Яхши кўрган инсонларингизни жуда маҳкам тутинг! Уларга яхши кўришингизни айтинг! Хатоларини кечиринг! Бир куни келиб ё сиз ёки улар риҳлат қиладилар. Қалбда эса, уларга айтилмай қолган гаплар, соғинчлар қолади. Сиз билан тортишган, ўзларини оқлаган, тушунтирган, эътироф этган, уришишларидан етган жароҳатингиз ичидан тузалмасидан олдин, ташқарисини тикиб қўйманг! Ҳаёт гина - кудрат, ҳасад, ғазаб сақлаш, ришталарни узишга арзимайдиган даражада қисқа. Эртага фақат хотираларга айланамиз. Ўлим рухсат сўраб ўтирмайди. Ёмон инсонларга хам табассум қилинг, марҳаматли бўлинг! Чунки улар қалбини фақат Яратган билгувчидир.

@pisjenthayoti

Ким биландир дардлашгинг келадию, аммо ҳамманинг дарди ўзига етади...

Ҳаёт йўлимизда ҳар хил инсонларга дуч келамиз — кимдир ўзидан яхши таассурот қолдиради, кимдир илиқ хотира... Яна кимдир бир умрлик чандиқ...

Кимдир бир умр эсдан чиқмайдиган дарс, кимдир орзу бағишлаб кетса, бошқа кимдир орзуларингни барбод этиб  кетади...

Қалбингизни фақат азиз инсонлар учунгина маскан айланг. Танимаган, яхши билмаган инсонларга қалбингизни эшигини очманг. Чунки унга оёқ кийими билан кириб топтаб кетадиганлар ҳам бор...

