هسه الطريقة الرابعه
نستخدم كلوريد الصوديوم حته ننزل درجة انجماد المادة لل سالب 0.52 حته تكون ايزوتونك وي الجسم
الطريقة هيه راح يطينه مادة وينطينه درجة انجمادها غالبا ما تكون اعله من 0.52- ف احنه نحسب شكد نضيف كلوريد الصوديوم حته ننزلها لل0.52-
ف مثلا كاللنه درجة انجمادها هيه 0.08 ف بالبداية نحسب شكد تحتاج تنزل حته توصل لل0.52 يعني نحسب الفرق فنكول
0.52-0.08=0.44
يعني يحتاج ننزلها 0.44 درجه حته تصير ايزوتونك
ف هسه السؤال يكول شكد نضيف كلوريد الصوديوم حته ننزلها 0.44 درجة

احنه اذا تذكرون كلنه ال 1% كلوريد الصوديوم درجة انجمادة 0.52 وكتلكم حفظوا ف اذا 0.44 نسوي نسبة وتناسب يطلعلنه 0.76% تركيز كلوريد الصوديوم الي لازم نضيفة حته نسوي محلول ايزوتونك

ومرات بهاي الطريقه يطلب كتلة المادة او كتلة كلوريد الصوديوم عادي احنه عدنه النسبة المئوية مال كل مادة نسويلها نسبة وتناسب وي الحجم مال وصفه يطلعلنه شكد كتلتها

هسه مثلا هذا المثال طالب كتل مثل ما كتلكم احتمال يطلب كتل بهاي الطريقة ف منطينه درجة الانجماد مال المادة هيه 0.08 ف لازم ننزلها لل 0.52 شكد لازم ف نطرح
0.52-0.08=0.44
يعني يحتاج ننزلها 0.44 درجه
ف هسه شكد نضيف حته ننزلها 0.44
عدنه 1 بالميه من كلوريد الصوديوم هيه 0.58 وهاي كتلكم حفظ ف نسوي نسبة وتناسب وي 0.44 يطلع التركيز الي لازم نضيفه
0.76 %
بس هو يريد كتلة ف نسوي نسبة وتناسب بين هاي النسبة وبين حجم الوصفه
عدنه 0.76 ب 100 مل اذا 30 مل يطلعلنه 0.228 غرام كلوريد الصوديوم هو يريده ملغرام نضرب ب 1000 يطلع 228 ملغرام

اما كتلة المادة الثانية
احنه عدنه تركيزها 1 بالميه يعني
1غرام ب 100 مل اذا 30 مل الي هو حجم الوصفه يطلع 0.3 غرام احنه نريده ملغرام ف يطلع 300 ملغرام

نجي هسه على فيكه بهذا الجابتر يكلك حدد هذا المحلول hypertonic لو hypotonic لو isotonic

احنه عدنه صديجنه كلوريد الصوديوم 0.9% هو ايزوتونك ف احنه كتلة كلوريد الصوديوم مال هذا المحلول اذا جانت اعله من 0.9 ف هذا هايبر واذا جانت اقل ف هذا هايبو واذا جانت متساوية ف هذا ايزو

بالبداية خل نعرف شنو 0.9% هاي معناها انو هو ماخذ 9 غرام مذوبها ب 1000 غرام مي وضاربها ب 100 حته يطلع النسبة المئوية

ف هسه احنه لازم نحسب كتلة كلوريد الصوديوم بالمادة اذا جانت اكبر من 0.9 هذا هايبر واذا اقل هايبو

واذا جانن مادتين ف نطلع كتلة كلوريد الصوديوم بيهن ثنينهن ونجمعهن وكذلك نقارن

واذا تذكرون قبل شلون كلنه نحسب كتلة كلوريد الصوديوم بمادة

نضربها ب Evalue مالتها

عدنه هذا السؤال يكول حدد هذا هايبو لو هايبر لو ايزو

بس المشكلة اول مادة ما منطيها نسبة منطيها كتلة ف نحولها نسبة مثل ما سوينه بكلوريد الصوديوم
هاي ال 40 نذوبها ب1000 غرام مي يعني 40 تقسيم 1000 يطلع 0.04 ونضربها ب 100 حته نسويها نسبة تصير 4 بالميه
حلو صارت نسبة
هسه نضربها ب E value مالتها حته نطلع كتلة كلوريد الصوديوم البيها طلعلتنه 0.44

والمادة الثانية منطيها نسبة ف راسا نضربها ب E value مالتها طلعت 0.0016

هسه نجمعهن يطلع 0.4416 غرام وهذا اقل من 0.9 وما دام اقل اذن هذا هايبو
اتمنى وصلت☻💙

هو سهل بس نضرب النسبة ب Evalue بس هذا السؤال طول لان ما انطانياها نسبة مئوية انطانه بس كتله ف حولنها نسبة وكملنه حل

اوكي خل افصلها

ملخص الطريقه هيه نضرب النسبة المئوية ب Evalue مال كل مادة واذا عدنه اكثر من مادة هنا هم نضربهن وراها نجمعهن اذا اكثر من 0.9 هايبر واذا اقل من 0.9 هايبو

بس اكو مشكلة مرات ينطي كتلة مثل هذا السؤال الفوك ف احنه لازم نحول هاي الكتلة الى نسبة مئوية شلون نحولها نذوب هاي الكتلة ب1000 غرام مي يعني مثلا عدنه 40 نذوبها ب1000 تصير
40÷1000=0.04
وراها هاي ال0.04 نضربها ب 100 حته نسويها نسبة ف
0.04 ×100=4%

صارت عدنه نسبة نروح نضربها ب Evalue

بقه من جابتر 11 بس بفر نفس مال سادس بالضبط قانونين تطبيق مباشر ومرات نضيف حامض لو قاعده وهايهيه

جماعة اوروك الى هنا وتنتهي مادة المد مالتكم


الطلاب الي من باقي الكليات ركزو وياي
هواي دخلولي يكلولي اشرح مثلا جابتر 13 لو 15 اني هاي القناة سويتها حته اشرح مادة كليتنه ما جاي اشرح المصدر كله واحنه بكليتنه شارحين جابتر 7 و8 و9 و10 و11 لذلك شرحتهن هنا اما بقية الجابترات ما ماخذينه وبالله اي فكرة عنهن ما عدي هسه الي عنده جابترات مشتركه ويانه خل يستفاد اما بقية الجابترات احتمال ناخذهن بكليتنه وره المد يعني شرحهن يصير ع الفاينل
واعذروني خاف قصرت وياكم ☻💙☻💙

بالاضافة الي يلكه خطا بالشرح ف راسا يدخلي يدليني علية حته اصححه عادي تره اصلا اكيف واحد يصححلي واني طالب حالي حالكم اتعلم منكم وتتعلمون مني ☻💙

وشكرا ل الي نبه ع الاخطاء 😘😘

طلاب معلومة اضافية على هذا القانون
نكدر نستخدمه لحساب حجم اي مادة بالوصفة

مثلا عدنه هذا السؤال بالبروبلمز منطينه نسب مئوية
وطالب حجم المي
وحجم مي بفر الي لازم نضيفهن
ف احنه نستخدم القانون حته نطلع حجم اول مادة ونستخدمه كذلك حته نطلع حجم ثاني مادة بس ننتبه النسبة نحولها لكتلة

طلعنه حجمهن نجمعهن ونطرحهن من 100 يطلعلنه حجم مي بفر
بعدين نطرح مي بفر من الحجم الكلي الي هو 100 يطلعلنه حجم المي النقي