إذا حچيك حِكم و تخاطب الناس
كل راس ع گده وياك ينشد

لإن روس البشر عكس الفراغات
كل ما تنترس تستوعب إزيد

-نائِل المُظفر

چـنـت اتمـنى تـخدعني البدايات
حتى انخذل منك واني مخدوع
چـنـت اعـرف وهيه المشكلة هنا
اجيتك واعرف ترجعني موجوع
المـهم عـدت..
جـرح؟!
يا مرحباً بي
كلـه مـن الرجفلك بـيـن الضلوع
اعترفلك...
صـح رجـعـت بـكـلشي خـسـران
بس ضگت الخسارة وراسي مرفوع

انه أسراري ما وصلن لشفة بير
اجي مهضوم يمك خاطر اشكيلك
وامي تگلي يمه ادعيلي لو صليت
اتيه بيني وبين امي وادعيلك
چانت تمطر وعكازتك من طين
على اخيالي الكسر يمشي واتچيلك
چنت تزعل وادور عذر لمراضاك
ارضيك بدمعتي تعوفني بليلك
الله يوفقك ومنك حرمت انسان
اعله اخوته يفرقك وبس انته يبچيلك

ناري تـوّج ، واشتعل
واضويلك بكل درب
وانچوي ، خيمـه بشمس
كل هذا مَـ ( ينبهـك ) !

و ادريك گصبـه بـنهر
مـا ينـعـرف وجـهك

اي روح ، بس ، انتظر
عـلـمني اضم الـدمع
گـدام الـ يـشبهك

ياسر الأنصاري

بس گلي اسوي شلون خايب للگلب چارة
وانا الدم اليضل ببدلة الدكتور "محد ياخذ بثارة"

-احمد معاش

بطل المي ممكن نشتري من اي محل ب 250 دينار عراقي وهو نفسه بالضبط موجود بالكوفي ب500 دينار، وممكن نشتري من مكان ثاني مثلاً المطار ب1000 دينار .

بطل المي هو نفسه ما تغير الي تغير هو المكان الي موجود بي احنه هم ممكن نكون بمكان قيمتنا بيه قليله واي واحد ممكن يكسرنا ويستنزف طاقتنا . *
وممكن احنه من دون ما نبذل جهد علمود نعجب ناس نكون وسط ناس تقدر قيمتنا ومقامنا يكون غالي كلش يمهم.
اختار المكان والناس الي يعرفون قيمتك .
واياك تكعد بمكان محد يعرف قيمتك بي

نصيحة 👆

مره جاي اكل وطاح شويه مني وقبلما الم الأكل
اجت نمله وماكلت راستاً ركضت فزعت كل النمل
وانه ربعي اليلگه سلة عنب يركض يكطع حبال الوصل


علي ابو الهيل

حر واجناحي اگصه بوكت الاعناد
واموت وما اطير براحتك نش
على يا أساس تحرمني البساتين
شرط فزاعتك بيها انصب العش

علي ابو الهيل

ما يحتاج تصفن بيها وتحير
الوهم لا ياخذك وشلون ويجوز
ترا الدنيا مثل لعب التصاوير
تطيح اعله اليشبهك يالا تفوز..

كل شي بدونك يضرني
بجفاك الفي يسومرني
مو الا انت..
خوفي عليك يكسرني
انام مصوب وزعلك يسهرني
شهل تأثير؟
الـ بملكاك وفراكك تغيرني
وبكل ليلة شوكي يزيد
وصورك ماتصبرني
محد مثلك يلمني ويطشرني
وغيب شما ردت ماراح تخسرني

عمار سالم

أقتربلي شويه مُمكن ..
من بعيد تبوگ روحي
ومن قريب تبوگني أكثر
ليش من الگاك
أحس الگاع تصغر
وليش من الگاك
كل آمالي تكبر
انه جيتك
شايل الدنيا اعله راسي
بعيني شفتك أحلى منظر
أنتَ يمكن وصفة العراف أليه
أنت واحد بس أحسك
جاي تكثر !
ويمكن بتابوتي
بس انتَ اعله بالي
واندفن وبروحي تفتر
ولو نكير يريد يسأل
ينقهر ويسكته مُنكر
الخاطرك للجنة أفوت !
أنت يمبيض حياتي ولونك أسمر ..

فاسَتضحكت وهيّ تَجني الوَرد قائلةً
ما أحسنَ الوَرد..قُلتُ الوَرد خَداكِ

وقُلت أهوى..فَقالت بالدَلال ومَن
تهوى! فُقلت لها إياكِ إياكِ




-معروف الرصافي

واني بَس حَيرّني حسنَچ
ممكن افهم وين حَده
شما لَبستي الناس گالوا
فَد انيقة وچنهه ورده ،
مَدري ليش متعبَه نفسج
وانتِ بلعيد احلى وحده .

