Bachala! Bugun Like Cup boshlanadi!

Birinchi o‘yin bizning “Sahna” va “Kotta bollar”o‘rtasida bo‘ladi!

O‘yinni 21:10da My5 telekanali orqali jonli efirda tomosha qilishingiz mumkin!

Maydonning o‘zida uchrashuvni ko‘rish istagi borlar uchun taklifnomalarimiz ham bor: @Abdulaziz_Xakimovich'ga yozing va u taklifnoma masalasini yechib beradi)

Keling, ko‘ring va bizni quvvatlang! Rahmat!

@sahnastandup

Kelingla yoki ko‘ringla, tilzorga chiqamiz)

Undan tashqari, Juma kuni sinov konsert beryapman. Bu haqdayam alohida o‘tirib gaplashishimiz kerak, ishlar sal kamayganda)

Bu safar yanayam ko‘proq bo‘lib kelasizlar deb ishonyapman)

Mashi ajoyib golga passni man berganim bilan haliyam maqtanishga ulgurmadim)

Bizni sekin deganlarga bor shiddatimizni koʻrsatmadik hali)

Stop! Stop! Boʻlajak Youtube kanalim uchun slogan topvoldim tasodifan:

“Bizni sokin deganlarga bor shiddatimizni koʻrsatmadik hali”

P.S. Bizni kemamiz suvosti kemasi, karoche😎©️

@phaziloff

Futbol oʻz yoʻliga, lekin konsert esdan chiqmasin, bachala!

Chipta olingla, kelingla, xursand boʻlaman

Bugun, 21:00da
Sahna stand-up club’da barchangizni kutaman!

Chiptalar: https://t.me/sahnastandup_bot?start=66332f8904aeb_uz

BUGUN! OLTIN G"ILDIRAK

Insoniyat rivojiga qaysi ixtirolar eng ko'p ta'sir o'tkazgan?

Avaz Tuxtasinov va Abu Bakr Fozilov eng yaxshi ixtirolarni himoya qiladilar.
Mirshakar Fayzulloyev hamda Islom Karimov hakamlar hay'ati sifatida ularga baho berishadi.

Chiptalar shu yerda

Bachala, kelingla)

Kecha “Like cup”da 3-o‘rinni oldik, emotsiyalar dahshat! Lekin e’tibor qaratiladigan boshqa jihat bor:

Karantinda vayn sohasi gullab-yashnadi. Lekin avvaliga vaynerlar jiddiy qabul qilinmadi. Hamma ustidan kulardi ularni. Amirxon shou'ga chaqirib, o‘rtaga olib qarg‘ashardi ma’naviyatparvar amaki-xolalar.

Endi esa aynan o‘sha telekanal, ayni o‘sha vaynerlarni bir joyga yig‘ib, seriallarni to‘xtatib turib, hafta davomida praym-taymni o‘shalarga bag‘ishladi. Bu safar ular qahramon rolida.

Ko‘p narsa o‘zgarmadi. Shunchaki vaqt o‘tdi, xolos. Vaqt rostanam hamma narsaga davo, bachalar)

Pul va mediadagi aktiving bo‘lsa, dunyoni o‘zgartirish osonligiga shubha qolmadi endiyam)

@phaziloff

Oylik 5-sanagacha tushsa:

Stendap haqidagi har bitta suhbatda “Malades”ni misol keltiraverib qiynalib ketgandim: qaysidir hazilni misol qilasiz, lekin konsertni oʻzi yoʻq) Vanihoyat, Juma kuni premyera boʻlarkan.

Hesseni o‘qish kerak, majburiy o‘qish va o‘qitish kerak)

Brat bilan ancha yaqin bo‘lib ketdik. O‘tgan yili “Cho‘l bo‘risi” orqali o‘zgacha ta’sir o‘tkazuvdi. Bu yil esa “Nyunbergga sayohat” va albatta, “Sidhartha”.

Hesse asarlarining deyarli hammasi o‘z “men”ini topish yo‘lidagi izlanishlarga bag‘ishlanadi. Adib o‘z qahramonini ming ko‘yga soladi va yakunda kutilmagan nimadirni chiqarib beradi. Asarlarini tugatgan o‘quvchi ancha vaqt miyasi bilan urishib yurishi uchun qo‘liga juda ko‘p narsa tutqizadi aka. 100 yildan oshgan bo‘lsa-da, bratning yoziqlari hamon dolzarb. Hattoki, bugungi kun uchun yozilgan deyish ham mumkin. Hesseni o‘qiylik, do‘stlar)

Herman Hessega simpatiyam uyg‘onishiga katta sabablardan bittasi — yumorga nisbatan qarashlarimiz.

“Cho‘l bo‘risi”da odamlarga faqat va faqat yumor yordam berolishi haqida aytib ketgan joyi bor. “Nyunbergga sayohat”da qayta-qayta “yumorsiz hech kim emasmiz” qabilida gaplar aytadi.

Faqat yumor bizni qutqaradi, deyish sal mubolag‘ali, lekin baribir usiz hayotni tasavvur qilishimiz qiyin rostanam.

Bachala, man umuman fikrlarimni tuzuk ifodalolmay qolyapman (yoki qadimdan shunday edim).

Suhbatlarda, ishda, ko‘chada, sahnada fikrlarimni tayinli, lo‘nda qilib aytib berolmayapman. Yozish bilan xuddi shunday: tugal fikr yo‘q. Oxirgi oylarda qattiq degradatsiya ketyapti manda.

Diqqat yetishmovchiligi, prokrastinatsiya, o‘qish-o‘rganishga nisbatan xohishning yo‘qligi miyamni o‘rtayapti. Foydali harakatlar kamayib boryapti.

“Atom odatlar”ni o‘qishni boshladim, balki nimadir o‘zgarar

Motivatsion, self-help janridagi allambalo kitoblarga umuman qiziqishim yo‘q. Lekin hayotni yaxshilamasa bo‘lmayapti. Shunchaki miyamdagi dunyoda yashash bilan ish bitadigan ko‘rinmadi. Tirik qolish tirikchilik qilish ham kerak)

“Martin Iden”ni qayta o‘qivorishlik holat)

“Chol va dengiz”ni o‘qish qaroriga keldim, shuniyam eplolmay, hafta oxirigacha tugatmasam, mendan kechvoringlar