بيشنت عمره 62 سنة يگول عندي انفلونزا ( حرارة ورشح ) واحس بلعومي يابس مع گحة جافة وعندي امراض مزمنة (ضغط وسكري )


🩺 التشخيص : عدوى فايروسية ( Viral infection )

💊 العلاج :

👉 Paracetamol 500mg)
ثلاث مرات باليوم بعد الأكل

👉 Desloratadine Tab 5mg
مرة واحدة ليلا

👉 Strepsils Sugar Free
أقراص مص خالية من السكر
أربع مرات باليوم عند الحاجة
🔸 أقراص مطهره ومخدره
لتخفيف آلام البلعوم

👉 Prospan Syrup 5cc
ثلاث مرات باليوم بعد الأكل

🔹 الإكثار من المشروبات الدافئة وأهم شي الراحه

#كيسات
https://t.me/pharmacy72

🤔ليش الBaclofen يستخدم لعلاج الحازوقة(Hiccups)🤷

👈كلنا نعرف الBaclofen هو دواء مرخي للعضلات ويشتغل على GABA-B receptor agonist بالجهاز العصبي المركزي ويستخدم لعلاج التشنجات العضلية الناتجة عن التصلب اللويحي المتعدد وتخفيف تقلصات العضلات بسبب إصابات الحبل الشوكي وبحالات الشلل الدماغي وهمين يستخدم بعلاج الGERD تكلمنا عنه قبل واله استخدام اخر (Off-label)لعلاج الحازوقة

🧐شلون يشتغل مع ام العوافي❓

الحازوقة تصير بسبب تقلصات تشنجية لا إرادية بعضلة الحجاب الحاجز وعضلات التنفس
وعلاج الBaclofen يروح يحفيز مستقبلات GABA-B الي موجود بالدماغ 🧠والحبل الشوكي وبهذا الشي راح يقلل من إطلاق بعض النواقل العصبية المثيرة مثل Glutamate
وبالتالي يقلل تقلص الحجاب الحاجز فتخف الحازوقة🗣️

📌مايستخدم الBaclofen للحازوقة العادية وينصرف بوصفه بحالات الحازوقة المستمرة(Persistent)الي تطول أكثر من 48 ساعة أو الحازوقة المستعصية(Intractable)الي تستمر لأكثر من شهر
اول شي يبدون بجرعات قليله وبعدين يزيدونها بشكل تدريجي 🪜 ومايصير قطع الدواء فجأة بعد الاستخدام المنتظم حتى نتجنب الأعراض الانسحابية 😵‍💫

https://t.me/pharmacy72

بيشنت فيميل عمرها 25 سنة تگول عندي حركه بالادرار والم قوي بالمثانة وصخونة وسويت تحليل للأدرار وطلع عندي التهابات ورمل بالمثانة
اريد علاج لان ماريد اروح على الدكتورة
👈 شفت تحليل الأدرار لكيت عندها التهابات و pus cells ورمل وماعدها
حساسية من الأدوية


💊 العلاج :

👉 Cefixim Capsule 400 mg
 حبة مرة واحدة باليوم لمدة 5 أيام



👉 Urisept (Phenazopyridine)للحرقة
مرتين باليوم بعد الاكل

ولازم ننبه المريضة ان هذا الدواء يسوي لون الادرار أحمر فلا تخاف

👉 Urical Sachet (فوار للرمل)
كيس واحد تحلله على نص كوب مي مرتين باليوم لمدة 5 ايام



👉 Paracetamol Tablet 500mg
ثلاث مرات باليوم بعد الأكل

🔸 لازم تشرب كمية كبيرة من الماء دائما ويفضل قبل الريوگ 🌊


#كيسات
https://t.me/pharmacy72

حجية عمرها 67 سنة تگول يمه عيوني تدمع طول اليوم و أكثر شي لمن بس أطلع بره وتضربني النسمة مال هوا أحس بيها مثل الرملة تزرف بعيني


🩺 التشخيص : جفاف عين شديد يؤدي إلى أفراط انعكاسي بالدموع ( paradoxical tearing )


💊 العلاج :

👉 Carmellose Eye drup 0,5%

قطرة بكل عين اربع مرات باليوم عند الحاجه

👉 Carbomer Eye Gel

مرة بالليل ويفضل قبل النوم لأنه أثخن ويسوي غشاوة مؤقتة



🔹 إذا الدموع مستمرة طول اليوم أو أكو احمرار او ألم او إفرازات او حساسية قوية للضوء أو ضعف بالرؤية الأفضل فحص طبيب عيون 👁️

#كيسات
https://t.me/pharmacy72

بيشنت شاب يگول قبل عشر ايام انجرحت بگصتي جرح قوي وخيطته
وقبل يومين شلت الخياط وهسه دتذب جراحه كلش قويه مع وجع اريد شي عصاره ومسكن
👈 ماعنده امراض مزمنة ولا قرحة المعدة ولا حساسية من الأدوية

💊 العلاج :

👉 Povidone 10 % محلول مطهر

مسح بشاش لتعقيم الجرح قبل استخدام اي كريم أو مرهم

👉 Fucidin Cream (Topical antibiotics )
مسح الجرح مرتين باليوم لمدة 5 ايام

👉 Klamoks Tab 1g ( Systemic antibiotics)
مرتين باليوم بعد الاكل لمدة 5 ايام

👉 Naproxen Tab 250mg
(مسكن)
ثلاث مرات باليوم بعد الاكل عند الحاجة

👉 MEBO Scar (للأثر والندبات)
مسح مكان الجرح بعد الشفاء الكامل مرتين باليوم لمدة 5 ايام بعد تكملة العلاج بالفيوسيدين

📌 الفيوسدين والميبو سكار مو سوه
اول خمس ايام فيوسدين
و بعد خمس ايام ميبو سكار

📌 اهم شي لازم دائما يحافظ على نظافة الجرح ويتجنب الرطوبة

#كيسات
https://t.me/pharmacy72

بيشنت فيميل عمرها فوق 55 سنة تگول عندي ألم بأحد أسناني و أريد علاج سريع ومؤقت لحد ما أروح على طبيبة الأسنان
👈 عندها ضغط الدم

💊 العلاج:

👉 Paracetamol 1g
ثلاث مرات باليوم بعد الأكل عند الحاجه


👉 Clove oil (زيت القرنفل)

اغمس عود قطن نظيف بزيت القرنفل وضعه بلطف على اللثة المحيطة بالمنطقة المؤلمة لبضع دقائق

🔸 يحتوي زيت القرنفل على المادة الفعالة الأوجينول (Eugenol) وهي مادة طبيعية تشتغل كمخدر موضعي ومضاد للبكتيريا وهذا الشي يساعد على تخدير وتخفيف ألم الأسنان بشكل سريع ومؤقت

📌 المضمضة بالماء الدافئ والملح تذويب ملعقة صغيره من الملح بكوب ماء دافئ والمضمضة بها يساعد على تنظيف الفم وتقليل الالتهاب وتخفيف الألم🦷

#كيسات
https://t.me/pharmacy72