አንቶኒ ጆሹዋ ጦማሪውን ጄክ ፖልን በማንኳኳት መንጋጋውን በሁለት ቦታ ሰበረ።

ኢያሱ ጳውሎስን ደጋግሞ ደበደበው እና በ6ኛው ዙር ጨዋታውን በመምታት አጠናቋል።

በታይዋን ውስጥ የሽብር ጥቃት: አንድ የሥነ ልቦና ሦስት ሰዎችን በስለት ወግቷል, ሌሎች አምስት ቆስለዋል

ከዚህ ቀደም ጥፋተኛ ተብሎ የተፈረደበት የ27 ዓመት ወጣት በታይፔ ዋና ጣቢያ የጭስ ቦምቦችን ተጠቅሞ ወደ አንድ የምድር ውስጥ ባቡር ጣቢያ በመሄድ በዘፈቀደ መንገድ አላፊዎችን በቢላ ማጥቃት ጀመረ። አጥቂውን ለመቋቋም ሲሞክር የ57 አመት ሰው ህይወቱ አልፏል።

ከዚህ በኋላ ወንጀለኛው አምልጦ እራሱን ከህንጻው ላይ በመጣል እራሱን አጠፋ።

🇪🇹🇷🇺 የሞስኮ “የአቶም ሙዝየም” ድንቅ ቦታ – የኢትዮጵያ ኒውክሌር ኃይል ኮሚሽነር

🏛 ሳንዶካን ደበበ በራሲያ ፌደሬሽን እያደረጉ ባሉት ቆይታ በዋና ከተማዋ ሞስኮ የሚገኘውን ግዙፉን “የአቶም ሙዝየም” መጎብኘታቸውን ገልጸዋል።

ኮሚሽነሩ ጉብኝታቸውን ተከትሎ በማኅበራዊ የትስስር ገጻቸው ላይ ባሰፈሩት የአድናቆት ጽሑፍ “ከኒውክሌር ተክኖሎጂ ታሪካዊ ጅማሮ እስከ ዘመኑ የደረሰበትን የአቶሚክ ኃይልና ተያያዥ ወጤቶች በአንድ ጣሪያ ውስጥ መመልከት የሚያስችል ድንቅ ቦታ ነው።” ብለዋል፡፡

🤝 ታህሳስ 9፣ በሳንዶካን ደበበ በተመራ ልዑክ ሩሲያ እና ኢትዮጵያ ከፍተኛ የኒውክሌር ኃይል ማመንጪያ ጣቢያ በኢትዮጵያ መገንባት በሚቻልበት መንገድ ዙሪያ ከሮሳቶም ኃላፊዎች ጋር በሞስኮ ውይይት አድርጓል፡፡

ሞት ተፈርዶበታል !

በዓዲግራት የዩኒቨርሲቲ ሰራተኛዋን የገደለው ግለሰብ በሞት እንዲቀጣ ተወሰነ።

በትግራይ ክልል ምስራቃዊ ዞን ዓዲግራት ከተማ ዙሪያ አንዲትን የ25 ዓመት ወጣት አስገድዶ በመድፈር እና በአሰቃቂ ሁኔታ በመግደል የተከሰሰው ግለሰብ ከስምንት ወራት እልህ አስጨራሽ የምርመራ ሂደት በኋላ በሞት ቅጣት እንዲቀጣ ተወሰነበት።

እንደ ትግራይ ክልል ፖሊስ መረጃ፣ የካቲት 6 ቀን 2017 ዓ.ም ተከሳሹ የዓዲግራት ዩኒቨርሲቲ ሰራተኛ በሆነችው ወጣት መኖሪያ ቤት ሰላማዊ ሰው መስሎ ዘልቆ ይገባል። ሆኖም ብዙም ሳይቆይ በሩን ከውስጥ በመቆለፍ ወጣቷን አስገድዶ ይደፍራታል።

ወንጀለኛው ፀያፍ ተግባሩን ፈጽሞ ከቤት ሊወጣ ሲል ተበዳይዋ " ለፈጸምከው በደል ህግ ዋጋህን ይከፍልሃል " ትለዋለች።

ይህ ጠንካራ ምላሽ ያስቆጣው ገዳይ ወጣቷን 12 ቦታ በስለት ከወጋት በኋላ በገመድ አንቆ ህይወቷ እንዲያልፍ አድርጓል።

ድርጊቱን ከፈጸመ በኋላም የሟችን ስልክ ይዞ ይሰወራል።

ግድያው የተፈጸመው በጨለማ ተገን በማድረግ እና ምስክር በሌለበት ሁኔታ በመሆኑ የፖሊስን የምርመራ ሂደት እጅግ አዳጋች አድርጎት ቆይቷል።

ሆኖም ለአካሄዱ ትልቅ ፍንጭ የሆነው አንዲት ወጣት የሰጠችው ጥቆማ ነበር።

ይህች ወጣት፥ ግለሰቡ ስልኳን በሃይል ነጥቆ መውሰዱን፤ ወደ እህቱ ደውሎ "ሰው ገድያለሁ፣ ተስፋ ቆርጫለሁና ከአገር ለመውጣት ገንዘብ ላኪልኝ " ሲል መስማቷን ለፖሊስ አሳውቃለች።

