شو رأيكم نحل هالسؤال؟

بالنسبة لهاد السؤال
شغلته بسيطة بس كتير سألتوا عنه فما رح نخليكم ضايعين

عالمحور الشاقولي حطينا الكتلة بالغرام
عالمحور الأفقي حطينا الزمن

الزمن الوحيد اللي عاطيك اياه هو 42s
طالب منك عمر النصف
حلو لهون؟

طيب اديش كانت الكتلة وقت كان عنا 42 ثانية؟ 1.25g
الكتلة البدئية عالمخطط؟ 10g
بنجي بنكتب:
10>5>2.5>1.25
اديش n؟
n=3
نطبق قانون عمر النصف
t½=t/n
t½=42/3=14s
وهيك خالصين ❤️

في سؤال تاني تكرر مرتين يمكن
زيادة سرعة التفاعل غير المتجانس
1- تحويل القطعة الصلبة الى مسحوق
2- زيادة تركيز مادة كذا

مو غلط تزيد تركيز الغاز او المحلول اللي عندك
ما دخل انه تفاعل غير متجانس معناها ممنوع

🔰 برامج انهاء الكيمياء خلال أربع أيام:

📌 الخطة الأولى:

⚜ اليوم الأول:
نووية + غازات + سرعة + توازن
⚜ اليوم الثاني:
حموض واسس + املاح + معايرة + جزء من الأغوال
⚜ اليوم الثالث:
كمالة الأغوال + ألدهيدات + حموض كربوكسيلية
⚜ اليوم الرابع:
تتمة العضوية + دورات + ترميم 🔥✌️🏻

📌 الخطة الثانية:

⚜ اليوم الأول:
نووية + غازات + اغوال + جزء من الألدهيدات والكيتونات
⚜ اليوم الثاني:
سرعة + توازن + تتمة ألدهيدات وكيتونات + جزء من الحموض الكربوكسيلية
⚜ اليوم الثالث:
حموض واسس + املاح + تتمة الحموض الكربوكسيلية
⚜ اليوم الرابع:
معايرة + تتمة العضوية + دورات 🔥✌️🏻

#تنويه: إذا خلصت مقرر يوم بسرعة بلش باللي بعده لا توقف

الخطة الأفضل برأيي هي التانية
بس اذا ما حسنت تمشي عليها خلص خليك عالأولى

التفاعلات العكوسة اللي بالكتاب:

🖇الكيمياء العامة:

1- التوازن

2- تاين الحمض الضعيف

3- تاين الاساس الضعيف

4- معادلة التوازن غير المتجانس

5- تفاعل الحلمهة

6- التأين الذاتي للماء

🖇الكيمياء العضوية:

7- تفاعل الاغوال مع الحموض الكربوكسيلية

8- بلا ماء الحمض الكربوكسيلي مع الغول

9- تاين الحموض الكربوكسيلية (حموض ضعيفة لا تنسى)

10- حلمهة الاستيرات

11- تأين الأمينات

12- حلمهة الاميدات
𝑷𝒊𝒙𝒆𝒍 𝑪𝒉𝒆𝒎𝒊𝒔𝒕𝒓𝒚

مبارح تمت خطة السنة الجاية 👀🔥
طلاب 27 جاييكم شي مرتب جدا
لا تنسونا من الدعاء 💚
𝑷𝒊𝒙𝒆𝒍 𝑪𝒉𝒆𝒎𝒊𝒔𝒕𝒓𝒚

لا تنسونا من الدعاء 💚
الله يكرمكم بكل خير ويجبر بخاطركم

السلام عليكم ورحمة الله
كل عام وانتم بخير 💚
أعاده الله علينا وعليكم باليمن والبركات أياماً عديدة وأزمنة مديدة

