الناس عينها صلفة لدرجة تسوي
الخطأ وتحاسبك على ردة فعلك .

" كلمن يشوف الناس بعين طبعه ".
بمعنى انت تلاكي بحياتك الي يشوفك احسن الناس، وتلاكي الي يشوفك أسوء الناس .
تقابل ناس تنسالك خمسين موقف حلو علمود بس قصرت وياهم مرة وحدة . وناس تدورلك على أعذار حتى يجملون صورتك كدام الناس !
تشوف ناس ماتبطل بس تنتقدك، وناس خلصوا كل الكلام الجميل بوصفك.
تشوف ناس تكرهك بدون سبب، وناس تخترع أسباب حتى تحببها بيك !
بالنهاية أنت نفس الشخص،
بس كل عين تشوفك على قدر محبتها الك
وكلمن يشوفك من الزاوية الي تعجبه.

تره مو بس أحنا البشر نتحمل هالحر ، أكو أرواح ضعيفة حوالينا، لا تحچي ولا تشتكي، الطيور، القطاوة، الكلاب الشاردة، كلها تمشي بهالشارع المولّع نار، تدور شربة مي، ظل، رحمة، وأمان.

تره مي الحنفية الي تغسل بيه إيدك، ممكن ينقذ روح! جركل صغير، طاسة بلاستك، بطل مي مقطوع، خلّيهم عالدرب، خلّيهم على الرصيف او خليهم بساحة بيتكم ، حتى لو ما شفتهم يشربون، الله شايف، والله يدري منو الي رحم، ومنو الي طنّش.

هذوله خطيّة، ما يطلبون، ما يشتكون، بس ربهم يشكي بيك إذا تساهمت.
لا تگول شراح يفرق؟ كل شربة مي، بكل درجة حرارة، بكل نفس حار، تفرق وياهم هواي.

خلّونا نكون بشر عدنا قلب، مو بس شكل إنسان.
خلّونا نرّحم حتى تنزل علينا الرحمة.
الدنيا حر، وجهنم أحر، فخلّي هالموقف الصغير، يبعدك عن موقف أكبر.

ٱرْحَمُوا۟ مَن فِى ٱلْأَرْضِ يَرْحَمْكُم مَّن فِى ٱلسَّمَآءِ

كُلنا نعثر يابه! كُلنه نطيح ..
لا تنكسر من أول طيحه ..
چا إذا تنكسر من أول طيحه شلون تعيش ؟
ليش أنتَ تريدها كُلها صَح َصح ؟
يَعني انتَ تَريد حَياتك كُلها ما تطَيح ما تعَثر ؟
مَيصير أكو عَثرة وأكو بلاء واكو مُشكلة وأكو مِنحة وأكو محنة وأكو عطاء !
هيَ جَمالها هـٰذا

اهتمامك بنفسك وشكلك ومظهرك كدام العالم شي حلو بس ماكو داعي تحس مسوي جريمه اذا العالم شافتك بلبس عادي أو وجهك تعبان بأوقات ما تظهر بيها بأحسن حال وضعك مو مثل كل مره الموضوع طبيعي ما مطلوب منك تصير مثالي بكل وقت الي معجب بيك ما راح تتغير نضرته عنك والمحترم ما يشوفها بيك نقطه سلبيه انت بشر لا تضغط ع نفسك واعرف - ذني الامور بديهيه وتصير بالكل
وانت حلو بكل الاحوال .

" لكل شدة مدة ".
ماكو شي يبقى ع حاله لازم يجي يوم من الايام كلشي يصير من الماضي الوجع الي كاعد تتوجعه هسهم راح يجي يوم من الايام تتذكر هاي الايام الي انت جنت بيها متوجع وتعبان والحزن الي بداخلك راح يزول مع مرور الوقت كلشي يصير مجر ذكريات والانسان الي يعوفك او تنتهي علاقتك بي راح يجي يوم من الايام تنسى حتى اسمه ماكو شي يبقى طبيعي الدنيا عباره عن امتحانات ومرات ننجح ومرات نرسب وبكل ضرف نمر راح ينگضي وراح يجي يوم ينسي كلشي وكلها تتخطى لحد يكول أن ي ما اكدر اتخطى شخص احبه تتخطا وتنسى بس لتفكر بي وعوفه يولي ع مود تنسا ف مختصر كل الكلام والفكره الي دا اوصلها الكم انو كل شده مده وماكو شي يبقى مجرد ايام وتعدي

