Қурилиш вазирлиги икки кун ўтмасдан Тошкент шаҳрининг тасдиқланган Бош режаси интерфаол харитасини ёпиб қўйди: - https://mc.uz/oz/toshkent-shahar-bosh-rejasi.

Ушбу линк орқали ҳар ким ўзи яшаётган ҳудуднинг "снос"га тушган-тушмаганини билиб олиши мумкин эди.

Ноқулай саволлар кўпайганлиги учун Бош режа оммадан "яшириб" қўйилмаган деб умид қиламиз...

@platformauzb

Абитуриентлар ва ота-оналар диққатига!!!!

‼️Абитуриентлар учун ўқишга хужжатлар 5 июндан 25 июнгача қабул қилинади

- Бакалавриат учун my.uzbmb.uz
- Магистратура учун magistr.edu.uz сайти орқали 1 июлдан 30 июлгача
- Ўқишни кўчирмоқчилар эса transfer.edu.uz сайти орқали 15 июлдан 5 августгача давом этади.

@platformauzb

Ҳудудлараро солиқ инспекцияси ташкил этилади

Президент қарори билан Рақамли маркировка қоидаларига риоя қилинишини назорат қилиш бўйича ҳудудлараро солиқ инспекцияси ташкил этилади.

▫️ 2025 йил 1 сентябрдан хавфни таҳлил қилиш тизимида мажбурий рақамли маркировкалаш қоидаларини бузиш ҳолатлари солиқ хавфи даражасини юқори деб баҳолаш учун асос бўлади.

▫️ 2026 йил 1 январдан мажбурий рақамли маркировкалаш қоидаларини бузиш ҳолатларини солиқ органларининг ахборот тизими орқали аниқлаш бўйича масофавий солиқ текширувини ўтказиш тартиби жорий этилади. Бунда:

🔹 текшириш ҳуқуқини берувчи махсус гувоҳнома олиш талаб этилмайди;

🔹 мажбурий рақамли маркировкалаш қоидаларини бузиш ҳолатлари аниқланганда қоидабузарликларни бартараф этиш тўғрисида огоҳлантириш берилади;

🔹 2-марта огоҳлантириш берилгандан сўнг қоидабузарлик ҳолатлари аниқланганда белгиланган миқдорларда жарима қўлланади;

🔹 жарима қўлланилган тадбиркорларга 1 йил давомида ҚҚС суммасининг ўрни қопланмайди.

▫️ 2025 йил 1 сентябрдан фармацевтика фаолияти ҳамда дори воситалари ва тиббий буюмларни чакана реализация қилиш фаолияти бўйича янгидан ташкил этилган субъектларга лицензия беришда қуйидаги қўшимча шартлар киритилади:

➖ фаолиятини амалга ошириш учун кўчмас мулк бўйича ижара ёки текин фойдаланиш шартномаси солиқ органларида ҳисобга қўйилганлиги;

➖ дори воситаларини реализация қилишда харидорлардан тўловларни қабул қилиш бўйича электрон тўлов воситаларидан фойдаланиш имконияти яратилганлиги.

@platformauzb

Салим ибн Муҳаммад Ал-Малик: “Ислом маданияти ва цивилизациясига юксак эътиборни Ўзбекистонда кўрдим”

Ўзбекистондаги Ислом цивилизацияси марказига Ислом олами таълим, фан ва маданият ташкилоти – АЙСЕСКО (IСESCO) раҳбари Салим ибн Муҳаммад Ал-Малик бошчилигидаги ҳайъат ташриф буюрди.

Меҳмонлар аввало Ўзбекистон Республикаси Президенти ташаббуси билан барпо этилаётган Ислом цивилизацияси марказининг қурилиш жараёни билан танишдилар. Марказ раҳбари Фирдавс Абдухолиқов меҳмонларга муассасанинг тарихи, фаолияти ва келгусидаги вазифалари ҳақида батафсил маълумот берди.

Меҳмонлар ташриф чоғида давлат раҳбари Шавкат Мирзиёев ташаббуси билан Марказнинг 2-қаватида хорижий ташкилотлар учун ажратилган жойлар, жумладан, ICESCO учун ажратилган махсус офис билан ҳам танишдилар.

Батафсил

@platformauzb

Паркент туманида қарийб 50-60 йилдан буён қуёшпанеллари билан ишлаш йўлга қўйилган.

Мана бу лавҳада унинг қанчалик самарадор экани айтилган.

Қизиқ жиҳати, бу шунчалик самарали экан, нега оммалаштирилмаган?

Нима учун вақт, валюта сарфлаб хориж технологиясини келтириш билан оворамиз?

