Pavel Durov “Cocoon” layihəsini istifadəyə verib 🥚

Bu gün bütün AI ideyaları böyük korporasiyalara məxsusdur və onların idarəsindədir. Cocoon isə AI hesablamalarının mərkəzləşməsi problemini həll etməlidir.
Cocoon (Confidential Compute Open Network) — ilk desentralizə edilmiş və konfidensial hesablama şəbəkəsidir.

İdeya nədir:

✦ Güclü videokart (GPU) sahibləri Cocoon şəbəkəsinə qoşulur, AI proqramlarının developerləri isə onların prosessinq gücündən istifadə edir.
✦ Məlumat emalı sorğuları boş GPU-lar arasında paylanır, videokart sahibləri isə bundan pul qazanır — TON kriptovalyutasında.

Cocoon şəbəkəsində bütün məlumatlar şifrlənir, yəni nə emal olunan məlumatı, nə də onun kimin tərəfindən göndərildiyini heç kim bilmir.

Məqsəd həm söz azadlığı, həm də bazara nisbətən aşağı qiymətlər gətirməkdir.

Yoxlayırıq

Photoshop Web bir illik pulsuz verilir

Amma yalnız Google Chrome işlədənlərə. 🙂

Son vaxtlar dizayn üçün keyfiyyətli pulsuz alətlər tapmaq çətindir, amma maraqlı bir xəbər var:
Google Chrome öz istifadəçilərinə Photoshop Web proqramını 12 aylıq pulsuz verir.

İçində dizayn üçün vacib olan alətlər var: background silmə, rəng korreksiyası, layer-lər, sosial media ölçüləri, AI effektlər və s.
Ən yaxşı hissəsi isə nə kart, nə də ödəniş tələb etməməsidir. Sadəcə Chrome yükləməyiniz kifayətdir.

Xüsusilə dizaynerlər, freelancerlər, kontent yaradıcıları, sosial media menecerləri üçün real “lifehack”-dir.

Necə aktivləşdirməli:
Chrome Web Store → “Adobe Photoshop Web” → Add → Sign in → Claim.

8 dekabra qədər vaxt var. 🏃‍♂️

Pantone 2026-cı ilin rəngini açıqlayıb

Cloud Dancer — sakitlik, təmizlik, sadəlik və “boş lövhə” (“blank canvas”) simvoludur. Mürəkkəb və sürətli dünyada istirahət, yenilənmə və bir az da özünə qulaq asıb özünü anlama hissi verir.

Pantone ilk dəfədir ki, ilin rəngi olaraq tam ağ ton seçir.

Bəs rəngə necə qərar verir? Seçdiyi rəng trend olur yoxsa trendə uyğun rəng seçir?

Pantone rəngi seçməzdən əvvəl araşdırır:
• insanlar hansı rəngdə geyinir
• moda evləri hansı tonları hazırlayır
• interyer dizaynında hansı çalarlar çoxalır
• brendlər hansı əhval-ruhiyyəni verir
• dünya hansı hissdədir — narahat? sakit? ümidli?

Pantone əvvəlcə bunları müşahidə edir və sonra qərar verir ki, bu ilin ruhunu ən yaxşı bu rəng ifadə edir.

Amma seçdikdən sonra bu rəng trendi daha da gücləndirir.

Yəni Pantone trendin dalğasını seçir, sonra həmin dalğanı daha da böyüdür.

UX/UI artıq bir peşə adı deyil, fərqli düşüncə tiplərini özündə cəmləşdirən ekosistemdir. UX/UI dizayner hansı rollara bölünür, hər rol biri birindən necə fərqlənir, nəyə fokuslanır, hədəfi nədir — hamısını bir yerə topladıq.

🔮 UX designer: Məntiq və struktura fokuslanır. Məqsədi məhsulu anlaşılan etməkdir. Alətlər: User flow, wireframe, prototip.

