السلام عليكم 💗✨
موضوعنا عن الوسواس القهري..
كثير من الناس تحدثوا عن الوسواس القهري أنواعه وماذا يشعر المريض ..الخ
ولكن اليوم اريد ان اتكلم واعطي نصائح عن الوسواس القهري واحكي شيئ بسيط

الوسواس القهري أو ال OCD..
الوسواس القهري كلمتان وهما
الوسواس: هي افكار ملحه تأتي من العقل غالبا يكون يطلب ان يفعل اشياء بصورة متكررة وأحيانا يكون بصورة أخري فالوسواس له اشكال كثيره ولكن تتشابه جميعها في كثرة الطلب او الإلحاح بفعل الطلب
القهري: وتعني الافعال القهرية التي يقوم بها المريض وهي تكون ناتجة عن الوسواس أو الإلحاحات التي تأتي من العقل كما قلنا

......
والفرق بين كثرة فعل شيئ والوسواس
هما ان عندما تفعل اشياء كثيرة بدون خوف أو بدون ان تكون تكرر الفعل لفكرة تأتي من عقلك هذا ليس وسواس أما الوسواس ان لم تفعلها تشعر بقلق
ف الوسواس قهريٌ لانه يقهر المريض بالافعال المتكررة التي يفعلها ويصعب علي المريض عدم فعل ما يقوله عقله بسبب التوتر والخوف الذي يشعر به

اضطراب الوسواس القهري قد يكون نتيجة لحدوث تغيرات في كيمياء الجسم الطبيعية أو وظائف الدماغ. الخصائص الوراثية. قد يكون لاضطراب الوسواس القهري مكون وراثي، ولكن لم يتم حتى الآن تحديد ما إذا كان لجينات معينة دور في الإصابة بهذا المرض

عادةً ما يشمل اضطراب الوسواس القهري كلًا من الوساوس والأفعال القهرية. ولكن من الممكن أيضًا أن تظهر عليك أعراض وسواس فقط أو أعراض أفعال قهرية فقط. قد تدرك - أو ربما لا تدرك - أن وساوسك أو أفعالك القهرية مفرطة أو غير معقولة، ولكنها تستهلك قدرًا كبيرًا من الوقت وتتداخل مع روتينك اليومي وأدائك الاجتماعي أو في العمل.

أعراض الوسواس
وساوس اضطراب الوسواس القهري هي أفكار متكررة ومستمرة وغير مرغوب فيها أو رغبات أو صور ملحة تسبب الضيق أو القلق. قد تحاول تجاهلها أو التخلص منها من خلال أداء سلوك أو طقوس قهرية. عادةً ما تظهر هذه الوساوس عندما تحاول التفكير في أشياء أخرى أو القيام بتنفيذها.

غالبًا ما تتمحور هذه الوساوس حول مواضيع معينة، مثل:

الخوف من التلوث أو القاذورات
الشك ومواجهة صعوبة في تحمل عدم اليقين
الحاجة إلى أن تكون الأشياء بشكل منظم ومتناسق
أفكار عدوانية أو مروعة حول فقدان السيطرة وإيذاء نفسك أو الآخرين
أفكار غير مرغوب فيها، بما في ذلك العنف أو الموضوعات الجنسية أو الدينية
تتضمن أمثلة أعراض ومؤشرات الوسواس ما يلي:

الخوف من التعرض للتلوث عبر لمس أشياء قام آخرون بلمسها
الشك في أنك أغلقت الباب أو أطفأت الموقد
التوتر الشديد عندما تكون الأشياء غير مرتبة أو في اتجاه معين
صور لقيادة سيارتك وسط حشد من الناس
أفكار حول الصراخ بألفاظ بذيئة أو التصرف بشكل غير لائق في الأماكن العامة
صور جنسية مزعجة
تجنب المواقف التي يمكن أن تحفز الوساوس، مثل المصافحة بالأيدي
أعراض الوساوس
الوساوس الناجمة عن اضطراب الوسواس القهري (OCD) هي سلوكيات تكرارية تشعر بأنك مدفوع لفعلها. تهدف هذه السلوكيات أو الأفعال العقلية التكرارية إلى تقليل القلق المرتبط بوساوسك أو منع حدوث شيء سيء. ومع ذلك، فإن الانخراط في الوساوس لا يجلب أي متعة وقد لا يوفر سوى راحةً مؤقتةً من القلق.

يمكنك وضع قواعد أو طقوس لاتباعها بحيث تساعد في التحكم في قلقك عندما تكون لديك أفكار قهرية. وهذه الوساوس تكون مفرطة، وغالبًا ما تكون غير مرتبطة بشكل واقعي بالمشكلة المُفترَض أن تحلها.

