#خليك:-) #واعي
أيش تدرس ؟
•صيدلة .
_بياع سعما البقالة تبيع حليب وحفاضات.
_وأنت أيش تدرس؟
• محاسبة .
_ قد الدنيا ملان محاسبين .
_ وأنت أيش تدرس ؟
• مختبرات .
_ نهايتك تفحص البول .
_ وأنت ؟
• إعلام .
_ أيش استفادوا اللي قبلك ، تضيع عمرك على الفاضي.
_ وأنتِ أيش تدرسي ؟
• هندسة .
_ وين في شغل عندنا للمهندسين ، ما لقوه الرجال ، ونهايتك البيت زي اللي قبلك ، كل اللي درسين ولا فعلين حاجة .
_ وأنت أيش تدرس ؟
• طب بشري .
_ ما لقيت تخصص
أنا مستحيل أدرسه ، كيف تقدر ، وهو صح الطب حق اليمن كله خارب
يعلم الله أيش يدرسوكم وتضعيوا أعماركم
بكالوريوس وتخصص وعاده أي كلام .
_ وأنت أيش تدرس ؟
• جرافيكس .
_ ما هو هذا ، وأيش يفعلوا فيه !
_ وأنت في أي كلية ؟
• تربية .
_ آخرتها ترجع أستاذ ، وتشتغل بدون راتب .

والله إنه عيب ، يكفي ، يكفي
كل يوم نفس الكلام ، ولكل الناس نفس الكلام ،
اتركوا الناس لحالها
كل إنسان أخبر بنفسه ، تخصصه اختياره ، وهي حياته
غير إنه هو أكثر الناس معرفة بالتخصص اللي هو فيه قده غارق فيه أكثر منك ، يعيشه صباح مساء ،
طيب ، إذا كنت تعرف بالمجال
والشخص عاده يفكر بالتخصص
ممكن تنصحه
وبأسلوب
وتعرفه أكثر
لكن إنسان بنص التخصص
أو خريج
أو كان ما كان
ما يحق لي ولا لك أبدًا نتدخل فيه
ليش ما نرتاح إلا بكسر الخواطر
وبتثبيط إنسان مفعم بالحياة
أو حتى إنسان محبط
كل إنسان وفيه اللي يكفيه وزيادة
لذلك
لو تقدر تكون خفيف
وإلا فالصمت حل
مش كل الناس فاهمة إنه كلام الناس مجرد كلام
في ناس يوجعها كلام الناس
وتأخذه على محمل الجد
ويصيبها إحباط
وتروح ثقتها بنفسها
وتعيش أيام سوداء كثيرة
والسبب فلسفتك اللي ما لها داعي أبدًا

خليك إنسان وراقي ..💜

#ملتقي_طلاب_جامعات_ذمار
#خذ_ما_شئت_واترك_لنا_دعوة