- اصبر قليلاً فبعد العسر تيسير وكل أمر له وقت وتدبير.. إذا كان الصبر مراً فعاقبته حلوة.. وبشر الصابرين.🤍

‏"إنّي أتيتُكَ والهُمومُ تَحفُّنِي
يا ربِّ فرِّج كُربةَ المكروبِ".

بص هكلمك بصراحة صيام 14 ساعة فالحر ده مش حاجة سهلة أكيد
بس انا عايزك تفتكر ذنوبك السنة اللي فاتت كلها وتعرف أن ربنا هيغفرلها لك لو صومت بكرة
وتعرف أن الجنة غالية ولازم تتعب علشانها
وتعرف أن ربنا هيعينك على الطاعة فمتحسبهاش بحساباتك دي
استعن بالله وصوم وعرف غيرك وخد الأجر وربنا هيعينك

واه صحيح علشان السؤال بيتكرر ينفع أصوم بكرة وأنا مصومتش النهاردة ؟
ايوة عادي تصوم بكرة بس .. صوم بقا ومتتحججش

حَتَّىٰ إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ لَعَلِّي أَعْمَلُ صَالِحًا فِيمَا تَرَكْتُ

عارفين .؟
في لحظة معينة… بيڪون الابتلاء تقيل أوي على قلبك وبتحس إنك مش قادر تتحمله وإنك خلاص على وشك تنهار..
تبقى حاسس إن الدنيا سودة وإن مفيش بعدها نور… بس فجأة تيجي الفڪرة اللي بتهوِّن وهي " أڪيد فـي عـوض! "
أڪيد ربنا مش هيسيبك بعد ڪل التعب ده من غير ما يفرّحك بحاجة تليق بڪل الصبر ده..
وده معنى " حُـسن الظـن باللـه "
إنك في عزّ الابتلاء تفضل متمسك بيقين جوه قلبك إن العوض جاي
إمتـى؟ مش مهـم..
المهم إنك واثق وده ڪفاية يطمنك ويهديك
خليني أقولك ع ڪام حاجه ممڪن تريحك شوية ( من تجربة إنسانة بتحاول ) :

- افتڪر ڪام مرة ڪنت فاڪر إنك مش هتعدي المحنة وعدّت بلُطف ربنا.
- افتڪر إن ربنا قال :
"لا يُكَلِّفُ اللَّهُ نَفْسًا إِلَّا وُسْعَهَا"
يعني أنت قد ڪل حاجة بتحصلك حتى لو قلبك مش مصدّق دلوقتي.

- اشغل وقتك بحاجات تخلّيك أقوى يعني
أقرب لربنا
أنجح
راجع قرآنك
طوّر من نفسك
امسك حلمك بإيدك وحاول توصله

وڪلّ ما تحس إنك ضعيف أو مش قادر قول " يـآرب "

واللـه المستعـان🤍'.

يَوَدُّ الواحِد منَّا
أن يُغمِّض عَينيهِ ويَفتحهُما في الجنّة .

•
في هذا الحر الشديد، أول شيء وقع في نفسي لما شوفت الصورة دي -ولله المثل الأعلى- أن يكون المرء في ظل الله عز وجل يوم القيامة، يوم لا ظل إلا ظله!

قال صلى الله عليه وسلم:
سَبْعَةٌ يُظِلُّهُمُ اللَّهُ في ظِلِّهِ، يَومَ لا ظِلَّ إلَّا ظِلُّهُ:
• الإمَامُ العَادِلُ
• وشَابٌّ نَشَأَ في عِبَادَةِ رَبِّهِ
• ورَجُلٌ قَلْبُهُ مُعَلَّقٌ في المَسَاجِدِ
• ورَجُلَانِ تَحَابَّا في اللَّهِ اجْتَمعا عليه وتَفَرَّقَا عليه
• ورَجُلٌ طَلَبَتْهُ امْرَأَةٌ ذَاتُ مَنْصِبٍ وجَمَالٍ، فَقَالَ: إنِّي أخَافُ اللَّهَ
• ورَجُلٌ تَصَدَّقَ، أخْفَى حتَّى لا تَعْلَمَ شِمَالُهُ ما تُنْفِقُ يَمِينُهُ
• ورَجُلٌ ذَكَرَ اللَّهَ خَالِيًا فَفَاضَتْ عَيْنَاهُ.
المصدر : صحيح البخاري

اللهم أظلنا بظلك يوم لا ظل إلا ظلك، اللهم اسقنا وارونا يوم العطش الأكبر، اللهم أجرنا من النار وأدخلنا الجنة بلا حساب ولا سابقة عذاب، برحمتك لا بعملنا، فإن ظننا فيك لا يخيب يا أرحم الراحمين.. آمين

في آية في القرآن بتقول: " فسيكفيكهم الله "
مؤخرا عرفت معناها الجميل وهو يعنى أن ..
ربنا عليم بحالك كلهُ، عليم باللي بيوجعك وباللي بيخطط انهُ يأذيك، و بيتكلم عنك، عليم بكّيد كل واحد،
وربنا وقتها هوّ اللى هيتصدىّ ليهم .
ربنا هيكفيك ويغنيك عن كل واحد خذلك،
هيعوضك عن الألم واليأس، هيغنيك بحبه عن احتياجك لخلقِه ،
بشكل أوضح محدش هيقّدر يقرب منك غير لو كان فى قربهُ خير ليك لأن ربنا رحيم بعباده .
فاللهم اكفنا شر من ينطبق عليهم قولك الحق :
{وَمِنَ النَّاسِ مَن يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَىٰ مَا فِي قَلْبِهِ وَهُوَ أَلَدُّ الْخِصَامِ} .