انتِ تتحملين مسؤوليه حياتج وقراراتج وحتئ سعادتج لا تضيعين عمرج وانتِ تمارسين دور الضحيه وتنتضرين من الدنيا تتغير واحوالج تتبدل واهدافج تتحقق وانتِ باقيه بمكانج تذكري انتِ تعيشين بقدر شجاعتج وتخسرين بقدر ترددج حتئ لو شفتي الكُل يمشي ضدج ولا يتفقون وياج بشي لا تتردددي امشي بالطريق المرتاحه اله حتئ لو جنتي وحيدة الوحده افضل من انتِ تعيشين ضد نفسج وافضل من ان تكونين انسانه ثانيه بس علمود ترضيين الناس! اتذكريي ان الطريق طريقج وان الحياة حياتج فـ عيشي مثل مَ تحبين ومَ راح تفيدج غير نفسج .

مهما قست الحياة، وساءت الأحوال، تأكد أن لك في قادم الأيام نصيبٌ من البهجة، والمسرّات التي لن يتخيل جمالها عقلك، حتىٰ وإن شعرت أنها تأخرت ستأتي في وقتها المُناسب، وموعدها المُحدد، ستأتي في الوقت الذي تكون فيه مُستعدًا لاستقبالها، فتنتشلك من قلقك وخوفك إلىٰ ساحات طمأنينتك وأمانك

مهما زادت ذنوبك وكثرت معاصيك واخطائك وغرگت ببحر من الذنوب، ديربالك تعوف صلاتك، حتىٰ لو حسيت رب العالمين ميحبك وميريد يشوفك وصلاتك مالها داعي وحتىٰ لو متصلي من گلبك وبالك مو يم الصلاة، لوشنو ماچان عذرك هم صلي، لو شارب وتگلي ماكدر اصلي اربعين يوم اگلك هم صلي حتىٰ لو مامقبولة، سوي كلشي بالعالم كُل ذنوب العالم سويها بَس الصلاة لاتعوفها، الصلاة هي الحاجز بين الكفر والايمان، الصلاة هي إلَي تحدد أنت كافر لو مسلم، ماتصلي ؟ أنت كافر ومايحقلك تندفن بمقابر المسلمين اصلاً، ترك الصلاة كفر مو بَس ذنب ديربالكم، يطردك من رحمة رب العالمين وتوفيقه وتيسيره ويخلي الدنيا كلها سودة بوجهك، ديربالك تنسىٰ صلاتك

"الاغَاني"
تعلم انها مَعصيه فلمَ تصر عليها بَلا خُوف من اللّٰه؟
تعلم أنها قد تذيقك من عَذاب القبر مالا تطيق فلمَ لا تتوب منها؟ ، تَعلم أنها تُميت قلبك وتُبعدك عن اللّٰه وَتَحرمك من نور الايمَان فلمَ كُل هَذا الاصرار عليها؟ ،تَعلم انك سَتحمل اوزار غَيرك فلمَ تَنشرها؟، تَعلم أنها قد تقودك لسوء الخاتمه فلمَ تَبيع اخرتك لأجلها؟، اتقِ اللّٰه وَلا تتبع هواك قف عند حدود اللّٰه فَالحَرام حَرام وَلو صغر بعينك وَاعلم إنه بقدر ما تَستَصغر الذنب يُعظم عند اللّٰه تعالى

أحَياناً افكر بهواي أشياءَ !
واولها .. يا ترا الي يصَير حالياً هو
"ختبار لو عقِاب" واذا ختبَار لازم افوز
بي حتى ما تأثر عليه سلبَية هذا الشيء
اما اذا عقاب لازم اتحمَله وانه
ممسوُي شيء وبين ما أنه افكر
وتعبَان اجه بالي بيت شعر يكول :
- بالنهاية
راح تگعُد وحدك
منصدم!
راح تعرُف رُوحك شگد مو مهم !
حاول تضحك من تشوف الناس
وخلي ايدك فوك جرحك
لا تبين منلچم.

