#_семинар

ҚИШЛОҚ ХЎЖАЛИГИ ИННОВАЦИЯСИ                   

Дунё бўйлаб ичимлик сувига бўлган эҳтиёж тобора ортиб, чучук сув захираларининг йилдан йилга камайиб бораётганлиги бу борада амалга оширилиши зарур бўлган чора-тадбирларга янада катта эътибор қаратишни талаб этмоқда.  “Ўтни аясанг ўтга, сувни тежасанг сувга”- деганларидек, бу борада амалга оширилаётган чора-тадбирлар ўз самарасини бериши табиий.
Туманимиздаги “Искандаров Сардор Тараққиёт” фермер хўжалигида сувни тежовчи технологиялардан унумли фойдаланиш бўйича ўтказилган амалий семинарда ҳам сув билан боғлиқ долзарб масала кўтарилиб, бу борада сувни тежовчи технологиялардан фойдаланиш, унинг афзалликлари ҳамда томчилатиб суғоришнинг аҳамияти, давлатимиз томонидан берилаётган имтиёзлар  ҳақида батафсил тушунтирилиб,  ушбу фермер хўжалигининг бу борада амалга ошираётган ишлари амалий тарзда кўрсатиб берилди. 
  Бу йил мазкур фермер хўжалигининг 44 гектар ғўза майдонида томчилатиб суғориш тизими йўлга қўйилган бўлиб, бу тадбир албатта ўз самарасини беришига ишончимиз комилдир.

@piskenthayoti

#_соғинч

Ота мени ташлаб кеттиза
Қаро кўзим ёшлаб кеттиза
Сизсиз 1 йил яшаб ўтибман
Ўлмаганман трик мурда ман

Жон жонимдан ўтиб боряпти
Оғриқларим мени еяпти
Нима қилай юрак соғиняпти
Ота мени ташлаб кеттиза

Ўзим дардим билан бўлибман
Бу дардни енголмай юрибман
Кеча тушда сизни кўрибман
Ота мени ташлаб кеттиза

Қизим қачон келасан дея
Нима кўнглинг тусайди дея
Барчасини муҳайё қила
Ота мени ташлаб кеттиза

Елкангизга бошим қўйсайдим
Барча дардингизни олсайдим
Майли дардим бн қолсайдим
Ота мени ташлаб кеттиз

Ҳали мен ҳеч ўлмайман дея
Неваралари тўйин кўраман дея
Пайғамбарнинг ёшига тўлла
Ота мени ташлаб кеттиза

Сизни Жудда соғинган қиздан отажоним оҳиратиз обод бўлсин соғинчдан шоир бўлиб кетди қизиз.

@piskenthayoti

#_соғинч

Аяжоним Фароғатхон Отахонова узоқ йиллар мурғак қалбларга билим, илм, тарбия бериб ҳаммани ҳурматини қозонганлар. Ҳамма чиройли ҳисларларни аяжонимда кўрганман. Улардан андаза олишга ҳаракат қилганман. Бугун уларнинг туғилган кунлари.... Аммо бешавқат ўлим аяжонимни биздан айирди. Орқаларидан эса шунчалар бир-бириларига меҳрли эканларки, адажоним Абдухамидхон Эргашевни ҳам кутилмаганда Оллоҳим ҳузурига чақирди. Ҳамма уларни жуда яхши кўрарди ва илиқ хотира билан хотирлайди. Биз 6 фарзанд, 20 невара 24 эвара яқинлари уларни фақат соғнч билан ҳар сония эслаймиз, ёдга оламиз.

УЛАР БИЗГА ЎРНАКДИРЛА

Соғиндим дейману айта олмайман,
Қучоқлай дейману ета олмайман.
Қўлларингиздан ушлаб баралла сизга,
Туғилган кун муборак дея олмайман.

Соғинч азоби қийнайди мени,
Юрагим эзилар эсласам сизни.
Дилдаги гапларим ичимда қолди,
Ахир бугун туғилган кунингиз сизни.

