عدنه ذني قوانين ال CrCl ص 160 تحفظونهن هسه افهمكم كل قانون شنو

اول قانون اسمه قانون جيلفي
________________________

يكول ال CrCl يساوي
98ناقص 0.8 × عمر الشخص بالسنوات ناقص 20 على السيرم كرياتينين هذا ينطي بالسؤال بس لازم تنتبهون انو بوحده الملغرام على ديسيلتر يعني اذا جابة بغير وحده تحولنه لهاي الوحده هاي بالنسبة للذكور

اما اذا كال امراة ف نفس القانون الفوك بس تضربونه ب 0.9 يعني للرجال التطبقون بس للفوك اما النساء تطبقون الفوك والناتج تضربونه 0.9
----------------------------
القانون الثاني اسمه قانون كوكروفت
----------------------------
يكول 140 ناقص عمر الشخص بالسنين ×وزنه بالكيلو
تقسيم 72 في سيرم كيراتينين الي ينطيها وكذلك ننتبه للوحده انو تكون ملغرام على ديسيلتر هاي للذكور
اما الاناث ف نفس القانون بس نضربه ب 0.85
----------------------------
القانون الثالث نحسب ال CrCl اعتمادا على المساحة السطحية لجسم الشخص
----------------------------
يكول القانون المساحه السطحية تقسيم 1.73 في ال CrCl
اها هنا ربط هذا القانون بالقوانين الفوك يعني لازم نحسب ال CrCl حسب القوانين الفوك ونخليها بهذا القانون
بالاضافة شنو احتمال ما ينطيك ال BSA ينطيك وزن الشخص بالكيلو وارتفاعه بالسانتيم
هنا نرجع للملزمه الثانية🙂🤦‍♂ من حسبنه ال BSA ونطبق هذا القانون
----------------------------
القانون الرابع اسمه قانون شوارتز
----------------------------
هذا نستخدمه للاطفال والمراهقين
Pediatric و adolescent

يعني اذا بالسؤال كاللكم
Pediatric patient
او
Adolescent patient
نستخدم هذا القانون

شيكول هذا القانون
يكول ال CrCl هي
K ×ارتفاع الشخص بالسانتيم
تقسيم سيرم كيراتينين

ال K ثابته
للاطفال (0.33)
للمراهقين (0.7)
احفظوهن
----------------------------
خلصن القوانين كلش مهم تحفظون اسم العالم الي سوه القانون
لان بالسؤال يحددك يكلك مثلا باستخدام قانون جيلفي او قانون كوكروفت

بقالنه قانون IBW و MD و LD
ذني اشرحهن الكم بليل لان يرادلهن مقطع ما ينفهمن كتابة

هسه ذني القوانين جيبولكم حلويات لو اكل واكعدولهن اقروهن ومخمخوهن وافتهموهن واحفظوهن وبليل نشوف المسائل مالتهن يعني الملزمه الرابعه كلها تعتمد على ذني القوانين اذا ما حافظهن ف ما سويت شي يعني

حسب ما عرفت انو اكو طلاب من غير كليات دخلوا القناة اهلا وسهلا ☻💙

شرحت جابتر 7 الي كاتب علية ملزمه اولى
وشرحت جابتر 8 الي كاتب علية ملزمه ثانية
وشرحت جابتر 9 الملزمه الثالثه
وجاي اشرح جابتر 10
وباجر ان شاء الله 11

اما بقية الجابترات ف كلش اعتذر لان ما ماخذينهن بالكلية ما شايفهن وما عدي اي فكرة عنهن صراحه لذلك اتمنى تعذروني 🙏🙏

نكمل هسه جابتر 10
الي هو الملزمه الرابعه لطلاب اوروك
بقية الطلاب تكدرون تعيدونه من البداية كاتب الملزمه الرابعه 💙

شرح قانون IBW

هسه قوانين
MD (maintenance dose)
LD(loding dose )

LD
قانونه هو ال IBW مضروب ب الجرعه مال LD لكل كيلوغرام يعني يكلك باسؤال الجرعه مال LD لكل كيلو مثلا 10 ف تطلع ال IBW وتضربها ب 10 تطلعلك ال LD

