مفاجئة اسئلة الفيزياء التمهيدي 2026 للصف السادس العلمي :

المفاجئة كانت بالتجربة الي اجت
وهي تجربة الفصل الثاني
( الحث الكهرومغناطيسي )

باسئلة السنين السابقة چانت تجي التجربة بهاي الصيغه :

اشرح تجربة توضح ظاهرة الحث الكهرومغناطيسي

وبالكتاب عدنا ٣ تجارب واستنتاج ودائما بالجواب النموذجي يكتبون ملاحظة :

اذا كتب الطالب تجربة واحدة والاستنتاج ورسم التجربة الي شرحها يعطى درجة كاملة

وهنا الطلاب اعتمادا على هاي الملاحظة كاموا يختارون تجربة وحده من التحارب الثلاثه ويعوفون البقيه

بس اليوم حدد الهم بالوزاري تجربة من التجارب الثلاثه ( يعني ببدال ما الطالب يختار التجربة الي يريدها ابو الوزاري حدده بتجربة لازم يكتبها ) كتب اداوات التجربة الاولى فقط

وهنا اذا مثلا الطالب اختار يقره التجربة الثانيه وعاف الاولى والثالثة راح ياخذ صفر على هذا السؤال باعتبار هو ما قاري هاي التجربة اعتماداً على ملاحظة مركز الفحص

وهاي رسالة لجميع الطلاب لازم ما تعوفون اي شي وتقرون كل شي لان الوزارة جاي تمشي بخطة تجيب اسئلة تختلف عن السنين السابقه فلازم الطالب يكون قاري كلشي وما يترك اي معلومة تفوته لان كلها تاثر على درجته

بالنسبة لباقي الاسئلة فهي مكررة ووزارية خصوصا المسائل تعتبر سهلة جداً

كل التوفيق لجميع الطلاب

علي محسن

بلكي تطلع كذبة ابريل و الوزارة حبت تتشاقة وياكم بس شقاها ثگيل

تم حذف فصل النووية للصف السادس العلمي

بعد 60 يوم لامتحاناتكم الوزارية

واجاكم تقليص نوعا ما خفف عليكم شويه وموعد امتحانات جيد كسبتوا بيه 11 يوم ، المطلوب منكم تنطون كل ما عدكم .
جدولكم عدلوا وهذا لازم يخليكم دافع تستمرون مو تبردون
استغلوها صح وان شاء الله ربي يوفقكم

وطلعت صدك كذبة ابريل

جنت اتشاقة ويه واحد من الطلاب بالمحاضرة اول البارحة جان يسولفلي هو جان يقره الوراثة بايام الانكليزي ( هو زين بالانكليزي كلش فيستغل وقته يقره وراثة لان هو ما مضبطها )

فكتله اخذها مني الوراثة لا تقراها عوفها هاي السنه راح تجي ضمن الترك وتكدر تتركها كلها
هو بوكتها كلي انتو جماعه الحذوفات شمدريكم بالوراثة وانتو ما قاريها ( هم جان يشاقة والموضوع اخذناه ضحك )

اليوم اجت عالوراثة 25 درجة بس وكلها قابله للترك في حين الفصول الثلاثه الاولى عليها 125-130 درجة

الي جنه نتشاقة بيه اني وهذا الطالب الوزاره اليوم طبقته على ارض الواقع

الي ما قاري وراثة( او مشايف حرف من عدها) يكدر يجيب مية وهو مرتاح

ومنهجية الوزارة بوضع الاسئلة كلما داحاول افتهم وين يريدون يوصلون ادوخ بالزايد

بسم الله الرحمن الرحيم

بدأ التسجيل للموسم القادم لدفعة 2027
راح اكون متواجد
حضورياً والكترونيا في معهد القمة - الصليخ 600
للمنهجين العربي والمتميزين

وبخصوص طلبة 2026 بالمراجعة لامتحان الفيزياء متواجد لاستفساراتكم واي سؤال اني حاضر

لكل طالب ما مكمل مراجعه المنهج لحد هسه هذا الفويز الك 🤍

الي اجلوا للدور الثاني لمادة الفيزياء هم الاغلبيه الساحقة عدكم 40 يوم
الي ما يعرف شلون يقره بالبداية لازم تسوي تصنيف للفصول حسب دراستك وحسب وقت دراستك الها بفتره المحاضرات والمراجعه الى ٣ تصنيفات
الفصول الي ضابطها
الفصول الي قاريها بس ما ضابطها
الفصول الي عندك نقص او مقاريها زين
وتبلش بالي انت مو زين بيه وتنطي وقت اكثر تكملهن
تعبر عالفصول الي قاريها ومضابطها واخر شي الي انت قاريها

تركيزك عالوزاريات ميحتاج اوصيك عليه انت شفت بعينك الدور الاول

واي سؤال اني حاضر واي شي ما واضح دزولي واني اجاوبكم

كل التوفيق الكم