@piskenthayoti

#якшанба мутолааси

ФОЛБИНЛАРНИ ЁМОН КЎРАМАН

Мен фолбинларни ёмон кўраман.Уларни ўз нафси йўлида иймонини сотишдан тап тортмайдиган пасткаш кимсалар, иблиснинг малайлари деб биламан.
Айтишларича, иблислар инсон тақдири ҳақидаги маълумотларни ўғирлаётганида,шошганидан уларни адаштириб юборишар экан ва мана шу ёлғон хабарларни фолбинларгасотишар экан.Иймонини иблисларган сотадиган фолбинлар эса мана шу маълумотларни пуллаш мақсадида жуда катта гуноҳга қўл уриб, ишонувчан, илмсиз, иродасиз кимсаларнинг пулини шилиш мақсадида уларни лаққа туширишар экан.
Фолбинларнинг фаолиятига чек қўйиш чоралари кескин қўйилаётганлиги, уларга қарши азалдан кураш олиб борилганлиги ҳам бежизга эмас,чунки уларнинг ёлғон ва тухматдан иборат башоратлари туфайли қанчадан –қанча бегуноҳ инсонлар азият чекишади.
Бир воқеа асло ёдимдан чиқмайди.Ўша пайтларда мен етти –саккиз яшар қизча, онам рахматли эса 35 ёшда бўлиб, оғир бетоб эдилар.
Шифокорларнинг муолажалари заррача таъсир қилмаётганидан ҳавотирга тушган яқинларимиз ўшанда домла-ю фолбинга мурожаат қилишга мажбур бўлишган эди.
Шундай кунларнинг бирида, онам рахматли ана кетди, мана кетди бўлиб ётганларида фолбинга кетган опам билан аммамиз қувонганларича келиб онамга”Сиз ўлмайсиз, фолбин айтди, ҳали кўп яшар эакнсиз,80 йил умр кўрар экансиз дейишганида ҳаммамиз беҳад қувониб, бир-биримизнинг қўчоғимизга отилиб, хўнграб йиғлаган, фолбинга рахматлар айтган эдик.
Кейинчалик онам рахматли тузалиб, оёққа туриб кетдилару, лекин ҳамиша, мен 81 ёшга етиб ўламан деб ҳаёл суриб қолар эдилар.Мен эса, она , сиз ўлмайсиз, фолга ишонманг дер эдиму, лекин онамни йўқотиб қўядигандек вахимага тушар, қандайдир ички бир овоз, онангнинг дийдорига тўйиб қол дегандек бўлаерар , ҳаловатим йўқолиб,кайфиятим тушиб кетар эди.
Орадан йиллар ўтди.Аммам ҳам, опаларим ҳам бу ҳақда бошқа эслашмаса ҳам, негадир онам ва мен фолбиннинг башоратини унута олмас эдик.
Онамнинг ёшлари саксонга яқинлашган сари қўрқув ва ҳавотирга тушаверар эдим.
Нихоят йиллар сувдек оқиб ўтиб, онам рахматли саксон ёшга кирдилар.Мен фолбинларга ишонмасам ҳам, гап онамнинг ҳаётлари билан боғлиқлиги учун бефарқ бўла олмас, онам тиқ этиб оғриб қолсалар, худди уларни йўқотиб қўядигандек ғамга ботар эдим.
Ҳайриятки онам саксон ёшдан ошдилар.Шунда мен фолбиннинг башоратидан мудом ҳавотирга тушиб юрганимни, ҳайриятки ҳавотирими бекор бўлганини айтганимда онам рахматли аста жилмайиб, “Болам, сен нотўғри эшитган экансан, фолбин мени саксонга эмас,саксон бир ёшга етиб ўлади деган”-десалар бўладими! Буни эшитиб хушим бошимдан учган бўлса ҳам, кечагидек эшитганим, аммам рахматлининг”Кеннойи, сиз ўлмайсиз, тузалиб кетасиз, фолбин айтди, саксон йил яшар экансиз”-деган сўзлари қулоғим остида кечагидек жаранглаб тургани учун хотиржам тортар, онам янглиш эшитганлар дея ўзимни овутар эдим.
Лекин афсуски ишонч ҳар нарсадан устун бўлар экан. Аввало яратган ўлчаб берган умр, лекин армоним, онам ўша фолбиннинг гапига ишонмаганларида балки узоқроқ яшармидилар.Чунки онам фолибннинг гапига жуда қаттиқ ишонган ва умр бўйи 81 ёшга етишларини кутиб яшаган эканлар ва мана шу ишонч онамни олиб кетган экан.
Қарангда,фолбин онамни 80 йил умр кўришларини башорат қилган. Лекин онам фолбиннинг гапини янглиш эшитиб, 81 ёшдан ўтмасликларига ишонганлар.
Кўраяпсизми, фолбинларнинг гапи нималарга олиб келиши мумкин экан.
Онамнинг оч пушти ёқут кўзли жуда чиройли тилла зираклари бўлар эди.
Кўзининг катталигидаги, кўп маротаба қулоқларидан тушиб қолар, биз эса излаб чарчар, ишқилиб, қаердандир топиб олар эдик. Лекин бир сафар йўқолган зиракларини ҳеч қаердан топа олмадик.Онам ҳам ахийри зиракларини топилишидан умидларини узганларида, кимдир фолбинга боришларини маслаҳат берган,фолбин эса зиракни яқинларингиздаан бири олган, кимлигини айтсам орангиз бузилиб кетади дегани учун уйимизга тез- тез келиб турадиган қариндошларимиздан шубхаланар, ўзларини ҳар қанча қўлга олишга уринсаларда, узоқ қишлоқдан келадиган, дали ғулигина жиянлари бўлмиш холамиз келганида ,"Олса шу олади, бошқалар бу ишни билмайди,лекин ҳеч биринг чурқ этиб оғиз очма, қўлимиз билан ушлаганимиз йўқ деган эдилар.

Онам шундай десалар ҳам ўша холамизга нисбатан муомалалари ўзгариб қолганини сезган холамиз камнамо бўлиб кетганларида, биз фолбиннинг гаплари тўғрилигига астойдил ишона бошладик.
Лекин бир куни рахматли онам босилаверганидан халқалари қийшайиб кетган,лекин ўша чиройли ёқут кўзи дарз ҳам кетмаган зиракларини йўлакнинг бир четидан топиб олиб,қувониш ўрнига жуда хижолат чеккан ва бир бегунохдан шубхаланиб гунох қилганлари учун йиғлаган ва эртаси куни эрталаб ўша холамизникига, Бекободнинг "Янтоқ" қишлоғига йўл олган эдилар.
Мен бу воқеани Ўткир Хошимовнинг"Дафтар хошиясидаги битиклар" асаридаги
онасининг йўқолган балдоғини фолбиннинг ёлгон гапи билан ён қўшнисидан кўрган , лекин орадан бир қанча вақт ўтиб,балдоқ ўзининг жемферига илиниб қолганини кўрган онаси ўша балдоқни ўзи ўғри қилган қўшнисининг келинига тақиб қўйганини ўқиб жуда таъсирланган ва ёлғончи ва ноинсоф фолбиндан нафратланган эдик.
Мен ушбу хикоямда ўзим гувох бўлган иккита воқеани қаламга олдим холос.
Лекин фолбинларнинг ёлгон ва тухматдан иборат башоратлари туфайли қанчадан- қанча одамларнинг азият чекаётганлари, бу хол хануз давом этаётганини кўриб афсусланаман.