Гуллар тутардим бўлганизда ёнимда,
Тилаклар айтардим босиб бағримга сизни.
Бу кун отланардик уй томон бизлар,
Ахир бугун туғилган кунингиз сизни.

Адажоним ҳам кетдилар ортингиздан, бизни ташлаб, 6 фарзанд қолавердик, ҳеч нарса қила олмай бўзлаб.
Оллоҳимни хоҳиши деб, тақдирга кўндик,
Энди топа олмаймиз, ҳеч қаердан сизларни излаб.

79 баҳорни кўрардингиз бўлганинигизда,
Уйимиз меҳмонга тўларди бўлганингизда.
Адажоним билан бирга ўтириб тўрда,
Табрик қабул қилардингиз, бўлганингизда.

Соғиндим адажон, аяжон сизларни жуда,
Киринглар тушларимга орада бир он.
Ҳаёт синовлари базида қийин, ечимсиз,
Қанийди бўлсангиз эди ёнимда шу он.

Ёлғиз қолганимда ўксиб қоламан
Сиз билан ўтган дамларни қумсаб қоламан.
Расмлар, видеолар қилиб томоша
Яна сизларни соғиниб йиғлаб оламан

Оллоҳни хоҳиши! сизлар энди биргасиз,
Иккингиз ҳам учарсиз фирдавс жаннатларда.
Биргаликда дуолар қилинг энди самоларда,
Асрагайдир 6 фарзанд, ўзларининг қалбларида.

Соғинч билан битилган мисралар.

@piskenthayoti

ХИКМАТЛАР  ХАЗИНАСИ

Мен тўғри йўлда йиқилган инсонни кўрмадим!

Саъдий Шерозий


Агар келажакда бир кун «кошки эди» деб қолишни истамасанг, уч нарсани тўғри танла! Рафиқангни, ишингни, дўстингни.

Юнус Эмре


Қуёш тиғида юрмоққа жасорати етмаган инсон сояда қолмоққа ва сояни нур деб ҳисобламоққа маҳкумдир!

Шамс Табризий


Пасткаш мақтангани билан буюк бўлмас, эчки югургани билан кийик бўлмас.

«Маҳбуб ул-қулуб»дан


Гар сирингни асраш ўзингга малолдир, бошқа биров уни асрамоғи маҳолдир.

«Маҳбуб ул-қулуб»дан


Ҳаё - инсоннинг абадий гўзаллиги ва латофатидир. Ҳаёсиз юз жонсиз жасадга ўхшайди.

Абу Али ибн Сино


Сизни мақтаган инсонлардан тинчгина узоқлашинг. Мақтовнинг охири кибр ва ғафлатдир.

Алберт Камю

@piskenthayoti

❕Учта нарса ҳеч қачон қайтиб келмайди: Вақт. Айтилган сўз. Имконият

❕Уч нарсани йўқотиб бўлмайди: Тинчлик, Умид, Ғурур.

❕ Уч нарса қадрли: Севги.
Ишонч. Ҳалоллик.

❕ Уч нарса ўткинчи: Мансаб. Омад. Барқарорлик.

❕Уч нарса одамни қандайлигини аниқлайди: Меҳнат. Тўғрилик. Эришилган натижа.

❕Уч нарса одамни ҳароб қилади: Кибр. Ҳаром. Зулм.

❕Учта гапни айтиш қийин:
Сени севаман. Кечир. Ёрдам бер.

Хайрли тонг азиз мехрибон инсоним...

ХУРШИДА БАХРАМОВНА

@piskenthayoti

Кимнинг қандайлиги қачон билинади.

Эрнинг қанақалиги хотини бемор бўлиб қолганда билинади.
Хотиннинг қанақалиги эри камбағал бўлиб қолганда билинади.
Фарзандларнинг қандайлиги ота-оналари кексайганда билинади.
Ака-укаларнинг қанақалиги мерос тақсимланаётганда билинади.
Дўстларнинг қандайлиги машаққатли лаҳзаларда билинади.
Қариндошлар, яқинларнинг қанақалиги мусофирчиликда билинади.
Ҳақиқий муҳаббат (аслида борми ёки йўқми) ўртадаги ўзаро манфаатлар тугаганда билинади.