يا جماعة مافيش حاجة اسمها (اللهم هوِّن علينا حر جهنم) يعنى معناها انو داخل جهنم ويدعي ربنا يهونها عليه❎❎❎ !
اسمها (اللهم قِنا حر جهنم) أو (أعذنا من حر جهنم)
أو (أجرنا من حر جهنم)✅ ..
"فاللهم أجرنا من النار ومن حرها وهون علينا حر الدنيا"🤍

أحيانًا يمر على قلبي شعور بالحنين الجارف ناحية القرآن، وأودّ لو طويته ووضعته بقلبي على وجه الحقيقة لا المجاز، فيستوعبه قلبي وأرى أثر النور في روحي!
أسأل الله أن يعفو عن تقصيري في حقه، ويسامح غفلتي عنه، وأن يقبضني وأنا واسعة الخطو في السير إليه.

‏شكاوى السجود لا تُرد أبدا ..

قيام الليل يرحمكم الله.

الإنتكاسة اللي بتيجي بعد همَّة عالية ، هي أصعب شيء بيمرّ على قلب وفكر الإنسان

منين امبارِح كنت ناوي أحسِّن كل شيء وآخد خطوة تغيير وعندي همّة وعزم!
وإزاي النهاردة محدش هيصدق إنك مش عارف تفوق! حتى رفع جِفن عينيك تقيل عليك!

فترة منقدرش عليها إلا بمعونة ربنا بجد

ومش بيهوّنها سوى حديث الإنسان مع نفسه دائمًا "إنها فترة وهتعدي" ويفضل يكررّ الكلمات دي لحد ما يخرّج الطاقة الاعتراضية اللي جوّاه ويحس إنه بدأ يفوق

ولا حول ولا قوة إلا بالله ..

الواحد عدى بمواقِف لو اتقالُّه قبلها إنِّه هيمُر بيها ، أقلّ شيء كان هيصيبه هلع وفزع مالوش وصف !
ومع ذلك تجاوزها ..
الإنسان منَّا ميعرفش قُدُراتِه ، ميعرفش سِعَة نفسه ، بمجرَّد دخول الإنسان في محنِته ، يظُنّ أنَّه سيهلَك ، ولكن يصدُق قول الله عزّ وجلّ : "لا يُكلِّف الله نفسًا إلا وسعها" ، فَيلاقي جواه ثبات وقوَّة وصبر ميعرفش مصدرهم ! ولكنهم لُطف ويُسر مَن كتب عليه المحنَة !
"لا يُكلِّف الله نفسًا ، إلا ما آتاها"
"كنتُ أعتقِد أنَّها لنّ تمرّ ، ولكنَّها - بفَضل اللّٰه - مرَّت" 💗

لَا أَشْكُو وَلَكِنْ أَرْجُو

أَرْجُو رَحْمَتُكَ اَلَّتِي وَسَّعَتْ كُلَّ شَيْءِ
أَنْ تَسَعَنِي.💓

صلُّوا على غيث القلوب وريِّها
‏خير الخلائقِ رحمة الرحمن ﷺ.

الواحد عانى كتير، مكانش بينجده غير ركعتين بيصيليهم ويشكي لربنا

دولقت لا عاد فيه قلب الواحد يعمل كدا ولا بربع جنيه إيمان حتى يقووني أشد حيلي

الواحد مش عايز العمرة لمجرد إنها شعيرة تعبدية، لكنها بالنسبالي روح ترجعني حي من تاني

ربنا يرزقني بيها من غير حول مني ولا قوة عاجلا غير آجل

كنت بستعجب إزاي أبو هريرة بيسبح ربنا 12 ألف تسبيحة يوميا يعني 3ساعات
لقيتها عادي ممكن واحد يشاهد مباراة 3 ساعات ب التحليل
هي اهتمامات وأولويات
3 ساعات ممكن 10 آلاف استغفار!
3 ساعات ممكن 5 أجزاء وتختم كل أسبوع
3 ساعات ممكن تحفظ فيهم 20 حديث
3 ساعات ممكن تقرأ فيهم كتاب أو 100 صفحة من كتاب نافع
بس هي أولويات واهتمامات
وإنا لله وإنا إليه راجعون علي أوقاتنا الضائعة

يارب جئتُكَ والأحمالُ مُرهِقةٌ
أمشي إليك من التقصير في خجلِ

أسألك بعزتك أن تعفُ عني وتغفر لي ..

‏يقول ابن القيم
من أراد إنشراح الصدر ، وغُفران الذنب ، وتفريج الكرب ، وذهاب الهَم فليُكثر من الصلاة على النبي ﷺ