🏅 Հայաստանի Հանրապետության Անկախության տոնի առթիվ ՊԵԿ-ում տեղի է ունեցել պարգևատրման արարողություն։

ՊԵԿ նախագահ Ռուստամ Բադասյանը շնորհակալություն է հայտնել կոմիտեի աշխատակիցներին՝ ի նպաստ Հայաստանի Հանրապետության կատարված աշխատանքի համար և հորդորել՝ կոմիտեի առջև դրված նպատակներն ու խնդիրներն իրականացնել ջանասիրությամբ և պատշաճ կերպով։

📦Ֆիզիկական անձանց անունով փոխադրվող ոչ անձնական օգտագործման ապրանքների հայտարարագիրը կարող է լրացվել նաև մաքսային մարմնի կողմից

Նորամուծության արդյունքում փոստային կամ սուրհանդակային ծառայություն մատուցող կազմակերպությունների կողմից ֆիզիկական անձանց անունով փոխադրվող ապրանքները, որոնք չեն դիտարկվում անձնական օգտագործման ապրանքներ,այսուհետ հնարավոր է հայտարարագրել ոչ միայն մաքսային միջնորդների կողմից կամ ինքնահայտարարագրմամբ, այլև քաղաքացու ցանկությամբ՝ մաքսային մարմինն իր փոխարեն կարող է լրացնել ապրանքների հայտարարագիրը, որն իրականացվում է առցանց և անվճար:

Ավելին

📈Հարկ վճարողների կողմից 2024 թվականի օգոստոս ամսվա համար ներկայացված եկամտային հարկի և սոցիալական վճարի հաշվարկների տվյալներով` եկամուտ ստացող աշխատատեղերի թվաքանակը կազմել է 751 816, ինչը գերազանցել է նախորդ տարվա նույն ամսվա ցուցանիշը`
34 536-ով կամ 4.8%-ով:

#ցուցանիշներ

🎙️«Հարկային վարչարարության կարևոր խնդիրներից մեկը շուկայում հավասար մրցակցային դաշտի ապահովումն է». ՊԵԿ նախագահի տեղակալ Ռաֆայել Գևորգյանը «Առավոտը Շանթում» հաղորդմանը կարևորել է հարկ վճարելու մշակույթի արմատավորումն ու հարկային կարգապահությունը և առանձնացրել վերջինիս ուղղությամբ կոմիտեի իրականացրած քայլերը։

Հաղորդմանը Ռաֆայել Գևորգյանը խոսել է անշարժ գույքը վարձակալության հանձնելու դեպքում հարկային մարմին հայտարարություն ներկայացնելու կարգի, ֆիզիկական անձանց եկամուտների համընդհանուր հայտարարագրման գործընթացի և այս ոլորտում ներդրված ու շարունակաբար կատարելագործվող
թվային գործիքակազմի մասին։

🛍Մաքսային բարեփոխումների արդյունքում Ֆիզիկական անձանց անունով փոխադրվող ոչ անձնական օգտագործման ապրանքների հայտարարագիրը կարող է լրացվել նաև մաքսային մարմնի կողմից՝ անվճար և առանց մաքսային մարմին այցելելու։

Դրա համար պետք է էլեկտրոնային եղանակով դիմել մաքսային մարմին, ստանալ www.trade.gov.am հարթակ մուտք գործելու հնարավորություն ու ներկայացնել դիմում, որից հետո մաքսային ծառայողները կլացնեն ապրանքների հայտարարագիրը։

Փոստային առաքանիներով տեղափոխվող ոչ անձնական օգտագործման ապրանքների հայտարարագրի ներկայացման արդյունքում առաջացած հարկային պարտավորությունները և մաքսային վճարները ֆիզիկական անձը նույնպես կարող է վճարել առցանց։

