Пискент тумани Тиббиёт бирлашмаси юқумли касалликлар бўлими ҳодимлари  бор куч ва салоҳиятини ишга солиб аҳолига  кўрсатиб келаётган тиббий хизматларини   беморлар томонидан  юксак эътирофга сабаб бўлмоқда. Ушбу видео йўлланма орқали  беморларнинг ўз миннатдорчилигини изҳор этгани акс эттирилган

@piskenthayoti

​Болаларни китобхон қилиш учун 10 та тавсия

1. Ўзингиз китоб, ўқиб ўрнак бўлинг;
2. Болангизга китоб ўқиб беринг;
3. Уйқуга ётишидан олдин эртак ёки ҳикоя ўқиб беринг;
4. Китоб ўқишнинг фойдалари ҳақида унга сўзлаб беринг;
5. Китоб ўқийдиган болалар билан дўстлаштиринг;
6. Китобдан чалғитиши мумкин бўлган нарсалар – ТВ, телефон, компьютер, планшетлардан меъёрида фойдаланишига рухсат беринг. Шунингдек, бу жиҳозлардан кам фойдаланиш билан ўзингиз ҳам ўрнак бўлинг;
7. Унга суратли, қизиқарли китоблар ҳадя қилинг;
8. Китоб ўқигани учун мукофотланг. Масалан, битта китобни ўқиб бўлсанг, фалон нарса олиб бераман ёки фалон жойга сайрга олиб бораман, деб унга хуш келадиган ваъдаларни беринг ва шартни бажарганда буни дарҳол, мамнуният ила амалга оширинг;
9. Кўп китоб ўқиб, илм ўрганиб, муваффақиятга эришган кишилар ҳақида фарзандингизга сўзлаб беринг;
10. Фарзандингиз билан китоб дўкони ва кутубхоналарга боринг. Ўзи истаган китобларни олиб беринг.

Ғиёсиддин Юсуф

@piskenthayoti

Инсонни оташ эмас, ўз ғафлати ёқар. Барчадаги камчиликни кўрар-у, аммо ўзига кўрдек боқар. Нимага қандай боқсанг, у ҳам сенга шундай боқар.

Жалолиддин Румий

@piskenthayoti

Кимнинг қандайлиги қачон билинади.

Эрнинг қанақалиги хотини бемор бўлиб қолганда билинади.
Хотиннинг қанақалиги эри камбағал бўлиб қолганда билинади.
Фарзандларнинг қандайлиги ота-оналари кексайганда билинади.
Ака-укаларнинг қанақалиги мерос тақсимланаётганда билинади.
Дўстларнинг қандайлиги машаққатли лаҳзаларда билинади.
Қариндошлар, яқинларнинг қанақалиги мусофирчиликда билинади.
Ҳақиқий муҳаббат (аслида борми ёки йўқми) ўртадаги ўзаро манфаатлар тугаганда билинади.

П.с. Лекин, шундай инсонлар борки, уларни қандайлигини бутун умр бирга яшасанг хам била олмайсан!

@piskenthayoti

Мамлакатимиз мактабларини битирувчи ўғил-қизларга табрик
—
Поздравление выпускникам школ нашей страны

Prezident.uz|Facebook|Instagram|YouTube|X

#cайлов 2025

МУНОСИБ НОМЗОДЛАР САЙЛАНДИ

Махалла –бу ўзини ўзи бошқаришнинг ўзига хос ўзбекона , бошқа мамлакатларда учрамайдиган модели бўлиб, у фуқароларимизнинг ҳаётида ҳамда мамлакатимизда амалга оширилаётган барча сохалардаги ислохотларда беқиёс ўринга эгадир.
Махалла йиғинлари сайловлари орқали фуқароларимиз ўзларига энг муносиб деб билган номзодларини ўзларига оқсоқол қилиб сайлайдилар .
Бунда фуқароларнинг иштирок этиши мутлақо ихтиёрий ва эркин бўлиб,уларнинг хохош-истакларига қарши чиқишга ҳеч ким хақли бўлмайди. Яъни ўтказилаётган махалла фуқаролар йиғини раислари сайловлари демократик тамойилларга асосланган ҳамда қонун талабларига риоя қилнган холда ўтказилади.
Туманимизда давом этаётган махалла фуқаролар йиғни раислари сайловида биз ушбу холатларга нечоғли риоя этилаётганлигигак яққол гувох бўлмоқдамиз.
Маҳалла фуқаролар йиғини раислигига сайловлар қизғин давом этаётган кунларда туманимиздаги “Майлобод” , Мўминобод, “Ғайрат “, “Гулистон”, “Сувти”, Файзобод, “Зоминовул” ва “Дўнгқўрғон махалларида ҳам ушбу жараён ҳақиқий демократик рухда, шаффофлик билан ўтказилди.
Фуқароларнинг юқори фаоллиги ва ахолининг турли қатлами вакиллари дан иборат сайловчилар иштирок этган сайловларда фуқаролар ўзлари танлаган ва энг муносиб деб бахолаган номзодлари учун овоз бердилар.
Бўлиб ўтган сайлов натижаларига кўра “Майлобод” махалласига амалдаги раис Р.Пўлатов, Мўминобод махалласига Д.Абдуллаев, “Гайрат”махалласига М.Қодирова,”Гулистон”махалласига С.Холбоев, “Сувти” махалласига Д.Ўролов, “Файзобод” махалласига А.Тюляпов ва “Дўнгқўрғон” махалласига С.Пармонов ва ”Зоминовул” махалласига С.Тўрақуловлар махалла раиси этиб сайландилар
.
@piskenthsyoti

