📑Սեպտեմբերի 1-ից 30-ն իրականացված օպերատիվ-հետախուզական միջոցառումների արդյունքները․

16 դեպքով արձանագրվել են առանց համապատասխան հաշվարկային փաստաթղթեր դուրս գրելու` ընդհանուր 2․580․728 ՀՀ դրամի ՀՀ հարկային օրենսգրքի պահանջների խախտումով ապրանքների տեղափոխման կամ մատակարարման դեպքեր: Հնարավոր տուգանքի գումարը կազմում է 11․212․500 ՀՀ դրամ։

19 դեպքով կազմվել են ապօրինի գործունեությամբ զբաղվելու վերաբերյալ արձանագրություններ։ Ապօրինի ձեռնարկատիրական եկամտի չափը կազմել է 17․872․348 ՀՀ դրամ: Հնարավոր տուգանքի գումարը կազմում է 13.502.808 ՀՀ դրամ:

16 դեպքով արձանագրվել են լիցենզավորման կամ ծանուցման ենթակա գործունեությունն առանց լիցենզիայի կամ առանց ծանուցման իրականացնելու կամ առանց թույլտվության կամ առանց լիցենզիայի ընդերքը կամ բնական պաշարներն օգտագործելու խախտումներ։ Արձանագրված խախտումների գումարը կազմում է 194․870․000 ՀՀ դրամ։

1 դեպքով արձանագրվել է արգելված գործունեությամբ զբաղվելու փաստ՝ 19․880 ՀՀ դրամի չափով։ Հնարավոր տուգանքի գումարը կազմում է 10․000․000 ՀՀ դրամ:

Ավելին

🛬Հայաստան ժամանողները «Զվարթնոց» օդանավակայանի մաքսային հսկողության գոտում այսուհետ կգտնեն «կանաչ ուղի» և «կարմիր ուղի» նշագրմամբ նոր լուսավորված ցուցանակներ՝ համալրված QR կոդերով։

Ուղևորները կարող են անցնել QR կոդերով, ծանոթանալ մաքսային օրենսդրությանը և անհրաժեշտ ուղին ընտրելիս՝ լինեն տեղեկացված։

📢ՀՀ պետական եկամուտների կոմիտեն տեղեկացնում է, որ այսօր ՀՀ կառավարության կողմից ընդունվել է թիվ 1589-Ն որոշումը, որով ևս 600 տրասնպորտային միջոցով ավելացվել է ԱՏԳ ԱԱ 8703 80 000 2 ծածկագրին դասվող էլեկտրական շարժիչով տրասնպորտային միջոցների 0 տոկոս ներմուծման մաքսատուրքի դրույքաչափի քվոտան։

Որոշումն արդեն իսկ պաշտոնապես հրապարակվել է և ուժի մեջ է մտնում 2024 թվականի հոկտեմբերի 11-ից, ուստի Կոմիտեն հայտնում է, որ վաղվանից սկսած ավելացված քվոտայի սահմաններում էլեկտրական շարժիչով տրանսպորտային միջոցները կարող են ձևակերպվել մաքսատուրքի արտոնությամբ:

Կոմիտեն կրկին հիշեցնում է, որ օրենսդրության համաձայն` տվյալ սակագնային քվոտայից հնարավոր չի լինի օգտվել դեռևս ՀՀ չներմուծված տրասնպորտային միջոցի համար նախնական մաքսային հայտարարագրի ներկայացման դեպքում:

Միաժամանակ, առաջնահերթությունը տրվելու է փաստացի ներմուծված ավտոմեքենաների գծով էլեկտրոնային եղանակով ներկայացված ապրանքային հայտարարագրերին, իսկ մաքսային մուտքի օրդերների դեպքում` հերթերի կառավարման համակարգով, ըստ հերթականության գրանցված անձանց:

Ավելին

✅Հարկ վճարողների կողմից անկանխիկ եղանակով վճարումներ ընդունելու հնարավորության ապահովման հետ կապված տեղի են ունեցել քննարկումներ Կենտրոնական բանկի ներկայացուցիչների հետ։ Քննարկումների ընթացքում ԿԲ ներկայացուցիչների կողմից հավաստիացվել է, որ ՀՀ առևտրային բանկերում գործընթացի մեկնարկային փուլում ժամկետների մասով արձանագրված խնդիրները ներկայումս բացակայում են:

