قناة التليگرام

https://t.me/haiderwaleed

قناة اليوتيوب

https://youtube.com/@haider_waleed?si=VuYg70MXAgh0pu9U

الاستاذ حيدر وليد مُدرس غني عن التعريف حتى الطالب الي بعدة بالابتدائية يعرفه. ، و أسمه حرفيًا لا يُعلى عليه من أوائل المُدرسين الي نشروا على اليوتيوب و يعد الاب الروحي لكُل طالب سادس حتى الي ما داخلين يمة أو الي ما يقرون عليه بس مُستحيل أحد يحچي عليه لان هدفه واضح هو إفادة أكبر قدر ممكن من الطُلاب

طبعًا منزل كُل فصول الرياضيات و شارحها بالتفصييييييل المُمل بالمعنى الحرفي و كذلك عنده مُراجعات للفصول.

قناة اليوتيوب

https://youtube.com/@hayder_89?si=Wv955qQSezQGQio2


قناة التليگرام

https://t.me/hayderabdamaa11

ألاستاذ المرتب حيدر عبد الائمة علم من أعلام التعليم في العراق شخص شرحه مفهوم جدًا و شخص شارح المنهج بـأدق التفصيل بعد هو مرتب طالع على جده الله يرحمه

و كذلك أستاذ حيدر منزل المنهج كامل و تقريبًا شارح كُل الوزاريات و امثلة الكتاب و حتى فيكات أثرائية هم شارح

و هسة نگدر نگول
1- الاستاذ حيدر عبد الائمة
2- الاستاذ حيدر وليد
3- الاستاذ محمد قاسم

# أعلام الرياضيات في التعليم العراقي تگدر تعتمد على اي مُدرس من هذولا و انت مطمئن أنه ضامن الدرجة الكاملة ، أكيد تبقى عند الطالب بعد و فهمه على اي مُدرس و أحتمال مُدرسك مو مشهور بس كنز محد ما مكتشفه خليك واثق بالمُدرس مالتك و قرايتك

🚨 جميع المُدرسين شرحهم مجاني بالكامل و أكيد عدهم خصوصي ايضًا.

للتذكير 🧠

طريقة الدراسة هي نفسها تتبعها مع كُل المُدرسين و أهم شي المُراجعة المُكررة

أروع ما قاله الدحيح:

كان أكو طالبين بنفس الصف:

علي، دايمًا إذا رسب بالامتحان يگول: "آني غبي، ما أفتهم بهالمادة، ما يفيد أحاول بعد." ويظل كُل مرة يعاني من فشله بهالمادة و هذا الشي حتى راح يقلل ثقته بنفسه و بذكائه و فعلاً ينجرف مع طريقة تفكيرة هاي و ينعاد عليه الفشل كُل مرة

أما حسن، إذا رسب يگول: "يمكن ما قريت كافي، أو طريقتي غلط، خل أجرب أغير طريقتي وأعيد المحاولة."


مع الوقت، علي بقى مكانه لأن استسلم، بينما حسن مستواه يصعد يوم ورا يوم، وصار من الأوائل، مو لأنه أذكى، بس لأنه ما يئس وضل يتعلم من أخطائه.

و هسة يا طُلاب بعد ما وضحتلكم بمثال تقريبي من أرض الواقع راح ابدي أحچي عن مقصد كلامي ، أكو دكتورة شافت انه العقل ينقسم الى نوعين بفعل ظروف خاصة و اجتماعية

الاولى 🪨⚓العقلية الثابتة : يعني الواحد ينطي جهد محدود و أي شي فوك طاقته ميسوي باختصار يگول ( أني ولدت محدود ما أگدر اضغط على نفسي)

اما الثانية🧠🌱 عقلية النمو: هنا الواحد ينطي جهد بشكل غير محدود و أي شي فوك طاقته يعتبره تحدي و يكسره و يثبت لنفسه أنه هو يگدر يواجه كُل شي يصير وياه و يتعلم من أخطائه و يعتبرهن هنة البايات الي راح يصعد عليهن على سلم النجاح باختصار عقلية النمو تخليك تشوف كل فشل فرصة حتى تكبر وتتعلم.