П.с. Лекин, шундай инсонлар борки, уларни қандайлигини бутун умр бирга яшасанг хам била олмайсан!

@piskenthayoti

МУҲИМ ИШЛАРНИ МУҚАДДАМ ҚЎЙИНГ!

Ҳакимлардан бири айтган экан: “Мен ҳеч кимни унутиб юборганим йўқ. Лекин ишларимни тартиблаб, энг муҳимларининг рўйхатини тузиб чиқдим. Афсус, кўпчилик инсонларни бу рўйхатга кирита олмадим”.

Ҳа, агар биз ҳам ишларимизни динимиз кўрсатмасига мувофиқ тартиблаб, энг муҳимларининг рўйхатини тузиб чиқсак, вақтимизни беҳудага совураётган анчагина кишилар ва ишлардан воз кечишимизга тўғри келади. Афсуски, муҳимлари қолиб, бекорчилари билан машғул бўлиб қолаётганимиз учун ҳатто энг муҳимларига ҳам вақтимиз етмай қоляпти. Вақт ҳам худди пул кабидир. Керак эмас жойга сарфлаб юборсак, керак бўлганида топа олмаймиз.

"Ҳикматлар чашмаси"дан

@piskenthayoti

Нью-Йоркдаги метролардан бирида, ғижжакчи (скрипкачи) ўз созида 45 дақиқа давомида куй чалади. Бир-икки қарсакдан ташқари, у бор йўғи 25-30 доллар чой-чақа тўплайди.

Аслида бу скрипкачи дунёдаги энг яхши мусиқачилардан бири саналган Жошуа Белл эди.

Ушбу метрода Жошуа ғижжак (скрипка) учун ёзилган 3,5 миллион долларлик энг мураккаб асарлардан бирини ижро этади.

Метрода ғижжак чалишидан икки кун олдин Жошуа Белл Бостон театрида чиқиш қилади ва ҳар бир ўриндиқлар учун чипта нархи ўртача 100 доллар атрофида бўлади...

Тадқиқот шуни кўрсатдики, ғайриоддий нарса оддий муҳитда порламайди ва кўпинча эътибордан четда қолади ва ҳатто паст баҳоланади.

Сен мукаммал бўлишинг мумкин, лекин агар сенга муносиб баҳо беришмаса, хотиржамликни йўқотма ва ўзингга тегишли бўлган тарафга, истеъдодинг қадрланадиган, керакли бўладиган жойга ҳаракатланишда давом эт!

    @piskenthayoti           

Бир яхши одам бир аёлга уйланмоқчи бўлибди. Аёл ҳам рози бўлипти. Никоҳ пайтида ҳалиги одам:
- Лекин менинг бир айбим бор, ғазабланган пайтим бадҳулқ бўлиб кетаман, - дебди.
- Сизни ғазабланишингизгача олиб борган одам сиздан-да бадҳулқроқдир, - дея жавоб берибди зукко аёл.
- Мен орзу қилган аёл сизсиз. Менга сиздан бошқаси керак эмас, - деб юборган экан бояги эркак.

Қизил китобга кирган аёл .

@piskenthayoti

#Фойдали_сахифа

Эрталаб оч қоринга ичилган сув энг яхши шифодир

➥ Қандли диабет, семизлик, гормонал мувозанат, артрит, аритмия, мигрень, буйрак етишмовчилиги каби касалликлардан халос бўлишга ёрдам беради.

➥ Эрталаб бир стакан сув ичакларни тозалашга, ошқозон ости бези ва ошқозон ишини нормаллаштиришга ёрдам беради.

➥ Уйғонганингиздан сўнг дарҳол бир стакан илиқ тоза сув ичинг. Ҳожатдан сўнг яна 1 стакан сув ичинг, кейин нонушта қилинг.

@piskenthayoti