Հիմք ընդունելով «Անկանխիկ գործառնությունների մասին» ՀՀ օրենքի 9-րդ հոդվածով սահմանված կարգավորումները` Պետական եկամուտների կոմիտեն հորդորում է բոլոր այն հարկ վճարողներին, որոնց մոտ դեռևս ակտիվացված չէ վճարային քարտերի միջոցով անկանխիկ վճարումների ընդունման գործառույթը, ինչպես նաև ունեն ՀՀ առևտրային բանկերին ներկայացված դիմումներ՝ հետևողական լինել գործընթացն ավարտին հասցնելու հարցում:

Օրենսդրությամբ սահմանված կարգով հարկային մարմնի կողմից իրականացվող վարչարարության շրջանակում, ՀՀ առևտրային բանկերին միայն դիմում ներկայացված լինելու փաստը, հաշվի չի առնվելու որպես բարենպաստ հանգամանք:

Ավելին

📦Հայաստանում ծխախոտային արտադրանքից և ալկոհոլային ապրանքներից բացի, մայիսի 1-ից հսկիչ (նույնականացման) նշաններով դրոշմավորման պահանջը պարտադիր է նաև փաթեթավորված խմելու ջրի դեպքում։

Դրոշմավորման նպատակն է՝ շրջանառությունում գտնվող յուրաքանչյուր ապրանքի նկատմամբ իրականացնել վերահսկողություն՝ արտադրությունից կամ ներմուծումից մինչև մանրածախ վաճառք ապահովելով ապրանքների հետագծելիություն։

Այժմ իրականացվում են կաթանամթերքի, գարեջրի և գարեջրային խմիչքների, կոսմետիկական կամ դիմահարդարման և մաշկի խնամքի միջոցների, ոչ ալկոհոլային ըմպելիքների, պահածոյացված մթերքի, շոկոլադի և կակաո պարունակող սննդամթերքի, մակարոնեղենի և այլ մթերքների փորձնական ծրագրերը։

Ավելին

🧳Բարի գալուստ Հայաստան. ինչ պետք է իմանալ ԵԱՏՄ երկրներից Հայաստան ապրանքներ տեղափոխելիս

ԵԱՏՄ ապրանքի կարգավիճակ ունեցող ապրանքները Եվրասիական տնտեսական միության անդամ պետություններից ուղեկցող ուղեբեռով Հայաստան տեղափոխելիս՝ ենթակա չեն մաքսային հայտարարագրման։ Բացառությամբ, երբ դրանք Հայաստան են տեղափոխվում ԵԱՏՄ անդամ չհանդիսացող պետության տարածքով։

ԵԱՏՄ անդամ պետություններից Հայաստան ներմուծվող և միության ապրանքի կարգավիճակ ունեցող, անձնական օգտագործման ապրանքների համար մաքսային վճարներ չեն գանձվում։

Իսկ օրենքով սահմանված առևտրային չդիտարկվող չափաքանակները գերազանցելու դեպքում՝ պետք է ներկայացնել ներմուծման հարկային հայտարարագիր և վճարել անուղղակի հարկեր։

Ավելին

ՊԵԿ-ն ամփոփում է նախորդ շաբաթվա նորությունները

📈ՊԵԿ-ը հորդորում է հարկ վճարողներին հետևողական լինել անկանխիկ վճարումներ ընդունելու հնարավորության ապահովման հարցում

📁Կառավարության որոշմամբ ևս 600 էլեկտրոմոբիլով ավելացվել է 2024 թվականի համար նախատեսված սակագնային քվոտան

📈Հսկիչ նշաններով դրոշմավորման համակարգն ապահովում է ապրանքի հետագծելիություն

📁Ինչ պետք է իմանալ ԵԱՏՄ երկրներից Հայաստան ապրանքներ տեղափոխելիս

📈Խոշոր հարկ վճարողների հարկային կարգապահության բարելավման ծրագրի շրջանակում բացահայտվել են աշխատողի չձևակերպման ու ՀԴՄ-ի կիրառման կանոնների խախտման դեպքեր

📁ՊԵԿ պատվիրակությունը մասնակցել է ԱՊՀ հարկային մարմինների ղեկավարների համակարգող խորհրդի 31-րդ նիստին

🔎Սեպտեմբերի 1-ից 30-ն իրականացված համալիր օպերատիվ-հետախուզական միջոցառումների արդյունքները

Բացահայտել է սոցիալական ցանցերի միջոցով դեղամիջոցների իրացման դեպքեր
 
🎥Սոցիալական վճարների առավելագույն չափը գերազանցող գումարները վերադարձվում են ինքնաշխատ