مربط كلامي شنو !!

خليك وية عقلية النمو لتخلي حدود لعقلك أو مستقبلك ، لان ما عندك صبر على الاستمرار ، أو ما عندك هدف تريد تحققه ، و كذلك ما عندك ثقة بنفسك و بذكائك ، يا عزيزي خلي عندك هدف كُل يوم تگعد من النوم بس حتى تسعئ اله و ابني عادة لا تعتمد على الحماس أو التحفيز المؤقت و ألتزم بوضع خطط يومية للشي الي تريد تسوي
طبعًا
طبعًا
أكيد احنة بشر و أحيانًا نفشل في الالتزام و لـــــــــكن لازم ترجع للخطة بدل من الاستسلام و جلد الذات السلبي و تذكر النجاح ما يجي بيوم و ليلة لازم تتعب و تصبر و تنطي من وقتك تضحي بالاشياء الغير مفيدة الك لكن تسعدك حتى توصل و أهم شي لازم كُل يوم تبدأ بداية جديدة و تسامح نفسك أذا قصرت بحقها بالامس و توعدها أنك تكون الافضل بالحاضر و المُستقبل

" الاستمرارية أهم من الكمال "

طبعًا أكو كم طالب دز مسج على البوت گال منو انتِ حتى تنصحين أو تنشرين اساتذة بكيفج و تگولين تعالوا اعتمدوا عليهم؟

اني مجرد شخص حاليًا طالبة صيدلة و كان عندي تجربة سابقة بالسادس و حبيت اقدم نصائح تفيد الطالب الي مُهتم انه يسمع نصيحة و نصيحتي مجردة من أي تطبيل او تجميل بكُل بساطة اذا عاجبك اهلاً و سهلاً و ان شاء الله أكو أثر طَيب بهاي الفترة من حياتك أما اذا ما عاجبك هم أهلاً و سهلاً اذا حاب تبقى و تسمع فانتَ منور القناة أما اذا ما حاب هذا المُحتوى ببساطة تگدر تغادر و مع كامل أحترام لشخصك المُحترم بس رجاءًا بدون كلام تجريح أو تعالي لان أحنة عبارة عن أثر فجعل أثرك طَيب عندك المقابل 💘

و اني ما گلت الا تعتمدون عليهم بالنهاية كُل شخص و عقليته و فهمه واذا معتمدتوا عليهم لا يعني هذا الشي راح يضركم بالنهاية كُل انسان و تجربته الخاصة

طًلاب اذا تحتاجون أنزللكم أساتذة تگدرون تعتمدون عليهم و تضمنون الـ 💯
بس كتبولي بالبوت يا مادة حابين
@hoppyybot

سلسلة #أعلام التعليم في العراق
اليوم راح احچي عن مادة الكيمياء على قدر ما هي مادة طويلة و نوعًا ما صعبة بس تگدر تضبطها و تصير عندك لوز اذا اعتمدت على الاستاذ الصح ، و هسة راح احچيلكم عن تجربتي وية الكيمياء لان بالسادس سببتلي عُقدة و كذلك راح أعدد أحسن الاساتذة .

👨‍🏫 الاساتذة :

-أ.حسين الهاشمي
-أ.هاشم الغرباوي
-أ. نور الدين الدليمي
-أ. مهند السوداني
-أ.حسين حمزة

