أنتي /
نصر من صابه الاحباط يا سلطةٍ ما فوقها سلطه

في عزلتي وابعد عن الناس و غيب
نفسي على العزله كذا مطمئنه

ترتاح روحي لا هو ذنب ولا عيب
العيب اجامل عالم منسجنه

يا صاحبي مادام ما تعرف الغيب
خل العقوب الرايقه مستكنه

ياللي حنانك نضرةٍ بين الاهداب
ردي علي بعض العزا ناظريني

وش تستفيد القلوب الي ذبحها الحنان
وانتِ سلامك نظر… وانا سلامي نظر !

العقل ماهو دايم صحيح الاتجاه
الدروب احيان ودّك تخالف سيرها

انا على درب المحبه تكلفت
عطشان واطرد لي سرابٍ مقفي

أبحرت في بحر المحبين وانكفتَ
وصفقت من كفي على راح كفي

وعند النهايه شفت بالحب ماعفت
وسحبت من سجل المحبه ملفي

لو المدى وقت مضى ماتحسفت
اخذت من طرد العنا ما يكفي

بس البلا من موقف فيه وقفت
على شفا رجمٍ طويل مشفي

رجم العنا اللي ليتني فيه ما شرفت
ولا شفت من شوفه على شف شفي

مخلوق ماشفته على كثر ماشفت
ورى الستار من الجمال متخفي

يصد عن هرجي وهو يفهم الكفت
يبيني اصفق راح كفي بكفي

- رشيد الزلامي

يقول تركي بن جويعد :

"حتى لو إن المواصل يُعتبر مستحيل
أحسّ عادك بترجع .. بس مدرِي متى"

- جرعة أمَل -

وانا بعد رحت ماطوّلت مقعادي
مقاعد الذل نفسي ماتدانيها

ازهد بها واترك الجمّال والحادي
والله يا لو تنوزن بألماس مابيها

من باعني لو تكون أجداده اجدادي
بعته وبعت الديار اللي سكن فيها

- نجم الاسلمي

‏«تزعجني العزله ويغريني الصوت
‏انا غريب وغربتي غربة احساس

‏اكره لي اشياء تعجب الناس واموت
‏فـ اشياء كثيره ما يحبونها الناس»

مايحس بلذة الفوز وغرابيل الهزيمه
غير من وقف على حافة طموحاته يثابر

أنا مستغرب أنك هالكثر في داخلي مألوف
مع أن ما بينك و بين الحشا ذيك الطمأنينه

عليك من السماح اللي حشا ما يلحقك بحسوف
صفا قلبي و لو انها تهامز لي شياطينه

أعرف أن الأوادم مرحله و ان القلوب ضيوف
مرد الملفي بيقفي و يستودع محبينه

مطر عين وهوى روح و دوي بال وحشايش جوف
و صدر من قسا صحراه ما تنبت بساتينه

على قلب الكتوم اللي يلعثم بالحديث حروف
كلام ما يعرف يقوله إلا في دواوينه

تعلم يلجم أحساسه و لو هو تايق ملهوف
و اذا هو ينكسر قلبه فدا ولا تنكسر عينه

كثر ما عاش متعامي مع الايام كان يشوف
وعلى قلة سنينه يا هو تعلم من سنينه

« عليك الكرامة واقفه والشعور يعسّ
أماكن لقانا كلها ملح من ملحك »

ما أغبطك يا اللي بالحضاره تلوّيت
ياموالف الجدران وش انت لاقي

لو كان بالحصن الحصين استكنّيت
وتقول انا مرتاح مانيب شاقي

كانك على هالإنطوائي استمريت
وسويت مع بث القناه اتفاقي

أما من السكّر شبعت وتروّيت
ولّا بصرك أوشك على الاحتراقي

سج النفس واضرب دروب الخراريت
لو ما تذوق من الهلا مايذاقي

«ماينطوي في غرفة في آخر البيت
غير الذي راسه يبي له عَراقي »

- عبدالله بن عون

تغانمني ترا قد كبدي من الصبر عشر أقسام
على أدنى شي يمكنّي اغني لك.. وداعيّه
-دسمان بن مناحي

وين هالغيبه عسى ماهي إفراق
ليه تبخل بالمجي خلك كريم

خابر ان الجرح لا صابه حراق
ما يفيده طبّ والله العظيم

ينشدوني وين من رمشه دقاق؟
قلت مدري ذاك خبري به قديم

الغلا راعيه لـه قلبـن رقاق
لو جفيته صارت ضلوعه هشيم

لو زعل لو شال غيضه واستضاق
ما يخرّبها وجرحه بالصميم

ادمح الزلات زلات الرفاق
خص لا مَن صار راعيها حشيم

واكره الخَوان كرهي للعراق
واعشق الوافين عشقي للقصيم

عند اهلها غاليه وضح النياق
وانت عندي يمكن اغلا يا وسيم

ان بغيت افراقنا هاك الفراق
وش نبي بالحب دام الحب ضيم

و إذا إنك تحس إن المسافات خانتنا
‏لك الله أحس الخاينة صدق رجلينا

أنا و إنت و إحساس المفارق ثلاثتنا
‏نبي نبتسم .. مير الليالي تبكينا

يعجز الطب في حالة تحطم الانفس الذاتي
سبب صدم الفتى بأول طموحاته ومسراحه