🖼️ UI designer: Vizual estetikaya fokuslanır. Məqsədi aydın və vahid vizual dil yaratmaqdır. Alətlər: Rəng, tipoqrafika, komponentlər.

📦 Product designer: UX/UI + Biznes məntiqi. Məqsədi məhsulu həm istifadəçi üçün faydalı, həm biznes üçün gəlirli etməkdir. Alətlər: Analitika, A/B test, MVP.

🔍 UX researcher: İstifadəçinin davranış və motivasiyasına fokuslanır. Məqsədi ehtiyacların səbəbini anlamaqdır. Alətlər: İntervyu, sorğular, JTBD.

👋 Interaction designer: İnterfeysin dinamikasına fokuslanır. Məqsədi qarşılıqlı əlaqəni intuitiv və canlı etməkdir. Alətlər: Animasiya, jestlər, keçidlər.

🧑‍🎨 Visual designer: Stil və brendin emosional obrazına fokuslanır. Məqsədi vizual konsepsiya yaratmaqdır. Alətlər: Aydentika, illüstrasiya, qrafika.

🍽️ Service designer: Həm onlayn, həm oflayn təcrübəyə fokuslanır. Məqsədi bütün xidmət yolunu rahat etməkdir. Alətlər: Service blueprint, CJM.

🪐 Design system designer: Qaydalar və standartlaşmaya fokuslanır. Məqsədi inkişafı sürətləndirmək və vahidliyi qorumaqdır. Alətlər: Kitabxanalar, tokenlər.

📝 UX writer: Mətnlər vasitəsilə aydınlığa fokuslanır. Məqsədi qeyri-müəyyənliyi aradan qaldırmaqdır. Alətlər: Mikrokopiraytinq, Tone of Voice.

🏎️ Motion designer: Hərəkətin UX-ə təsirinə fokuslanır. Məqsədi anlaşıqlılığı və emosiyaları gücləndirməkdir. Alətlər: Micro-motion, keçid effektləri.

📈 Growth designer: Metriklərə və böyüməyə fokuslanır. Məqsədi əsas göstəriciləri (satış, aktivlik) yüksəltməkdir. Alətlər: Paywall, referal mexanikaları.

Yaradıcı gənclər üçün ilin ən böyük müsabiqəsi başlayır 🚀

Dostlar, kreativ sahədə fəaliyyət göstərirsinizsə, bu şansı qaçırmayın! Young Lions Azerbaijan 2026 müsabiqəsinə qeydiyyat açıqdır. Bu, sadəcə bir yarışma deyil, həm də yaradıcılığınızın sərhədlərini yoxlamaq üçün əla fürsətdir.

🦁 Nə etməli?
Özünə güvənən komanda yoldaşı tap və bu 3 kateqoriyadan birində gücünü göstər:

✦ Print 🖼
✦ Dizayn 🎨
✦ Film 🎬

🎫 İştirakçılara nə vəd olunur?
Qeydiyyatdan keçməklə siz təkcə müsabiqəyə qatılmırsınız, həm də 15-16 may tarixlərində baş tutacaq möhtəşəm Baku Flames festivalına giriş əldə edirsiniz. Bura həm networking, həm də mükafat gecəsinin həyəcanı daxildir!

Qeydiyyat üçün:
1. www.canneslions.az saytına daxil ol
2. "Buy a pass" bölməsindən Young Lions-u seç
3. Məlumatları doldur və yerini rəsmiləşdir

Gələcəyin aslanları, səhnədə görüşənədək! 🚀🌟

Figma Makethon bu gün başlayır!

Ümumi mükafat fondu 100 000$-dır. Bu gün Bakı vaxtı ilə 21:00-da Figma-nın yeni hakatonu start götürəcək.

Artıq 1000-dən çox dizayner yarışa qoşulub. Qoşulmaq üçün Contra platformasında qeydiyyatdan keçin, “Join challenge” klikləyin və qaydalarla tanış olun.