بما أن أي عمل بشري لا يخلوا من الأخطاء
نضع بين أيديكم
تصويبات نوطة الكيمياء لعام 2026
عند ملاحظتك أي خطأ إضافي لا تتردد أبداً في التواصل معنا على المعرف
@Eyasskad
وفقكم الله وأعطاكم سؤلكم

نحكي كلمتين؟

اول شي مساء الخير
بدي قول ان شاء الله مبسوطين بالعيد بس اكيد ما حدا منكم تحرك من البيت 🫠
على كلٍ
بكرة الجمعة حاول تخلص من كل أمورك المتراكمة بباقي المواد وتبلش من السبت بالفيزياء
بعرف انه عليكم تراكمات ومقصرين ومو ملحقين والخ
معكم حق ما حدا بلومكم

بس بلشوا السبت فيزياء واضمنوها منيح
بس تمرق الفيزياء صح وتكسروا رهبة الامتحان كله ان شاء الله بيمشي بسهولة

لهيك بكرة ضبضبوا كتب باقي المواد وبلشوا من السبت
بكون معكم 7 أيام لتخلصوا فيها من الفيزياء وتقدموها بأفضل شكل
بكرر انه الموضوع صعب خصوصي اللي متراكم عليه
بس معلش اضمن الفيزياء وبعدين كل مادة بنحلها بوقتا
السبت ببلش وقت الفيزياء
سربلك سيناريو؟
يوم الجمعة بالليل رح تقول ياريت مبلش ابكر شوي
فخلص بلش بكير من هلأ 😂❤️
في خطط بقناة الفيزياء شوفوهم
سواء رح تلتزموا بنفس الترتيب او لا فالخطة بس لتعرفوا تحطوا خططكم صح
ولا تمشي بلا خطة
بلا خطة لا تمشي 🫠
الله يفتح عليكم ويكرمكم

وبالنسبة لباقي المواد -والكيمياء تحديداً- حيكون في خطط
وقت تطلع من الفحص بتكون جاهزة وسابقتك عالقناة 🫡🔥
تصبحوا على خير
الله يسرلكم الايام الجاية ويبارك باوقاتكم
@pixel_Chemistry

27 جهزوا حالكم 🎁

صديقي طالب ال26
اسمع مني هالكلمتين بفيدوك

التوقعات وما أدراك ما التوقعات

التوقع هي أكبر كذبة معمولة حالياً وبضحكوا عليكم فيها لغايات تسويقية بحتة

بتصيروا عبارة عن أحجار شطرنج بحرككم فيها اللي عم يتوقع لتحقيق غايات غير نبيلة

ولما تزبط رح يصير يقول توقعاتي صحيحة تعالوا يا طلاب السنين الجاية سجلوا عندي توقعاتي ما بتخيب 🥳🥳🥳

اذا بدنا نحكي فيزيا فمن البديهي انه كل فحص بكون في مسألة نواسات
بيطلع هالشخص ب 3 أماكن مختلفة
معهد ومدرسة وممكن غروب واتس
او 3 ريلات على انستغرام
بكل ريل بحط نواس شكل
اجباري رح يكون مسألة نواس فهو عم يتوقع شي بالاصل صاير ومو مخفي على حدا 🤣

بس تقدموا فحص بيحذف ريلين وبخلي ريل وبقول شفتوا انا ملك التوقعات 😎

وفي منهم بدرسوا بمعاهد
بصير بكل معهد بيتوقع نواس وبالاخير وقت رح يجي رح يقول قايللكم وطلاب هذا المعهد اللي زبط فيه التوقع حيطبلوا ويزمروا ومو عرفانين انه هو عم يشلف 🫠

لهيك برأيي تكب شي اسمه توقع ورا ظهرك
في طلاب بتقول انه نحن بس نخلص دراسة كلشي بنركز التوقعات
كمان مو صح لأن مخك رح يصير يركز عالتوقع ويكب الباقي
فبلا ما تفكر بالموضوع حتى وركز بدراستك
بالتوفيق 💚💚
@pixel_Chemistry