باش بزانە کە زانستێک ئەمڕۆ لە تاوان دوورت نەخاتەوە، و لەسەر پەرستش هەڵتنەنێ، سبەی لە ئاگری دۆزەخ دوورت ناخاتەوە.

#ئیمامی_غەزالی

مافی برایەتی: قۆڵ هەڵماڵینە بۆ بەرگریکردن و سەرخستن ... بۆیە ئەو برایەت بە هیچ بزانە کاتێک دەبینێت سەگەکان پێت دەوەڕن و گۆشتت هەنجن دەکەن ئەویش بێدەنگە ، و شەفەقەت و پەرۆشی نایگرێت تاوەکو بەرگریت لێبکات.

#ئیمامی_غەزالی

زۆری هەڵبژاردنەکان ، و بێشوماری زانیارییەکان نەوەی ئێستای تووشی بێزاری کردووە .

#سەرنج

لە هەموو حالەتێکدا هەر تۆم خۆشدەوێت

گەورەمان عوتبە بە درێژایی شەو نوێژی دەکرد ، کە تەواو دەبوو سەری هەڵدەبڕی و دەیوت: گەورەم ، گەر سزام دەی من تۆم خۆشدەوێت، و گەر لێشم خۆشبی
ئەوا هەر تۆم خۆشدەوێت.

• حلية الأولياء

بێئاگا بوون لە مەبەستی زانایان لە دانانی کتێبدا .

لەگەڵ هەندێک مامۆستا گفتوگۆمان بوو ، یەکێکیان وتی مێژووی تەبەری کتێبێکی خراپە ، چونکە مولحیدان بۆ دژی ئیسلام بەکاری دێنن .

ئەمەش لە ئەنجامی بێئاگابوون لە مەبەستی زانایانمان لە دانانی کتێبدا ، لەو مەبەستانە :
١- (الجمع) کۆکردنەوە: مەبەستی زانایان لەمە کۆکردنەوەی هەموو یان زۆربەی ئەوەی دەستیان پێدەگات لە زانیارییەکان دەربارەی زانستێک یان بابەتێکی دیاریکراو لەگەڵ باسکردنی ئەم مەبەستە لە پێشەکی کتێبەکەدا، وەک مێژووی ئیمامی تەبەری و کتێبی (الإتقان في علوم القرآن)ی ئیمامی سیوطي ...... .
ئیدی مەبەستی ئەوان لەم جۆرە نوسینە لێکۆڵینەوە و وردبوونەوە نییە لە مەسەلەکانی ئەو کتێبە بەڵکو وەکو ماددەیەکی خام وایە تا شارەزایانی تر بەکاری بێنن .
٢- (التحقيق و التحریر) لێکۆڵینەوە و ساغکردنەوەی مەسەلەکان :
بەڵام لەمەدا مەبەستی زانایانمان ساغکردنەوەی تەواوی مەسەلەکان و زانیارییەکانە پاش قۆناغی پاڵفتەکاری دادەنرێن و وردبوونەوە و لێکۆڵینەوەیان لێدەکرێت وەک کتێبەکانی ئیمامی نەوەوی بە نموونە.

لە دوای تێپەڕبوونی کاتێکی زۆر دەگەیت بەو شتەی لە خودا داواکردبوو. 🕰️✨
لەوانەیە بیرت چووبێتەوە بەڵام خودا لە بیری نەچووەتەوە. 🤲🙏
موحەممەد متوەلی شەعراوی 📜

کەمێک واز لە کورتە ڤیدیۆ بێنە ، بڕۆ خزمەت وانە درێژەکان .

لەبارەی شەوق و تاسەی دڵ وتراوە:

ئاگرێکە خوای تەعالا لەدڵی دۆستانی خۆی داگیرساندوە، تاوەکو لە دڵیاندا گشت ڕاز و ویست و داواکاری و ختوکەیەک [کە لەو دووریان بخاتەوە] بسوتێنێت، و ئەم شەوقەش لە خۆشەویستییەوە سەرچاوە دەگرێت، جا گەر بەندە پێی بگات ئەوا پەلەی مردنیەتی لەبەر تاسەی گەیشتن بە خوای خۆی ، و هەر لە دونیادا جەزبە دەیگرێت و نزیکە لە خۆشیانا بفڕێت بۆ حزووری زاتی حەق .

[تنوير القلوب في معاملة علام الغيوب: ٥٤٨]
تأليف:  محمد أمين الكردي الإربلي.

هاوڕێی هەمووان ، هاوڕێی کەس نییە.

ئەم وتەیەم لە شوێنێک بینی دراوەتە پاڵ ئەڕەستۆ ، جا نزانم هی ئەوو یان نا ، بەڵام
هی هەر کەسێک بێت زۆر دروستە .

قوڕئان کە توندوتیژیی زۆر لە دژی "دووڕوویی " بەکاردەهێنێت و خراپەیان دەخاتە ڕوو، لەبەر ئەوەیە کە زۆربەی گرفتەکانی جیهانی ئیسلامی لە جۆرەکانی "دووڕوویی" یەوەیە!

ئاماژەکانی ئیعجاز/ ٢٩٣
مامۆستا #سەعیدی_نوورسی

تۆپانە و مەستی

بەجددی تۆپانە ئینسانی زۆر بە توندی مەست ئەکا ، و مێشکت داگیر ئەکات،  لۆیێ ئینسان تا پێی بکرێت وەباشە پاش گەمەی بەزووترین کات مەشغول بوونی بە تۆپانێ ببڕیت ، ئەگەنا شەیدای خۆی ئەکات .
شتەکی دیکەش پێم وایە کە تۆپانە ئەنانییەتی ئیسانی زۆر ئەکا ، زۆر فکر بکۆوە باشە لۆ پشتی فلانە فەریقەی ئەگری و دژی فلانە فەریقەی ، لە ئاخیری ئەگەیە ئەوەی  کە شەڕکردنە لەسەر منییەتی دەروونی خۆت .

ئەوەم بەدری دا هات ، لەوانەیە موبالەغەشم کردبی ، بەس گۆتم با دەگە ئێوەش بەشداری پێبکەم. 

کاتێک منداڵ لە ژینگەیەکی خۆشگوزەران گەورە دەبێت، و گشت داواکارییەکانی جێبەجێ دەکرێت،  هەموو ئەو شتانە بەشتی ئاسایی و سادە تێدەگات ، نەوەک بە نیعمەت لێی بڕوانێ.
لەبەر ئەوە وتراوە :  لەژیاندا زبر بن ، چونکی نیعمەتەکان بەردەوام نابن .

ئەوەی کە گرنگە لەمبارەدا :
بردنی منداڵە بۆ ماڵە هەژارەکان،  ئیدی ئەو کات منداڵەکە دەبینێت کە ئەو شتانەی ئەو هەیەتی شتی ئاسایی و بێ بەها نیین ، و لە چاوی دا گەورە و بە بەها دەبن .

ڕۆژگاری ئێمە ڕۆژگاری بەکەم سەیرکردنی نیعمەت، و کەمکردنەوەی خێرە ، بۆیە نەفسی مرۆڤ لەگەڵ ئولفەت گرتن بە شتەکانەوە پێویستی بە بیر هێنانەوەیە. 

#سەرنج