Башорат Сатторова

@piskenthayoti

Натижа шуки, олам бир тоғга ўхшайди. Яхши ёки ёмон сўзингнинг акси ўзингга, фақат ўзингга қайтади. Мен яхши гап айтган эдим, тоғ ёмон жавоб қайтарди, дея олмайсан. Бу — имконсиз. Чунки тоғда булбул сайраса, акс-садо бўлиб ҳеч қачон эшак ёки қарғанинг овози қайтмайди. Акс-садо эшакнинг овозими, демак, билгилки, бу ёқда ҳанграган ҳам эшакдир.

Жалолиддин Румий

@piskenthayoti

Инсон хаёлга, тасаввурга сиғмайдиган даражада улуғ ва буюкдир. Агар инсоннинг ҳақиқий қадр-қийматини сўзлайдиган бўлсам, мен ҳам дунё ҳам ёнади. Аммо афсуслар бўлсинки, инсон ўз қадрини билмади, ўзини арзонга сотди.

Шамс Табризий

@piskenthayoti

Дунёда одам зотининг тиши ўтмайдиган уч жумбоқ бор эмиш: булардан бири — ўлим, иккинчиси осмон сирлари, учинчи жумбоқ эса, аёл руҳияти экан...

Тоҳир Малик
«Иймонланиш умиди"
@piskenthayoti

..... ​Қиз институтни битириб, ишга кирди. Мактаб шовқин, меҳнати оғир, қоғозбозлик кўп эди. Ишлашни истамади. Онасига арз қилди. "Ўқитувчилигинг учун ҳам тинимсиз совчилар келяпди, узатиб юборай, билганингни қил! "

Турмушга чиқди. Энди ишлари янада кўпайди. Мактабнинг битмас-туганмас ғалваларига келинлик хизмати ҳам қўшилди.
Турмуш ўртоғига ишдан бўшамоқчи эканлигини билдирди. "Хомиладор бўлсанг, туғруқ таътилига чиқиб дам олаверасан, озроқ ишлаб тур!" Уч йилгача фарзанд неъматини кутди. Бир йилгина уйда ўтирди. Қайнонаси "Ишга чиқиб кетаверинг, болага ўзим қарайман, сизларга бир ватан керак, пул йиғиб иморат кўтаришни бошланглар!"-деди ҳовлининг ярмини кўрсатиб.
Кейинги фарзандлари ҳам кетма-кет туғилди. Учта боласи туғилганида бор-йўғи уч йил дам олди. Ҳали ҳам ишлашни истамас, қирқ беш минутлик дарс ўтиши азобга айланган эди. Йиллар ўтди, энди у асабий, бақироқ ўқитувчига айланган, ҳали ҳам ишламаслик ҳақида бот-бот ўйлаб қўяр, аммо энди фарзандлари улғайиб кела бошлаган, уларни ўқитиш, уйлаб-жойлаш, қизини узатиши керак эди.
Ва ниҳоят нафақа ёшига ҳам етиб келди, яна ишдан бўшаб кетолмади, сабаби, қизига бешик бериши керак.
"Ўғлим машина олсин, ёрдам бериб юборай" "Катта ўғлим иморат бошлаган, озгина қарашишим керак"
Ортига ўгирилса умр ўтиб кетибди, ўзи ҳам олтмишни қоралаб қолибди.

"Одамзотнинг орзу-ҳаваси сира тугамас экан, етмаган дунё етмас экан, битмагани битмас экан!"

Ишга келаётган ёшларнинг ўрнини эгаллаб тургандек ҳис қила бошлади ўзини. Энди бўлди, кетиши керак.
У бир умр орзу қилгани— ишдан бўшаш ҳақидаги аризани ёзар экан ичидан "Шу мактабга кириб келганимда қиз бола эдим, кампир бўлиб чиқиб кетяпман", —деган ўй ўтди, аммо, негадир энди ишдан бўшашни сира истамаётган эди...

Феруза Салходжаева.

@piskenthayoti

Онасиз уй - ойсиз тун
Экан энди ўйласам,
Қалбни ўртар дардларим,
Қай бирини сўйласам?
Сизсиз кўчам бефайз,
Ҳаловат йўк уйда ҳам,
Фариштаси тарк этган
Остонаман, онажон!

Муҳаммад Юсуфнинг ўзи ўқиган .

@piskenthayoti

Барига қўл силтаб қўй

Одамлар гапи қизиқ,
Тўғри юрсанг ҳам бузиқ.
Қўйиб берсанг уларга,
Чизиб беради чизиқ.

