Navoiylik yoshlar bilan uchrashdik

Bugun xizmat safari bilan Navoiy viloyatida bo‘ldik. Bir qator madaniyat muassasalari faoliyati bilan tanishib, shu bilan birga tashrif davomida navoiylik yoshlar bilan ham uchrashdik.

“Vazir va yoshlar uchrashuvi”da 100 nafarga yaqin yoshlar ishtirok etdi. Do’stona muloqot shaklida o’tgan uchrashuvda yoshlar o’zlarini qiziqtirgan savollarni berdi.

Uchrashuvlarda ishtirok etgan yigit-qizlarning muammolari, yoshlar tomonidan ko‘tarilgan masalalar alohida nazoratga olinib, bosqichma-bosqich yechim qilinmoqda.

Mazkur uchrashuvda yoshlar tomonidan bildirilgan taklif va tavsiyalarni tingladik.

🚀 Telegram / 📷 Instagram

#Yigʻilish
#Muhokama

⚡️ Bugun, 4-noyabr kuni madaniyat vaziri Ozodbek Nazarbekov boshchiligida yig‘ilish o‘tkazildi. Unda, sohada fuqaro murojaatlari hamda ijro intizomi holati yuzasidan o‘tgan 9 oy davomida amalga oshirilgan ishlar muhokama etildi.

✅ Yig‘ilishda vazirning birinchi o‘rinbosari Avazxon Tadjixanov, vazir o‘rinbosari Yusufjon Usmonov, vazirlikning markaziy apparati mas’ul boshqarma boshliqlari hamda hududiy tizim tashkiloti rahbarlari onlayn ishtirok etishdi.

✅ Kun tartibidagi birinchi masala fuqaro murojaatlari yuzasidan har bir hududda amalga oshirilgan ishlar tahlil qilinib, har bir rahbar bir oyda bir marotaba ijtimoiy tarmoqlar orqali onlayn qabulni tashkil etishi lozimligi ta’kidlandi.

✅ So‘ng, navbatdagi masala ijro intizomi holati tanqidiy tahlil qilinib, sustkashlikka yo‘l qo‘yayotgan hudud rahbarlariga belgilangan muddatda topshiriqlarni vaqtida bajarilishini ta'minlashi aks holda mehnat qonunchiligiga muvofiq chora ko‘rilishi haqida ogohlantirildi.

✅ Shuningdek, hududlardagi madaniyat muassasalarining kuz-qish mavsumiga tayyorgarlik holati, qayta tiklanuvchi energiya manbalari - quyosh panellarini o‘rnatish bo‘yicha amalga oshirilgan ishlar hamda yashil makon loyihasi doirasida amalga oshirilgan ishlar muhokama etilib, vazir tomonidan tegishli ko‘rsatmalar berildi.

Telegram | Instagram | Facebook | Veb-sayt

Bugun Jazoir, Misr davlatlarining mamlakatimizdagi Favqulodda va Muxtor Elchilari hamda Gruziyaning O‘zbekistondagi Muvaqqat ishlar vakili bilan uchrashdik

O‘z navbatida, O‘zbekiston boshqa davlatlar va xalqaro tashkilotlar bilan ham konstruktiv va o‘zaro manfaatli hamkorlikni izchil rivojlantirmoqda.

Tashqi siyosatimizdagi bunday amaliy qadamlar jahon hamjamiyati vakillari, xalqaro ekspertlar, turli mamlakatlarning siyosiy arboblari tomonidan haqli ravishda e’tirof etilayotgani bizga katta mamnuniyat bag‘ishlaydi.

Xalqlar o‘rtasidagi do‘stona munosabatlarni shakllantirish, o‘zaro hurmat, bir-birini anglash, foydali hamkorlikni yo‘lga qo‘yishda Favqulodda va Muxtor Elchilarning o‘rni beqiyosdir.

Bugun yer yuzidagi 3 ta yirik davlatlarning yurtimizdagi vakillari bilan uchrashdim. Xususan, kunning birinchi qismida Jazoir Xalq Demokratik Respublikasining O‘zbekistondagi Favqulodda va Muxtor Elchisi Muhammad Irki hamda Gruziyaning Oʻzbekistondagi Muvaqqat ishlar vakili David Kotaria bilan uchrashgan bo’lsam, kunning ikkinchi yarmida Misr Arab Respublikasining O‘zbekistondagi Favqulodda va muxtor elchisi Tamer Fatxi Abdusalom bilan uchrashib davlatlarimiz o‘rtasidagi o‘zaro hamkorlik aloqalari hamda madaniy aloqalar xususida fikr almashdik.

Jazoir, Misr davlatlarining mamlakatimizdagi Favqulodda va Muxtor Elchilari hamda Gruziyaning Oʻzbekistondagi Muvaqqat ishlar vakili bilan o‘tkazilgan ehtirom uchrashuvlari o‘zaro hurmat va yuqori darajada bo‘lib o‘tdi.

🚀 Telegram / 📷 Instagram