هذولا من أحسن الاساتذة على مستوى العراق و أكو بعضهم يشرحون مجاني أو اكو مدفوع

تجربتي الشخصية: اني بالبداية دخلت يم أحد الاساتذة الموجودين دورة مدفوعة و لكن للاسف جان وضع الدورة مزري الاستاذ غير مُلتزم بوقت تنزيل المُحاظرات و محد يصحح اجابتك و محد يصحح ورقتك و حرفيًا فقدت الحماس تجاها و بالاخير اكتشفت اني اصلاً حالي حال الي ما فاتح المادة لان حتى الاستاذة جانت طريقته حفظية بالمعنى الحرفي بحيث حتى من يشرح يشرح انه لازم تحفظ كلامه و طبعًا طالب السادس يتخبل من الحفظ و اني هم چنت هيچ لذلك بعد امتحانات نصف السنة و الصعوبة الي واجهتها في حل الاسئلة اضطريت الى ان ادخل دورة حضوري و لكن الوقت ما چان من صالحي لان دخلت بشهر الرابع و اني بعدني بفصل الثالث لذلك ما چان عندي خيار غير انهُ آأجل المادة للاسف و هذا اسوء قرار ياخذة الطالب و فعلاً جا امتحان الكيمياء و اني أجلته.
و هسة جا وقت الدور الثاني و لازم اقرأ طبعًا صارتلي ظروف خارج سيطرتي ما گدرت أقرا المادة بالعطلة و مشى الوقت الى ان وصل بية انه باقي 15 يوم للامتحانات ضليت حايرة شلون اگدر أكمل هاي المادة العملاقة بهاي المُدة و هنا صار عندي انهياري والله ما تتخيلون شگد تتعب النفسية من تشوف أقرانك عابرينك بمراحل و انتَ وراهم بقرون ، شفت قناة تنتقد أ. حسين الهاشمي. و من يوم ما دخلت سادس و الطلاب و القنوات كُلها تنتقد بي و اني حرفيًا كرهته على البعد و صرت ما اطيقه فمن شفت هذا الفيديو صار عندي فضول انه اشوفه و اجرب شرحه و لجأت للاسف الى المُسربات ❌ و حرفيًا من گد ما شرحه روعة اني خلصت الفصل الاول بـ 3 أيام فقط و اني مضبطته و ملخصته و حاله كُل وزارياته و مع بقية الافصل نفس الشي المادة صارت تمشي مثل المي عندي و شلون ينطي جو بالمُحاضراات تخلي الواحد مُستحيل يمل يعني و أني اشوف المُحاضرات ما شعرت ولو للحظة من الملل و الحمد لله كملت المنهج و بعدها قريت المُراجعات ايضًا و چان عندي ثقة بنفسي فوووووول لان لاول مرة أحس اني مضبطة المادة على اتم وجه و الحمد لله جا وقت الامتحان و لگيت نفسي اني طالعة من الامتحان و فرحانة و الحمد لله حصلت الدرجة الي أستحقها و كُل الفضل لله ثم اله

العبرة: ابدًا لا تاخذون بحچي الطُلاب أو القنوات الكذابة الي هدفها تشويش الطالب و تخلي يخبط في هذه المرحلة على الرغم من سهولتها بس يخلونها عُقدة لاغراض مادية لا أكثر ولا أقل و انتَ تطلع المتضرر الوحيد من الناحية المادية و المعنوية

لا تقرون على مُسربات الة تاخذون برائة الذمة من الاستاذ حتى تقرون بضمير مرتاح و أحتمال حتى الاستاذ راح يساعدكم اني لحد الان ندمانة انه ما اخذت برائة الذمة و گلت من أخلص صيدلة و اتعين انطي مبلغ الدورة بالكامل لان هاي ذمة مو هينة

حدد أستاذك من البداية و لا تستمر يم أستاذ أنت ما فاهم عليه بسبب طشة الاستاذ أختار صح ترتاح طول السادس.

و هسة راح نجي على كيفية دراسة مادة الكيمياء

- اول شي تعتمد على مَلزمة زينة و تجيب الوزاريات ما كُل فصل و من تكمل من كُل موضوع تحل وزارياته و اذا شفت نفسك قوي حل أثرائيات ايضًا و السؤال الي واجهت بي صعوبة حط عليه إشارة حتى بالمُراجعة فقط هو تحله أحسن متضيع وقتك و جهدك على أسئلة سهلة و حل السؤال يكون بدفتر خاص بالمادة لا بوراق يضيعن منك خليهن بدفتر افضل و حل كُل سؤال و رقمه حتى من تطلع الاسئلة من الوزاريات تلگة الحل گدامك مو مثل الاطرش بالزفة

- أختاررررررررررررررر الاستاذ الصح الي أنت 🫵تفهم عليه مو صديقك أو صاحب قناة

- امتحن نفسك كُل فترة بالفصل حتى يبقى أخضر براسك مو يبس لان يصير اشهر و أنت ممراجع الفصل راح تنساه و يضيع كُل تعبك

-أذا تگدر بنهاية كُل فصل سوي ملخص شامل عن المواضيع الي بي و شنو الشي الي واجهت بي صعوبة و شنو أهم الواضيع و الثوابت ، حتى من تراجع يكون عندك خطة تمشي عليها مو بشكل عبثي تمشي.