@platformauzb

“Ўзбекистон – истеъдодлар замини” – бирлик, мотивация ва ғалабалар йўлидаги ҳаракатга старт бериляпти

2025 йил 5 июн куни Тошкент шаҳар ҳокимияти ташаббуси ва ҳукумат қўлловида Тошкент шаҳрида “Ўзбекистон – истеъдодлар замини” ёшлар ҳаракати доирасида йирик оммавий тадбирларга старт берилади. Бу ҳаракатнинг бош мақсади – ёшларни умумий ғоя атрофида бирлаштириш, уларга илҳом ва катта мақсадларга интилиш руҳини бағишлаш!

📍 Миллий кутубхона олди майдонида 5-10 июн кунлари концертлар, мо Hoc тивацион чиқишлар ва футбол ўйинлари трансляцияси билан бойитилган тўлиқ шоу дастур ташкил этилади.
⚽️ 5 июн куни – БАА – Ўзбекистон
⚽️ 10 июн куни – Ўзбекистон – Қатар
Бу икки ўйин – миллий терма жамоамиз учун ЖЧ-2026 йўлида ҳал қилувчи босқич ҳисобланади. Минглаб ёшлар билан бирга катта экран олдида жамоамизни қўллаб-қувватлаш имконини қўлдан бой берманг!

Лойиҳа Ўзбекистон футбол ассоциацияси ва ZO’R TV билан ҳамкорликда амалга оширилмоқда. Барча харажатлар Kapitalbank, Uzum ва Ucell компаниялари томонидан қопланган. Улар ёшлар салоҳиятига ишониб, мамлакат тараққиётида инсон капитали ҳал қилувчи омил эканини амалда кўрсатмоқда.

📲 @land_uzbot орқали рўйхатдан ўтиш мумкин – иштирок мутлақо бепул.

@platformauzb

Ишлаяпти экан

Қурилиш ва уй-жой коммунал хўжалиги вазирлиги:

Тошкент шаҳар бош режаси ҳаволасига киришда юклама ортгани сабаб расмий сайтда узилишлар кузатилмоқда.

Айни пайтга келиб муаммо бартараф этилди. Ҳозирда Тошкент шаҳар бош режаси интерфаол харитаси тўлиқ ва узлуксиз ишламоқда.

@platformauzb

Рақамли маркировка бўйича янги солиқ инспекцияси ташкил этилди

Рақамли маркировка қоидаларига риоя этилишини таъминлаш мақсадида янги тузилма — ҳудудлараро солиқ инспекцияси ташкил этилди. Бу тузилма рақамли маркировкаланган маҳсулотларнинг айланмаси барча босқичларида тизимли ва самарали назоратни амалга ошириши айтиляпти.

2025 йил 1 сентябрдан бошлаб:

🔹 Мажбурий рақамли маркировка қоидаларининг бузилиши солиқ хавфи юқори деб баҳоланади;
🔹 Мажбурий рақамли маркировкаланадиган маҳсулотлар бўйича маркировка коди бириктирилмаган электрон ҳисобварақ-фактурани расмийлаштириш тақиқланади;

Чакана савдода:
▪️ касса чеки фақат маркировка коди киритилгандан сўнг шакллантирилади;
▪️ аввал фойдаланилган (яъни номувофиқ) кодлар киритилса, касса чекини чиқариш мумкин эмас.

Бу чоралар орқали контрафакт ва “соядаги” маҳсулотлар айланмасига чек қўйиш, бозорда аниқлик ва адолатни таъминлаш кўзда тутилган. Лекин амалиётда бу тизим ўзини оқлаши учун тадбиркорларга етарли тушунтириш ишлари олиб борилиши ва техник қўллаб-қувватлаш тизими узлуксиз ишлаши ҳам жуда муҳим. Назорат кучайишида адолатли ёндашув биринчи ўринда бўлиши керак.

@platformauzb

Китоб тумани Аспидухтар қишлоғидаги мактабнинг 11-синфини бир нафар ўқувчи битирди

10 йил давомида икки нафар ўқувчига 10 нафар ўқитувчи дарс ўтган. 11-синфда эса Муслиманинг ўзи учун яна шунча ўқитувчи банд бўлган.

@platformauzb

Иш вақтидан ташқари ишлаганлик учун 1,5 баробар миқдорда ҳақ тўлаш таклиф қилинмоқда

Бугунги кунда иш вақтидан ташқари ишнинг давомийлигини йилига 120 соатдан ошириш мумкин эмаслиги ҳамда иш вақтидан ташқари иш учун ходимга камида 2 ҳисса миқдорида ҳақ тўлаш белгиланганлиги ушбу механизмнинг иш берувчилар ўртасида кенг оммалашмаганига сабаб бўлмоқда.

Олий Мажлис Қонунчилик палатасидаги Ўзбекистон Экологик партияси фракциясининг йиғилишида мазкур масалар кўрилган. Яъни "Иш вақтидан ташқари иш учун ҳақ тўлаш ва унинг давомийлигини соддалаштириш муносабати билан Ўзбекистон Республикасининг Меҳнат кодексига ўзгартиш киритиш тўғрисида"ги Қонун лойиҳаси билан мавжуд 120 соатлик чекловни олиб ташлаш ва қўшимча иш учун 1,5 баробар миқдорда ҳақ тўлаш таклиф қилинмоқда.

