Кўринишлари жиддий, ҳатто камтарлик қилиб суратга ҳам тушишни истамаётган, истараси иссиқ йигит Аъзамжон ҳали уйланмаган эканини эшитиб, ҳатто уйланиб, бола-чақали бўлган баъзи йигитларнинг ҳозиргача ота-онасининг топгани ҳисобига кун кечираётганини хаёлимиздан ўтказдик. ”Ақл ёш танламас”- деганлари шу бўлса керакда, ҳали рўзғорнинг юки елкасига тушмаган бўз йигит қилаётган ишларни унча-мунча катта одамлар ҳам қилиши қийинлигини ўйлаб, боғбон йигитга беихтиёр ҳавасимиз келди.
Ҳаммамиз тўкин-сочин, фаровон ҳаёт кечиришни истаймиз. Бой-бадавлат бўлгимиз келади. Лекин буларнинг барчасининг остида катта меҳнат, ҳаракат ётади.
Ризқ Яратгандан дегани билан ҳаракат инсоннинг ўзидан, барокат эса Яратгандан бўлишини унутмаслигимиз керак.
Агар ҳамма ҳам боғбон йигитлардек астойдил меҳнат қилса, мана шундай данғиллама иморатларда, бекаму кўст ҳаёт кечиради.
“Камбағалликдан фаровонлик сари” дастуридан кўзланган мақсад ҳам аслида шундан иборатдир.
Шундай эмасми?

Башорат Сатторова

@piskenthayoti

#_сўнгги қўнгироқ

Туманимиздаги 19 - сонли мактабда "Сўннги қўнғироқ" тадбири бўлиб утди.
Ҳар қачонгидан файзли, байрамона безатилган мактаб битирувчи синф ўқувчилари, ота- оналар ва тадбирга ташриф буюрган меҳмонлар билан тўлди.
Туман Ёшлар агентлиги раҳбари Т.Турсинбоев, маҳалла еттилиги вакиллари битирувчи синф ўқувчиларини мактабни тугатиш, мустақил ҳаётга қадам қўяётганликлари билан табриклашди.
Мактабнинг 35 нафар битирувчиси кўзда ёш билан қадрдон мактаб ва меҳрибон устозлари билан хайрлашар эканлар, қайси касб эгаси ва ким бўлишларидан қатъий назар, жонажон мактаблари ва билим бериб, қўлларига етуклик шаходатномасини тутқазган ўқитувчиларини асло ёддан чиқармасликларини таъкидладилар.

@piskenthayoti

#_спорт

“ЯНГИ ЎЗБЕКИСТОН ЧЎҚҚИЛАРИ" ГА СТАРТ БЕРИЛДИ.

Спорт  инсонни жисмонан бақувват, маънан соғлом, руҳан тетик  қилиш билан бирга янги орзулар, янги марралар сари етаклайди.
Шуларни кўзда тутган холда  ўтказилаётган  қатор  мусобақалар  спортчи ёшларни  янда юксак марралар сари  йўлламоқда.  Туманимиздаги спорт ўйингоҳида  “Янги Ўзбекистон олимпия чўққилари” ва “Президент олимпиадаси” га старт берилди. Бундан  мақсад,  ёшларни спорт мусобақаларида фаол қатнашиб, соғлом турмуш тарзини яратиш, спортга бўлган иштиёқларини янада ошириш,  куч ва маҳоратларини синашдир. Мазкур мусобақада ёшлар спортнинг узунликка сакраш, баландликка сакраш, ядро улоқтириш каби спорт турлари бўйича  ўзаро беллашдилар.
   Бугун эса  туман Спорт   мактабида "Янги Ўзбекистон Олимпия чўққилари" спорт мусобақасининг енгил атлетика  тури бўйича  минтақавий босқичи бўлиб отди.
Мусобақанинг очилиш маросимида Тошкент вилояти спорт бошқармаси раҳбарияти, вилоят Божхона қўмитаси вакиллари, туман ҳокимлиги мутасаддилари, иштирок этиб, спортчиларга омад тилади.  Спортнинг турли йўналишлари бўйича ўтказилаётган   мусобақаларнинг  якуни  ва ғолиблар ҳақида  беллашув сўнгида  маълумот берилади.

Шахзод Юсупов,
Туман  Спорт мактаби  раҳбари .В.В.Б.

@piskenthayoti