SEN QOLDING TILIM

Kelib ketdi necha dunyolar
Kuldi hayot yiģladi òlim
Sen deb qurbon bòldi bobolar
Ular ketdi sen qolding tilim

Belachaging uzra Qoshģariy
Kuylab òtdi qadim navoni
Va navqiron yaproqlaringga
Dil qonini berdi Navoiy

Samarqanddan Bobur ketarkan
Dilda bòģib hasrat sasini
Olib ketdi ona yurtidan
Turkiy tilim birgina seni

Mashrabmas sen osilding dorga
Nodiramas sensan sòyilgan
Hoziqningmas sening ey tilim
Boshing ayru kòzing òyilgan

Ammo dushman òldirgan botir
Tirilgandek yana qasosga
Mangu borsan va mangu qodir
Tòldirmoqqa yerni ovozga

Vatan uchun baxsh etib jonni
Kechib olov kirib daryoga
Farzandlaring tòkkan har qonni
Shimirding sen o‘xshab giyohga

Ona tilim omon bòl mangu
Sen borsan-ki men ham òylayman
Tildan qolsam seni Oybekdan
Men kòzlarim bilan sòylayman

#TIL BILGANNI EL BILADI
#eng yaxshi ijodiy she'r
Jalolova Mulkijahon