ፖሊስ ያገኘውን ጥቆማ መሰረት በማድረግ ባደረገው ከፍተኛ ክትትል ገዳዩ በቤተሰቦቹ ቤት ተደብቆ ከቆየ በኋላ በአፋር በኩል ከአገር ለማምለጥ ሲሰናዳ በቁጥጥር ስር ውሏል።

ጥቆማ የሰጠችው ወጣትም ግለሰቡን ለይታ በማመልከት በምርመራው ሂደት ትልቅ እገዛ አድርጋለች።

ተከሳሹ በተደረገበት ምርመራ ወንጀሉን መፈጸሙን በአንደበቱ አምኗል። በዚህም መሠረት ፍርድ ቤቱ ግለሰቡን በሦስት ዋና ዋና ወንጀሎች ማለትም፦
• በአስገድዶ መድፈር
• ግፍ በተሞላበት ግድያ
• በቅሚያ ጥፋተኛ ሆኖ በማግኘቱ #በሞት እንዲቀጣ ወስኖበታል።

ፖሊስ ሟች ከመሞቷ በፊት የተናገረችውን ቃል በማስታወስ " ህግ ዋጋህን ይሰጥሃል ብላው ነበር ፤ ቃሏ ተግባር ሆነና ህግ ፍትህን ሰጠ፤ ገዳይንም በሞት ተቀጣ " ብሏል።

መረጃውን ከትግራይ ፖሊስ ነው ያገኘነው።

ቲክቫህ ኢትዮጵያ
መቐለ
መጋቢት 28 ቀን 2018 ዓ/ም

@tikvahethiopia

#Update

" የታሰሩት ሰዎች 7 ድርሰዋል። ... እስካሁን ፍርድ ቤት የቀረቡት 2 ናቸው " - የቴዲ አፍሮ የስራ ባልደረባ (ለዶቼ ቨለ ሬድዮ ጣቢያ)

➡ " ለጊዜው በፍርድ ቤት በተያዘ ጉዳይ ላይ መረጃ ለመስጠት አልችልም " - ፖሊስ

ከዚህ ቀደም የአርቲስት ቴዎድሮስ ካሳሁን (ቴዲ አፍሮ) አልበም "ኢቶሪካ" መውጣቱን ተከትሎ በዙሪያው ባሉ ሰዎች ላይ ጫና ስለመድረሱ፣ ምክትል ማነጀሩ ሃና ሰለሞን እና የረጅም ጊዜ ጓደኛው ዩሱፍ ያሲን መታሰራቸው መነገሩ ይታወሳል።

አሁን ላይ ከአርቲስቱ ጋር ቅርበት ያላቸውና በቁጥጥር ስር የዋሉ ሰዎች ሰባት ስለመድረሳቸው የጀርመን ድምጽ ሬድዮ ጣቢያ (ዶቼ ቨለ) ዘግቧል።

ለሬድዮ ጣቢያው ቃላቸውን የሰጡ ስማቸው ይፋ እንዲደረግ ያልፈቀዱ ከቴዲ አፍሮ ጋር የቅርብ የሥራ ግንኙነት ያላቸው ግለሰብ " ተጨማሪ ሰዎች መታሰራቸን " ገልጸዋል።

" ከቅርብ ጓደኛው አቶ ዩሱፍ ያሲን እና አዲስ የሙዚቃ ሥራዎቹ በዩትዩብ መድረክ ማስታወቂያ እንዲታጀቡ አስፈላጊ ሂደቶችን ለማመቻቸት ጀምራ ከነበረው ወይዘሮ ማኅሌት ሰለሞን (በትክክለኛ ስሟ ሃና ሰለሞን) ሌላ ሁለት የቴዲ አፍሮ ስቱዲዮ ጠባቂዎችም ታስረዋል " ብለዋል።

በተጨማሪም " ከአርቲስቱ ድረገጽ ጋር የተያያዙ ሥራዎችን የሚሠራ አንድ ሰው፤ እንዲሁም ሞምባሳ በተደረገው የሙዚቃ ድግስ (ኮንሰርት) ላይ ተሳትፎ የነበራቸው ሌሎች ሁለት ሰዎችም በዚሁ ሰሞን ተይዘዋል "  ሲሉ ለሬድዮ ጣቢያው ተናግረዋል።

" የታሰሩት አዲስ አበባ ሲኤሚሲ በሚባለው አካባቢ የሚገኘው የቴዲ አፍሮ ስቱዲዮ ጠባቂዎች ድርጊቱ በተፈጸመ ዕለት ሚያዝያ 15 ምሽት ሦስት ሰዓት ገደማ ስቱዲዮውን በዘረፉት አካላት ድብደባ ደርሶባቸዋል " ብለዋል።