جَاي تجيني لحَظة أدراك بين
كُل فترة بحيَاتي أنُ بديت انعزل عن
الناس بَديت أكتفي بروحي
وأسِيطر على دموعي وما ابچي
كدَام احد وأبين له انا ضعَيف او
ينكسَر خاطره عليه بديت أقتنع أنُ
الناس الي بحياتي مو أمان
لان شِفت محَد يحس محد مهتم ..
اقتنعَت قناعِة تأمة أنُ كلشي يعدي بس يترك
أثِر مُمكن انسى واضحَك واسولف
بس راح يچي يوم من الأيام واكِعد وحدِي
وتذكِر كلشي ، دمُوعي ، تعبي ، حزنِي ،
حرفياً كِلشي .

ارجعو الله وتوبوا توبة نصوحة ولا ترجعوا للذنوب استغفروا لله هواي وأكثرو من ذكر لله استبدلوا الاغاني بالقران الكريم واحذفوا كل شيء يغضب رب العالمين من تلفوناتكم (اغاني، صور، فيديوهات) اكثرو من الصدقة، حافظوا على صلواتكم [البنات اول شي سوي] راجعي لبسج اذا قصير طوليه اذا ضيق وسعيه اذا شعرك مبين من الشيلة غطيه، ارضوا والديكم سامحوا الناس، امروا بالمعروف وانهوا عن المنكر استغلوا كل ثانيه تمر واصلحوا ببها الناس "انصحوهم" اكسبوا أجرهم ولا تستحوا منهم.

‏﴿وَلَسَوْفَ يُعْطِيكَ رَبُّكَ فَتَرْضَى﴾
تخيل كلام رب العالمين شكد بي طمأنينة هو الله ديكلك اصبر على صعوبات هاي الدنيا ومتاعبها واني راح انطيك أللي تريده و أعوضك بشيء جميل ما تتخيله يعني اذا رب العالمين وعدك وكلك صير قوي واصبر واتحمل وأني راح أرضيك انت ليش عايش بخوف وقلق !!!
هوه اكو احلى من عطاءات رب العالمين
صدكوني رب العالمين راح يرضينا بالشيء أللي نحبه ونريده بس يحتاج من عدنا الصبر ولازم نصبر
اللهم اجعلنا من الذين أرضيتهم ونالوا ماتمنوا.

مِن تخلّي راسك على مخدِّتَك مُرتاح متوجه للنوم ، أصفن شوي وفكر بروحك مستعد تلاقي الرحمان لو لا بعد عندك أمور اتوب اعنهه أو حقوق وي الناس ما متوافين بيهه لو قضاء عليك متعاجز تكمله
هل فكرت بعبارة اعمل لآخرتك كانك تموت غدا؟
هل تدري انو كل لحظه بحياتك ممكن تكون اخر لحظه أو آخر نومة الك ، ياما ناس نامت وما كعدت بعد وينسد دفتر اعمالهم
محضر روحك لو كل شي ماكو؟؟ محضر روحك لحساب دقيق
[ وَإِن كَانَ مِثْقَالَ حَبَّةٍ مِّنْ خَرْدَلٍ أَتَيْنَا بِهَا ۗ وَكَفَىٰ بِنَا حَاسِبِينَ ]
من يكون عندك امتحان دنيوي عادي جداا ينقلب حالك ،لا نومتك نومه ،لا اكلك اكل ،لا وضعك وضع
امتحان المصير ميهمك؟؟
﴿ يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَىٰ وَمَا هُم بِسُكَارَىٰ وَلَٰكِنَّ عَذَابَ اللَّهِ شَدِيدٌ﴾
فكر بروحك شوي ، العمر ديركض بيك