📢Պետական եկամուտների կոմիտեն տեղեկացնում է, որ Վրաստան-Հայաստան սահմանին 700 բեռնատարի կուտակման մասին տեղեկատվությունը չի համապատասխանում իրականությանը:

Համապատասխան կայքէջում հնարավոր է առցանց եղանակով հետևել Վրաստանից-Հայաստան բեռնատարների հոսքին:

Տվյալները վկայում են, որ Սադախլոյում այս պահին 220 բեռնատար է սպասում Հայաստան մուտք գործելու իր հերթին: Սա բնականոն աշխատանքային իրավիճակ է և մաքսային ծառայության հասցեին բացասական գնահատականներ տալու հիմքեր չի ստեղծում:

📸Ի՞նչ պետք է իմանալ բլոգերի աշխատանքից ստացված եկամուտներից հարկերի վճարման մասին

⁉️Արդյո՞ք բլոգերը պետք է հարկ վճարի իր աշխատանքի դիմաց ստացված եկամուտներից

Եթե բլոգերը մատուցում է գովազդային կամ այլ ծառայություններ, ապա ստացած եկամուտներից պարտավոր է վճարել հարկ:

⁉️Ինչպե՞ս պետք է բլոգերը հաշվառվի որպես հարկ վճարող

Բլոգերը որպես հարկ վճարող պետք է հաշվառվի պետական ռեգիստրում՝ որպես անհատ ձեռնարկատեր (ԱՁ) կամ գրանցվի որպես կազմակերպություն, որի միջոցով կիրականացնի ձեռնարկատիրական գործունեությունը:

⁉️Ի՞նչ հարկատեսակներ են կիրառվում բլոգերի համար և ի՞նչ պարտադիր վճարներ կան

Գովազային ծառայությունները հարկվում են շրջանառության հարկով կամ ավելացված արժեքի հարկով (ԱԱՀ): Կիրառվող հարկատեսակներից բացի, ԱՁ համարվող շրջանառության հարկ վճարողները վճարում են շահութահարկ՝ ամսական 5․000 դրամի չափով, իսկ 1974 թվականի հունվարի 1-ին և դրանից հետո ծնված անհատ ձեռնարկատերերը վճարում են նաև սոցիալական վճար՝ տարեկան 60․000 դրամի չափով, ինչպես նաև դրոշմանիշայի վճար:

Հաճախ տրվող հարցերի պատասխանները կարող եք գտնել այստեղ👈🏻

🔎ՊԵԿ հետաքննության և օպերատիվ հետախուզության վարչությունը, ժամանակակից տեղեկատվական տեխնոլոգիաների կիրառմամբ, հարկերը վճարելուց խուսափելու դեպքերը բացահայտելու նպատակով` 2024 թվականի հուլիս-սեպտեմբեր ամիսների ընթացքում ձեռնարկել է 97 օպերատիվ-հետախուզական միջոցառում։

Ձեռնարկված օպերատիվ-հետախուզական միջոցառումների շրջանակում տնտեսավարող սուբյեկտների գործունեության հասցեներում առկա համակարգիչների, սերվերային համակարգերի և սկզբնական հաշվապահական հաշվառմանը վերաբերող այլ կրիչների հետազոտմամբ հայտնաբերվել է շուրջ 17.2 մլրդ դրամի ստվերային շրջանառություն, իսկ թաքցված հարկի գումարը կազմել է շուրջ 4.4 մլրդ դրամ, որից շուրջ 800 մլն դրամը տնտեսավարող սուբյեկտների կողմից արդեն իսկ վերականգնվել է պետական բյուջե։

Համապատասխան հիմքերի առկայության պարագայում հաղորդումներ են ներկայացվել ՀՀ քննչական կոմիտե, նախաձեռնվել են քրեական վարույթներ։ Ներկայում միջոցներ են ձեռնարկվում պետությանը պատճառված վնասի վերջնական չափը հստակեցնելու և այն պետական բյուջե վերականգնելու ուղղությամբ։

Ավելին