شلون نحسب Evalue للمادة

هسه عرفنه شلون نحسب ال E value
نكمل طريقتنه مال اضافة كمية مناسبة من كلوريد الصوديوم

طبعا هاي الطريقه بيها خطوات ثابته وهي
1-نحسب كمية كلوريد الصوديوم الموجوده بالمادة شلون نحسبها
عن طريق ضرب كتلة هاي المادة ب Evalue مالتها


2 - نحسب كمية كلوريد الصوديوم الموجوده بالحجم المنطي شلون نحسبها
احنه عدنه الايزوتونك مال كلوريد الصوديوم هو 0.9 بالميه هذا ثابت تحفظونه
0.9 بالميه يعني 0.9 غرام ب 100 مل ف نسوي نسبة وتناسب بين هاي القيمه وبين الحجم المنطي بالسؤال مثلا كاللنه حجم الوصفه 60 مل نجي نحسب كمية كلوريد الصوديوم بهاي ال60 مل عدنه ال 100 مل بي 0.9 غرام اذا 60 نسبة وتناسب تلطعلنه كمية كلوريد الصوديوم الموجوده

3-نطرح الكتلة الطلعناها من خطوه واحد نطرحها من خطوة ثنين
يعني مثلا اول خطوه طلعتلنه 3 غرام وثاني خطوه 6 غرام
ف ثالث خطوه تصير 6 ناقص 3 يساوي 3


هاي ال3 الطلعت هيه الحل يعني هيه هاي الي لازم نضيفها حته نسوي المحلول ايزوتونك كلش سهلات الخطوات هسه نطبقهن بالمسائل وشوفوا

هسه خل ناخذ امثله على هاي الطريقه

السؤال هيج راح يجيكم يكلكم ما هي كمية كلوريد الصوديوم اللازمه
وجوه كاتب .Make isoton sol

نجي هسه نطبق الخطوات خطوة خطوة
اول خطوة
نضرب كتلة المادة ب Evalue مالتها طبعا ال Evalue اما هو ينطيها او احنه نحسبها مثل ما علمتكم
ضربنه طلعت 0.069 غرام هاي اول خطوة


الخطوة الثانية نطلع كمية كلوريد الصوديوم الموجوده بالحجم مال الوصفه الحجم مال الوصفه هو 30 مل
كلنه عدنه كلوريد الصوديوم 0.9 غرام ب 100 مل هاي ثابته تحفظونها ف نقارن
عدنه 0.9 ب 100 اذا 30
يطلعلنه 0.27 غرام

هسه الخطوة الثالثه نطرح الاولى من الثانية
يعني
0.27-0.069=0.201 g

هاي هيه كمية كلوريد الصوديوم اللازمه

طبعا هذا السؤال يعتبر تقليدي ☝
نجي على افكار هاي الطريقه

مثلا هذا السؤال شوفوا طالب كمية البورك اسد 😟 شنو هاي شو طالب بورك اسد احنه مو كلنه كلوريد الصوديوم علكيفكم
هنا نطبق نفس الخطوات مال كلوريد الصوديوم بس راح تنضاف عدنه خطوة رابعه وهيه شنو

من نطلع كتلة كلوريد الصوديوم اخر شي اخر خطوة نقسمها ع ال Evalue مال بورك اسد حته نطلع كتلة البورك اسد


ف نطبق نفس الخطوات الفوك
بس ننتبه انو ما منطينه الكتله منطينه نسبة مئوية ف لازم نحولها الى كتله هيه واحد بالميه 1 غرام ب100 مل اذا 60 يطلع كتلته 0.6
والجوه نص بالميه يعني 0.5 ب100 مل اذا 60 مل يطلع 0.3 غرام


بالاضافة هنا عدنه مادتين يعني ثنينهن راح يصيرن بالخطوة الاولى ف نجمعهن ونطرحهن من الخطوة الثانية

شوفوا مثلا هذا السؤال شنو فكرته انو المادة الاولى مجهولة رامزلها X يعني بهاي الحاله ما نعرف ال Evalue مالتها ف لازم نحسبها ينطينه كتلة مولية مالتها وال i ونطبق قانون ال Evalue ونطلع قيمته ونكمل حل على الخطوات الفوك

يعني هسه هاي الطريقه 3 خطوات نطبقها واذا طلب مادة غير الكلوريد ف تنضاف عدنه خطوة رابعه وهيه من كمل ال3 خطوات نقسم على Evalue مال مادة

هسه اقروا ذني الطريقتين مال درجة الانجماد ومال اضافة مادة
ووراها نكمل باقي الطرق☻💙

ان شاء الله الكل هيج يا رب 😍😍😍
انتم كدها ما تخوفكم حسابات😂😂

صار تصحيح بسيط بالشرح مال هذا السؤال اقرو من جديد😘😘

هسه عرفنه طريقتين لتحضير محلول ايزوتونك

نجي للطريقة الثالثة

الطريقة الثالثة شنو
هيه مثلا عدنه كتلة من البورك اسد صار صاحبنه هذا 😂😂😂
اي مثلا عدنه كتلة من البورك اسد نريد نحولها ايزوتونك ف شنسوي

نروح نضيفلة كمية من الماء النقي وكمية من محلول 0.9% كلوريد الصوديوم(هذا هم صاحبنه وكتلكم احفظوا)

ف هسه هنا بهاي الطريقة راح نحسب حجوم
حجم المي الي لازم نضيفة
وحجم محلول كلوريد الصوديوم 0.9% الي لازم نضيفة

هاي الطريقة هم خطوات تطبقونها مثل الثانية

1- نحسب كتلة المادة الي نريد نحولها ايزوتونك او هو ينطيها النه

2-نحسب كمية الماء النقي الي لازم نضيفة وهذا عن طريق قانون هسه اشرحه الكم

3-نطرح الحجم الكلي الي بالسؤال من حجم الماء الي طلع بالنقطه 2 يطلعلنه حجم كلوريد الصوديوم 0.9% الي لازم نضيفة

هذا القانون الي كتلكم علية نستخدمه حته نطلع حجم المي النقي المطلوب بنقطة 2
شيكول هذا القانون
يكول كتلة المادة الي طلعناها من رقم 1 في E value مالتها اما هو ينطيها او انتم تطلعونها مثل ما علمتكم تقسيم 0.009

يطلعلنه حجم المي المطلوب بنقطة 2

تعال اوكف هسه احنه شلون نفرق بين الطريقة الثانية والطريقة الثالثه شو ثنينهن تقريبا نفس الخطوات🤦‍♂🤦‍♂


الطريقة الثانية راح يطلب منكم كتلة كلوريد الصوديوم او كتلة مادة معينة

هاي الطريقة الثالثه راح يطلب منكم حجوم يطلب حجم الماء النقي وحجم كلوريد الصوديوم 0.9% الي لازم نضيفهن
☻💙

هسه ناخذلنه فد مثال حليو على الطريقة الثالثه