MD
شلون نحسبها احنه جاي نحسبها لشخص مريض بالفشل الكلوي بالبداية نطلع ال MD للشخص الطبيعي هيه نفس قانون LD بس نضرب ال IBW بجرعة ال MD ينطيها بالسؤال

حلو طلعنه ال MD مال الشخص الطبيعي شلون نطلع مال المصاب بالفشل
القانون الي هو الثاني يكول ال CrCl مال الشخص الطلعناه تقسيم ال CrCl الطبيعي( ثابت 100 ملي بالدقيقه) مضروب ب MD مال الشخص الطبيعي الي طلعناه فوك

المسائل مال Crcl كلهن تطبيق مباشر حلوهن والي يواجه مشكله بيهن يحاجيني

لحد هنا خلصت الملزمة الرابعه الي هيه جابتر 10 عدكم المهم بيها حفظ القوانين مال CrCl وتعرف اسم العالم مال قانون وعدكم قوانين IBW و LD و MD وهايهيه وعدكم البروبلمز حاولو تحلوهن واذا وكف سؤال عدكم دزو الي

جاي يسالون على نسخة الكتاب الي اشرح عليها ما اعرفها والله جاي اشرح حسب ملازم كليتي ( اوروك) وما اعرف جايبينهن من يا نسخه انتم اقرو على شنو جاي اشرح وقارنو وي موضوعكم شوفوا نفسه

بداية الشرح👆 جابتر 7
وراها جابتر 8
وراها 9
وراها 10

Case in point 8.1
طلبوا من صيدلي ان يحدد جرعة من مادة الكلندمايسين لطفل عمره 3 ايام وزنه 3 باوند و7 اونس
الصيدلي عنده جدول الجرع اعتمادا على وزن الطفل
الجدول يكول اذا وزنه اقل من 1200 ف جرعته 10 مليرغرام لكل كيلو
اذا وزنه 2000 وعمره بين 0-7 ف جرعته 10 ملغرام لكل كيلو
اذا وزنه اقل من 2000 وعمره اكبر من 7 ف جرعته 15 وهكذا بقية قيم الجدول

هسه احنه نحتاج نحسب وزن الطفل بالملغرام حته نحدد جرعته حسب الجدول
هو وزنه 3 باوند و7 اونس ف نحول الباوند الى ملغرام ونحول الاونس الى ملغرام ونجمعهن يطلع وزنه بالغرام


1باوند = 454 غرام
3x454=1362
1اونس=28.35 غرام
7x28.35=198.45

1362+198.45 = 1560.45 g وزن الطفل

هسه عرفنه وزنه نروح نحدد جرعته حسب الجدول
الخيار الثاني يكول اذا اقل من 2000 و وعمره بين 0-7 جرعته 10 ملغرام لكل كيلو اذا هاي جرعته بس ننتبه لكل كيلو لازم نضربها بوزن الطفل حته نطلع جرعته الكامله

وهم كذلك ننتبه وزن الطفل طلعناه بالغرام ف نقسم على 1000 حته نحولة كيلو
يطلع 1.56 كيلو
1.56×10=15.6 mg جرعة الطفل


وراها يكول هذا الكلندمايسين موجود على شكل حقائب IV يعني مغذيات

خلصت الاحرف مال تلي 😂😂

اي على شكل حقائب كل حقيبه تركيزها 600 mg على 50 مل
يعني ال 50 مل بيها 600 ملغرام
يكول احسب عدد مليترات جرعة الطفل
احنه عدنه الجرعه مالته 15.6ملغرام هو كايل مرتين باليوم تصير 7.8 ملغرام شلون نحولها الى مليلترات نقارنها بتركيز الحقيبه

عدنه 50 مل بيها 600 ملغرام اذا 7.8 ملغرام كم مل

يطلع عدد المليلترات 0.65 مل

شرح كيس 8.1 جابتر 8 يعني الملزمه الثانية نسيت انشره بوكتها 👆👆👆👆

باجر ان شاء الله نبدي جابتر 11
الي هو الملزمه الخامسه لطلاب اوروك