“Dinləmədiyim, amma sevəcəyim, və ya bir-iki mahnısını eşitdiyim bir ifaçı tap. Zövqümə uyğun ən yaxşı mahnılarını topla və mənə pleylist şəklində elə göstər ki, ifaçının sənəti ilə tanış olum.”

Spotify promptla pleylist düzəltməyi Britaniya, İrlandiya, Avstraliya və İsveçdə yoxlamağa başlayıb.

Əhval, vayb, xatirə və ya ideyanı yazırsan, AI dərhal sənin dinləmə tarixçənə və trendlərə əsaslanaraq pleylist yığır, hər bir mahnının da niyə uyğun olduğunu qısa izah edir.

Slots ilə detach etməyə əlvida! 🚀

Dizayn sistem komandada konsistensiya yaradır, amma çox zaman olur ki, dizaynerlər komponentləri detach etməyə məcbur qalır.

Yeni Slots funksiyası komponentin strukturunu pozmadan onun daxili kontentini dəyişməyə imkan verir.

Slots bu həftə open beta-da olacaq, sınamağa dəyər 👀

#review

Canlı yayımda Dizayn Revyu

🤔 Ətrafında dizayner yoxdur və işlərinə detallı və konstruktiv geridönüş ala bilmirsən?

✅ Dizayner üçün kritika müqəddəsdir — məhz buna görə Dizayn revyuda iştirak etməlisən. Ən sevdiyin işini bizə göndər, PAŞA Bank dizayn komandasının üzvləri canlı yayımda rəy versin.

Hansı işləri göndərə bilərsiniz?
Veb və ya mobil üçün hazırladığınız istənilən dizayn işini bizimlə paylaşa bilərsiniz.
İstifadəçi axını (flow) və məntiq aydın görünəcək qədər screen əlavə etməyiniz kifayətdir. İşiniz həm UI, həm də UX baxımından nəzərdən keçiriləcək. Göndərərkən qısa izahedici mətn də qeyd etməyi unutmayın.

Format: Yüksək keyfiyyətli JPG, "clickable" prototip və ya Figma linki.

İşləri bura göndərin: nigar.osman@pashabank.az

Son tarix: 15 Mart, 23:59

Revyu tarixi: Canlı yayımın vaxtı yaxın günlərdə PASHA Bank Design kanalında paylaşılacaq. ✨

Figma keçən həftə Slots təqdim etdi. Bu funksiya komponentlərin içindəki elementləri daha çevik şəkildə idarə etməyə və komponenti detach etmədən dəyişikliklər etməyə imkan verir.

Slots istifadə etmək üçün ilk olaraq komponentdə istədiyiniz frame-i seçin və onu slot formatına çevirin. Bu addım frame-in içindəki elementləri slot kimi istifadə etməyə imkan yaradır.

Sonra sağ üst küncdə yerləşən plus (+) düyməsinə klikləyin və açılan siyahıdan əsas istifadə etmək istədiyiniz instance-ları seçin. (Burada ancaq komponentlərdən seçim edə bilərsiniz).
Daha sonra komponentdən istifadə edərək slot-larla işləyə bilərsiniz. Slot-ları digər slot-ların içində yerləşdirə, elementləri istədiyiniz kimi hərəkət etdirə, yeni elementlər əlavə edə və ya artıq lazım olmayanları silə bilərsiniz. Bu şəkildə komponentin strukturunu pozmadan dizaynı daha çevik şəkildə idarə etmək mümkündür.

Young Lions Azerbaijan 2026 haqqında daha ətraflı məlumat almaq istəyirsiniz? 🦁

Young Lions müsabiqəsi ilə bağlı sizi maraqlandıran bütün suallara cavab tapmaq istəyirsinizsə, 18 mart 2026 tarixində keçiriləcək infosessiyaya qoşula bilərsiniz.