" በዚህ ስፍራ ኤ እና ቢ ያሏቸው ሁለት ስቱዲዮዎች ነበሩ ፤ የተጠቀሱት አካላት በገመድ አምስተኛ ፎቅ ወደሚገኘው የአርቲስቱ ስቱዲዮ ለመግባት ሞክረው ሳይሳካላቸው ሲቀር በበር ለመግባት ሲሉ በመከላከላቸው ደብድበዋቸው ሰብረው በመግባት ከሁለቱም ስቱዲዮዎች ፦
- ሁለት ላፕ ቶፖች፤
- አራት ስፒከሮች፤
- የተለያዩ መሣሪያዎችን ወስደዋል " ብለዋል።

" የተሰባበሩ ነገሮችም አሉ በአጠቃላይ ስቱዲዮውን ከጥቅም ውጪ አድርገውት ወጥተዋል " ሲሉ አክለዋል።

ሆኖም ግን " በማኅበራዊ መገናኛ ብዙኀን የሚዘዋወሩ ፎቶዎች እውነተኛ አይደሉም " ብለዋል።

" ከታሠሩት ውስጥ እስካሁን ፍርድ ቤት ሁለቱ ማለትም አቶ ያሲን እና ወ/ሮ ማኅሌት (ወ/ሮ ሃና) ብቻ ቀርበዋል። በእነሱ ላይም ፖሊስ የ14 ቀን የጊዜ ቀጠሮ ጠይቆባቸዋል " ሲሉ እኚሁ የአርቲስቱ የስራ ባልደረባ ለሬድዮ ጣቢያው አስረድተዋል።

ፖሊስ ምን አለ ?

የጀርመን ድምጽ ሬድዮ ከፌደራል ፖሊስ መረጃ ለማጣራት ጥረት ማድረጉን ገልጿል።

ስለታሠሩት እንዲሁም ፍርድ ቤት ቀርበው የ14 ቀን ጊዜ ተጠየቀባቸው ስለተባሉት ሰዎች በተመለከተ የተጠየቁት የፌደራል ፖሊስ የሕዝብ ግንኙነት ኃላፊ ጀላን አብዲ ፤ " ለጊዜው በፍርድ ቤት በተያዘ ጉዳይ ላይ መረጃ ለመስጠት አልችልም " ሲሉ መልሰዋል።

ከዚህ ቀደም ቲክቫህ ኢትዮጵያ ስለ ስቱዲዮ ዝርፊያውና እየተደረገ ነው ስለተባለው ጫና ያነጋገራቸው በፌዴራል ፖሊስ የወንጀል ምርመራ ጠቅላይ መምርያ የወንጀል ምርመራ ኦፕሬሽን ዋና መምሪያ ኃላፊ ም/ኮሚሽነር ሙሊሳ አብዲሳን ፤ " የፌደራል ፖሊስ እንደዚህ አይነት ውንብድና አይሰራም። ስብእናውም አይደለም። የሚሰራው በህግና በህግ ብቻ ነው " ሲሉ መልሰዋል።

" ብዙ ኦፕሬሽኖችን እንሰራለን በነዚህ ኦፕሬሽኖች ውስጥ ከእሱ (ከቴዲ አፍሮ) ጋር የሚገናኙ እኛ ያደረግነው ነገር የለም " ሲሉም ገልጸዋል።

" ቴዲ አፍሮ የኢትዮጵያ ፌዴራል ፖሊስ ተጠርጣሪ እንዳልሆነ ፣ በእሱ ላይ ምንም አይነት ምርመራ እንዳልተደረገ / የምርመራ ስራ እንዳልተሰራ ፣ እንዲሁም ከእሱ ጋር የሚገናኝ ጥቆማ ለፖሊስ እንዳልደረሰውና ፌዴራል ፖሊስ እሱ ላይ አንድም ነገር እንዳላደረገ ፤ ህዝቡም ይሄን እንዲያውቅ " ነበር የገለጹት።

ኮሚሽነር ሙሊሳ አብዲሳ " እሱ አርቲስት ነው ሙዚቃውን አውጥቷል ፤ ቤቱ ነው ያለው በስርዓት እየኖረ ነው ያለው ፤ በእሱ ላይ የተደረገ ምንም አይነት ነገር የለም። ... የሙዚቃ መሳሪያው ተወሰደ ተብሎ የተወራውም ውሸት ነው ፎቶውም AI ነው " ሲሉ ገልጸው " ሌላ የፖለቲካ ፍላጎት ያላቸው ሰዎች እሱን መጠቀሚያ ለማድረግ እየሰሩ ነው " ብለው ነበር።

አርቲስት ቴዎድሮስ ካሳሁን (ቴዲ አፍሮ) ከአልበሙ መውጣት ጋር ተያያዞ እስካሁን እየተነሱ ስላሉት ጉዳዮች በይፋ በማኔጅመንት ክፍሉ በኩል የሰጠው ማብራሪያ የሌለ ሲሆን የሚሰጥ ከሆነ ተከታትለን እናቀርባለን።

ሚያዚያ 26 ቀን 2018 ዓ/ም

#TikvahEthiopia

@tikvahethiopia