የአዲስ አበባ ሳይንስና ቴክኖሎጂ ዩኒቨርሲቲ ለተማሪዎች የመማሪያ ቁሳቁስ ድጋፍ አደረገ
ጰጉሜ 4፤ 2018 ዓ.ም
የአዲስ አበባ ሳይንስና ቴክኖሎጂ ዩኒቨርሲቲ ለ2019 ዓ.ም የትምህርት ዘመን የሚሆን የመማሪያ ቁሳቁስ ድጋፍ ለ200 ድጋፍ ለሚያስፈልጋቸው የአንደኛ ደረጃ ተማሪዎች አደረገ።
በዚህ ድጋፍ ከአቃቂ ቃሊቲ ክፍለ ከተማ 120፣ ከኮዬ ፈጬ ክፍለ ከተማ 40 እና ከገላን ከተማ 40 በአጠቃላይ 200 ተማሪዎች ተጠቃሚ ሆነዋል።
የዩኒቨርሲቲው ፕሬዝዳንት ዶ/ር አስራት አጸደወይን ድጋፉ ዩኒቨርሲቲው ከማኅበረሰቡ ጎን መሆኑን የሚያሳይ መሆኑን ገልጸው፣ በቀጣይም መሰል ድጋፎችና ትብብሮች እንደሚጠናከሩ አረጋግጠዋል።
ድጋፉ በዩኒቨርሲቲው የምርምርና ቴክኖሎጂ ሽግግር ም/ፕ ሥር በሚገኘው የማኅበረሰብ አሳታፊነት ዳይሬክቶሬት አስተባባሪነት ተካሂዷል።