Peshqadamlar karvoni va Registon Taʼlim loyihasi uchrashuvi

📆 22-avgust kuni Peshqadamlar karvoni jamiyati va Peshqadam Maktabi oʻquv markazi vakillari Registon taʼlim markaziga taklif qilindilar. Uchrashuvda loyiha asoschilaridan biri Shohida Turdiqulova Registon loyihasining tashkil topishi, filiallari va faoliyati haqida batafsil maʼlumot berdilar.

📍 Uchrashuv Olmazor tumanidagi filialda boʻlib oʻtdi. Bu yerda maktab, litsey va tibbiyot texnikumi faoliyati, qolaversa, kutubxonalaridagi boy adabiyotlar bilan tanishdik. Kutubxonada oʻquvchi va ustozlar kitob oʻqishlari, izlanishlari uchun juda ham keng sharoitlar qilingan ekan.

🌐 Muhim jihatlardan biri shundaki, uchrashuv davomida Peshqadam karvoni jamiyati va Registon Taʼlim loyihasi hamkorlikda kutubxona ochishga kelishildi.

✅ Uchrashuvimiz samimiy ruhda oʻtdi. Loyihadan oʻrganishimiz kerak boʻlgan koʻp jihatlarni koʻrdik. Tez orada loyiha bilan hamkorlikdagi yangiliklarni ulashamiz degan umiddamiz.

Telegram | Instagram | YouTube | Facebook

#kitobxonlikni_rivojlantirish

Irmoqlar birlashib daryoga aylansin…

☄️ Karvonimiz tarkibida bundan 2 yil oldin “Irmoqlar” deya nom olgan kitobxonlik jamiyati oʻz faoliyatini boshlagan edi. Jamiyat aynan “Irmoqlar” deb atalganining sabablari koʻp. Mutolaadan olinadigan birgina foydani irmoqqa qiyoslasak, kitobxonlik bois inson hayotida yuz berishi mumkin boʻlgan oʻzgarishlar butun boshli daryoga teng boʻladi.

💡 Misol uchun, axborot manbalari koʻpayib ketgan, vaqt ham goʻyoki tezlashgan bugungi kunimizda stressga moyillik hammada kuzatiladi. Buni qarangki, kuniga atigi 6 daqiqa kitob mutolaa qilishning oʻzi insondagi stress darajasini sezilarli darajada pasaytira olar ekan.

✅ Ikki yil oldin jamiyat aʼzolari qatoriga qoʻshilganlar mutolaadan faqat bularni emas, koʻplab manfaatlar olishdi. Shu davr mobaynida kitobxonlarning soni ham ortdi. Jamiyat oldiga qoʻygan maqsadlar yanada kattalashdi. Bugungi tadbirdan qisqa rolikni eʼtiboringizga havola qilamiz. 2 yoshga toʻlgan jamiyat faoliyati bilan bogʻliq batafsil videoni esa tez kunlarda taqdim etamiz.

Telegram | Instagram | YouTube | Facebook

Ijod manzillari: Yeseninning Toshkentdagi izlari

🗺 Sergey Yesenin — rus adabiyotining eng yorqin, eng samimiy shoirlaridan biri. Uning hayoti va ijodiga oid koʻplab sahifalar mavjud, ularning biri Toshkent bilan ham bogʻliq.

Toshkentdagi Yesenin uy muzeyi bu — nafaqat tarixiy xotira joyi, balki sheʼriyat havosi ufurib turgan maskan. Bu yerda shoir hayoti, ijodi va Oʻzbekiston bilan boʻlgan aloqalaridan hikoya qiluvchi qimmatli manbalar saqlanadi. U yerdagi har bir burchakdan Yeseninning satrlari eshitilgandek boʻladi…

📹 Videoni tomosha qilib, shoir izlarini Toshkent koʻchalaridan birda izlaymiz.

Telegram | Instagram | YouTube | Facebook