@platformauzb

Ҳақорат учун 13 200 000 сўм миқдорида жарима солиш амалиёти бошланди.

Агар бу ҳолат бир йил ичида яна такрорланса, жарима миқдори 66 миллион сўмгача оширилиши мумкин.

@platformauzb

Эндиликда Президент Администрацияси, Вазирлар Маҳкамаси, Олий Мажлис, Бизнес омбудсман девони ходимларига аттестация ўтказилмасдан мартаба даражалари берилади.

Шунингдек, 3-даражали юристдан 1-даражали адлия маслаҳатчисига (лейтенантдан полковниккача) қадар бўлган даражаларни бериш адлия вазири буйруғи билан тегишли раҳбарнинг тавсиясига асосан амалга оширилади.

@platformauzb

Келгуси 3 йилда доллар курси қанчага чиқади?

S&P Global рейтинг агентлиги келгуси йилларда Ўзбекистонда сўмнинг долларга нисбатан алмашинув курси бўйича ўз прогнозини эълон қилди:

◦  2025 йилда — 13,566 сўм
◦  2026 йилда — 14,244 сўм
◦  2027 йилда — 14,957 сўм
◦  2028 йилда — 15,704 сўм

@platformauzb

800 киши алданган

ИИВ Тергов департаменти:

Маълум қиламизки, Тошкент шаҳрида фуқароларга кўп қаватли уйларни шартнома орқали муддатли тўлов асосида сотиш билан шуғулланган “IN-FIN-STORY INVEST” ва “CREDIT HOUSE” МЧЖ мансабдор шахсларига нисбатан Ўзбекистон Республикаси Жиноят кодексининг 168-моддаси 4-қисми “а” банди билан қўзғатилган жиноят иши ИИВ ҳузуридаги Тергов департаменти иш юритувига олинган.

Мазкур жиноят иши доирасида 800 нафар фуқаролар жабрланувчи деб топилган бўлиб, умумий 209 млрд. 263 млн. сўм зарар аниқланган. Ишга алоқадор 5 нафар шахсга нисбатан айблов эълон қилиниб, тергов ҳаракатлари давом этмоқда.

Ҳозирда, Ички ишлар вазирининг ўринбосари полковник Рамазон Ашропов бошчилигида  тегишли мутахассислар жалб этилган ҳолда Махсус тезкор штаб тузилган бўлиб, ИИВ Транспорт ва туризм объектларида хавфсизликни таъминлаш департаменти биносида ҳар куни соат 09-00дан 21-00га қадар иш олиб бормоқда.

Терговни ҳар томонлама тўлиқ амалга ошириш учун “IN-FIN-STORY INVEST” ва “CREDIT HOUSE” МЧЖ фаолиятидан жабрланган фуқаролардан Тезкор штабга мурожаат қилишларини сўраймиз.

Манзил: Тарас Шевченко кўчаси, 62.
Тел.: (71) 231-31-45

@platformauzb

Педагог ва бошқа ходимларга устама ҳақ тўлаш тартиби

Устама ҳақ педагог, психолог ва кутубхона ходимларининг фаолияти самарадорлиги ҳамда билим бериш сифати асосида ҳар ойлик тартибда белгиланади.

Устама миқдори базавий тариф ставкасига нисбатан 40% гача бўлиши мумкин.

Педагоглар учун баллга қараб устама:
65–70 балл — 10%
71–75 балл — 15%
76–80 балл — 20%
81–85 балл — 25%
86–90 балл — 30%
91–95 балл — 35%
96–100 балл — 40%

Кутубхона ходимлари учун:
65–75 балл — 10%
76–85 балл — 15%
86–100 балл — 20%

Психологлар учун:
65–75 балл — 10%
76–85 балл — 15%
86–100 балл — 20%

Эслатма: Устама янги ўқув йили учун, ўтган ўқув йили якунларига асосан, Жамғарма ҳисобидан белгиланади.

@platformauzb

Қурбон ҳайити 6 июнь – жума кунига тўғри келади

Бугун – 28 май Зулҳижжа ойининг биринчи куни бошланди. Бу хақида Ўзбекистон Мусулмонлар идораси маълум қилди.

Ҳар доим Зулҳижжа ойининг 10-куни Қурбон ҳайити куни ҳисобланади. Демак 2025 йил ушбу улуғ айём 6 июнь яъни жума кунига тўғри келмоқда. Мусулмонларнинг асосий байрами олдидан арафа куни эса 5 июнь этиб белгиланди.

Демак, Қурбон ҳайити 6 июнь – жума кунига тўғри келади.

@platformauzb