Ma’muriy javobgarlik to‘g‘risidagi kodeksga kiritilgan qo‘shimchalarga
ko‘ra: ikkilamchi ijaraga olgan ijarachilar tomonidan qishloq xo‘jaligiga mo‘ljallangan yer
 
Batafsil o’qish: 👇
 https://pdh.uz/category/view?id=1798

facebook 👉 https://www.facebook.com/pdhuzadmin/friends/
Web-sayt 👉 http://pdh.uz/

📍 Bizni kuzating 👉 @pdhuz

9 май- Хотира ва қадрлаш куни

МАРДЛАР БИСЁР, ЁРУҒ ЮЗИМИЗ

(Бобо ва набира суҳбати)

Улуғ элмиз, қудратли халқмиз,
Мардлар бисёр, ёруғ юзимиз.
Заминимиз шавкат-шонини,
Уфқларга экди сўзимиз.
Тил-у дилда тинчлик баёти,
Орзулар жам ниятли йўлда.
Бахт аталмиш қўшиқлар бу кун,
Жаранг берди ҳар ўнг-у сўлда.
Худо солган назар  бу диёр,
Жасоратдан яралган макон.
Бу Ватан чун жони фидолар,
Юракларда яшайди ҳар он.
Бу кунларга эришмоқ учун,
Ўтди қанча суронли дамлар.
Бегуноҳ жон берган қурбонлар,
Не қалбларни тиғлаган ғамлар.
Бобом сўзлаб берган ҳикоя,
Кўз ўнгимда жонланди шу он.
Даҳшатли жанг хотиралари,
Юрагимни эзғилар ҳамон.
-  “ Қирқ биринчи йил. Жанггоҳларда
Номус, ғурур, ор деб талашдик.
Ватан номин ўйиб юракка,
Шаън йигитга ёр, деб талашдик.
Қип-қизил қон ичарди замин,
Мўраларди окопдан сабр.
Бош кўтарсанг, “ҳадя” дайди ўқ,
У англатди, “ Озодлик надир?”
Не навқирон ўғлонлар кетди,
Қўлин тутмай бир бор ёрини.
Оналарнинг кўксида нафрат,
Қарғаб қолди қисмат дорини.
Кўкси қалқон не ботирларнинг,
Уруш янчди умр боғини.
Нетсин, фарёд чеккан Момо ер,
Йиғлаб қучди қонлар доғини.
Жон олиб, жон берарди шу тоб,
Майдонларда миллионлаб жон-тан.
Барчасининг қалбида бир сўз
“Гар енгмасак, кечирмас Ватан”.
Жасур ва мард эди ўғлонлар,
Ўққа тутса ҳамки жонини.
Осмонларга мардона элтди,
Миллатининг ғурур, шонини.
Қирғинбарот жанглар синади,
Ўлим, ҳаёт, дошли онларни.
Тарихнинг зарварақларига,
Муҳрлади қаҳрамонларни.
Қирқ бешинчи йил... Бешафқат вақт,
Қайтди ким қўл, кимдир оёқсиз.
Ингранарди оғриқдан дунё,
Юролмасди қўлтиқтаёқсиз.
Лек дилларда ёнарди қувонч,
Қутлар эдик бир-биримизни.
“Ғалаба!” Шу сўз замирида,
Қайта топдик шон, умримизни.
Қара, қандай мусаффо осмон,
Кўнгилларда йўқ ҳеч хавотир.
Тингла, бевақт сўнган юраклар
Ернинг кўксида тепаётир.
Дардманд тупроқ бағрини ёриб,
Очилган ҳув, лолақизғалдоқ.
Уни узма, топтама зинҳор,
У шаҳидлар кўксидаги доғ.
Инграр, замин бағрига сингган,
Вужудлардан силқиб оққан қон.
Бу осуда замона қадрин,
Англамоққа ишора, ишон.
Ваҳ, жисмимда сўнгсиз оғриқлар,
Бу жанглардан қолган жароҳат.
Эҳ, юртига қайтмаган қанча,
Дунё кўнгли мангу еган лат.
Болам, қара, ўзгаришларни
Ҳар жабҳада интилиш бисёр.
Юрт обод-у, осмон мусаффо
Бу заминда мудом омад ёр.
Ушалди-ку, асрий орзулар
Ғолиб ишонч, оқибатлари.
Ватан деб жон фидо этганлар,
Обод бўлсин охиратлари”.
Яшамоқ- соз, англамоқ – қадр,
Хотира – эл анъаналари.
Ватан, сенга муборак бўлсин,
Қадрнинг зўр тантаналари.
Гулжаҳон МАРДОН қизи.

