السلام عليكم ورحمة الله
الله يعطيكم العافية
المفترض يكون فويس ختامي بس حيكون مسج

مبدئيا عملتوا شي بحقلكم تفخروا فيه كيف ما كانت نتائجكم
بالنسبة للمادة ان شاء الله يارب تجيكم اسئلة سهلة وبسيطة وتعرفوا تحلوها
توكلوا على الله وان شاء الله بتخلصوا على خير

بالنسبة لوقت استلموا الورقة
اقراو سؤال سؤال
حلوهم
اذا حدا بده يحل 3 اسئلة وهي اختر 2 من 3 يحط اللي متأكد منهم اعلى شي
سؤال ما عرفته لا تتلبك .... قرات مسالة ولقيت الطلب التالت مانك متذكره عادي
بس تحل وتوصله رح تتذكر
لا تشخبط .. رتب قد ما بتقدر .. وضح كل حركة عم تعملها بالعربي
نحسب كذا نكتب عبارة كذا
اترك فراغ بين كل سؤال والسؤال اللي بعده
وضح خطك
بس خلصت حل ومراجعة اعمل مراجعة خاصة بالواحدات

الله يوفقكم يارب ويكرمكم بكل خير وييسر امركم

الله يفتح عليكم ان شاء الله الكل 200ات ❤️🫡

السلام عليكم ورحمة الله
الله يعطيكم العافية ❤️

الحمد لله يبدو الكل مقدم منيح كان
الله يفتح عليكم ويكرمكم بكل خير
ختمتوا مسيرة 12 سنة باسوء الظروف بافضل شكل
الله يكرمكم ويسرلكم

الاسئلة تباينت فيها الآراء بس كأنه اخر مسألة كتار شكوا منها
على خير مو مشكلة هيك هيك اجت العطلة 🥳

حيكون في بوستات خلال العطلة واشياء نتعلمها ونحكي فيها ان شاء الله
المهم حاليا نختتم المسيرة ❤️😎

بالتوفيق بحياتكم القادمة
ضلوا اتذكرونا بصورة حلوة واعذرونا اذا زعجنا حدا بمزحة او ما لحقنا نرد على سؤاله
فمو بالقصد والله وانما ضغط 🫠

+ الطلاب البكسليين يفضل تضلوا بالقناة في كم شغلة بدي ياها منكم ❤️
الله يفتح عليكم

السلام عليكم ورحمة الله
الله يعطيكم العافية يارب ويفتح عليكم
كيف اول يوم من العطلة 👀
شعور تاني الله يكرمنا 😂

المهم
نضع بين ايديكم رابط استبيان التطوع لفريقي الفيزياء والكيمياء ضمن فريق بكسل

https://docs.google.com/forms/d/e/1FAIpQLScDWN15z2jP0QLuDYJSQ9Wc7nKgNcDOL7DDGjkrUVLl066CiA/viewform?usp=publish-editor

🔰 تنويهات مهمة:

📌 يغلق الاستبيان يوم الاربعاء مساءً

📌 الطلاب اللي ما حسموا امرهم بخصوص اعادة السنة او عدمها نرجو عدم ملء الاستبيان

📌 العدد اللي رح ينقبل قليل جدا مقارنة بالعدد اللي رح يتقدم، بنرحب بمساعدتكم دائماً وبأي وقت ❤️

📌 نتائج الاستبيان غير معتمدة بشكل كلي عالعلامات ... في امور النا كادارة نظرة فيها 😎🔥

الله يكرمكم بكل خير وييسر امركم

كيف عرفت انه الاستبيان مشكوك بصحته:

للتقديم على استبيان التطوع
https://docs.google.com/forms/d/e/1FAIpQLScDWN15z2jP0QLuDYJSQ9Wc7nKgNcDOL7DDGjkrUVLl066CiA/viewform?usp=publish-editor

السلام عليكم ورحمة الله ❤️
الله يعطيكم العافية جميعاً

تجربة فريق الكيمياء رح يتم تطويرها إن شاء الله
ولكن
تحتاج دعمكم 🫱🏻‍🫲🏻
لهيك المطلوب:
1⃣ تقييم للنوطة وفيديوهات اليوتيوب وفيديوهات المكثفة للي حضر (عينات & تسجيل)

2⃣ آراء عن النوطة للي درس منها حتى لو فقرة وحدة

3⃣ ملفات كنتوا بتتمنوا ايام الفحص تكون موجودة وخطط تطوير لمحتوى الفريق من وجهة نظركم

نحن حطينا خطة 27 وفي ملفات رح تنعمل بس ممكن نكون غفلنا عن شي فحابين نشوف أفكاركم 🌝

انطلقوا 🔥

السلام عليكم ورحمة الله
الله يعطيكم العافية يا رب❤️

صرلكم تقريبًا 4 أيام مخلصين.. ارتحتوا وانبسطتوا
وهلأ بلش وقت نطور ذاتنا ونصقل مهاراتنا أكتر من قبل🌚🔥

بحب بشرك بشي..
اللي بتعمله بهي الصيفية بالذات ممكن يؤثر على كل حياتك 🫡🫡

مثال واقعي:
أنا صرلي بساعد طلاب البكلوريا من متل هالوقت
من 2022 بالصيف بلشت الرحلة
إلى اليوم.. ومستمر إن شاء الله ❤️❤️

بعرف أن حالتي ما بتتعمم ومو ضروري فعلًا هي العطلة تكون مؤثرة بشكل كبير عند الكل
بس هي رح تترك أثر 100% سواء إيجابًا أو سلبًا.. أنت بإيدك بتحدد هالشي


هلأ شو ممكن بالأساس تعمل بهيك عطلة؟ 🤔🤔

1- تحفظ قرآن وتخصص وقت لحضور دروس الجامع.