ТАСАЛЛИ

Қабристон жимжит. Фақат ёлакнинг икки четида саф тортган мирзатераклар қабр устига бош эгган фарзандлардек онага ором тилаб алла айтади. Уларнинг мунгли шивирлаши тиловат садоларига қўшилиб, юракни эзувчи оҳангга айланади... Оқ сурп яктак кийган, мош-гуруч соқоли ўзига ярашган гўрков юзига фотиҳа тортиб ўрнидан туради:

- Болди энди, болам! Бунақада ўзингизни олдириб қўясиз, Дунёнинг ишлари шу экан, илож
қанча? - У бир зум индамай қолади-да, қўшиб қояди:
- Волидайи меҳрибонингиз хўп ярлақаган одам эканлар. Тўшакда ётмабдилар, бировга зориқмабдилар... Бунақа беозор олим ҳар кимга ҳам насиб этавермайди.
Нами қуриб улгурмаган тупроқ уюмига тикилганча ўйлайман.
Эҳтимол шундайлир. Онам бу дунёда камсуқумгина яшарди. Ҳеч кимга озор бермасди.
Ҳеч ким билан ҳеч нимани талашмасди. Эҳтимол, табиатнинг энг шафқатсиз элчиси билан ҳам
олишиб ўтиришни хоҳламагандир. Эҳтимол...
- Кўрдингизми, - дейди қария ўйчан оҳангда, - ўша куни кечаси билан жала қуйиб чиқди.
То қабрга қўйгунимизча тинмади. Қўйишимиз билан чарақлаб офтоб чиқди. Бунақа руҳи пок одамлар кам болади, болам, мен биламан-ку.
Эҳтимол, шундай ҳамдир. Балки, одамларнинг дардига шерик болавериб кўникиб кетган бу
нуроний қария керакли пайтда ҳар кимга ана шундай тасалли сўзини айтар. Раҳмат сизга, отахон.
Эртами-кечми ҳар кимнинг иши тушадиган мана шу қолларингиз учун раҳмат. Ўртаниб турган юракка сув сепа биладиган мана шу ҳамдард қалбингиз учун раҳмат. Фақат... Хамма гап ёмғирда болса, яна ақалли уч кунгина онамнинг умри чўзилса-ю, кейин ёмғир эмас, муттасил тош ёғса ҳам рози эдим...
Бир ҳафта бўлдики, дўстларим, таниш-нотанишлар эшикдан маъюс кириб келишади. Дўстларим жимгина ўтириб, жимгина чиқиб кетишади. Бошқалар оҳиста сўрайдилар:
- Неча ёшда эдилар?
Мен айтаман... Айтаман-у ўйлайман: онанинг ёш-қариси бўладими? Меҳрнинг ёш-қариси бўладими? Шафқатнинг-чи? Садоқатнинг-чи? Илгарилари бир ҳақиқатни билардим. Она учун
боланинг катта-кичиги болмайди. Энди яна бир ҳақиқатни англадим. Бола учун ҳам онанинг катта-кичиги болмас экан. Она - она экан. Унга бошқа сифат керакмас

Ўткир Ҳошимов (Дунёнинг ишлари) китобидан
@piskenthayoti

Яхшилик қилгандек кўринманг!
Яхшилик қилинг － кўринманг!

Айман Ёғий

@pisjenthayoti

​​#Ҳикоя

Ҳаётий сабоқ: “тарозининг иши қийинда, болам…”

Кўчадаги ишларимни битириб, уйга пиёда қайта бошладим. Одамлар гавжум йўлакнинг бир четида олма сотиб ўтирган ёши катта онахонга кўзим тушди. Бир донагина тиши қолган, ночорлигидан бўлса керак, ўзи савдо қилаётган нур юзли бу онахон олма нархини камайтириб беришини сўраётган харидорга самимий оҳангда: «Болам, менга тирикчилик учун фақат минг сўм пулингиз қолади. Беш панжани оғизга тиқиш шарт эмас. Бир куним ўтса бўлди…», деди.

Харидор икки килограмм олма сўраганди, онахон кучсизгина, қалтираётган қўлларида олмани тарозига осиб қайта-қайта тортди. Харидор: «Тўғри келмаяптими, хола?», деганди, онахон: «Тарозининг иши қийинда, болам. Бировнинг ҳақи…», деди.

Ана шу ерда бойлик мол-дунёнинг кўплигида эмас, қаноатда эканини чуқур ҳис этдим. «Тарозининг иши» ва бировнинг ҳақи борасида ҳам унутилмас сабоқ олдим. Тўғриси, онахонни қучоқлаб, йиғлагим келди…!

Нуриддин Муҳаммаджон
@piskenthayoti