Pastdarg‘omda yoshlar bilan uchrashuv o‘tkazildi

🇺🇿Samarqand viloyati hokimi Adiz Boboyev payshanba — Yoshlar kuni munosabati bilan Pastdarg‘om tumanidagi 2-son ixtisoslashtirilgan maktab-internatida yoshlar bilan uchrashuv o‘tkazdi.

🤖Unda dastlab yoshlarning startap loyihalari, ijodiy ishlari hamda madaniyat va sanʼat, sport sohalarida erishgan yutuqlarini aks ettiruvchi ko‘rgazma tashkil etildi. Ko‘rgazmada iqtidorli yoshlar o‘z ishlanmalari va g‘oyalari bilan ishtirok etdilar.

✅Shundan so‘ng o‘tkazilgan ochiq muloqotda yoshlarning muammo va takliflari tinglandi. Muloqot davomida yoshlarning bandligini ta’minlash, tadbirkorlik faoliyatini qo‘llab-quvvatlash hamda zamonaviy kasb-hunarlarni egallashlari uchun qo‘shimcha imkoniyatlar yaratish masalalari muhokama qilindi.

✅Yoshlar o‘z biznesini yo‘lga qo‘yish uchun zarur shart-sharoitlar yaratilishi, kasbiy ta’lim olishu bo‘yicha qator tashabbuslarni ilgari surdi. Shuningdek, muloqotda yoshlarning bo‘sh vaqtini mazmunli tashkil etish, ularni turli to‘garak va o‘quv dasturlariga jalb etish masalalariga ham alohida e’tibor qaratildi. Bu borada zamonaviy o‘quv markazlari sonini oshirish, amaliy ko‘nikmalarni shakllantirishga qaratilgan loyihalarni kengaytirish taklif etildi.

✅Bildirilgan taklif va muammolar atroflicha o‘rganilib, ularni hal etish bo‘yicha tegishli chora-tadbirlar belgilandi.

#payshanbayoshlarkuni