Parallel muhit data

Qurilish bozoridagi eng katta xavf, quruvchilarni jarga itarishyapti?

Uzun post, lekin foydali, oxirigacha o’qing.

Bugun qurilish bozorida bitta xavf bor.
U sekin kelmaydi.
U shovqin bilan keladi.
Va ko‘pincha “zo‘r zapusk” “oyiga 500 ta sotib beramiz” nomi bilan kirib keladi.

Hozir ko‘plab marketing jamoalar quruvchilarga shuni va’da qilyapti:
- boshlang‘ich to‘lovsiz beramiz
- 60–100 oyga bo‘lib to‘lash qiling
- tezroq sotasiz
- ko‘p sotasiz

Ha, sotishadi. Lekin savol boshqa joyda quruvchi oxirigacha bora oladimi?

Asosiy muammo qayerda?

Aksariyat quruvchilar uylarni mijozlardan tushayotgan pul hisobiga quradi. Bu yomon emas.

Lekin bu tizimda bitta qoidani buzish halokat. Bu - boshlang‘ich to‘lov.

Agar quruvchi uylarni 24 oyda topshirishni rejalashtirgan bo‘lsa,
bo‘lib to‘lash ham shu muddatga mos bo‘lishi kerak.
Va kamida 30% boshlang‘ich to‘lov bo‘lishi shart.

Zapusk jamoalar nimani o‘ylaydi?

Zapusk qiladigan jamoalarning maqsadi ko‘pincha bitta, sonli sotuv.

Ular:
- emotsiya bilan sotadi
- hozir olmasangiz kech bo‘ladi deydi
- mijozni kompaniya hujjatlari, tajribasi, qurilish grafigini tahlil qilishga olib bormaydi.

1 oyda 300 ta, 500 ta, hatto 1000 ta uy sotiladi

Zapusk jamoa o‘z ulushini oladi va ketadi.
Haqiqiy muammo esa shundan keyin boshlanadi.

Real bozor faktlari

Shaxsan bilgan kompaniyalarim bor 1 oyda 300–800 ta uy sotilgan, boshlang‘ich to‘lovsiz, uzoq muddatli bo‘lib to‘lash bilan

2–3 oy o‘tib nima bo‘lganini bilasizmi?

40–70% mijoz shartnomasini bekor qilgan.

Pulini qaytarib olgan.

“O‘tkaz” yozgan.

Sababi oddiy qurilish yurmayapti, hujjatlarda muammo chiqyapti, va’da qilingan grafik yo‘q.

Zapusk jamoagachi?
Ular allaqachon ketgan))
Ular uchun “o‘tkaz” qiziq emas.

Eng kulgilisi “Biz 2 haftada 1000 ta uy sotib bozordagi rekordni yangiladik” deyishadi))

Lekin 2 oy o‘tib nechta bekor bo‘ldi? kassaga real qancha pul tushdi?

Bu savollar javobsiz qoladi.

100 oygacha bo‘lib to‘lash + boshlang‘ichsiz? nimaaaa?

Kechirasiz bu marketing emas. Bu quruvchini jar yoqasiga olib borish.

Hurmatli quruvchilar, son bilan o‘zingizni aldamang.

“Nechta uy sotdik?” emas
“Kassaga qancha pul tushdi?” shunisi muhim.

Biz qanday ishlaymiz? Biz shoshmaymiz. Biz klassik marketing bilan sotamiz.

Natijada oyiga 700 ming – 1,5 mln $ real tushum, bu tushumni 1000 ta uy sotib emas, 15–20 ta uy sotib qilamiz.

Bozorda shunaqa kompaniyalar ham bor 500–1000 ta uy sotgan, lekin kassaga deyarli pul tushmagan.

Bugun bozor o‘zgardi.

Bugun mijozlar qurilish grafikini so‘rayapti, keyingi oy qaysi blok ko‘tariladi deb so‘rayapti, shunchaki quruq va’daga ishonmaydi.

Agar siz sekin sotishni, lekin to‘g‘ri sotishni o‘rganmasangiz, bozor sizni sekin asta chetga chiqaradi.

Hurmatli quruvchi o’zinigizni ko’p sotdik degan mif bilan jarga itarmang, siz jarga tushib qurolmasdan “moshennik” bo’b chiqsangiz boshqa quruvchilarga ham zarba bergan bo’lasiz.

@muzaffarmurodov_blog

⚡64❤38👍30

11.5K views04:38