2- لغة إنجليزية.

3- طبخ "للشباب حتى"😎.

4- مهنة.. أي عمل ممكن تكسب منه دخل على بكير.

5- مهارة تفيدك بسوق العمل "تصميم _ تصوير _ مونتاج _ إدارة منصات التواصل _ إدارة عامة _ كتابة محتوى.. إلخ"👨🏼‍💻👨🏼‍💻.

6- استثمر بعقليتك: بودكاست، وكتب، وروايات، وندوات، وغيرهم من سُبل التطوير.

أعظم ما ابتُليت به الأمة هو الموبايل وتضييع الوقت

شباب.. لا تنتظر الجامعة تعلمك!
بس تصير سنة تالتة وما بايدك شي رح تصير تحس حالك ضايع 🤷🏼🤷🏼
كيف تلحق دراستك وكيف تحسن تصرف على حالك..

فتعلموا ولا تضيعوا وقتكم 🌚⚡️
بالنسبة لترشيحات البودكاست والروايات وغيرها، رح يكونوا بالبوست القادم 👀

السلام عليكم
تم اغلاق استبيان التطوع ضمن الفريق
نلقاكم بمحاولات أخرى 😉🔥

السلام عليكم ورحمة الله
الطلاب اللي باعتلي عالخاص اعذروني جدا هالفترة
بس اطلع من امتحان الاحد بجاوب على كلشي عندي ان شاء الله
الله يكرمكم ويفتح عليكم

امسك موبايلك
روح عالإعدادات
شوف كم ساعة مستخدم موبايلك آخر اسبوع ☠
رح توصلك رسالة معنوية اكتبها بالتعليقات 👇🏻

طلاب ٢٧يلي بلشت كيميا 👀🔥
تفضلوا

بالنسبة لهالسؤال
نحنا عنا بقانون عمر النصف n هو عدد تكرارات التحول بعد زمن t
بالسؤال بدنا النسبة المتفككة يعني
1 - x(النسبة المتبقية)
بنحسب n:
t½=t/n--> n=t/t½
n=72/24 --> n=3

يعني رح يصير ثلاث تحولات:
1-->½-->¼-->⅛ (x=⅛)

بنرجع عقانون النسبة المتفككة:
1–⅛=⅞

طيب إذا كانت 10⁵×8 ...
8×10⁵-->4×10⁵-->2×10⁵-->10⁵
عدد النوى المتفككة هون
8×10⁵–10⁵=7×10⁵

استنونا باسئلة جاية 🔥😶‍🌫

شرح السؤال

الإجابة الأولى ليش غلط؟
لأنه الذرات يلي عددها الذري فوق ال83 يمكن أن تخضع لكل التحولات أما يلي عددها الذري تحت ال83 تخضع لكل التحولات عدا الإلفا

الإجابة الثانية ليش غلط؟
لأنه النوى التي تخضع للتحول بيتا ينقص عدد النترونات فيها بمقدار واحد لأنه النيوترون ليتحول إلى بروتون

الإجابة الثالثة ليش غلط؟
لأنه النوى التي تخضع للتحول من النوع الأسر الالكتروني ينقص العدد الذري بمقدار واحد

الإجابة الرابعة ليش صح؟
لأنه برسمة حزام الاستقرار حاطين ٱخر عدد ذري للذرات التي تقع على حزام الاستقرار هو 83

فرجونا إبداعكم بحل المسألة 🔥

ديتريوم
m= 3.3445×10⁻²⁷= 33445×10⁻³¹kg
بروتون
m= 1.6726×10⁻²⁷= 16726×10⁻³¹kg
نيوترون
m= 1.6749×10⁻²⁷= 16749×10⁻³¹kg

لحساب الطاقة المنتشرة نطبق القانون:
∆E= ∆m.C²
ما عنا m∆ منحسبها من القانون
∆m= m2-m1
كتلة النواة (الديتيريوم) m2
مجموع كتل مكوناتها وهي حرة m1
هلق m2 عنا هي بنص السؤال
بس m1 بدنا نحسبها
m1= m بروتون + m نيوترون

طيب ليش بس قلنا بروتون واحد ونيوترون واحد ؟؟
(العدد الذري هو عدد البروتونات والعدد الكتلي هو عدد البروتونات + عدد النيوترونات)
Z= 1 بروتون واحد
N= A-Z= 2-1= 1 نيوترون واحد

m1= 16726×10⁻³¹ + 16749×10⁻³¹
m1= 33475×10⁻³¹kg

هلق صار فينا نحسب m∆

∆m= 33445×10⁻³¹ - 33475×10⁻³¹
∆m= -30×10⁻³¹= -3×10⁻³⁰kg

وبعد ما حسبنا m∆ صار فينا نحسب الطاقة المنتشرة

∆E= ∆m.C²
صار كله عنا
منعوض
∆E= -3×10⁻³⁰×9×10¹⁶
∆E= -27×10⁻¹⁴ J

بدهم طاقة الارتباط ونحن منعرف طاقة الارتباط تساوي الطاقة المنتشرة قيمة وتعاكسها بالإشارة
∆E= 27×10⁻¹⁴J