Bu infosessiyada Cannes Lions Festivalının rəsmi təmsilçisi Fərhad Şabanov sizə müsabiqə haqqında ətraflı məlumat verəcək, müsabiqənin qaydaları, yarışma prosesi və digər vacib məqamları izah edəcək.

Young Lions-da iştirak etməyi planlaşdıran hər kəsin infosessiyaya qatılması tövsiyə olunur.

Qeydiyyat üçün: https://docs.google.com/forms/d/e/1FAIpQLSfimtZS1m4iBBeDuuD-1QK2hh2eLth8fygrXqUwfHzxt0TufQ/viewform

📅 18.03.2026
🕚 11:00
📍 Məkan: Yaradıcı Mərkəz (Xətai rayonu, Mehdi Mehdizadə küçəsi 31)

#review

Canlı yayımda Dizayn Revyu

Sabah, 18 mart, saat 19:00-da efirdəyik! Göndərilən işlərin hər birinə baxa bilməyəcəyik — işlər çoxdur, vaxt isə az — amma hamısının içindən ən maraqlılarını seçdik ki, hər kəs özünə faydalı "insight" götürə bilsin.

Tarix: 18 Mart, 19:00

Yayımdan öncə link paylaşılacaq 🔥

Canlı yayımın davamı buradadır: https://youtube.com/live/Y-S6EVNfIE8?feature=share

Google Stitch — İdeyadan birbaşa UI-a keçid 🔥
Mart ayındakı yenilənmədən sonra əsas funksionallıqlar:

Mətndən dizayna
Sadəcə nə istədiyinizi yazırsınız. Məsələn, AI maliyyə asisstenti. Alət özü dizayn hazırlayır. Nəticə mükəmməl olmaya bilər. Amma başlanğıc nöqtən artıq var.

Şəkildən dizayna
Əllə çəkilmiş eskiz və ya hər hansı skrinşotu yükləyirsiniz, Stitch onu analiz edib işlək rəqəmsal interfeysə çevirir.

Səsli idarəetmə
Həmkarınızla danışırmış kimi: "Düyməni böyüt" və ya "Rəngi dəyiş". Heç bir texniki terminə ehtiyac olmadan birbaşa səsli düzəlişlər edir.

Figma inteqrasiyası
Dizaynı qruplaşdırılmış və "Auto Layout" dəstəkli şəkildə birbaşa Figma-ya köçürmək mümkündür.

Kod generasiyası
Dizaynı developerə rahat təhvil vermək üçün TypeScript, HTML, CSS və ya Tailwind kodlarını təqdim edir.

Dizayn sistemi və DESIGN.md
İstənilən saytın URL-dən dizayn sistemi çıxarır. DESIGN.md faylı isə bu qaydaları saxlayıb başqa layihələrdə istifadə etmək olur.

Stitch hələ beta mərhələsindədir, amma sınamağa dəyər ✨

Yenilənmiş “PAŞA Bank Biznes” tətbiqi artıq istifadənizdə!

Redizayn tətbiqə daha rahat interfeys, daha sürətli əməliyyatlar və daha çox funksionallıq gətirir.

• Çatbot ilə operativ canlı dəstək;
• Müraciətləri izləmək imkanı;
• “Tarifim” xidmətinin aktivləşdirilməsi;
• Onlayn biznes kreditinə müraciət;
• Linklə ödəniş xidməti;
• Qonaq rejimi.

Yükləmə linki: https://pshb.az/PASHA-Business-App

Blenderə təzə bot gəlib

Blender Buddy:

✦ Proqram barədə bütün suallara cavab verir
✦ Promptla səhnəni editləyir
✦ Bütün səhnəni görür və istifadəçinin nə iş gördüyünü bilir
✦ İnternetdə axtara bilir
✦ Lokaldır və pulsuzdur

Köməkçi çat — AI-ın ən effektiv istifadə növlərindən biridir.

Figma/Photoshop/Illustratora da gəlsin?