باعي مبدئيًا إنتِ " إنسان "
ولا تتوقعين بيوم تلگين إنسان مايذنب أو مايغلط أبد، إحنا البشر دائمًا بالنص، شلون يعني ؟ يعني لا إحنا شياطين وبس نذنب
ولا إحنا ملائكة وبحياتنا مانعصي ومانذنب
إحنا " بشر " نذنب ونتوب، هي هاي تركيبتنا وفطرتنا، ف الذنب عند البشر شي طبيعي جدًا إذا وراها تبتي
ف الإنسان إلَي يذنب ويتوب ويرجع يذنب ويرجع يتوب هذا مو إستخفاف أبد ! لا هي هاي فطرة الإنسان وازيدچ من الشعر البيت بالقرآن عندچ آية جدًا مهمة
( نِعْمَ الْعَبْدُ إِنَّهُ أَوَّابٌ )
شنو يعني أواب ؟ أواب هو الشخص إلَي يذنب ويرجع يتوب وهيچ دائمًا مستحيل يذنب ويستسلم ويگول ميفيد وياي لا، بكل مرة يرجع يتوب
وتخيلي وياي إنو رب العالمين يشوف هالعبد نعم العبد ! بَس أكيد لازم توبته تكون خاشعة وصادقة لله مو يحاول يقشمر نفسه، بَس الفكرة إلَي أريد اوصلها إلچ وللكل إنو لا تتعبين من التوبة ولا تملين منها، وديربالچ يجيچ يوم والشيطان يلعب بعقلچ ويگلچ عدتي هالذنب الف مرة، لتتوبين رب العالمين ماراح يشوفچ، لا توبي، توبي لحد ما يجي اليوم إلَي رب العالمين يهديچ ويخليها آخر توبة وماراح ترجعين لهالذنب بَعد

اكبر خطأ تسوي بحياتك من تستحي وتتردد ومتعرف تحجي عن نفسك
وتخلي غيرك هو يقيمك وانت تتصور راح ينصفك وينطيك حقك.
الناس تحكم عليك من خلال عقدها النفسية ومشاكلها ومزاجها اليومي ، من خلال غيرتها وحقدها وثقافتها المحدودة
الحد ماتشوف نفسك واكف بمنطقة رمادية ماعندك قدرة تكول انت اكبر من هالشي وبنفس الوكت مامقتنع بالمكان الحطوك بي ، فتبدي بمرحلة من الصراع وجلد الذات بتحطيم كل شي
وترجع لنقطة الصفر من جديد.

الإمام عَلي "عليه السَلام" يكول
لاتدع جهل الناس يغلب علمَك بنفسَك.

لا تتمَسكين بأي شخص رايد يروح
ويطلع من حيَاتج ولا تبجين عليه لانُ
صدكي وثقي الي يحبج عمره ماراح
يفكر بفراگج عنه لو باذيتَج ولمن تشوفين
الي عندَج مو شخص يستاهل حُبج
واهـتمامَج وتضحيتج له وحتى لهفتج عليه
انتِ فتحيله الباب بيتج وكليله الله ومحمد
وعلي وياك تروح انتِ ويجي الي يستاهَلني
وتأكدي عمره ماراح يهون عليه يعوفِج
زعلانه لو مقهورة منه لانُ الي يحبك
لو سهم يتلگاك وهاي ارجعي اقريها الف
مره لحد ما تسَتوعبين ..
لا تستهانين بمشاعرج وحافظي على
نفسَج مو الكُل يفكر مثلج بحنان وطيبة
مو الكُل مهتم مثلج ولا يحب مثلج
خلي نفسج عزيزة وكرامتج اعز خليج
قوية وصعبة والي راح يحبج ويستاهـل
تعب عيونج علمودَه حيكون
انسان شجاع يفتخر بيج بكل خطوة يخطيها .

الأسِتغلال مَن ابشع الأشِـياء الي نواجها
يدخل انسان بحَياتكم ويحاول يملي فراغه
بَيكم ويسَتغلكُم ومن يشِافي غليله
ودِاخله من هل مَرض وشعور الوحَـده
يبدَي تدِريچَياً يتغير عليكم واسَلوبه
يصير اسِتحقاري ويَـاكم ويحسسكُم معندَه
وقت الكُمَ عكس اول ما دخِل بحياتكُمَ
چَانت كلماته غيَـر اسِلوبه غيَره ..
لذالك خلي بالكُمَ من هيچ نوعية مَن
الأشِخاص احَياناً حتى الغلط منهُم يخلوَن
الصٌوج بيكُم على سِبيل يرضوَن أنفسِهُم
وميهتمون بمشِاعركُمَ
فّ دائماً خليكُمَ سِطحَين ويا الكُل ولا
تمَيزون احدَ لانُ متعرفون شنوَ باطن هَذا
الشِخص حتى لو تعَاشرونه ألف سِنة .