Аввали роса куйдим,
Гап сўзлардан хўп тўйдим.
Охири бор, эй- деб,
Қўлимни силтаб қўйдим.

Ортиқча ғам не керак,
Ҳаста бўлмасин юрак.
Ташвишлар ўзи камми,
Улгурмай бошим халак.

Гап сўзлари болалаб,
Охир тугар чамалаб.
Бир кун тўярлар ахир,
Оқ номимни қоралаб.

Хуллас дўстлар бекорга,
Жон куйдирманг беорга,
Бор гунохни аритиб,
Кириб кетсинлар гўрга.

Тинч яшашни истасанг,
Барига қўл силтаб қўй.
Кўзларига кўрин ой,
Ичларига солиб вой.

Рози қиламан десанг,
Ўлгунча ейсан калтак.
Бирдай ёқиб бўлмайди,
Жоннинг ўзингга керак.

Барига қўл силтаб қўй...

ЗУЛФИЯ Юсупова

@piskenthayoti

БЕБАҲО ҲИКМАТ

❕Сени олдингга ташвиши бор кимса келса, уни эшит!

❕Сени ҳузурингга кимдир узр сўраб келса, уни кечир!

❕Сени бирор муҳтож киши йўқлаб келса, унга инфоқ қил!

@piskenthayoti

ХАЙРЛИ ТУН

Бошимни ёстиққа қўйиб қўймасимдан тонг ёришади. Ҳали уйғониб уйғонмасимдан ухлаш пайти бўлади.
Кунлар тўхтамасдан ўтмоқда. Ўзимга ўзим:
"Ҳақиқатда амаллар дафтарини солиҳ амалларга тўлдирган одам ҳақиқий бахтиёрдир", деб айтаман.

Теварак атрофда бўлаётган ҳодисалар ҳам жуда тезлик билан содир бўлмоқда....

Шундай экан солиҳ амалларни бажаришга шошилинг.
Эртага кеч бўлмасин...
@piskenthayoti

АССАЛОМ АЛАЙКУМ!
ХАЙРЛИ ТОНГ

Баҳорни яхши кўраман. Унинг гўзаллигини кўзларимга сигдира олмай, юрагимга жойлайман.
Лекин юрагим бу гўзалликдан хайратга тушиб, беихтиёр хаприқиб кетади.
Ундаги гўзаллик шунчалар қудратли ва жилвакорки, у билан мангу қолгинг келади.
Лекин афсуски, бунинг иложи йўқ.
Чунки хаммамиз табиатнинг хукмига бўйсунишга мажбурмиз.
Баҳор ҳам.
Хадемай бу бетимсол гўзаллик ўз ўрнини саратонга бўшатиб беради. Унинг куйдиргувчи хукмига бўйсунишга мажбур бўламиз....
Лекин ташвишланишга хожат йўқ.
Ёз тугаб ,куз келади.Кейин эса қахратон қиш қилич яланғочлайди.
Лекин унинг қахри ҳам юмшаб,яна навбахор юз очади.
Дарахтлар қайта гуллаб, ҳамма ёқ баҳор тароватига бурканади.
Афсуски ўтган умримиз қайтиб келмайди.Умримиз абадий эмас.Шундай экан, баҳор каби кўнгилларига завқ ва қувонч бағишлаб яшайлик. Ортимиздан гулзор,чаманзор боғлар қолсин.
@piskenthayoti

«Ҳал қилинмайдиган муаммонинг ўзи йўқ. Шунчаки, хаёлни чалғитувчи вазиятлар бор, холос». Ана шу иборани ёдда сақланг.

Ҳаётингизга янгилик киритишни истасангиз, ишни ўзингиздан бошланг. Зеро, ўзингиз ўзгармас экансиз, буни бошқалардан талаб қилиш тўғри бўлмайди.

«Ҳеч қачон ҳеч нимадан афсусланманг! Ҳаммаси яхшиликка!» Оддий сўз бўлгани билан билиб айтилгани рост.

Бир эшикни очиш учун иккинчисини ёпишга тўғри келади. Аммо ортда қолганини зичлаб ёпингки, кейин  яна очиш истаги пайдо бўлмасин.

Ишонинг! Бу туйғу ҳар биримиз учун ғоят зарур! Ҳатто атрофингиздагилар «тамом бўлди» дейишса ҳам, «яшашни энди бошлаяпман» дея ишонч билдиринг. Ўзингизга, қалбингизга ва танлаган йўлингизнинг тўғрилигига.

@piskenthayoti