#Quranic_Reflection ♡

واقصد في مشيك ... واغضض من صوتك
« በአካሄድህም መካከለኛ ኹን ፤ ከድምጽህም ዝቅ አድርግ፡፡» ٣١:١٩ 🥰

ታላቁ ሰው ሉቅማን ልጁን ከመከራቸው ምክሮች ሁሌም በህይወቴ ላይ ተግባራዊ ማድረግን ከምፈልጋቸው ምክሮች በዋነኝነት እነዚህን ሁለቱን ነው! ♡

" ወቅሲድ ፊ መሽዪክ "

በህይወት ጉዞ መንገድ ላይ በዝግታ መራመዱም በፍጥነት መራመዱም እንደማያዋጣ ያስታውሰኛል ፤ ለምንም ስራ ይሁን ሀሳብ ሰከን ያለ እርምጃ እንደሚያስፈልገው ፤ መካከለኛ የሆነው አረማመድ ፤ አንድ በአንድ መሰናክሎችን የሚያልፈው አረማመድ ፤ ኢስቲቃማ ያለው አረማመድ እንደሆነ ይታወሰኛል። 🤎

በሌላ በኩል ደግሞ 'قصد' ማለት ሌላኛው ፍቺው አላማ ማለት ከመሆኑ ጋር ጉዞዬ በአላማ የታጀበ ጉዞ ፤ ከፍ ያለው ግቡ ጋር ለመድረስ ከስር የሚጀምር ጉዞ ፤ ሁሌም አቅጣጫ አመላካቹን አል-ራህማን ፊት ለማስቀደም የሚጥር እና የረሱለላህን ሲራ እንደ ኮምፓስ የሚጠቀም ጉዞ እንደሆነ ያስረዳኛል። 🤎

" ወግዱድ ሚን ሰውቲክ "

በዚህ መካከለኛ እርምጃ ላይ ትልቁ አስኳል ድምፅን ዝቅ ማድረግ ነው ፤ ብዙ ሙፈሲሮች 'መካከለኛው ጉዞ ዝቅ ካለው ያልተንጫጫ ድምፅ ጋር ካልተጣመረ ዋጋ የለውም' ይላሉ።

ያልተንጫጫ ድምፅ ፤ የማይረብሽ አንደበት ፤ ድምፅን ዝቅ አድርጎ መስራት ፤ ጎልቶ መታየትን አለመውደድ(Attention Seeker አለመሆን) ፤ በምንሰራው እና በምንሰጠው ሀሳብ ላይ የሰዎችን Approval አለመጠበቅ ብሎም እጁጉኑ አለመውደድ ፤ ስራችን ብዙ ላይክ/ቪው ይኑረው ትንሽ ላይክ ተመሳሳይ የሆነ ስሜት መሰማት ፤ ትልቁ ነገር ሰዎች ዘንድ Shine ማድረግ ሳይሆን ጌታዬ ዘንድ Shine ማድረግ  እንደሆነ ያመላክተኛል። 😊

👤ናዲያ

📮https://t.me/palestine_history