هسه نبدي جابتر 11 على بركة الله💙
الي هو الملزمه الخامسه لطلاب اوروك
ISOTONIC AND BUFFER SOL.

بالبداية خل نعرف شنو هذا الجابتر وعلى شنو يحجي

يكول عندما يمر سائل خلال غشاء اختياري النفاذية من محلول مخفف الى محلول اشد تركيز(الي هو السائل بجسم الانسان) ف ان تركيز هذا السائل الدخل راح يتساوه وي تركيز السائل داخل الجسم وهذا التغير يدعى ب osmosis الي هو التناضح

هذا التغير بسبب ضغط يدعى بالضغط التناضحي osmosis presure وهذا الضغط يتغير حسب نوع المادة

بالاضافة انو احنه من نريد ناخذ دوه قطرة عين مثلا او مغذي بالوريد او حقن عضلي لازم هذا الدوه يتساوه وي تركيز السوائل داخل الجسم
ف من راح يتساوه هذا التركيز وي تركيز السوائل بالجسم راح يتسمى هذا المحلول isotonic ف هسه احنه بهذا الجابتر نبحث شلون نحول هاي الادوية الى isotonic حته ننطيها للمريض

لان من يتحول الدوه الى ايزوتونك يعني تركيزه يتساوه وي تركيز السائل بالجسم راح يكون اكثر فائده للمريض واقل الم

نجي هسه اول نقطه شيكول
.يكول اذا كان هذا المحلول (الدوه الي ننطي) ليس الكتروليتي يعني مثل بورك اسيد مثلا ف ان الضغط التناضحي راح يعتمد على تركيز المحلول


.اما اذا كان الكتروليتي مثل كلوريد الصوديوم فان هذا المحلول راح يحتوي على ايونات لذلك الضغط التناضحي راح يعتمد على تركيز المحلول ويعتمد على درجة التفكك مالته الي هو الدسوسييشن فاكتر (يعني عدد الايونات بالمحلول)

.عدنه المحاليل الي الدسوسيشن فاكتر مالتها عالي راح تولد ايونات اكثر وبالتالي يزداد الضغط التناضحي مالتها

هنا شيكول
يكول اذا جانن عدنه محلولين متساوين بالتركيز نسميهن isosmotic حلو يعني محلولين خارج الجسم مالهن علاقة بالجسم

واي محلول راح ننطي للجسم اما تركيزه راح يتساوه وي تركيز الجسم هذا كلنه نسمي isotonic
واما تركيزه يكون اقل من تركيز الجسم هذا نسمي hypotonic
واما تركيزه اعلى من تركيز الجسم نسمي hypertonic

هسه نلخص
اذا محلولين تساون سوه اكرر سوه يعني خارج الجسم مالهن علاقة بالجسم نسميهن isosmotic

اذا محلول تساوه وي تركيز الجسم نسمي isotonic

اذا جان اعله من الجسم hypertonic
اذا جان اقل hypotonic

تره سهلات المصطلحات و واضحات

نجي هسه طرق تحضير محاليل الايزوتونك احنه مو عدنه دوه نريد ندخله لجسم المريض شلون نحوله ايزوتونك هسه نبدي بالطرق يعني المسائل تبدي منا

عدنه اول طريقة هيه اعتمادا على درجة انجماد السائل داخل الجسم( الدم و الدمع يعني بالعين) الي هيه سالب 0.52 بيها نوعين

1 للمحاليل الغير الكتروليتيه

2 للمحاليل الاكتروليتية

الطريقه بشكل عام هي نسبة وتناسب نسبة وتناسب بينمن؟
بين الكتلة المولية ودرجة انجماد المادة

1-المحاليل الغير الكتروليتة (مثل البورك اسد)
مثلا سؤال
يكول البورك اسد كتلته المولية 61.8 ودرجة انجماد هاي الكتلة هيه سالب 1.86 درجه

حلو احنه نريد نحضر محلول ايزوتونك عن طريق اذابة كتله معينة ب 1000 غرام من المي
بس احنه عدنه هاي الكتله مال بورك 👆
درجة انجمادها سالب 1.86
واحنه فوك كلنه درجه الانجماد مال جسم هيه سالب 0.52 ف اذا جانت 61.8 درجتها سالب 1.86 اذا نريدها سالب 0.52 الي هيه مال جسم شكد ناخذ كتله ف نسوي نسبة وتناسب تطلعلنه الكتله 17.3 غرام حلو

يعني هي ال17.3 غرام نذوبها ب 1000 غرام مي راح يصير عدنه ايزوتونك مال بورك اسد

2 المحاليل الالكتروليتة (مثل كلوريد الصوديوم)

نفس الطريقه مال الغير الكتروليتة بالضبط بس اكو شغله اضافية نضيفها للقانون شنو هيه
الي هيه الدسوسييشن فاكتر (درجة التفكك) تذكرون فوك كلنه بالمحاليل الالكتروليتة عدها دسوسييشن فاكتر يعني بي ايونات ف الضغط يعتمد عليه ف نضرب هذا الدسوسييشن فاكتر مال مادة بدرجة انجمادها ونكمل نسبة وتناسب ونطلع شكد لل سالب 0.52

نجي هسه شلون نحسب هذا الدسوسيشن فاكتر حته نضربه بدرجة الانجماد مال مادة

شلون نحسب الدسوسييشن فاكتر i

هسه عرفنه اول طريقة لتحضير محلول ايزو تونك

نجي الطريقه الثانية
هيه عن طريق اضافة كمية مناسبة من كلوريد الصوديوم لمادة معينه حته نسويها ايزوتونك
بس هنا راح تطلعلنه مشكلة شنو هيه انو هاي المادة بيها كمية من كلوريد الصوديوم واحنه عدنه حجم معين نريد نحضره وما يصير نضيف بكيفنه ف لازم نحسب الكمية مال كلوريد الصوديوم الموجوده بهاي المادة هاي الكمية يسمونها (E VALUE)

يعني مثلا كتلكم ال E VALUE مال بورك اسد هيه 0.52 يعني كل 1 غرام من البورك اسد بيها 0.52 غرام كلوريد صوديوم

هسه شلون نحسب ال EVALUE