Бизни кузатиш: 👉@pdhuz

Отам деҳқон эди, бағри қон эди,
Дунёга келгану  дунё кўрмаган.
Сочи оқаргунча яшади, аммо,
Умрида тузукроқ  зиё кўрмаган.

Асли олим эди, бир дониш эди,
Дарди айтилмаган, хониш у эди.
Замон шундай эди, макон шу эди,
Очликдан ўлмаслик, хоҳиш шу эди.

Сирдоши ер эди, болиши тупроқ
Кўкси олов эди, юраги қайноқ.
Оёғига ботган  тошлар зарбидан
Отам, уҳласа ҳам, уҳларди уйғоқ

Иймондан қимматроқ бисоти йўғу,
Сўзи ҳикмат эди, нигоҳи таълим
Отам бузрук эди, Ҳизрдек эди
Бизга устоз эди, отам муаллим.

Бироқ...
Тили боғлиқ эди қадами боғлиқ
Чакки ўтган уйни шу Ватан дерди.
Кутарди эркнинг шаббодаларин
Гар куйи чалинса, шу Ватан дерди.

Ватан меҳробингдан ўргилай сени,
Бахт берган ҳар турфа имконларингдан.
Отам орзулаган замонлар келди
Гуллаб -яшнаётган маконларингдан.

Отам деҳқон эди, бағри қон эди
Дунёга келгану  дунё кўрмаган...

  Дилбар ҲАЙДАРОВА,
     
Бизни кузатиш: 👉@pdhuz

"Xotira bor ekan -millat barhayot"

9-may —"Xotira va Qadrlash kuni "munosabati bilan  54-maktabda "Xotira bor ekan-millat barhayot" nomli  tadbir tashkil etildi. Tadbirga maktabimizda ko'p yillar ishlab, xalqimizning farzandlariga ta'lim-tarbiya bergan faxriy ustozlar taklif qilindi.
Ha, inson millat, tarixiy xotira tuyg'usi bilan ham barhayotdir. Xotira kechagi o'tmishni, ajdodlar  o'g'itini milliy merosimizni anglatib turuvchi-muqaddas kitob zarvaraqlaridek  hayotimizni bezab turadi.
Qadr -esa insonni yuksaklikka ko'taradi,uning faoliyatiga orzu intilishlariga, maqsad-maslaklariga olijanoblik bag'ishlaydi.

Gavhar RAHIMOVA,
54-maktab MMIDO'.

📍Bizni kuzating: 👉@pdhuz

ЯХШИЛАР ЁДИ БАРҲАЁТ!

Йиллар ўтаверади, ҳаёт давом этади. Ватан учун, миллат шаъни, халқи фаровонлиги йўлида   фидойи инсонлар мудом кадрланади, эъзозланади. Ана шундай унутилмайдиган инсон бири Абдукарим Назаров эди. А. Назаров 1951-йил 5 майда Паст Дарғом тумани Қоровултепа маҳалласида таваллуд топган. У ўрта мактабни битиргач Тошкентдаги кино техникумини тамомлайди. Шундан сўнг, Сирдарё вилояти Гулистон туманида кинолаштириш идораси директори лавозимида ишлайди. Кўп йиллик меҳнат фаолиятидан кейин ўз она юрти Паст Дарғом тумани кинолаштириш идорасида инжинер ва директор бўлиб ишлайди. Кейинчалик Ҳамзаобод қишлоқ кенгашида котиб ва раис, "Ўзбекистон" жамоа хўжалиги бошқарувида котиб, маъданий ишлар бўйича раис ўринбосари лавозимларида самарали меҳнат қилади. А. Назаров 2021-йилнинг 19-июнь куни бу оламни 70 ёшида тарк этди. А. Назаров меҳнаткаш, ўзгалардан ёрдамини дариғ тутмайдиган инсон сифатида кўпчилик хотирасида сақланиб қолади.


✅Бизга уланиш: 👉@pdhuz