سئودیگین یارین الیندن توتاسان جام آلاسان
اؤپه‌سن لبلرین او ناز ائده سن تام آلاسان

مبتلاسی اولاسان بیر گولر اوزلو گؤزلین
هر سحر کوسدوره‌سن کؤنلونو آخشام آلاسان

#علی‌آقا‌واحید

آی سسین روحوم‌دا، یئل کیمی أسن
اورک باغلامیشام عطیرلی سسَن

آی سن‌نن دانیشماق، باریشماق شوقو
قراریمی آلان، صبریمی کسن

یالقوزلوق قیشی‎نی أریتماق ایچین
اومود باغلامیشدیم ایستی نفسَن

اما حئییف گنه‌ده من گئج گلدیم
بختیم دیمه‌دی کی گرک تَله‌سن

ایندی سنی یاددان چیخاتماق ایچین
هارا گئدیم، نه ایش گؤروم گؤره‎سن

سن اؤزون دئ گؤروم هانسی هاوانی
سوراقلی‌ییم کی دوشمویوم هوه‎سَن

سؤزو چوخلو! اؤزو یوخلو! دئ گؤروم
خیال‌سان؟ یوخوسان؟ یوخسا نمه ‎سن؟

آی منیم تای- توشوم، دارداکی قوشوم
هایان‌دان یول آچیم، سنین قفسَن

خیالیندان سوروشوردو خیالیم
بیرگون اولور سن‌ده بیزه گله‎سن؟!

#حسین‌منزوی

رشکِ رخسارین دلِ خورشیده سالمیش اضطراب
غیرتِ قدین مزاجِ شمعه وئرمیش انحراف

#حکیم‌فضولی

بیر یئیه‌سیز غمین وارسا
وئر چکیم، اوووتما منی
مندن عزیز کیمین وارسا
سئو، آمما اونوتما منی

یوخومدا کؤنلونو آلسام
قولومو بوینونا سالسام
اؤلوم یوخوسوندا اولسام
قوی یاتیم، اویاتما منی

#رامیزروشن

دونیا داغیلماز کی سن منیم اولسان
گلیب اوره‌ییمی، کونلومو آلسان
بلکه بیر یوخوسان، شیرین خیال‌سان
نه یاخشی سن وارسان، سئویرم سنی

#باباوزیراوغلو

سن‌سیز داریخیر اللریم
گؤزلریم اسنه‌ییر سنی
هئچ بیر وارلیق سنین کیمی
اورکدن اؤپمه‌ییر منی

#سئورشهابی

منیم‌له قوجالسان..
کیتاب اوخویارام.. چای دمله‌رم
شعیر یازارام سنه
هه بیرده شوکور ائده‌رم
سونرا گؤزلرینین ایچینه باخیب
"آمین" دئیه‌رم

#اؤزدمیر‌آصف

بهتان آتیب لعنت دئمه شیطانا

ابلیس گؤزلرینین قاراسیندادیر

#سئورشهابی