و بالنهاية أختتم كلامي بان اقول

شخصُك المُستقبلي يَستحق أن تُتعب نفسك الان.

السلام عليكم اليوم ان شاء الله راح أحچي عن مادة الاحياء المادة الجميلة و الخفيفة و المُزعجة بنفس الوقت المادة الي أغلب الطُلاب يجيبون بيها 💯 لان مادة قريبة علينة بشكلاً أو بآخر ، هاي المادة هووواي طُلاب للاسف تقرأها بشكل خاطئ بس وية النصائح الي راح اقدمها أتمنى تمشون عليها و بإذن الله الدرجة راح تجيك 💯🫵

📌ومن سلسلة #أعلام التعليم في العراق👨‍🏫🌱 أهم الاساتذة الي تگدر تعتمد عليهم و بعيدًا عن التطبيل:

- أ. مصطفى الحافظ
- أ. يوسف حاتم
- أ. قاسم آل ذيب
- أ. حسن فلاح
- أ. سالم آل منصور

طبعًا هذولا الاساتذة شارحين مجاني و مدفوع تگدر تعتمد على اي واحد و أنت مغمض لان مُستحيل يضيعوك أو يشتتوك طريقك راح يكون واضح وياهم بإذن الله

هسة نجي على طريقة دراسة مادة الاحياء و تمضن بيها 💯📃

- أول شي بالك تعوف الكتاب ، من تجي تقرأ موضوع مُعين تفتح الكتاب تقرأ الموضوع و بعدين تروح تشوف شرح الاستاذ و بعدين تأشر وية الاستاذ ، أما اذا تحب كُل شي بكتاب واحد بحيث الوزاريات و نص الكتاب أنصحك بِملزمة ماهر نايف مَلزمة هي تعبر عن نفسها ماكو داعي أني أحچي عنها حتى تگدر تعتمد عليها بكُلشي ملزمة مرتبة و متعوب عليها لذلك أقتنيها ما راح تخسر نهائيًا.

- ورا ما تقرأ الموضوع و تشوف الشرح تبدأ خطوة الحفظ و ما تگدر تحفظ الا تكون فاهم بشكل تام لان عملية الفهم راح تساعدك بنسبة 85% من عملية الحفظ.

- الوزاريات ثم الوزاريات ثم الوزاريات ثم الوزاريات شگد ما بيك أقرأ وزاريات لان الوزاريات انتَ تگدر تضمن بيهن فوك 90 درجة لان أغلبها مُكررة بصيغ مُختلفة أحيانًا.

- كُل أسبوع سوي مُراجعة للدرسته خلال الاسبوع لان اهم شي بالمواد( الحفظية - فهمية ) هي المُراجعة المستمرة حتى تبقى بالعقل لاطول فترة ممكنة

أذا أتبعتوا هذهِ النصائح مبارك عليكم من هسة 💯💁‍♀️

" احلى شيء ممكن اسوي خلال يومي انه اتعب جسدياً بس مو نفسياً "

قبل فترة شفت أحدى صديقاتي كاتبة هاي الجملة تمعنت بيها و شفت تحمل من الاصرار و العزيمة و الصبر شي كبير ، فعلى الرغم من انه أحيانًا طالب السادس خلال يومه يتعب هوواي لان يصرف طاقته تقريبًا كُلها في الدراسة بس من يجي ينام و يشوف أنه أنجز خلال يومه كُل تعبه يزول وهذا الشي ما راح يخليه أنه يفقد الثقة بنفسه و حالته النفسية تبقى مُتزنة " والحالة النفسية نعرف أهم عامل في السادس " لذلك يا طُلاب أتعبوا حتى تشعرون بشعور الرضا تجاه أنفسكم و هذا الشي ما راح يعرضكم للاكتئاب خلال هاي الفترة 🤍