QR կոդերով համալրված նոր
ցուցանակներ՝ «Զվարթնոց» օդանավակայանի մաքսային հսկողության գոտում

📢Պետական եկամուտների կոմիտեն տեղեկացնում է, որ 2024 թ. հոկտեմբերի 14-ի դրությամբ ԵԱՏՄ ԱՏԳ ԱԱ 8703 80 000 2 ծածկագրին դասվող էլեկտրական շարժիչով տրասնպորտային միջոցների 0 տոկոս ներմուծման մաքսատուրքի դրույքաչափի շրջանակում ներմուծման սակագնային քվոտայի մնացորդը կազմում է 317 հատ։

Հիշեցնենք, որ նախապես սահմանված 7400 հատ քվոտայի սպառված լինելու պայմաններում` ՀՀ կառավարության 10.10.2024թ. թիվ 1589-Ն որոշմամբ՝ ներմուծման սակագնային քվոտան ավելացվել էր ևս 600 հատով, որից հետո հոկտեմբերի 11-ից մինչև 12-ի կեսօրը ընկած ժամանակահատվածում արտոնությամբ ձևակերպվել և բաց է թողնվել ևս 283 էլեկտրական շարժիչով տրասնպորտային միջոցներ։
__________________________

⏰2025 թվականի համար էլեկտրական շարժիչով տրանսպորտային միջոցների համար ևս սահմանված է 0 տոկոս ներմուծման մաքսատուրքի դրույքաչափ՝ 8000 տրանսպորտային միջոցների համար: 2025 թվականի քվոտայից օգտվելու համար անհրաժեշտ կլինի ՀՀ ներմուծված տրասնպորտային միջոցի համար մաքսային հայտարարագիրը կամ մաքսային մուտքի օրդերը ներկայացնել և գրանցել 01.01.2025 թվականից սկսած:

📢Պետական եկամուտների կոմիտեն տեղեկացնում է, որ 2024 թ. հոկտեմբերի 15-ի դրությամբ ԵԱՏՄ ԱՏԳ ԱԱ 8703 80 000 2 ծածկագրին դասվող էլեկտրական շարժիչով տրասնպորտային միջոցների 0 տոկոս ներմուծման մաքսատուրքի դրույքաչափի շրջանակում ներմուծման սակագնային քվոտայի մնացորդը կազմում է 181 հատ։

Հիշեցնենք, որ նախապես սահմանված 7400 հատ քվոտայի սպառված լինելու պայմաններում` ՀՀ կառավարության 10.10.2024թ. թիվ 1589-Ն որոշմամբ՝ ներմուծման սակագնային քվոտան ավելացվել էր ևս 600 հատով, որից հետո հոկտեմբերի 11-ից մինչև 14-ը ընկած ժամանակահատվածում արտոնությամբ ձևակերպվել և բաց է թողնվել 419 էլեկտրական շարժիչով տրասնպորտային միջոց։
____________________

⏰2025 թվականի համար էլեկտրական շարժիչով տրանսպորտային միջոցների համար ևս սահմանված է 0 տոկոս ներմուծման մաքսատուրքի դրույքաչափ՝ 8000 տրանսպորտային միջոցների համար: 2025 թվականի քվոտայից օգտվելու համար անհրաժեշտ կլինի ՀՀ ներմուծված տրասնպորտային միջոցի համար մաքսային հայտարարագիրը կամ մաքսային մուտքի օրդերը ներկայացնել և գրանցել 01.01.2025 թվականից սկսած:

📈2024 թվականի առաջին 9 ամիսների ընթացքում հարկային եկամուտների և պետական տուրքերի գծով փաստացի կատարողականը կազմել է 1 տրլն 767.2 մլրդ դրամ:

Հարկային մուտքերի աճն արձանագրվել է տնտեսության գրեթե բոլոր ոլորտներում, հիմնականում հանքարդյունաբերության, մշակող արդյունաբերության և մեծածախ առևտրի ուղղություններով։

Դրական դինամիկայի վրա ազդեցություն է ունեցել նաև հարկային վարչարարությունը և հարկ վճարողների կարգապահության բարելավումը։

🛫🧳Այսուհետ Հայաստան ժամանողները, կարող են օգտվել «կանաչ ուղի» և «կարմիր ուղի» նշագրմամբ նոր ցուցանակների QR կոդերից:

ՊԵԿ էլեկտրոնային առևտրի և օդային տրանսպորտով իրականացվող փոխադրումների վարչության ուղևորների մաքսային սպասարկման և հսկողութան բաժնում, «Արմենիա միջազգային օդանավակայաններ» ՓԲԸ-ի աջակցությամբ տեղադրվել են «կանաչ ուղի» և «կարմիր ուղի» նշագրմամբ լուսավորված ցուցանակներ՝ համալրված QR կոդերով, որոնց միջոցով ուղևորները կարող են ծանոթանալ մաքսային ոլորտի ուղեցույցներին և օրենսդրությանը:

🧾Սեպտեմբերին 249 հարկ վճարողի մոտ արձանագրվել է ՀԴՄ կիրառման կանոնների խախտում. տուգանքի չափը կազմել է շուրջ 131 մլն դրամ:

Արձանագրված խախտումներից 11 հարկ վճարողի մոտ արձանագրվել է 1.0 մլն դրամ և ավելի տուգանք՝ ընդհանուր 65.6 մլն դրամի չափով:

ՀԴՄ կիրառման կանոնների խախտում թույլ տված հարկ վճարողների ցանկերն այստեղ👈🏻

✅2024 թվականի հոկտեմբերի 16-ին՝ ժամը 09։00-ի դրությամբ, ԵԱՏՄ ԱՏԳ ԱԱ 8703 80 000 2 ծածկագրին դասվող էլեկտրական շարժիչով տրասնպորտային միջոցների 0 տոկոս ներմուծման մաքսատուրքի դրույքաչափի շրջանակում ներմուծման սակագնային քվոտայի մնացորդը կազմում է 88 հատ։

Հիշեցնենք, որ նախապես սահմանված 7400 հատ քվոտայի սպառված լինելու պայմաններում, ՀՀ կառավարության 10.10.2024թ. թիվ 1589-Ն որոշմամբ ներմուծման սակագնային քվոտան ավելացվել էր ևս 600 հատով, որից հետո հոկտեմբերի 11-ից մինչև 15-ն ընկած ժամանակահատվածում արտոնությամբ ձևակերպվել և բաց են թողնվել 512 էլեկտրական շարժիչով տրասնպորտային միջոցներ:

ՊԵԿ-ը հիշեցնում է, որ 2025 թվականի համար ԱՏԳ ԱԱ 8703 80 000 2 ծածկագրին դասվող էլեկտրական շարժիչով տրանսպորտային միջոցների համար ևս սահմանված է 0 տոկոս ներմուծման մաքսատուրքի դրույքաչափ՝ 8000 տրանսպորտային միջոցների համար: 2025 թվականի քվոտայից օգտվելու համար անհրաժեշտ կլինի ՀՀ ներմուծված տրասնպորտային միջոցի համար մաքսային հայտարարագիրը կամ մաքսային մուտքի օրդերը ներկայացնել և գրանցել 01.01.2025 թվականից սկսած:

🌐Պետական եկամուտների կոմիտեի և Իտալիայի հարկային գործակալության միջև հոկտեմբերի 15-ին մեկնարկել է նախնական գնագոյացման պայմանավորվածության ընթացակարգերի շուրջ տեխնիկական աջակցության նոր ծրագիր։

💬ՊԵԿ նախագահի տեղակալ Ռաֆայել Գևորգյանը, անդրադառնալով երկու հարկային մարմինների միջև հաստատված գործընկերային հարաբերություններին, կարևորել է փորձի և լավագույն լուծումների փոխանակման հնարավորությունները։

💬Իտալիայի հարկային գործակալության խոշոր հարկ վճարողների վարչության պետ Ֆաբիո Ինյակոլլոն, իր հերթին, ևս անդրադարձել է երկու մարմինների միջև արդեն իսկ գոյություն ունեցող արդյունավետ համագործակցությանը և կարևորել այդ շրջանակն ընդլայնելու հնարավորությունները։

Հանդիպման արդյունքում ստորագրվել է կողմերի լիազորությունների շրջանակը սահմանող փաստաթուղթ, որով պաշտոնապես մեկնարկել է «Հարկային տեսուչներ առանց սահմանների» նախաձեռնության շրջանակում Կոմիտեում իրականացվող չորրորդ ծրագիրը։ Կողմերն ստանձնել են ապահովել ձեռք բերված պայմանավորվածությունների կատարումն ու  համագործակցության շարունակական ընթացքը։