.
.

يلا يجوز ما نتواصل هواي ..
بس ثق بالي يمك كل دقيقة ..

صعب طبعي ومزاجي ،
وانغث بساع ..
وانت اكثر بشر بالدنيا اطيقة ..

شفتك بالخيال ومرة بالطيف
رايد هسة اشوفك بالحقيقة ..

عايفلك انسان النده ايسولف بي
يوميه فوك الورد حلمه يرسمه

اشكد احب طبع الشبح يتلكه اسهام
اشكد اكره القوس اليضحي ابسهمه

عاجبني طبع الطير
يكبر ويطير
ماخله واحد عنده شمره ايعلمه

يالعلموك … وغيروك … وخلوك ؟
من تذكر الحطك بروحه تذمه

جافيت كلبي الما جفه ابكلشي وياك
اليبچي اعله مودك چي تركت القمه

عمري التطشر حفنه ارماد بريح
لا تعتقد غيرك انسان ايلمه

#علي_عماد

يـا روحـي بـ خضار صباي
مـن چـان ألعمر بـهداي .. مـا جيتي

چـا لـمن جزاچ ألشوف
وتـبده ألحلـم عـ ألشيب فـزيتي

چـا لمن رخـص گلبي
أعـله يـاهو ألچان .. حنيتي

مـا تدرين
يـم كل بـاب شـاتل عـين ومتانيـچ

أذبـل
وألـسنين تـخظر بـ طاريچ

لا هـلبت تـلمچ وأگـعد أتـمناچ
ولا سـر ينفضـح .. واحـچيچ

يـا روحي بـ توالي ألليل مـا أوصيـچ
مـا اوصيـچ
لـمي ألمشتهاچ مـتاع
تـره بـ تالي ألحزن حتـى ألدمع ينباع

لـيش
من أشـتهيتچ طيف
طـشيتي ألشمس بـ ألگاع

خـلينـه بـعد نـشتاگـ
يا روحي ألگلوب تـعيش من تنباگ

مـبيوگين أنه وياچ مبيوگين

خلينـه أعـله طـول ألليل مـتبدين
چم دوب ألعشگ سـكته
چم دوب ألـ يحب يعيش ذنبـه
بـ طول سالفتـه

يـا أول ذنب چم دوب
بـ سنين ألمفارگـ يـشرب ألدخان
ذبـلان الغـصن ضنيتـه بس ذبـلان
وحشمت ألفلح وألماي
چـان بـ خاطري يـنزل عـليچ أفياي
وويـن أدري بـ خريفچ جاي

ويـن أدري مـن چـان ألعمر شـباچ
عـبرتچ ذنـب حـد ما خـلص عمري
ويـن ادري الدرب من ينسحگ يـغله

يـا روحي گـبل لا تنشف ألنهران
چـم نورس نزل عطشان
لـكن مـا گـدر يعله

چـم ليل أنـطفـه ويـه جرت ألكحله
مـا فززچ دمعـي ألطاح
وأنـه ألچـنت أفـز بطيحة ألگذلـه

لميني وي گذلـة شعرچ النعسان
لمت ليل بـ عيون ألغريب
ألمـا حـضالـه بـ عين

مـشه بيـه العمر جرفين
و انـه اولايتي جروفچ

يـا روحي
القصيده تـغار من تجيسني حروفچ

هـلبت يا ضريح ألشوف
بـيبان ألـضوه أطـوفـچ
وگلج أي يـطيف ألماي
غـيرچ ما حله بعيني

وادري شمـا صـغتلچ راي
ما ينصاغلج طيني

#حسن_قاسم

مليت ما جاي الگه اليدليني
ذكرى وتراب وكلشي طب بعيني
هزيت ايدي گبال كل الذكروك
ورجعته يظحك كلمن يواسيني
هاي بوكتها وهسه ابشرك والله
حتى مشاكل جارنه تبچيني


عزت عباس

عبرتك بالسلام وگلبي مد أيده وتريد انسى
وخفت لا اگلك شلونك وما تقسى
انه العايفك وانه المضيع الناس
وهذا الواگف يحاچيك مو نفسه
من چان انتظارك عالجمر سجين
خسرتك والجمر ما يشتعل هسه
ومثلما گلنه بعد الظحكه ضحكة خير
تره بعد الافراگ تخوف الونسه


عزت عباس

بين فَيّ رمشك...
وزلفك ..گنطرة هييل  وعوافي

هلا بالعندي يسوة عدال مية
بچفن واتنطره يسلم علية ♡.