည်ထူထောင်ရေးလုပ်ငန်းများ ဆောင်ရွက်ရန် ပြည်ပမှ တင်သွင်းခွင့်ပြုထားသည့် ဘိလပ်မြေများ ရန်ကုန်ဆိပ်ကမ်းသို့ ထပ်မံရောက်ရှိလာကြောင်း သိရသည်။

ယခုအချိန်သည် ငလျင်ဒဏ်အလွန် ပြန်လည်ထူထောင်ရေးလုပ်ငန်းအပြင် ပွင့်လင်းရာသီဖြစ်၍ နိုင်ငံတစ်ဝန်း၌ဆောက်လုပ်ရေးလုပ်ငန်းများ အရှိန်အဟုန်ဖြင့် ဆောင်ရွက်လျက်ရှိသည်။

တည်ဆောက်မှု လုပ်ငန်းများအတွက် ယခုကာလအတွင်း လိုအပ်သည့် ပြည်တွင်းဘိလပ်မြေ လိုအပ်ချက်ကို ပြည့်မီစေရန်နှင့် ပြည်တွင်းထုတ်လုပ်မှုကို အင်အားဖြည့်တင်းပေးနိုင်ရန်အတွက် ပြည်ပမှ ဘိလပ်မြေများကို တင်သွင်းခွင့်ပြုထားကြောင်း သိရသည်။

သတင်းအပြည့်အစုံဖတ်ရန် >>

https://www.popularmyanmar.com/ငလျင်ဒဏ်အလွန်-ပြန်လည်ထူ/