كما هو الحال مع الوساوس، عادةً ما يكون للأفعال القهرية موضوعات رئيسية، مثل:

الغسيل والتنظيف
الفحص
العد
الحفاظ على النظام
اتباع روتين صارم
المبالغة في الطمأنة

طيب نتكلم عادي بقي

في بدايه الامر حابه اوصف الوسواس بصورتي الخاصه او بالطريقة الي كنت بحس بيها
كنت بحس بقلق وتوتر لما مكنتش بعمل الي دماغي بتقوله ف كنت بعمل ده من سُكات كنت بحس كأن الوسواس حاجه عماله تخوفني من اي حاجه وتقولي متلمسيش ده اغسلي ايدك
الموضوع مرهق اه
بس ليه علاج

ومن طرق العلاج دي لو قولتلك حاول تجنب الفكرة الموضوع هيكون صعب لانه مش كلنا نقدر نتحمل كثرة الأفكار ف بنبقي عايزين نريح عقلنا وخلاص!
ف الاحسن لما تيجي فكرة علي دماغك أسأل دماغك او نفسك انت ليه بتقولي كده او علي اي اساس بتقولي كده اثبتيلي ان انت صح ايه دليلك ؟!
يعني مثلا لو كانت دماغك بتقول تغسل ايدك تسال دماغك ليه
تقول مثلا مش نضيفه
تيجي تبص علي ايدك تلاقي مفيش حاجه
قولها علي اي اساس بتقول انها مش نضيفه ايه دليلك
مفيش! مجرد احساس بس
انت مش شايف الحاجه بعينك خلاص !
تاني طريقه حاول متقعدش مع نفسك كتير لان ده هيكون مجال إن الأفكار تدخلك

لازم تفهم إن انت لما تسمع كلام عقلك اكتر كل لما الفكرة تثبت اكتر !
ف لازم المحاولة لازم لازم محاولة تاني لازم المحاولة ايوه معلش حاول علي قد ما تقدر تستحمل التوتر لو اتوترت كمل عادي يومك بشكل طبيعي ومتقعدش تحط الفكرة في دماغك

فكرات خاطئة عن تجاهل الوسواس:
طيب اولا كده
في افعال قهرية كتير من الناس بتعملها خاطئة علي اساس انها كده بتتجاهل الوسواس
زي مثلا
لما تكون جاية فكرة وسواسيه
وانت تقوم مثلا تتكلم مع الناس بس بهدف انك تهدي الوسواس
ده غلط مينفعش مش بقول انك متتكلمش لما تحس بوسواس لا اتكلم اكيد لكن مش بغرض التهدئة لان ده يعتبر فعل قهري بردو
ومش بقول انك تقعد تتحمل الوسواس لا
كمل عادي يومك بشكل طبيعي ومتسبش نفسك للأفكار واعمل الحاجات الي بتحبها اشغل وقتك لكن مش بهدف التهدئة✨

فكرات خاطئة عن تجاهل الوسواس
الاستخفاف
الاستخفاف بالفكرة
زي مثلا لما تيجي فكرة وسواسية وتستخف بيها علي اساس ان ده نوع تجاهل أو ان ده هيقلل من الوسواس أو يعني مثلا لما فكرة تقولك قوم اغسل ايدك مش نضيفه ف تقولها انت كدابه انت مش صح وتستخف بالفكرة
ولكن ده نوع من أنواع الفعل القهري ويعتبر نوع انواع التهدئة
ولكن في اختلاف ما بين انك تستخف بالفكرة أو أنك تكون عارف ان الشيئ الي دماغك بتقوله مش صح في فرق
يعني مثلا لما تيجي فكرة تسال نفسك ايه دليل الفكرة دي مش هتلاقي خلاص مفيش دليل تبدأ تسيب الفكرة مع نفسها يعني الموضوع هيكون صعب في الاول عشان التوتر والقلق ولكن انت عارف أنه مش صح !

وفي فرق ما بين تسال نفسك ايه الدليل وانك تفضل تتطمن نفسك بأنك تقول انت كدابه وانت مش صح

والوسواس القهري محتاج وقت مش هيمشي من يوم وليله محتاج تدريب من نفسك ومحتاج محاوله من الشخص ومع التعود ان شاء الله يزول الوسواس تماما 💗

ازاي نتغلب علي الوسواس القهري ؟!
طيب مش هقول كلام جديد عن المعروف بس من خلال تجربتي ممكن اقول العوامل الي ساعدتني علي ده
طيب اول حاجه الدواء مش هيعالج بنسبه ١٠٠٪ لازم الشخص الي يبدأ في المحاوله
طيب عشان نساعد نفسنا لازم مثلا نعمل هوايه بنحبها عشان تحسن مودنا شويه مش لازم حاجه تكون اشتراك او مكان مخصص ممكن في البيت يعني مثلا
لو بتحب الرياضه الرسم الخياطه .... الخ
ابتدي اعمل ده في البيت من نفسك
ولما تيجي اي فكره زي ما قولت متروحش تهدي نفسك باللعب أو الانشغال بحاجه بغرض التهدئة لازم نواجه الفكره
صعب ؟ اه اكيد صعب جدا
طيب نعمل ايه
نجيب كراسه كشكول اي ورق
المهم نكتب ورقه بالشكل ده


الفكرة :
مشاعر:
احاسيس جسديه :
سلوك:
دليل الذي يثبت الفكره :
الدليل الذي لا يثبت الفكره:
كل ما تيجي فكره املي الفراغات دي
شوف حسيت بايه سلوك هل نفذت كلام الفكره ولا لا شوف الدليل الي بيثبت والي مش بيثبت
طيب ايه الفائده
عشان تعرف ايه الي انت ابتديت تتحسن فيه وايه لا وتبتدي تحاول تشتغل فيه
وبردو تشوف الدليل الي بيثبت والي لايثبت عشان تعرف ايه الي خلاك تعمل كده
طيب لو لقينا مفيش اي حاجه بتثبت الفكره ولقينا حاجات كتير بتثبت ان الفكره غلط
مثلا :ايدك نضيفه
المكان نضيف .... الخ
فتبتدي متعملش سلوك ..
ربنا معاكم ومعانا كلنا يارب 💗