#премьера🔥🔥


Келгин интизорим суратинг чизиб,
Юрагим тўрига илиб қўяйин.
То ўлгунимча сен меники дея
Юрагинга муҳрим босиб қўяйин


Қошинг чизайинми худдики камон,
Кўзингни тасвирлаб гўёки оҳу,
Лабинг унутмадим, ёдимда ҳамон,
Қирмизи ғунчадек, гуёки ёғду.


Бироз тин олсайдим сурат олдида,
Дупурлаб юраклар топишса бир пас.
Яшасам майлими кўз қароғингда,
Рад этсанг ўлишим билсанг ҳеч гапмас


Безовта бўлма ҳеч тушинга кирсам,
Фурсат берасанми термулиб олсам.
Безовта бўлма ҳеч бошинг силасам,
Қани соч толанга бойланиб қолсам.


Сўнг ўйғонсам, бари туш бўлса,
Мен ўшал парини ёнимда кўрсам,
Шунда мен қувонсам ёримни қучиб,
Кўрганим шунчаки эртак туш десам...


©ДИЛАФРУЗ ЖАМОЛ


10.05. 2023 йил.

#ПРЕМЬЕРА

🔥Ишқимнинг уволи тутмаса бўлди...

Йўлингни армонлар кутмаса бўлди,
Юрагинг фиғонлар ютмаса бўлди,
Бахтли бўлишингни тилайман лекин,
Ишқимнинг уволи тутмаса бўлди...

Озоринг оғритди жисму -жонимни,
Қарғайми сени илк кўрган онимни,
Муҳаббат бир куни, олиб ёнимни,
Ишқимнинг уволи тутмаса бўлди...

Хотиржам юрибсан бир қалбни эзиб,
У қалб туйғулардан қолдику безиб,
Кўнглинг меникидай оғриқни сезиб,
Ишқимнинг уволи тутмаса бўлди...

Нолалар айланар унсиз кўз ёшга,
Наҳот юрагимни берганман тошга,
Неларни солдинг-а бир мағрур бошга,
Ишқимнинг уволи тутмаса бўлди...

Одамлар вафони унутган ё Раб,
Алдайди кўзинга жилмайиб қараб,
Сенинг ҳам ёнингни андуҳлар ўраб,
Ишқимнинг уволи тутмаса бўлди...

Биламан бу шеърга тушмайди кўзинг,
Балки исмимни ҳам айтмайди сўзинг,
Эҳ алдаб юрибсан ўзингни-ўзинг,
Ишқимнинг уволи тутмаса бўлди...

Бахтли бўлишингни тилайман лекин,
Ишқимнинг уволи тутмаса бўлди...

📝Муаллиф: Зоҳид Зиё...

➪ ONAMGAA
🍃Ота онасига мехрибонлар канали

Яқинларингизга улашинг, обуна бўлишни унутманг!!!